india
നിരത്തില് അഭ്യാസപ്രകടനം; 20 കുട്ടികളും മൂന്ന് രക്ഷാകര്ത്താക്കളും ഉള്പ്പടെ 23 പേര്ക്കെതിരെ പൊലീസ് കേസെടുത്തു
വാഹനങ്ങള് ഗുണ്ടാ ആക്രമണത്തിന് ഉപയോഗിച്ചിട്ടുണ്ടെന്നും മൂന്ന് വാഹനങ്ങള് തിരിച്ചറിഞ്ഞിട്ടുണ്ടെന്നും നാലാമത്തെ വാഹനത്തിന്റെ പരിശോധന നടക്കുകയാണെന്നും പൊലീസ് പറഞ്ഞു.
നിരത്തില് അഭ്യാസപ്രകടനം നടത്തിയതിന് 20 കുട്ടികളും മൂന്ന് രക്ഷാകര്ത്താക്കളും ഉള്പ്പടെ 23 പേര്ക്കെതിരേ കേസെടുത്തു. ജലന്ധര് പൊലീസാണ് നിരത്തിലെ അതിക്രമങ്ങളുടെ പേരില് കേസെടുത്തത്. ഓടിക്കൊണ്ടിരുന്ന എസ്.യു.വികള്ക്ക് മുകളിലും വശങ്ങളിലും നിന്ന് യാത്രചെയ്തെന്നാണ് പൊലീസ് എഫ്.ഐ.ആറില് പറയുന്നത്.
വാഹന ഉടമകളായ ജലന്ധറിലെ ബാബ ദീപ് സിങ് നഗറിലെ താമസക്കാരനായ മന്വീര് സിങ്, ജലന്ധറിലെ കഹന്പൂര് ഗ്രാമത്തില് താമസിക്കുന്ന ജതീന്ദര് കുമാര്, ജലന്ധറിലെ മൊഹല്ല കാരാര് ഖാന് സ്വദേശി കാന്ത, പ്രായപൂര്ത്തിയാകാത്ത 15 മുതല് 20 വരെ പ്രായപൂര്ത്തിയാകാത്ത ആണ്കുട്ടികള് എന്നിവര്ക്കെതിരെയാണ് എഫ്.ഐ.ആര് രജിസ്റ്റര് ചെയ്തിരിക്കുന്നത്.
വാഹനങ്ങള് ഗുണ്ടാ ആക്രമണത്തിന് ഉപയോഗിച്ചിട്ടുണ്ടെന്നും മൂന്ന് വാഹനങ്ങള് തിരിച്ചറിഞ്ഞിട്ടുണ്ടെന്നും നാലാമത്തെ വാഹനത്തിന്റെ പരിശോധന നടക്കുകയാണെന്നും പൊലീസ് പറഞ്ഞു. മൂന്ന് വാഹന ഉടമകളുടെ പേരുകള് മാത്രമാണ് എഫ്.ഐ.ആറില് പരാമര്ശിച്ചിട്ടുള്ളത്. പ്രായപൂര്ത്തിയാകാത്തവര് വാഹനങ്ങള് ഓടിക്കുകയും സ്റ്റണ്ട് അവതരിപ്പിക്കുകയും ചെയ്യുന്നത് നിലവില് ഗുരുതര കുറ്റകൃത്യമാണ്.
‘റോഡുകളില് ഇത്തരം അതിക്രമങ്ങളും ശല്യങ്ങളും സൃഷ്ടിക്കുകയും ഗുണ്ടായിസത്തില് ഏര്പ്പെടുകയും ചെയ്യുന്നവര്ക്കെതിരെ കര്ശന നടപടി സ്വീകരിക്കും. മാതാപിതാക്കള് തങ്ങളുടെ കുട്ടികളെ നിരീക്ഷിക്കണം. പ്രത്യേകിച്ച് അശ്രദ്ധ, അപകടകരമായ െ്രെഡവിങ്? അല്ലെങ്കില് സ്റ്റണ്ടുകള് എന്നിവയില് ഏര്പ്പെടുന്നയില് നിന്ന്? തടയണം’ ജലന്ധര് എഡിസിപി ആദിത്യ പറഞ്ഞു.
india
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി
ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്.
