Connect with us

kerala

ജലീല്‍ മന്ത്രിസ്ഥാനം രാജിവെക്കും വരെ യുഡിഎഫ് പ്രതിഷേധം തുടരുമെന്ന് പികെ കുഞ്ഞാലിക്കുട്ടി

ബന്ധു നിയമന ആരോപണം നേരിട്ടതിനെ തുടര്‍ന്ന് രാജിവെച്ച ഇപി ജയരാജന്‍, അനധികൃത കയ്യേറ്റം ചെയ്തതിന്റെ പേരില്‍ വിട്ടു നിന്ന തോമസ് ചാണ്ടി, എം. ശിവശങ്കര്‍ എന്നിവരുടേതു പോലെ കെടി ജലീലിനും രാജിവെക്കാനുള്ള ധാര്‍മികമായ ഉത്തരവാദിത്വമുണ്ടെന്ന് കുഞ്ഞാലിക്കുട്ടി വ്യക്തമാക്കി

Published

on

 

കോഴിക്കോട്: സ്വര്‍ണക്കടത്തു കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റിന്റെ ചോദ്യം ചെയ്യല്‍ നേരിട്ട കെടി ജലീല്‍ മന്ത്രി സ്ഥാനം രാജിവെക്കണമെന്ന് മുസ്‌ലിംലീഗ് അഖിലേന്ത്യാ ജനറല്‍ സെക്രട്ടറി പികെ കുഞ്ഞാലിക്കുട്ടി. മാധ്യമങ്ങളോടു സംസാരിക്കുകയായിരുന്നു അദ്ദേഹം.

ബന്ധു നിയമന ആരോപണം നേരിട്ടതിനെ തുടര്‍ന്ന് രാജിവെച്ച ഇപി ജയരാജന്‍, അനധികൃത കയ്യേറ്റം ചെയ്തതിന്റെ പേരില്‍ വിട്ടു നിന്ന തോമസ് ചാണ്ടി, എം. ശിവശങ്കര്‍ എന്നിവരുടേതു പോലെ കെടി ജലീലിനും രാജിവെക്കാനുള്ള ധാര്‍മികമായ ഉത്തരവാദിത്വമുണ്ടെന്ന് കുഞ്ഞാലിക്കുട്ടി വ്യക്തമാക്കി. ജലീലിന് വിവരങ്ങള്‍ മറച്ചുവെക്കാനുള്ളത് കൊണ്ടാണ് ഇതുവരെ പ്രതികരിക്കാത്തത്. മന്ത്രി രാജിവെക്കും വരെ യുഡിഎഫ് പ്രതിഷേധം തുടരുമെന്നും കുഞ്ഞാലിക്കുട്ടി പറഞ്ഞു.

അതേസമയം ജലീല്‍ രാജിവെക്കണമെന്നാവശ്യപ്പെട്ട് സംസ്ഥാന വ്യാപകമായി പ്രതിപക്ഷ യുവജന സംഘടനകള്‍ പ്രതിഷേധം തുടരുകയാണ്. കാസര്‍ക്കോട്ടും കോഴിക്കോട്ടും യൂത്ത്‌ലീഗിന്റെ പ്രതിഷേധം തുടരുന്നു. കോഴിക്കോട്ടെ യൂത്ത്‌ലീഗ് പ്രതിഷേധത്തിനു നേരെ പൊലീസ് ജലപീരങ്കി പ്രയോഗിച്ചു.

മലപ്പുറം വളാഞ്ചേരിയിലെ ജലീലിന്റെ വീട്ടിലേക്ക് യുവമോര്‍ച്ച നടത്തി. തൃശൂര്‍ കമ്മീഷണര്‍ ഓഫീസിലേക്ക് ബിജെപിയും മാര്‍ച്ച് നടത്തി. സെക്രട്ടേറിയറ്റിലേക്ക് മഹിളാ കോണ്‍ഗ്രസ് പ്രവര്‍ത്തകര്‍ മാര്‍ച്ച് നടത്തി. കോഴിക്കോട്, കൊല്ലം, പത്തനംതിട്ട ജില്ലകളില്‍ യൂത്ത് കോണ്‍ഗ്രസിന്റെ മാര്‍ച്ച് നടക്കുന്നു.

kerala

സിദ്ദിഖ് കാപ്പന്‍ ഐക്യദാര്‍ഢ്യ സദസ്സ് റദ്ദാക്കി; സംഘര്‍ഷ സാധ്യതയെന്ന് പൊലീസ് റിപ്പോര്‍ട്ട്

ഇന്ന് വൈകിട്ട് കോഴിക്കോട് ടൗണ്‍ ഹാളിലായിരുന്നു പരിപാടി നടത്താനിരുന്നത്.

