Connect with us

News

കര്‍ണാടക: പ്രതിസന്ധി മറികടക്കാന്‍ നിര്‍ണായക നീക്കവുമായി കോണ്‍ഗ്രസ്

Published

on

ബെംഗളൂരു: കര്‍ണാടകയിലെ രാഷ്ട്രീയ പ്രതിസന്ധി മറികടക്കാന്‍ തിരക്കിട്ട നീക്കങ്ങളുമായി കോണ്‍ഗ്രസ് നേതൃത്വം. രാജിവെച്ച വിമത എം.എല്‍.എമാരെ അനുനയിപ്പിക്കാനുള്ള നീക്കവുമായി കോണ്‍ഗ്രസ് നേതാവ് ഡി.കെ. ശിവകുമാര്‍ മുംബൈയിലെത്തി. ഇതിനിടെ എം.എല്‍.എമാരെ ബി.ജെ.പി ഗോവയിലേക്ക് മാറ്റാന്‍ നീക്കം തുടങ്ങി. ശിവകുമാര്‍ മുംബൈയിലേക്ക് തിരിച്ചതിന് പിന്നാലെയാണ് വിമതരെ ഗോവയിലേക്ക് മാറ്റുന്നത്. മുംബൈയിലെ ഹോട്ടലില്‍ നിന്ന് പുണെയിലേക്കും അവിടെ നിന്ന് ഗോവയിലെ കേന്ദ്രത്തിലേക്കും മാറ്റാനാണ് നീക്കം.

എട്ട് കോണ്‍ഗ്രസ് വിമത എം.എല്‍.എമാരും മൂന്ന് ജെ.ഡി.എസ് എം.എല്‍.എമാരുമാണ് സഖ്യ സര്‍ക്കാരിനെതിരെ നിലപാടുമായി നിലയുറപ്പിച്ചിരിക്കുന്നത്. ഇതിനിടെ ഒരു സ്വതന്ത്രനും സഖ്യസര്‍ക്കാരിലെ മറ്റൊരു പാര്‍ട്ടിയായ കെ.പി.ജെ.പിയിലെ ഏക അംഗവും ബി.ജെ.പിക്ക് പിന്തുണ പ്രഖ്യാപിച്ചിരിക്കുകയാണ്. ഇതോടെ എച്ച്.ഡി കുമാരസ്വാമി സര്‍ക്കാരിന് 104 പേരുടെ പിന്തുണയും ബി.ജെ.പി പക്ഷത്തിന് 107 പേരുടെ പിന്തുണയുമായി കണക്കുകള്‍ മാറി.

വിമതരെ അനുനയിപ്പിക്കാനുള്ള നീക്കങ്ങള്‍ പരാജയപ്പെട്ടാല്‍ അവരെ അയോഗ്യരാക്കാനുള്ള നീക്കം നടത്താനാണ് കോണ്‍ഗ്രസ് തീരുമാനം. ഇന്ന് കോണ്‍ഗ്രസ് നിയമസഭാകക്ഷി യോഗം വിളിച്ചിട്ടുണ്ട്. യോഗത്തില്‍ പങ്കെടുക്കാത്തവരെ അയോഗ്യരാക്കാന്‍ സ്പീക്കറോട് ആവശ്യപ്പെടും. സ്പീക്കര്‍ ഇവരെ അയോഗ്യരാക്കിയാല്‍ ഉപതിരഞ്ഞെടുപ്പില്‍ മത്സരിക്കാന്‍ വിമതര്‍ക്ക് സാധിക്കില്ല. എന്നാല്‍ ഈ ഭീഷണിയോട് വിമതര്‍ പ്രതികരിച്ചിട്ടില്ല. പ്രതിസന്ധി പരിഹരിക്കാനായി കോണ്‍ഗ്രസ് നേതാക്കളായ കെ.സി വേണുഗോപാല്‍, ദിനേശ് ഗുണ്ടറാവു, സിദ്ധരാമയ്യ, ജി. പരമേശ്വര എന്നിവര്‍ നിയമവിദഗ്ധരുമായും ചര്‍ച്ച നടത്തും.

kerala

ആദ്യ ശുചിത്വ എക്സ്പോ: കൊച്ചി ഒരുങ്ങി

സംസ്ഥാനത്തെ എല്ലാ തദ്ദേശ സ്വയം ഭരണ സ്ഥാപനങ്ങളില്‍ നിന്നും ചുരുങ്ങിയത് പത്ത് പ്രതിനിധികള്‍ എക്സ്പോയില്‍ പങ്കെടുക്കാനെത്തും. ഇതിന് പുറമേ മാലിന്യമേഖലയിലെ വിവിധ സംഘടനാ പ്രതിനിധികള്‍, പരിസ്ഥിതി പഠന വിദ്യാര്‍ഥികള്‍, മാധ്യമപ്രതിനിധികള്‍, സംരംഭകര്‍ തുടങ്ങിയവരെല്ലാം എക്സ്പോയ്ക്കെത്തും. കേരള ചരിത്രത്തിലെ ഏറ്റവും വിപുലവും നവീനവുമായ ശുചിത്വ-മാലിന്യ സംസ്കരണ പ്രദര്‍ശന-പഠന പ്രക്രീയയ്ക്കാണ് കൊച്ചി വേദിയാകുന്നത്.

