കനത്ത മഴയെത്തുടര്ന്ന് കണ്ണൂര് അന്താരാഷ്ട്ര വിമാനത്താവളത്തില് ഇറങ്ങേണ്ടിയിരുന്ന വിമാനം നെടുമ്പാശേരി വിമാനത്താവളത്തിലിറക്കി. കുവൈത്തില് നിന്നും പുറപ്പെട്ട എയര് ഇന്ത്യ എക്സ്പ്രസ് (Ix 794) വിമാനമാണ് നെടുമ്പാശ്ശേരിയില് ഇറക്കിയത്. കണ്ണൂരിലെ കാലാവസ്ഥ അനുകൂലമാകുമ്പോള് വിമാനം പുറപ്പെടുമെന്നാണ് ലഭിക്കുന്ന വിവരം. യാത്രക്കാര് വിമാനത്തില് തന്നെ ഇരിക്കുകയാണ്.
സംസ്ഥാനത്ത് മഴ അതിതീവ്രമാകുമെന്നാണ് മുന്നറിയിപ്പ്. രണ്ട് ജില്ലകളില് റെഡ് അലേര്ട്ട് പ്രഖ്യാപിച്ചു. വയനാട്, കണ്ണൂര് ജില്ലകളിലാണ് റെഡ് അലേര്ട്ട് പ്രഖ്യാപിച്ചിരിക്കുന്നത്. എട്ട് ജില്ലകളില് ഓറഞ്ച് അലേര്ട്ടും പ്രഖ്യാപിച്ചിട്ടുണ്ട്.