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി. മൊറാദാബാദ് സ്വദേശി സര്വേഷ് സിംഗ് ആണ് ജോലിഭാരം താങ്ങാനാവാതെ ജീവനൊടുക്കിയത്. ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്. ബഹേറി ഗ്രാമത്തിലെ വീട്ടിലാണ് തൂങ്ങിമരിച്ചത്. ഉത്തര്പ്രദേശിലെ ബിഎല്ഒയുടെ മൂന്നാമത്തെ ആത്മഹത്യയാണ് റിപ്പോര്ട്ട് ചെയ്തിരിക്കുന്നത്. പ്രൈമറി സ്കൂള് അധ്യാപകനാണ് ആത്മഹത്യ ചെയ്ത സര്വ്വേഷ് സിംഗ്
india
തമിഴ്നാട്ടില് സര്ക്കാര് ബസുകള് കൂട്ടിയിടിച്ച് അപകടം; 11 മരണം, നിരവധിപേര്ക്ക് ഗുരുതര പരിക്ക്
ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്.
തമിഴ്നാട്ടില് ബസുകള് കൂട്ടിയിടിച്ച് 11 മരണം. നിരവധിപേര്ക്ക് ഗുരുതര പരിക്കേറ്റിട്ടുണ്ട്. ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്. തിരുപ്പത്തൂര് കാരക്കുടി റോഡില് പിള്ളയാര്പട്ടിക്ക് സമീപം കുമ്മങ്കുടിയിലാണ് അപകടമുണ്ടായത്.
തിരുപ്പൂത്തൂരില് നിന്ന് കാരക്കുടിയിലേക്ക് വരികയായിരുന്ന ബസും കാരക്കുടിയില് നിന്ന് ദിണ്ഡിഗലിലേക്ക് വരികയായിരുന്ന ബസും കുമ്മങ്കുടി പാലത്തിന് സമീപം നേര്ക്കുനേര് ഇടിക്കുകയായിരുന്നു.
india
ദലിത് സ്ത്രീയെ സ്കൂളില് പാചകം ചെയ്യുന്നത് തടഞ്ഞ സംഭവം; ആറുപേര്ക്ക് ജയില് ശിക്ഷ
ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം.
തമിഴ്നാട്ടിലെ തിരുപ്പൂരില് സര്ക്കാര് സ്കൂളിലെ പാചകത്തൊഴിലാളിയായ ദലിത് സ്ത്രീയെ സ്കൂളില് പാചകം ചെയ്യുന്നതില് നിന്ന് തടഞ്ഞ ആറുപേര്ക്ക് കോടതി രണ്ടു വര്ഷത്തെ ജയില് ശിക്ഷ വിധിച്ചു. ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം. കുട്ടികള്ക്ക് ആഹാരമുണ്ടാക്കുന്നത് ദലിത് സ്ത്രീയായതിനാല് അനുവദിക്കില്ലെന്ന തീരുമാനമെടുത്ത് നാട്ടുകാരായ നിരവധിയാളുകള് ചേര്ന്ന് ഇവരെ തടയുകയായിരുന്നു.
35 പേരായിരുന്നു കേസില് പ്രതികളായത്. ഇതില് 25 പേരെ എസ്.സിഎസ്.ടി പ്രത്യേക കോടതി വെറുതെവിട്ടു. നാലുപേര് കേസിന്റെ വിചാരണക്കിടെ മരണപ്പെട്ടു. സ്കൂളിലെ വിദ്യാര്ഥികളുടെ രക്ഷിതാക്കളായ ആറുപേരെയാണ് കോടതി രണ്ടു വര്ഷത്തെ തടവിന് ശിക്ഷിച്ചത്. പളനിസ്വാമി ഗൗണ്ടര്, എന്. ശക്തിവേല്, ആര്. ഷണ്മുഖം, എ. ദുരൈസ്വാമി, സി. വെള്ളിങ്കിരി, വി. സീതാലകഷ്മി എന്നിവരെയാണ് കോടതി രണ്ടുവര്ഷത്തെ തടവിന് ശിക്ഷിച്ചത്.
സ്കൂളില് സംഭവം ഉണ്ടായതോടെ ദലിത് സ്?ത്രീയെ സ്കൂള് അധികൃതര് സ്ഥലം മാറ്റിയിരുന്നു. ഇതിനെതിരെയും ജാതീയ അധിക്ഷേപത്തിനെതിരെയും തമിഴ്നാട് തൊട്ടുകൂടായ്മ നിര്മാര്ജന സമിതി സമരവുമായി രംഗത്ത് വന്നിരുന്നു. പിന്നീട് തിരുമല സ്വദേശിയായ പപ്പല് എന്നയാളാണ് കോടതിയില് കേസ് നല്കിയത്. ഇതെത്തുടര്ന്ന് ചേവായുര് പൊലീസ് കേസെടുത്തു. എസ്.സിഎസ്.ടി നിയമത്തിലെ വിവിധ വകുപ്പുകള് ചേര്ത്ത് 35 പേര്ക്കെതിരെയാണ് കേസെടുത്തത്. ഇതില് നാലുപേര് മരണമടഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment3 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്