Connect with us

News

ഹാര്‍ദിക് മിഷന്‍; അയര്‍ലന്‍ഡ് പരമ്പര ഇന്ന് മുതല്‍

പരിശീലകന്‍ വി.വി.എസ് ലക്ഷ്മണ്‍. നായകന്‍ ഹാര്‍ദിക് പാണ്ഡ്യ. രോഹിത് ശര്‍മയും വിരാത് കോലിയും കെ.എല്‍ രാഹുലും റിഷാഭ് പന്തുമൊന്നുമില്ലാത്ത ടീം.

Published

on

ഡുബ്ലീന്‍: പരിശീലകന്‍ വി.വി.എസ് ലക്ഷ്മണ്‍. നായകന്‍ ഹാര്‍ദിക് പാണ്ഡ്യ. രോഹിത് ശര്‍മയും വിരാത് കോലിയും കെ.എല്‍ രാഹുലും റിഷാഭ് പന്തുമൊന്നുമില്ലാത്ത ടീം. ഇന്ന് ഇവിടെ ഇന്ത്യ അയര്‍ലന്‍ഡിനെതിരായ രണ്ട് മല്‍സര ടി-20 പരമ്പരക്കിറങ്ങുമ്പോള്‍ സെലക്ടര്‍മാരുടെ കണ്ണുകള്‍ മുഴുവന്‍ യുവതാരങ്ങളിലേക്കാണ്.

ഓസ്‌ട്രേലിയ ആതിഥേയത്വം വഹിക്കുന്ന ഒക്ടോബറിലെ ടി-20 ലോകകപ്പില്‍ ആരെയെല്ലാം ടീമിലുള്‍പ്പെടുത്തണമെന്ന ചിന്തയില്‍ യുവ സംഘത്തിന് അവസരം നല്‍കിയതിനാല്‍ ഓരോ താരത്തിന്റെയും പ്രകടനം സസൂക്ഷ്മം നിരീക്ഷിക്കപ്പെടും….ആരായിരിക്കും ടീമിന്റെ വിക്കറ്റ് കീപ്പര്‍..? ആരായിരിക്കും മൂന്നാം നമ്പറില്‍…? ഉമ്രാന്‍ മാലിക്കിനും രാഹുല്‍ ത്രിപാഠിക്കും അവസരമുണ്ടാവുമോ…? ചോദ്യങ്ങള്‍ ധാരാളമാണ്. ദക്ഷിണാഫ്രിക്കക്കെതിരെ സമീപകാലത്ത് നടന്ന പഞ്ചമല്‍സര ടി-20 പരമ്പരയില്‍ ഒരേ ഇലവനെയാണ് രാഹുല്‍ ദ്രാവിഡ് കളിപ്പിച്ചതെങ്കില്‍ വി.വി.എസ് ലക്ഷ്മണ്‍ ആ ലൈന്‍ പിന്തുടരില്ല. റിഷാഭ് പന്തും ശ്രേയാംസ് അയ്യരും ടീമില്‍ ഇല്ലാത്തതിനാല്‍ തന്നെ രണ്ട് വലിയ ചോദ്യങ്ങള്‍ക്ക് ലക്ഷ്മണ്‍ ഉത്തരം ഇന്ന് നല്‍കും. നാല് പേരാണ് മൂന്നാം നമ്പറില്‍ കളിക്കാന്‍ യോഗ്യര്‍. മലയാളിയായ സഞ്്ജു സാംസണ്‍, ദീപക് ഹുദ, വെങ്കടേഷ് അയ്യര്‍, സൂര്യകുമാര്‍ യാദവ് എന്നിവര്‍. ഇവരില്‍ കൂടുതല്‍ സാധ്യത സുര്യകുമാര്‍ യാദവിനാണ്. മുംബൈക്കാരന്‍ ഈ റോളില്‍ മുമ്പ് തിളങ്ങിയിട്ടുണ്ട്. ദക്ഷിണാഫ്രിക്കക്കെതിരായ പരമ്പരയില്‍ പരുക്ക് കാരണം അദ്ദേഹത്തിന് അവസരമുണ്ടായിരുന്നില്ല. സൂര്യകുമാറിന് മൂന്നാം നമ്പറില്‍ അവസരം നല്‍കിയാല്‍ തന്നെ നാലാം നമ്പറില്‍ സഞ്ജു വരാനാണ് സാധ്യത. ഇന്ത്യന്‍ പ്രീമിയര്‍ ലീഗ് ക്രിക്കറ്റില്‍ രാജസ്ഥാന്‍ റോയല്‍സിന്റെ നായകന്‍ കിടിലന്‍ പ്രകടനങ്ങള്‍ നടത്തിയിരുന്നു.

