സംസ്ഥാനത്ത് ഇന്നും ഉയര്ന്ന താപനില മുന്നറിയിപ്പ് പ്രക്യാപിച്ച് കാലാവസ്ഥ വകുപ്പ്. കണ്ണൂര്, കാസര്കോട് ജില്ലകളില് 38 ഡിഗ്രി സെല്ഷ്യസ് വരെ താപ നില ഉയര്ന്നേക്കും. മലപ്പുറം, തൃശൂര്, പാലക്കാട്, കോട്ടയം ജില്ലകളില് 37 ഡിഗ്രിയും, കോഴിക്കോട്, എറണാകുളം, ആലപ്പുഴ, പത്തനംതിട്ട ജില്ലകളില് 36 ഡിഗ്രി സെല്ഷ്യസ് വരെയും താപനില ഉയരാന് സാധ്യതയെന്ന് മുന്നറിയിപ്പുണ്ട്.
സൂര്യാഘാത, സൂര്യതപ സാധ്യതകള് കണക്കിലെടുത്ത് രാവിലെ 11 മുതല് ഉച്ചയ്ക്ക് മൂന്ന് മണി വരെ സൂര്യപ്രകാശം ശരീരത്തില് നേരിട്ട് ഏല്ക്കുന്നത് ഒഴിവാക്കണം. മുന്നറിയിപ്പുളള ദിവസങ്ങളില് ഒറ്റപ്പെട്ടയിടങ്ങളില് വേനല്മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.
വെള്ളി, ശനി ദിവസങ്ങളില് തെക്കന് കേരളത്തില് കൂടിയ മഴ സാധ്യത. അതേസമയം, വടക്കന് കേരളത്തില് ഒറ്റപ്പെട്ട ഇടങ്ങളില് നേരിയ മഴ സാധ്യതയുമാണ് പ്രവചിക്കുന്നത്. തിരുവനന്തപുരം, കൊല്ലം, പത്തനംതിട്ട എന്നിവിടങ്ങളില് വെള്ളി, ശനി ദിസങ്ങളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഞായറാഴ്ച കോഴിക്കോട്, കണ്ണൂര് എന്നിവിടങ്ങളില് യെല്ലോ അലേര്ട്ടുണ്ട്.