Published

on

മാലിന്യസംസ്കരണരംഗത്തെ നൂതന സാങ്കേതിക വിദ്യ ചര്‍ച്ച ചെയ്യുന്ന ഗ്ലോബല്‍ എക്സ്പോയ്ക്ക് ഒരുങ്ങി കൊച്ചി. തദ്ദേശ സ്വയം ഭരണ വകുപ്പിന് വേണ്ടി ശുചിത്വമിഷൻ സംഘടിപ്പിക്കുന്ന പരിപാടി ഫെബ്രുവരി 4 മുതല്‍ 6 വരെ കൊച്ചി മറൈൻ ഡ്രൈവിലാണ്. മാലിന്യ സംസ്കരണ രംഗത്തെ പുത്തൻ രീതികളും സാധ്യതകളും പരിചയപ്പെടുത്തുന്ന 101 സ്റ്റാളുകള്‍, 26 സാങ്കേതിക സെഷനുകള്‍, വര്‍ക്ക് ഷോപ്പുകള്‍, ലൈവ് ഡെമോകള്‍, വിദ്യാര്‍ഥികളുടെ ആശയങ്ങള്‍ പങ്കുവെക്കുന്ന ഹാക്കത്തോൺ, സംരംഭകസമ്മേളനം തുടങ്ങി നിരവധി പരിപാടികളാണ് ഒരുക്കിയിരിക്കുന്നത്. മറൈൻ ഡ്രൈവില്‍ പ്രത്യേകം സജ്ജീകരിച്ച സ്ഥലത്താണ് വേദി. അവസാന വട്ട ഒരുക്കങ്ങള്‍ തദ്ദേശ സ്വയം ഭരണ എക്സൈസ് വകുപ്പ് മന്ത്രി നേരിട്ടെത്തി വിലയിരുത്തി. കൊച്ചി മേയര്‍ കെ അനില്‍ കുമാര്‍, ജില്ലാ പഞ്ചായത്ത് പ്രസിഡന്‍റ് ഉല്ലാസ് തോമസ്, കുടുംബശ്രീ എക്സിക്യുട്ടീവ് ഡയറക്ടര്‍ ജാഫര്‍ മാലിക്, എറണാകുളം ജില്ലാ വികസന കമ്മീഷണര്‍ ചേതൻ കുമാര്‍ മീണ, ശുചിത്വമിഷൻ എക്സിക്യുട്ടീവ് ഡയറക്ടര്‍ കെ ടി ബാലഭാസ്കരൻ തുടങ്ങിയവര്‍ പങ്കെടുത്തു.

ഫെബ്രുവരി നാലിന് രാവിലെ പത്ത് മണിക്ക് മുഖ്യമന്ത്രി പിണറായി വിജയൻ എക്സ്പോ ഉദ്ഘാടനം ചെയ്യും. തദ്ദേശ സ്വയം ഭരണ എക്സൈസ് വകുപ്പ് മന്ത്രി എം ബി രാജേഷ് അധ്യക്ഷത വഹിക്കും, പ്രതിപക്ഷ നേതാവ് വി ഡി സതീശൻ മുഖ്യ പ്രഭാഷണം നടത്തും. വ്യവസായ-കയര്‍ വകുപ്പ് മന്ത്രി പി രാജീവ്, ജര്‍മ്മൻ കോൺസുല്‍ ജനറല്‍ ആചിം ബര്‍ക്കാര്‍ട്ട് എന്നിവര്‍ മുഖ്യാതിഥികളായിരിക്കും. ചീഫ് സെക്രട്ടറി വി പി ജോയ് ആമുഖ പ്രഭാഷണം നടത്തും. കൊച്ചി മേയര്‍ എം അനില്‍ കുമാര്‍, ഹൈബി ഈഡൻ എം പി, എംഎല്‍എമാരായ ടി ജെ വിനോദ്, കെ എൻ ഉണ്ണികൃഷ്ണൻ, കെ ജെ മാക്സി, ഉമാ തോമസ്, ജില്ലാ പഞ്ചായത്ത് പ്രസിഡന്‍റ് ഉല്ലാസ് തോമസ്, നവകേരള കര്‍മ്മ പദ്ധതി കോര്‍ഡിനേറ്റര്‍ ടി എൻ സീമ തുടങ്ങിയവര്‍ സംസാരിക്കും. ഇന്ത്യയ്ക്ക് അകത്തുനിന്നും പുറത്തുനിന്നും 150ലേറെ പ്രമുഖരാണ് മൂന്ന് ദിവസങ്ങളിലായി നീണ്ടുനില്‍ക്കുന്ന സെമിനാറുകളിലും പരിപാടികളിലും സംബന്ധിക്കുന്നത്.

സംസ്ഥാനത്തെ എല്ലാ തദ്ദേശ സ്വയം ഭരണ സ്ഥാപനങ്ങളില്‍ നിന്നും ചുരുങ്ങിയത് പത്ത് പ്രതിനിധികള്‍ എക്സ്പോയില്‍ പങ്കെടുക്കാനെത്തും. ഇതിന് പുറമേ മാലിന്യമേഖലയിലെ വിവിധ സംഘടനാ പ്രതിനിധികള്‍, പരിസ്ഥിതി പഠന വിദ്യാര്‍ഥികള്‍, മാധ്യമപ്രതിനിധികള്‍, സംരംഭകര്‍ തുടങ്ങിയവരെല്ലാം എക്സ്പോയ്ക്കെത്തും. കേരള ചരിത്രത്തിലെ ഏറ്റവും വിപുലവും നവീനവുമായ ശുചിത്വ-മാലിന്യ സംസ്കരണ പ്രദര്‍ശന-പഠന പ്രക്രീയയ്ക്കാണ് കൊച്ചി വേദിയാകുന്നത്.

Continue Reading

india

സിദ്ദീഖ് കാപ്പന് മോചനം നാളെ

ലക്‌നോ കോടതിയാണ് ജാമ്യം അനുവദിച്ചത്. കഴിഞ്ഞമാസം സുപ്രീംകോടതി ജാമ്യം അനുവദിച്ചിട്ടും മറ്റ് കള്ളപ്പണം വകുപ്പുകള്‍ ചാര്‍ത്തി മോചനം നീട്ടിക്കൊണ്ടുപോകുകയായിരുന്നു.

Published

on

മാധ്യമപ്രവര്‍ത്തകനും മലയാളിയുമായ സിദ്ദീഖ് കാപ്പന് നാളെ യു.പി ജയില്‍ മോചിതനാകും. വിചാരണകോടതി ഇതുസംബന്ധിച്ച ഫയല്‍ ജയിലിലേക്കയച്ചു. ഇന്ന് മോചിതനാകേണ്ടതായിരുന്നു. 2020 ഒക്ടോബര്‍ അഞ്ചിനാണ് യു.പിക്കതിര്‍ത്തിയില്‍വെച്ച് ഹത്രാസ് പീഡനമരണം റിപ്പോര്‍ട്ട് ചെയ്യാന്‍പോയ സിദ്ദീഖിനെ യു.പി പൊലീസ് അറസ്റ്റ് ചെയ്ത് ജയിലിലിടുന്നത്. ഭീകരവിരുദ്ധ നിയമമായ യു.എ.പി.എ ചുമത്തിയായിരുന്നു കേസ്. ഇതിനെതിരെ സുപ്രീംകോടതി വിധി പ്രസ്താവിച്ചിരുന്നു. രണ്ട് തവണ മാത്രമാണ് ഇതിനിടെ സിദ്ദീഖിന് ജാമ്യം ലഭിച്ചത്. രാജ്യദ്രോഹക്കുറ്റം, ക്രിമിനല്‍ ഗൂഢാലോചന, മതസൗഹാര്‍ദം തകര്‍ക്കല്, തീവ്രവാദപ്രവര്‍ത്തനങ്ങള്‍ക്ക് ധനസഹായം തുടങ്ങിയ വകുപ്പുകളാണ് ചാര്‍ത്തിയത്. യു.പിയിലെ ബി.ജെ.പി സര്‍ക്കാരിന്റെ പകപോക്കല്‍ നടപടിയാണിതെന്ന് ആരോപണമുണ്ടായെങ്കിലും കേന്ദ്രം കൂടി സഹായിച്ചതോടെ മോചനം വൈകുകയായിരുന്നു. മഥുരടോള്‍പ്ലാസയില്‍വെച്ച് അറസ്റ്റ ്‌ചെയ്യുമ്പോള്‍ സിദ്ദീഖിന്റെ പക്കല്‍ തീവ്രവാദ ലഘുലേഖകളുണ്ടായിരുന്നുവെന്നാണ് ആരോപണം. ലക്‌നോ കോടതിയാണ് ജാമ്യം അനുവദിച്ചത്. കഴിഞ്ഞമാസം സുപ്രീംകോടതി ജാമ്യം അനുവദിച്ചിട്ടും മറ്റ് കള്ളപ്പണം വകുപ്പുകള്‍ ചാര്‍ത്തി മോചനം നീട്ടിക്കൊണ്ടുപോകുകയായിരുന്നു. കേരളപത്രപ്രവര്‍ത്തകയൂണിയന്‍ കേസില്‍ കക്ഷിചേര്‍ന്നിരുന്നു.
ഹത്രാസില്‍ ദലിത് പെണ്‍കുട്ടിയെ പീഡിപ്പിച്ച് കൊലപ്പെടുത്തുകയായിരുന്നുവെന്നും പൊലീസ് ബന്ധുക്കളെ അറിയിക്കാതെ മറവ് ചെയ്യുകയായിരുന്നുവെന്നുമാണ ്പരാതി.