സഞ്ജുവിനൊപ്പം തന്നെ സാധ്യതയുണ്ട് രാഹുല്‍ ത്രിപാഠിക്കും. സ്പിന്നിനെ മനോഹരമായി ആക്രമിക്കുന്ന ബാറ്റര്‍ എന്ന നിലയില്‍ ഹുദയും ടീമിലിടം തേടുന്നു. ഇടം കൈയ്യനായ വെങ്കടേഷ് അയ്യര്‍ ഓപ്പണറായി കളിക്കുന്ന താരമാണ്. ടീമില്‍ മൂന്ന് വിക്കറ്റ് കീപ്പര്‍മാരുണ്ട്. ഇഷാന്‍ കിഷനും സഞ്ജുവും ദിനേശ് കാര്‍ത്തിക്കും. ഇവരില്‍ ആരായിരിക്കും വിക്കറ്റിന് പിറകില്‍ എന്ന കാര്യത്തിലും തീരുമാനമായിട്ടില്ല. ഇടം കൈയ്യന്‍ അര്‍ഷദിപ് സിംഗ്, അതിവേഗക്കാരന്‍ ഉമ്രാന്‍ മാലിക് എന്നിവരില്‍ ഒരാള്‍ക്ക് ഇന്ന് അവസരം ഉറപ്പാണ്. രാത്രി ഒമ്പത് മണിക്കാണ് മല്‍സരം ആരംഭിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

സി.എ.എ വിജ്ഞാപനം: മുസ്‌ലിംലീഗ് ഹര്‍ജി നാളെ പരിഗണിക്കും; മുസ്‌ലിംലീഗ് നേതാക്കള്‍ കപില്‍ സിബലുമായി ചര്‍ച്ച നടത്തി

ഇഫ്താർ വിരുന്നൊരുക്കിയാണ് അദ്ദേഹം മുസ്ലിംലീഗ് നേതാക്കളെ സ്വീകരിച്ചത്

Published

on

സി.എ.എ വിജ്ഞാപനം സ്റ്റേ ചെയ്യണമെന്ന് ആവശ്യപ്പെട്ട് മുസ്ലിംലീഗ് നൽകിയ ഹർജി നാളെ സുപ്രിംകോടതി പരിഗണിക്കുന്നതിന് മുന്നോടിയായി മുസ്ലിംലീഗിന് വേണ്ടി സുപ്രിംകോടതിയിൽ ഹാജരാകുന്ന കപിൽ സിബലുമായി ഡൽഹിയിൽ ചർച്ച നടത്തി. നാഷണൽ പൊളിറ്റിക്കൽ അഡൈ്വസറി കമ്മിറ്റി ചെയർമാൻ സയ്യിദ് സാദിഖലി ശിഹാബ് തങ്ങൾ, ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി, ദേശീയ ട്രഷറർ പി.വി അബ്ദുൽ വഹാബ് എം.പി, അഡ്വ. ഹാരിസ് ബീരാൻ തുടങ്ങിയവരും കൂടെയുണ്ടായിരുന്നു. കേസുമായി ബന്ധപ്പെട്ട പ്രതീക്ഷകൾ കപിൽ സിബൽ പങ്കുവെച്ചു. ഇഫ്താർ വിരുന്നൊരുക്കിയാണ് അദ്ദേഹം മുസ്ലിംലീഗ് നേതാക്കളെ സ്വീകരിച്ചത്.

കപിൽ സിബലുമായി കേസിന്റെ വിശദാംശങ്ങൾ ചർച്ച ചെയ്തതായി പി.കെ കുഞ്ഞാലിക്കുട്ടി പറഞ്ഞു. ഇഫ്താറോട് കൂടിയ അദ്ദേഹത്തിന്റെ ആതിഥേയത്വം ഈ ആകുലതകൾക്കിടയിലും ഹൃദ്യമായൊരു അനുഭവമായി. ഒരു ജനതയുടെ അഭിമാനകരമായ നിലനിൽപിന് വേണ്ടിയുള്ള മുസ്ലിം ലീഗിന്റെ പോരാട്ടം തുടരുകയാണ്. നിയമപരമായും, രാഷ്ട്രീയപരമായും ഈ പോരാട്ടത്തിന്റെ മുന്നിൽ മുസ്ലിം ലീഗ് പാർട്ടി ഉണ്ടാകും.- പി.കെ കുഞ്ഞാലിക്കുട്ടി വ്യക്തമാക്കി.

