കന്നഡ നടി ശോഭിത ശിവണ്ണ മരിച്ച നിലയില്‍. ഹൈദരാബാദിലെ വസതിയിലാണ് ശോഭിതയെ മരിച്ച നിലയില്‍ കണ്ടെത്തിയത്. ആത്മഹത്യയെന്നാണ് പ്രാഥമിക റിപ്പോര്‍ട്ട്. നടിക്ക് 30 വയസായിരുന്നു. മരണത്തില്‍ ഹൈദരാബാദ് പൊലീസ് അന്വേഷണം ആരംഭിച്ചു. വിവാഹ ശേഷം തെലുങ്ക് സിനിമയില്‍ ശോഭിത സജീവമായിരുന്നു.

ശോഭിതയുടെ മൃതദേഹം പോസ്റ്റ്മോര്‍ട്ടത്തിനായി അയച്ചു. ശേഷം ബംഗളൂരുവിലേക്ക് എത്തിച്ചേക്കും. കര്‍ണാടകയിലെ ഹാസന്‍ ജില്ലയിലെ സകലേഷ്പൂര്‍ സ്വദേശിനിയാണ് ശോഭിത.

കന്നഡയിലെ ഗളിപാത, മംഗള ഗൗരി, കോഗിലെ, കൃഷ്ണ രുക്മിണി, ദീപാവു നിന്നാടേ ഗാലിയു നിന്നാടേ, അമ്മാവരു തുടങ്ങി 12ലധികം ജനപ്രിയ സീരിയലുകളില്‍ ശോഭിത അഭിനയിച്ചു. എറഡോണ്ട്‌ല മൂര്‍, എടിഎം, ഒന്നു കാതേ ഹെല്‍വ, ജാക്ക്‌പോട്ട് തുടങ്ങിയ സിനിമകളിലൂടെ വെള്ളിത്തിരയിലും ശ്രദ്ധേയ വേഷങ്ങള്‍ ചെയ്തു.

ഫിന്‍ജാല്‍ ചുഴലിക്കാറ്റില്‍ ആകെ മരണം ഒന്‍പതായി. പുതുച്ചേരിയില്‍ നാല് പേരും തിരുവള്ളൂരില്‍ ഒരു സ്‌കൂള്‍ വിദ്യാര്‍ത്ഥിയും ഇന്ന് മരിച്ചു. തമിഴ്നാട്ടില്‍ നാല് ജില്ലകളില്‍ ഇന്ന് റെഡ് അലര്‍ട്ടാണ്. വിഴിപ്പുറത്തും പുതുച്ചേരിയിലും കഴിഞ്ഞ 24 മണിക്കൂറിനിടെ ശക്തമായ മഴ പെയ്തു.

പുതുച്ചേരിയില്‍ വീടുകളില്‍ നിന്ന് വെള്ളമിറങ്ങിയപ്പോള്‍ രണ്ട് മൃതദേഹം കണ്ടെത്തി. രണ്ട് പേര്‍ ഷോക്കേറ്റാണ് മരിച്ചു. തിരുവള്ളൂരില്‍ വീടിന്റെ ഭിത്തിയില്‍ നിന്ന് ഷോക്കേറ്റാണ് സ്‌കൂള്‍ വിദ്യാര്‍ത്ഥി മരിച്ചത്. അതേസമയം ചെന്നൈയില്‍ ഇന്നലെ നാല് പേര്‍ ഷോക്കേറ്റ് മരിച്ചിരുന്നു.

വീടുകളില്‍ കുടുങ്ങിയവരെ എന്‍ഡിആര്‍എഫ്, എസ്ഡിആര്‍എഫ് സംഘങ്ങള്‍ ദുരിതാശ്വാസ ക്യാമ്പുകളിലേക്ക് മാറ്റി. പുതുച്ചേരിയിലെ എല്ലാ സ്‌കൂളുകളും കോളേജുകളും ദുരിതാശ്വാസക്യാമ്പുകളാക്കി.

വിഴിപ്പുറത്തും കടലൂരിലും പുതുച്ചേരിയിലും പലഭാഗങ്ങളിലും വൈദ്യുതിയില്ല. മൊബൈല്‍ ടവറുകള്‍ കടപുഴകിയതിനാല്‍ നെറ്റ്വര്‍ക്ക് സംവിധാനത്തിലും തടസ്സം നേരിടുന്നുണ്ട്.

തെലങ്കാനയിലെ മുലുഗു ജില്ലയില്‍ ഞായറാഴ്ച രാവിലെ പോലീസുമായുള്ള ഏറ്റുമുട്ടലില്‍ ഏഴ് മാവോയിസ്റ്റുകള്‍ കൊല്ലപ്പെട്ടതായി പോലീസ് അറിയിച്ചു. സംഭവസ്ഥലത്ത് നിന്ന് പിടിച്ചെടുത്ത ആയുധങ്ങളില്‍ രണ്ട് എകെ 47 തോക്കുകളും ഉണ്ടെന്ന് മുലുഗു ജില്ലാ പോലീസ് സൂപ്രണ്ട് ശബരീഷ് പി പറഞ്ഞു.

ഏറ്റുമുട്ടലിന് ശേഷം ഏഴ് മൃതദേഹങ്ങള്‍ പോലീസ് കണ്ടെത്തി, ബാക്കിയുള്ള അള്‍ട്രാകള്‍ രക്ഷപ്പെട്ടു. കഴിഞ്ഞ മാസം മുലുഗു ജില്ലയിലെ ഒരു ഗ്രാമത്തില്‍ പോലീസ് വിവരം നല്‍കുന്നവരെന്ന് സംശയിച്ച് രണ്ടുപേരെ കൊലപ്പെടുത്തിയ സംഭവത്തില്‍ മാവോയിസ്റ്റുകള്‍ ഉള്‍പ്പെട്ടിരുന്നു.

അഡീഷണല്‍ ഡിജിപി മഹേഷ് എം ഭഗവത്, ഓപ്പറേഷനില്‍ പോലീസ് സംഘങ്ങളെ അഭിനന്ദിക്കുകയും ബാക്കിയുള്ള മാവോയിസ്റ്റ് കേഡര്‍മാരെ മുഖ്യധാരയില്‍ ചേരാന്‍ അഭ്യര്‍ത്ഥിക്കുകയും ചെയ്തു.