Continue Reading

india

കേരളത്തിന് കേന്ദ്രബജറ്റില്‍ വട്ടപ്പൂജ്യം :

കോച്ച് ഫാക്ടറിക്കായി അക്വയര്‍ചെയ്ത ഭൂമിയും അനിശ്ചിതത്വത്തിലാണ്. പൊതുമേഖലാസ്ഥാപനങ്ങളുടെ കാര്യത്തിലും കേരളത്തിന് യാതൊന്നുമില്ല.

Published

on

 

കേരളത്തിന് കേന്ദ്രബജറ്റില്‍ വട്ടപ്പൂജ്യം. സംസ്ഥാനങ്ങള്‍ക്കുള്ള പലിശരഹിതവായ്പ ഒഴിച്ചാല്‍ സംസ്ഥാനത്തിന് യാതൊന്നും നേട്ടമായില്ല. റെയില്‍വെയുടെ കാര്യത്തിലും പ്രതീക്ഷിച്ചിരുന്ന എയിംസ് മെഡിക്കല്‍ കോളജിന്‍രെ കാര്യത്തിലും കോച്ച് ഫാക്ടറിയുടെ കാര്യത്തിലുമെല്ലാം കേരളത്തെ ബി.ജെ.പി സര്‍കക്കാര്‍ കണക്കറ്റ് അവഗണിച്ചു.
ജി.എസ്.ടി വിഹിതത്തിലാണ് കേരളം കാതോര്‍ത്തിരുന്നതെങ്കിലും അതുമുണ്ടായില്ല. കേരളത്തിന്റെ സാമ്പത്തികപ്രതിസന്ധിക്ക് ഇനി കടമെടുപ്പ് മാത്രമാണ് ഏക ആശ്രയം. കെ.റെയിലിന് അനുമതി കിട്ടുമെന്ന ഇടതുസര്‍ക്കാരിന്‍രെ പ്രതീക്ഷയും അസ്ഥാനത്തായി. സഹകരണമേഖലയെ കടന്നുപിടിക്കുന്ന തരത്തില്‍ പഞ്ചായത്തുകള്‍ തോറും സഹകരണസ്ഥാപനങ്ങള്‍ ആരംഭിക്കുന്നതിനെക്കുറിച്ച് പറയുന്നത് സംസ്ഥാനാധികാരത്തിലുള്ള കൈകടത്തലായി. തൊഴിലുറപ്പ് പദ്ധതിയിലും നിലവിലെ അവസ്ഥയില്‍നിന്ന ്മാറ്റമൊന്നുമില്ല. പ്രവാസികള്‍ക്കായി പ്രത്യേക പാക്കേജ് എന്ന പുനരധിവാസപദ്ധതിയും കേന്ദ്രം കണ്ട മട്ട് നടിച്ചില്ല. ഫലത്തില്‍ കര്‍ണാടകത്തെ പേരെടുത്ത് പറഞ്ഞ് അനുവദിച്ച തുക പോലും കേരളത്തിനുണ്ടായില്ല. പൊതുതിരഞ്ഞെടുപ്പില്‍ അഞ്ച് സീറ്റ് നേടുമെന്ന് കേരളത്തെക്കുറിച്ച് ബി.ജെ.പി വായിട്ടടിക്കുമ്പോഴാണ ്ഈ പരിഹാസവും അവഗണനയും. എയിംസിനായി കോഴിക്കോട് കിനാലൂരില്‍ സ്ഥലവുമെടുത്ത് കാത്തിരിക്കുകയാണ് കേരളം. കോച്ച് ഫാക്ടറിക്കായി അക്വയര്‍ചെയ്ത ഭൂമിയും അനിശ്ചിതത്വത്തിലാണ്. പൊതുമേഖലാസ്ഥാപനങ്ങളുടെ കാര്യത്തിലും കേരളത്തിന് യാതൊന്നുമില്ല.

Continue Reading

Trending