കോഴിക്കോട് കൊയിലാണ്ടി സയ്യിദ് അബ്ദുറഹ്‌മാന്‍ ബാഫകി തങ്ങള്‍ മെമ്മോറിയല്‍ ഗവണ്‍മെന്റ് കോളേജിനു മുമ്പില്‍ യുഡിഎസ്എഫ് പ്രവര്‍ത്തകര്‍ക്കു നേരെ കൊലവിളി മുദ്രാവാക്യം മുഴക്കിയ ഡിവൈഎഫ്‌ഐ പ്രവര്‍ത്തകര്‍െക്കതിരെ പരാതിയുമായി എംഎസ്എഫ്. കോഴിക്കോട് ജില്ലാ പൊലീസ് മേധാവിക്കാണ് എംഎസ്എഫ് ജില്ലാ സെക്രട്ടറി സിദ്ദീഖ് മുഹമ്മദ് പരാതി നല്‍കിയത്.

കലാലയത്തിലെ സമാധാന അന്തരീക്ഷം തകര്‍ക്കാന്‍ വേണ്ടിയുള്ള ശ്രമമാണ് ഇതിനു പിന്നിലെന്ന് എംഎസ്എഫ് പരാതിയില്‍ പറയുന്നു.

അരിയില്‍ ഷുക്കൂറിനെ ഓര്‍മ്മയില്ലേ എന്നും അതേ അവസ്ഥ വരുമെന്നുമായിരുന്നു ഡിവൈഎഫ്‌ഐയുടെ ഭീഷണി.

വാമനപുരം നദിയിലെ ജലനിരപ്പ് ഉയരുന്ന സാഹചര്യത്തില്‍ നദിക്കരയിലുള്ളവര്‍ ജാഗ്രത പാലിക്കണമെന്ന് മുന്നറിയിപ്പ് നല്‍കി. സംസ്ഥാന ജലസേചന വകുപ്പിന്റെ മൈലാംമൂട് സ്റ്റേഷനില്‍ യെല്ലോ അലര്‍ട്ട് പ്രഖ്യാപിച്ചിരിക്കുന്ന സാഹചര്യത്തിലാണ് ജാഗ്രത നിര്‍ദേശം നല്‍കിയത്.

കേന്ദ്ര ജലകമ്മീഷന്റെ വെള്ളൈക്കടവ് സ്റ്റേഷനിലും യെല്ലോ അലര്‍ട്ട് പ്രഖ്യാപിച്ചിരിക്കുന്ന സാഹചര്യത്തിലാണ് കരമന നദിക്കരയില്‍ താമസിക്കുന്നവരോടും ജാഗ്രത പുലര്‍ത്തണെന്ന് നിര്‍ദേശം നല്‍കിയത്.

നദികളില്‍ ഇറങ്ങാനോ നദി മുറിച്ചു കടക്കാനോ പാടില്ലെന്ന് നിര്‍ദേശം നല്‍കിയിട്ടുണ്ട്. തീരത്തോട് ചേര്‍ന്ന് താമസിക്കുന്നവരും ജാഗ്രത പാലിക്കണമെന്ന് അറിയച്ചു.

അധികൃതരുടെ നിര്‍ദേശമനുസരിച്ച് പ്രളയ സാധ്യതയുള്ള പ്രദേശങ്ങളില്‍ നിന്നും മാറി താമസിക്കാന്‍ തയാറാവണമെന്നും അറിയിച്ചു.

കണ്ണൂരില്‍ വൈദ്യുതി ലൈന്‍ പൊട്ടി ദേഹത്തുവീണ് ഷോക്കേറ്റ വീട്ടമ്മയ്ക്ക് ദാരുണാന്ത്യം. മലപ്പട്ടം തേക്കിന്‍കൂട്ടത്തെ കണ്ടമ്പേത്ത് തങ്കമണിയാണ് ഷോക്കേറ്റ് മരിച്ചത്. പറമ്പിലൂടെ നടക്കുന്നതിനിടെ വൈദ്യുതിക്കമ്പി ദേഹത്തുവീണാണ് മരണം.

വൈകീട്ട് അഞ്ചോടെയായിരുന്നു അപകടം. വൈദ്യുതി ലൈനില്‍നിന്ന് തീപ്പൊരി കണ്ടതിനെ തുടര്‍ന്ന് എന്താണെന്നറിയാന്‍ പുറത്തിറങ്ങിയതായിരുന്നു തങ്കമണി. ഈ സമയം വൈദ്യുതി ലൈന്‍ പൊട്ടി ദേഹത്തേക്ക് വീഴുകയായിരുന്നു.

സംസാരശേഷിയില്ലാത്ത ആളാണ് തങ്കമണി. അതുകൊണ്ടു തന്നെ അപകടമുണ്ടായത് ആരും അറിഞ്ഞില്ല. എന്നാല്‍ തങ്കമണിയെ തിരിച്ചു വരുന്നത് കാണാത്തതിനെ തുടര്‍ന്ന് കുടുംബാംഗങ്ങളും നാട്ടുകാരും നടത്തിയ തിരച്ചിലിലാണ് പറമ്പില്‍ ഷോക്കേറ്റുകിടക്കുന്ന നിലയില്‍ കണ്ടെത്തിയത്. ഉടന്‍ തന്നെ അടുത്തുള്ള സ്വകാര്യ ആശുപത്രിയില്‍ എത്തിച്ചു. തുടര്‍ന്ന് പരിയാരം മെഡി. കോളജിലേക്ക് കൊണ്ടുപോകുന്നവഴിയാണ് മരിച്ചത്. മൃതദേഹം പരിയാരം മെഡിക്കല്‍ കോളജ് മോര്‍ച്ചറിയില്‍.