Connect with us

Video Stories

ഐഎസ്എല്‍ കലാശം @ കൊച്ചി

Published

on

കൊച്ചി: ക്രിസമസ് സമ്മാനമായി കൊച്ചിക്ക് ഐ.എസ്.എല്‍ മൂന്നാം സീസണ്‍ ഫൈനല്‍. ഡിസംബര്‍ 18ന് നടക്കുന്ന കലാശകളിയുടെ വേദിയായി കൊച്ചി ജവഹര്‍ലാല്‍ നെഹ്‌റു സ്റ്റേഡിയം ഔദ്യോഗികമായി തെരഞ്ഞെടുക്കപ്പെട്ടു. രാജ്യത്തെ വിവിധ മേഖലകളിലെ പ്രതിഭകളുടെ സാനിധ്യത്തിലായിരിക്കും കൊച്ചിയിലെ ഫൈനല്‍. സീസണ്‍ തുടക്കത്തിലേ കൊച്ചിക്ക് സാധ്യതകള്‍ കല്‍പിക്കപ്പെട്ടിരുന്നുവെങ്കിലും താരങ്ങള്‍ക്കും ഒഫീഷ്യലുകള്‍ക്കും ഫൈനല്‍ മത്സരം കാണാനെത്തുന്ന അതിഥികള്‍ക്കും താമസ സൗകര്യം കണ്ടെത്താന്‍ വൈകിയതോടെ തീരുമാനം അനിശ്ചിതത്വത്തിലാവുകയായിരുന്നു. ഒടുവില്‍ ഈ കടമ്പകള്‍ കടക്കാനായതോടെ കൊച്ചിക്ക് തന്നെ നറുക്ക് വീണു. പൂനെ സിറ്റിക്കെതിരായ മത്സരത്തോടെ പത്തു ലക്ഷത്തിലധികം കാണികള്‍ നേരിട്ട് കളി കാണാനെത്തിയ ലീഗിലെ ആദ്യ സ്റ്റേഡിയമെന്ന റെക്കോഡ് കൊച്ചിക്ക് ലഭിച്ചിരുന്നു. എല്ലാ ഹോം മത്സരത്തിലും ബ്ലാസ്‌റ്റേഴ്‌സിന് നിരുപാധിക പിന്തുണയുമായെത്തുന്ന ആരാധകര്‍ക്കുള്ള ഐ.എസ്.എല്‍ മാനേജ്‌മെന്റിന്റെ സമ്മാനം കൂടിയായി മാറി ഫൈനല്‍ വേദി നിശ്ചയം.
കൊച്ചിക്ക് പുറമേ ഡല്‍ഹി, പൂനെ ടീമുകള്‍ക്കായിരുന്നു ലീഗില്‍ ഇതു വരെ ഉദ്ഘാടന മത്സരത്തിനോ ഫൈനലിനോ വേദിയാവാന്‍ കഴിയാതിരുന്നത്. ഇന്ത്യന്‍ ഫുട്‌ബോളിന്റെ പ്രധാന നഴ്‌സറികളായി അറിയപ്പെടുന്ന മൂന്നു നഗരങ്ങളില്‍ കൊച്ചി മാത്രമാണ് ഐ.എസ്.എലിന്റെ പ്രധാന മത്സരത്തിന് വേദിയാവാന്‍ ബാക്കിയുണ്ടായിരുന്നതും. കൊല്‍ക്കത്തയിലായിരുന്നു ആദ്യ ലീഗ് സീസണിന്റെ തുടക്കം. ഫൈനലിന് മുംബൈ വേദിയായി. രണ്ടാം സീസണില്‍ ചെന്നൈ ഉദ്ഘാടനത്തിനും ഗോവ കലാശകളിക്കും വേദിയൊരുക്കി. ഐ.എസ്.എലിന് ഏറ്റവും കൂടുതല്‍ ആരാധകരുള്ള സ്ഥലമെന്ന സവിശേഷതയും കൊച്ചിക്കുണ്ട്്. കഴിഞ്ഞ തവണ സെമിഫൈനല്‍ കാണാതെ പുറത്തായെങ്കിലും കാണികളുടെ അറ്റഡന്‍സില്‍ ഒന്നാം സ്ഥാനം കേരള ബ്ലാസ്റ്റേഴ്‌സിനായിരുന്നു. ഏഴു മത്സരങ്ങള്‍ കാണാന്‍ 52,000 ശരാശരിയില്‍ 3.64 ലക്ഷം പേരാണ് കൊച്ചിയില്‍ കളി കാണാനെത്തിയത്. അറ്റഡന്‍സില്‍ രണ്ടാം സ്ഥാനത്തെത്തിയ കൊല്‍ക്കത്തയിലെ സാള്‍ട്ട് ലേക്കില്‍ എത്തിയത് മൂന്ന് ലക്ഷം പേര്‍ മാത്രം. പ്രഥമ സീസണിലും കൊച്ചിക്ക് തന്നെയായിരുന്നു റെക്കോഡ്. ആകെയുള്ള ഏഴു മത്സരങ്ങള്‍ കണ്ടത് 3.92 ലക്ഷം പേര്‍. മൂന്നാം സീസണില്‍ കഴിഞ്ഞ ആറു മത്സരങ്ങള്‍ വരെയുള്ള കണക്ക് പ്രകാരം പത്തു ലക്ഷത്തിലധികം പേര്‍ സ്റ്റേഡിയത്തിലെത്തിയിട്ടുണ്ട്്. കഴിഞ്ഞ സീസണില്‍ ഡല്‍ഹിക്കെതിരെ നടന്ന മത്സരത്തിലാണ് ഏറ്റവും കൂടുതല്‍ ആളുകള്‍ കൊച്ചിയിലെ ഗാലറിയിലെത്തിയത്. 62,013 പേരാണ് അന്നത്തെ മത്സരം നേരില്‍ കണ്ടത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending