Connect with us

Sports

സമ്മര്‍ദ്ദത്തില്‍ ക്രിക്കറ്റ് ഓസ്‌ട്രേലിയ ആജീവനാന്തം വരും

Published

on

 

ജോഹന്നാസ്ബര്‍ഗ്ഗ്: പന്ത് ചുരണ്ടല്‍ വിവാദത്തില്‍ അടിയന്തിര അന്വേഷണം നടത്താന്‍ ക്രിക്കറ്റ് ഓസ്‌ട്രേലിയ ചീഫ് എക്‌സിക്യൂട്ടീവ് ജെയിംസ് സതര്‍ലാന്‍ഡ് ഇന്ന് ജോഹന്നാസ്ബര്‍ഗ്ഗിലെത്തും. ക്രിക്കറ്റ് ഓസ്‌ട്രേലിയ എക്‌സിക്യൂട്ടീവ് അംഗങ്ങളായ ലെയിന്‍ റോയ്, പാറ്റ് ഹൊവാര്‍ഡ് എന്നിവര്‍ ഇന്നലെ ദക്ഷിണാഫ്രിക്കയില്‍ എത്തിയതായി സതര്‍ലാന്‍ഡ് പറഞ്ഞു. കേപ്ടൗണിലെത്തിയ അവര്‍ അന്വേഷണം ആരംഭിച്ചിട്ടുണ്ട്. ഇന്ന് താന്‍ അവരെ കാണുമെന്നും കാര്യങ്ങള്‍ തിരക്കുമെന്നും തുടര്‍ന്ന് നടപടി എടുക്കുമെന്നും അദ്ദേഹം പറഞ്ഞു.
കനത്ത സമ്മര്‍ദ്ദത്തിലാണ് ക്രിക്കറ്റ് ഓസ്‌ട്രേലിയ. വലിയ ശിക്ഷ തന്നെ വേണ്ടിവരുമെന്ന വ്യക്തമായ മുന്നറിയിപ്പ് അവര്‍ക്ക് ലഭിച്ചിട്ടുണ്ട്. ഓസീസ് മാധ്യമങ്ങള്‍ തന്നെ വന്‍ പ്രാധാന്യമാണ് വാര്‍ത്തക്ക് നല്‍കിയത്. നാടിന് നാണക്കേട് എന്ന തരത്തിലാണ് ചര്‍ച്ചകള്‍. മുന്‍കാല താരങ്ങളും സ്റ്റീവന്‍ സ്മിത്തിനെതിരെ രംഗത്ത് വന്നിട്ടുണ്ട്.
സതര്‍ലാന്‍ഡ് ഇന്ന് എത്തുമ്പോള്‍ അദ്ദേഹവുമായി സംസാരിക്കാന്‍ താരങ്ങള്‍ക്ക് അവസരമുണ്ടാവും. പക്ഷേ സ്മിത്തും സംഘവും തന്നെ കുറ്റം സമ്മതിച്ച സാഹചര്യത്തില്‍ കര്‍ക്കശ നടപടി ഉറപ്പാണ്.
കായിക ലോകം നിറയെ ഇന്നലെ ഒന്നാം പേജ് വാര്‍ത്തയായിരുന്നു ക്രിക്കറ്റില്‍ ഓസീസ് വരുത്തിയ നാണക്കേട്. ക്രിക്കറ്റ് രാജ്യങ്ങളിലെ പത്രങ്ങളില്‍ മാത്രമല്ല ലോക സ്‌പോര്‍ട്‌സ് വാര്‍ത്തകളിലെ രണ്ട് ദിവസങ്ങളിലായി കേപ്ടൗണ്‍ ടെസ്റ്റും ഓസ്‌ട്രേലിയന്‍ ടീമിന്റെ ചെയ്തികളുമാണ്. ബ്രിട്ടിനിലെ ഏറ്റവും സര്‍ക്കുലേഷനുള്ള പത്രമായ ഡെയ്‌ലി ടെലഗ്രാഫ് ഓസീസ് ടീമിന്റെ തൊപ്പിയുടെ വലിയ ചിത്രവുമായി ഷെയിം എന്ന തലക്കെട്ടാണ് ഒന്നാം പേജില്‍ പ്രധാന വാര്‍ത്തായയി നല്‍കിയതെങ്കില്‍ സണ്‍ഡേ ടൈംസ് ചീറ്റ്‌സ് എന്ന പേരിലാണ് ഓസീസിനെ കുരിശിലേറ്റിയത്. ഓസീസ് പത്രങ്ങളെല്ലാം ടീമിന്റെ ചെയ്തികളെ നഖശിഖാന്തം എതിര്‍ത്തപ്പോള്‍ സ്റ്റീവന്‍ സ്മിത്തിനെ ആജീവനാന്തം വിലക്കണമെന്ന ആവശ്യമാണ് പല പത്രങ്ങളും ഉന്നയിച്ചത്. ഓസ്‌ട്രേലിയയിലെ പ്രമുഖ പത്രമായ ഹെറാള്‍ഡ് സണ്‍ എല്ലാവരെയും പുറത്താക്കു എന്ന തലക്കെട്ടിലാണ് ഇറങ്ങിയത്. ഡേവി##് ബുക്കാനന്‍ എന്ന മുന്‍ കോച്ച് സ്റ്റീവന്‍ സ്മിത്ത്, കോച്ച് ലെഹ് മാന്‍ എന്നിവര്‍ക്കെതിരെ രംഗത്ത് വന്നിട്ടുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