Continue Reading

india

വിദ്യാഭ്യാസ സ്ഥാപനങ്ങളെ വിദ്വേഷ കേന്ദ്രങ്ങളാക്കി മാറ്റരുത്: എം.എസ്.എഫ്

മുസ്‌ലിംകൾക്കും മറ്റും ന്യൂനപക്ഷങ്ങൾക്കുമെതിരായ ആക്രമണങ്ങൾ അവസാനിപ്പിക്കണമെന്നും എം.എസ്.എഫ് ദേശീയ കമ്മിറ്റി ആവശ്യപ്പെട്ടു

Published

on

ന്യൂഡൽഹി: ഗുജറാത്ത് സർവകലാശാലയിലെ വിദേശ വിദ്യാർഥികൾക്ക് നേരെയുണ്ടായ ആക്രമണം ഹിന്ദുത്വം പ്രചരിപ്പിച്ച വിദ്വേഷത്തിന്റെ ഫലമാണെന്നും കുറ്റക്കാർക്കെതിരെ കർശന നടപടി ഉണ്ടാവണമെന്നും എം.എസ്.എഫ് ആവശ്യപ്പെട്ടു. വിദ്യാഭ്യാസ കേന്ദ്രങ്ങളുടെ വർഗീയവൽക്കരണത്തെ ശക്തമായി അപലപിക്കുന്നു. മുസ്‌ലിംകൾക്കും മറ്റും ന്യൂനപക്ഷങ്ങൾക്കുമെതിരായ ആക്രമണങ്ങൾ അവസാനിപ്പിക്കണമെന്നും എം.എസ്.എഫ് ദേശീയ കമ്മിറ്റി ആവശ്യപ്പെട്ടു.

വിദ്യാഭ്യാസ സ്ഥാപനങ്ങൾ ബൗദ്ധിക സംവാദങ്ങൾ സുഗമമാക്കുന്നതിനും ഊർജസ്വലമായ ജനാധിപത്യത്തെ പരിപോഷിപ്പിക്കുന്നതിനുപകരം അക്രമത്തിന്റെയും വിദ്വേഷത്തിയും കേന്ദ്രങ്ങളായി മാറ്റരുതെന്ന് എം.എസ്.എഫ് ദേശീയ പ്രസിഡന്റ്‌ പി.വി അഹമ്മദ് സാജു പറഞ്ഞു.

Continue Reading

kerala

വർക്കലയിൽ തിരയിൽപെട്ട് തമിഴ്നാട് സ്വദേശി മരിച്ചു

തമിഴ്‌നാട്ടില്‍നിന്ന് ഇന്ന് രാവിലെ 31 പേരടങ്ങുന്ന സംഘത്തിലാണ് വിശ്വ എത്തിയത്

Published

on

വര്‍ക്കലയില്‍ തിരയില്‍പെട്ട് തമിഴ്‌നാട് സ്വദേശി മരിച്ചു. തമിഴ്‌നാട് കരൂര്‍ സ്വദേശി വിശ്വ(21) ആണ് മരിച്ചത്. കടലില്‍ കുളിക്കുന്നതിനിടയില്‍ ശക്തമായ തിരയില്‍പെടുകയായിരുന്നു.

തമിഴ്‌നാട്ടില്‍നിന്ന് ഇന്ന് രാവിലെ 31 പേരടങ്ങുന്ന സംഘത്തിലാണ് വിശ്വ എത്തിയത്. കൂടെ ഉണ്ടായിരുന്നവരെ ലൈഫ് ഗാര്‍ഡ് സന്തോഷിന്റെ നേതൃത്വത്തിലുള്ള സംഘം രക്ഷിച്ചു. മൃതദേഹം വര്‍ക്കല താലൂക്ക് ആശുപത്രി മോര്‍ച്ചറിയിലേക്ക് മാറ്റി.

Continue Reading

Trending