ഇന്ത്യന്‍ ഓയില്‍ കോര്‍പറേഷന്‍ സൗത്ത് റീജന്‍ വിവിധ വിഭാഗങ്ങളില്‍ അപ്രന്റിസ്ഷിപ്പിന് അപേക്ഷ ക്ഷണിച്ചു. 420 ഒഴിവുകളാണുള്ളത്. കേരളം, തമിഴ്‌നാട്, പുതുച്ചേരി, കര്‍ണാടക, തെലങ്കാന, ആന്ധ്രപ്രദേശ് എന്നിവിടങ്ങളിലാണ് അവസരം. കേരളത്തില്‍ 56 ഒഴിവുകളുണ്ട്. ഓണ്‍ലൈനായാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി: ഫെബ്രുവരി 10.

യോഗ്യത: ടെക്‌നിക്കല്‍ ട്രേഡ് അപ്രന്റിസ്: പത്താം ക്ലാസ് ജയവും ഫിറ്റര്‍/ ഇലക്ട്രീഷ്യന്‍/ ഇലക്ട്രോണിക് മെക്കാനിക്/ ഇന്‍സ്ട്രമെന്റ് മെക്കാനിക്/ മെഷീനിസ്റ്റ് ട്രേഡില്‍ രണ്ടു വര്‍ഷത്തെ ഫുള്‍ ടൈം ഐടിഐയും.

ടെക്‌നീഷ്യന്‍ അപ്രന്റിസ്: മെക്കാനിക്കല്‍/ ഇലക്ട്രിക്കല്‍/ ഇന്‍സ്ട്രമെന്റേഷന്‍/ സിവില്‍/ ഇലക്ട്രിക്കല്‍ ആന്‍ഡ് ഇലക്ട്രോണിക്‌സ്/ ഇലക്ട്രോണിക്‌സ് എന്‍ജിനീയറിങ്ങില്‍ 50% മാര്‍ക്കില്‍ കുറയാതെ ഫുള്‍ടൈം ത്രിവത്സര ഡിപ്ലോമ.

നോണ്‍ ടെക്‌നിക്കല്‍ ട്രേഡ് അപ്രന്റിസ് അക്കൗണ്ടന്റ്: ഏതെങ്കിലും വിഷയത്തില്‍ 50% മാര്‍ക്കില്‍ കുറയാതെ മൂന്നു വര്‍ഷത്തെ ഫുള്‍ടൈം ബിരുദം. എസ്സി/ എസ്ടി വിഭാഗക്കാര്‍ക്ക് 45% മാര്‍ക്കു മതി.

പ്രായം: 18-24 വയസ്. 2018 ഡിസംബര്‍ 31 അടിസ്ഥാനമാക്കി പ്രായം കണക്കാക്കും. അപേക്ഷിക്കേണ്ട വിധം: https://www.iocl.com/peoplecareers/job.aspx എന്ന വെബ്‌സൈറ്റ് ലിങ്ക് വഴി ഓണ്‍ലൈനായി അപേക്ഷിക്കാം.

വിശദവിവരങ്ങള്‍ക്ക്: www.iocl.com