പാരീസ് ഒളിംപിക്‌സ്: ഇന്ത്യൻ വനിതാ അമ്പെയ്ത്ത് ടീം ക്വാർട്ടറിൽ

ദീപിക കുമാരി, അങ്കിത ഭക്ത്, ഭജന്‍ കൗര്‍ എന്നിവരടങ്ങുന്ന ടീമാണ് നേരിട്ട് ക്വാര്‍ട്ടര്‍ ഫൈനല്‍ ഉറപ്പിച്ചത്.

Published

on

പാരിസ് ഒളിംപിക്സില്‍ ഇന്ത്യയ്ക്ക് ഉജ്ജ്വല തുടക്കം. വനിതകളുടെ അമ്പെയ്ത്തില്‍ ഇന്ത്യ ക്വാര്‍ട്ടര്‍ ഫൈനലിലേക്ക് മുന്നേറി. ദീപിക കുമാരി, അങ്കിത ഭക്ത്, ഭജന്‍ കൗര്‍ എന്നിവരടങ്ങുന്ന ടീമാണ് നേരിട്ട് ക്വാര്‍ട്ടര്‍ ഫൈനല്‍ ഉറപ്പിച്ചത്. 1983 പോയിന്റോടെ റാങ്കിങ് റൗണ്ടില്‍ നാലാം സ്ഥാനത്തെത്തിയാണ് ടീം ക്വാര്‍ട്ടറിലെത്തിയത്.

സൂപ്പര്‍ താരം ദീപിക ഫോം കണ്ടെത്താന്‍ ബുദ്ധിമുട്ടിയപ്പോള്‍ അങ്കിതയാണ് ഇന്ത്യയ്ക്ക് വേണ്ടി തിളങ്ങിയത്. അങ്കിത 11-ാം സ്ഥാനത്തെത്തി. അതേസമയം ഭജന്‍ കൗര്‍ 22-ാം സ്ഥാനത്തും ദീപിക കുമാരി 23-ാം സ്ഥാനത്തുമായാണ് ഫിനിഷ് ചെയ്തത്.

മത്സരത്തില്‍ 2046 പോയിന്റുമായി ദക്ഷിണ കൊറിയയാണ് ഒന്നാമതെത്തിയത്. 1996 പോയിന്റ് നേടി ചൈന രണ്ടാമതും 1986 പോയിന്റുമായി മെക്സിക്കോ മൂന്നാമതും ഫിനിഷ് ചെയ്തു. ജൂലൈ 28ന് നടക്കുന്ന ക്വാര്‍ട്ടര്‍ ഫൈനലില്‍ ഫ്രാന്‍സ്- നെതര്‍ലന്‍ഡ്സ് മത്സരത്തിലെ വിജയിയെയാണ് ഇന്ത്യ നേരിടുക.

Continue Reading

Football

ഒളിംപിക്‌സ്: മൊറോക്കോയ്‌ക്കെതിരായ മത്സരത്തിലെ അനിഷ്ട സംഭവങ്ങള്‍; ഫിഫയ്ക്ക് പരാതി നല്‍കി അര്‍ജന്റീന

ഫിഫയുടെ അച്ചടക്ക സമിതി മുമ്പാകെയാണ് അര്‍ജന്റീന ഔദ്യോഗികമായി പരാതി നല്‍കിയത്.

Published

on

ഒളിംപിക്‌സ് ഫുട്ബോളില്‍ മൊറോക്കോയ്ക്കെതിരേ ഇന്നലെ നടന്ന ഉദ്ഘാടന മത്സരത്തിലെ നാടകീയ സംഭവങ്ങളില്‍ ഫിഫയ്ക്ക് പരാതി നല്‍കി അര്‍ജന്റീന ഫുട്ബോള്‍ അസോസിയേഷന്‍. ഫിഫയുടെ അച്ചടക്ക സമിതി മുമ്പാകെയാണ് അര്‍ജന്റീന ഔദ്യോഗികമായി പരാതി നല്‍കിയത്.

ഒന്നിനെതിരേ 2 ഗോളുകള്‍ക്ക് മൊറോക്കോ മുന്നിട്ടുനില്‍ക്കേ 16 മിനിറ്റ് ഇന്‍ജുറി ടൈം അനുവദിച്ച മത്സരത്തിന്റെ അവസാന നിമിഷം അര്‍ജന്റീന സമനില ഗോള്‍ നേടിയിരുന്നു. ഇതിനു പിന്നാലെ മൊറോക്കന്‍ കാണികള്‍ മൈതാനത്തേക്കിറങ്ങി അക്രമാസക്തരായതോടെ റഫറി മത്സരം നിര്‍ത്തിവെയ്ക്കുകയായിരുന്നു. അര്‍ജന്റീന താരങ്ങള്‍ക്കുനേരേ പടക്കമേറും കുപ്പിയേറുമുണ്ടായി. കളി തീര്‍ന്നെന്നാണ് ഇതോടെ എല്ലാവരും കരുതിയത്. പക്ഷേ സുരക്ഷാ നടപടികളുടെ ഭാഗമായി അധികൃതര്‍ മത്സരം നിര്‍ത്തി വയ്ക്കുകയായിരുന്നുവെന്ന് പിന്നീട് വിശദീകരണം വന്നു.

പിന്നാലെ ഒന്നര മണിക്കൂറിന് ശേഷം വാര്‍ പരിശോധിച്ച റഫറി അര്‍ജന്റീന നേടിയ രണ്ടാം ഗോള്‍ ഓഫ് സൈഡാണെന്ന് വിധിച്ച് ഗോള്‍ നിഷേധിക്കുകയായിരുന്നു. ഇതോടെ മത്സരം അര്‍ജന്റീന തോറ്റു. രണ്ട് മണിക്കൂര്‍ കഴിഞ്ഞ് കാണികളെ സ്റ്റേഡിയത്തില്‍ നിന്ന് ഒഴിപ്പിച്ച് മത്സരം പുനരാരംഭിക്കുകയും ചെയ്തു. മൂന്നു മിനിറ്റും 15 സെക്കന്‍ഡുമാണ് പിന്നീട് മത്സരം നടത്തിയത്. ഈ സമയത്ത് ഗോള്‍ നേടാന്‍ അര്‍ജന്റീനയ്ക്ക് സാധിച്ചതുമില്ല.

മൊറോക്കന്‍ കാണികള്‍ മൈതാനത്തേക്ക് അതിക്രമിച്ച കടന്ന ശേഷം റഫറി താത്കാലികമായി നിര്‍ത്തിവെച്ച മത്സരം പുനരാരംഭിക്കാന്‍ കളിക്കാര്‍ക്ക് ലോക്കര്‍ റൂമില്‍ 2 മണിക്കൂറോളമാണ് കാത്തിരിക്കേണ്ടിവന്നതെന്നും ഇത് ബുദ്ധിശൂന്യവും മത്സര നിയമങ്ങള്‍ക്ക് വിരുദ്ധവുമായിരുന്നുവെന്നും അര്‍ജന്റീന ഫുട്ബോള്‍ അസോസിയേഷന്‍ പ്രസിഡന്റ് ക്ലോഡിയോ ടാപിയ പ്രസ്താവനയില്‍ പറഞ്ഞു.

കളി പുനരാരംഭിക്കേണ്ടതില്ലെന്ന ഇരു ടീം ക്യാപ്റ്റന്മാരുടെ അഭിപ്രായങ്ങളും റഫറി പരിഗണിച്ചില്ലെന്നും പരാതിയില്‍ പറയുന്നു. ഇത്തരം സംഭവങ്ങള്‍ക്ക് ഉത്തരവാദികളായവര്‍ക്കെതിരേ കര്‍ശന നടപടി സ്വീകരിക്കണമെന്നും ടാപിയ ആവശ്യപ്പെട്ടു. ‘എന്റെ ജീവിതത്തില്‍ ഞാന്‍ കണ്ട ഏറ്റവും വലിയ സര്‍ക്കസ്’ എന്നാണ് അര്‍ജന്റീന കോച്ച് ഹാവിയര്‍ മഷറാനോ സംഭവങ്ങളെ വിശേഷിപ്പിച്ചത്.

Continue Reading

More

ലവ് യു പാരിസ്-1

Published

on

ബിയൻവെന്യു അപാരിസ്:  പാരീസ് വിമാനത്താവളത്തിൽ ഇറങ്ങിയ ഉടൻ കേട്ട ഫ്രഞ്ച് പ്രയോഗം. പാരിസിലേക്ക് സ്വാഗതം എന്നാണ് ഈ പ്രയോഗത്തിൻറെ മലയാളം. എല്ലാവരെയും പാരീസിലേക്ക് സ്വാഗതം ചെയ്ത് തുടങ്ങാം.

കരിപ്പൂര്‍ രാജ്യാന്തര വിമാനത്താവളത്തില്‍ നിന്നും ഖത്തര്‍ എയര്‍വേയ്‌സിന്റെ ക്യു.ആര്‍ 537 വിമാനം പറന്നുയര്‍ന്നത് മഴയുടെ പശ്ചാത്തലത്തിലായിരുന്നു. മലപ്പുറത്ത് നിപ നല്‍കിയ ഭീതിയില്‍ മുന്‍കരുതലായി മാസ്‌ക്കുകാരും ധാരാളം. തലേ ദിവസം എയർ അറേബ്യ വിമാനം മണിക്കൂറുകൾ വൈകിയതിനാൽ കാലാവസ്ഥ വില്ലനാവുമോ എന്ന ആധി അവസാനിപ്പിച്ച് കൊണ്ട് പ്രിയ സുഹൃത്തും ഖത്തർ എയർവേയ്സ് കോഴിക്കോട് കൺട്രി മാനേജറുമായ ഫാറുഖ് ബാത്ത സ്വന്തം വിമാനം യഥാസമയമെന്ന ഉറപ്പും മുൻനിരയിലെ സീറ്റും ശരിയാക്കിത്തന്നു. കൃത്യസമയത്ത് തന്നെ ആകാശനൗക ദോഹയിലെ ചിരപരിചിതമായ ഹമദ് രാജ്യാന്തര വിമാനത്താവളത്തില്‍. എത്രയോ തവണ വന്നിറങ്ങിയ വിസ്മയ കൊട്ടക. 2006 ല്‍ ഖത്തര്‍ ആതിഥേയത്വം വഹിച്ച ഏഷ്യന്‍ ഗെയിംസിനായിരുന്നു അല്‍ത്താനിയുടെ നാടിനെ ലോകവുമായി ബന്ധപ്പെടുത്തുന്നു ഹമദില്‍ ആദ്യം വന്നത്. പിന്നെ ഏറ്റവുമൊടുവില്‍ ഈ ജനുവരിയില്‍ നടന്ന ഏഷ്യാ കപ്പ് ഫുട്‌ബോളിനായി. പാരീസിലേക്കുള്ള വിമാനത്തിന് മൂന്ന് മണിക്കൂര്‍ കൂടി സമയമുണ്ടായിരുന്നതിനാല്‍ പ്രാതല്‍ ഹമദിലെ പാരിസ് കഫേയിലാക്കി.

കൃത്യസമയത്ത് തന്നെ കൗണ്ടറില്‍ നിന്നും പാരീസ് അനൗണ്‍സ്‌മെന്റ്. ലോക കായിക മഹാമാമാങ്കത്തില്‍ പങ്കെടുക്കുന്ന കായിക താരങ്ങളും ഒഫീഷ്യലുകളുമെല്ലാമായി ധാരാളം പേര്‍. ദോഹയിൽ നിന്നും കുവൈറ്റിനും ഇറാഖിനും മധ്യേഷ്യൻ റിപ്പബ്ബികൾക്കും തുർക്കിക്കും ബെൽജിയത്തിനും നെതർലൻഡ്സിനും ജർമനിക്കും മുകളിലുടെ 3000 ത്തിലധികം മൈലുകൾ 12,000 അടി ഉയരത്തിൽ അലക്സാണ്ടർ ഹബ എന്ന പൈലറ്റ് പറത്തിയ വിമാനത്തിൽ ആറ് മണിക്കൂറും 25 മിനുട്ടും ദീര്‍ഘിച്ച സുന്ദര യാത്ര. ഖത്തര്‍ എയര്‍വെയ്‌സ് എന്ത് കൊണ്ട് ആകാശ സഞ്ചാരികള്‍ക്ക് പ്രിയങ്കരമായി മാറുന്നു എന്നതിന് തെളിവായിരുന്നു അവരുടെ സേവനങ്ങളും സംവിധാനങ്ങളും. അതിവിശാലമായ ചാള്‍സ് ഡി ഗൗലേ (സി.ഡി.ജെ) രാജ്യാന്തര വിമാനത്താവളത്തിലിറങ്ങുമ്പോള്‍ പ്രാദേശിക സമയം ഉച്ചക്ക് രണ്ടര. നമ്മുടെ നാട് മൂന്നര മണിക്കൂര്‍ മുന്നിലാണ്. ലോകത്തെ അതിവിശാല നഗരങ്ങളില്‍ ഒന്നായ പാരിസ് പ്രാന്തങ്ങളില്‍ മൂന്ന് വിമാനത്താവളങ്ങളുണ്ട്.

സി.ഡി.ജെ എന്ന മൂന്നക്ഷരത്തില്‍ അറിയപ്പെടുന്ന വലിയ വിമാനത്താവളം കൂടാതെ പാരിസ് ഓര്‍ലെയും ബിയോവൈസും. ഇമിഗ്രേഷൻ കൗണ്ടറിൽ സുന്ദരമായ സ്വികരണം. തൊട്ടരികിൽ മീഡിയാ ഹെൽപ് ഡെസ്ക്ക്. അവിടെ ബെർനാർഡ് എന്ന സീനിയർ. ഇന്ത്യയിൽ നിന്നാണെന്ന് പറഞ്ഞപ്പോൾ അദ്ദേഹത്തിന് ഇന്ത്യൻ പിന്നുകൾ വേണം. അത് കൈവശമുണ്ടായിരുന്നില്ല. അക്രഡിറ്റേഷൻ കാർഡും ഒളിംപിക്സ് വേദികളിലേക്ക് പറക്കാനുള്ള മെട്രോ കാർഡും അദ്ദേഹം കഴുത്തിലണിയിച്ചു.വിമാനത്താവളത്തില്‍ സ്വീകരിക്കാന്‍ യൂറോപ്യന്‍ യൂണിയന്‍ കെ.എം.സി.സി പ്രവര്‍ത്തകര്‍. ഏത് യാത്രകളിലും കേരളാ മുസ്‌ലിം കള്‍ച്ചറല്‍ സെന്ററിനെക്കുറിച്ച് പ്രതിപാദിക്കാറുണ്ട്. 2012 ലെ ലണ്ടന്‍ ഒളിംപിക്‌സിനായി ആ മഹാനഗരത്തിലെത്തിയപ്പോള്‍ ഹിത്ര്യു വിമാനത്താവളത്തില്‍ അതിരാവിലെയും ഇരുപതോളം കെ.എം.സി.സി പ്രവര്‍ത്തകരാണ് അസൈനാര്‍ കുന്നുമലിന്റെ നേതൃത്വത്തില്‍ എത്തിയതെങ്കില്‍ പാരീസിലും ആ സ്്‌നേഹം വീണ്ടും നുകരാനായി. യുറോപ്യൻ യൂണിയൻ കെ.എം. സി.സി പ്രസിഡണ്ട് അബ്ദുൾ അസീസ് പുലോർശങ്ങാടൻ, ചെയർമാൻ ഡോ. അലി കുനാരി എന്നിവരുടെ നേതൃത്വത്തിൽ ശക്തമാണ്. കെ.എം.സി. സി പാരീസ് ഘടകത്തിലെ കെ.എം സാലീം, മുദസിർ അലി,കെ.ടി നൗഫൽ,ആബിദ് കുംമ്പില,സി.കെ ഫെനി ഹൈദർ,ആർ. കെ റജീബ്,എം. നിഖിൽ, അജ്മൽ സി എന്നിവർ സി.ഡി.ജി എയർപോർട്ടിലെത്തിയിരുന്നു.

Continue Reading

Trending