Published

on

കോഴിക്കോട്ട് ഇന്ന് സംഘടിപ്പിക്കാനിരുന്ന സിദ്ദിഖ് കാപ്പന്‍ ഐക്യദാര്‍ഢ്യ സദസ്സ് റദ്ദാക്കി. പരിപാടിക്കെതിരെ ബിജെപി പൊലീസ് മേധാവിക്ക് പരാതി നല്‍കിയ സാഹചര്യത്തില്‍ സംഘര്‍ഷ സാധ്യതയുണ്ടെന്ന പൊലീസ് റിപ്പോര്‍ട്ടിന്റെ അടിസ്ഥാനത്തിലാണ് പരിപാടി റദ്ദാക്കിയത്.

ഇന്ന് വൈകിട്ട് കോഴിക്കോട് ടൗണ്‍ ഹാളിലായിരുന്നു പരിപാടി നടത്താനിരുന്നത്. മുസ്‌ലിം ലീഗ് നേതാവ് മുനവ്വറലി ശിഹാബ് തങ്ങളാണ് പരിപാടി ഉദ്ഘാടനം ചെയ്യേണ്ടിയിരുന്നത്.

Continue Reading

kerala

പഴം ഇറക്കുമതിയുടെ മറവില്‍ ലഹരിക്കടത്ത്; മലയാളി പിടിയില്‍

ദക്ഷിണാഫ്രിക്കയില്‍ നിന്നുള്ള ഓറഞ്ച് എന്ന വ്യാജേനയാണ് ലഹരി വസ്തുക്കള്‍ എത്തിച്ചത്.

Published

on

പഴം ഇറക്കുമതിയുടെ മറവില്‍ 1476 കോടി രൂപയുടെ ലഹരിമരുന്ന് കടത്തിയ കേസില്‍ മലയാളി പിടിയില്‍. എറണാകുളം കാലടിയില്‍ നിന്നുള്ള വിജിന്‍ വര്‍ഗീസാണ് അറസ്റ്റിലായത്. മഹാരാഷ്ട്രയിലെ വാസിയില്‍ നടന്ന റെയ്ഡിലാണ് ലഹരിമരുന്ന് ഡി.ആര്‍.ഐ പിടിച്ചെടുത്തത്. ദക്ഷിണാഫ്രിക്കയില്‍ നിന്നുള്ള ഓറഞ്ച് എന്ന വ്യാജേനയാണ് ലഹരി വസ്തുക്കള്‍ എത്തിച്ചത്.

198 കിലോ മെത്തും 9 കിലോ കൊക്കെയ്‌നുമാണ് പിടികൂടിയത്. വിജിന്‍ ഉടമയായ കമ്പനിയുടെ പേരില്‍ ലഹരിമരുന്നുകള്‍ എത്തിയതിനെ തുടര്‍ന്ന് ഇയാളെ ഡി ആര്‍ ഐ കസ്റ്റഡിയിലെടുക്കുകയായിരുന്നു. ഇയാളുടെ സുഹൃത്ത് തച്ചാംപറമ്പന്‍ മന്‍സൂറിനെ കണ്ടെത്താനായി ഡി ആര്‍ ഐ സംഘം അന്വേഷണം നടത്തുകയാണ്.

ലഹരി ഇടപാടില്‍ 70 ശതമാനം ലാഭം വിജിനും 30 ശതമാനം മന്‍സൂറിനുമാണ് വീതം വെച്ചിരുന്നതെന്ന് ഡിആര്‍ഐ അധികൃതര്‍ അറിയിച്ചു. സംഭവത്തിന് പിന്നാലെ റവന്യൂ ഇന്റലിജന്‍സിന്റെ നേതൃത്വത്തില്‍ എറണാകുളം കാലടിയിലുള്ള ഇയാളുടെ സ്ഥാപനത്തില്‍ പരിശോധന നടത്തി.

Continue Reading

kerala

നെടുമ്പാശേരി വിമാനത്താവളത്തില്‍ വന്‍ സ്വര്‍ണവേട്ട

മലപ്പുറം , കോഴിക്കോട് , കാസര്‍ഗോഡ് എന്നിവിടങ്ങളിലെ യാത്രക്കാരില്‍ നിന്നാണ് പിടികൂടിയത്.

Published

on

കൊച്ചി അന്താരാഷ്ട്ര വിമാന താവളം വഴി അനധികൃതമായി കടത്താന്‍ ശ്രമിച്ച 1 . 5 കോടി രൂപ വിലവരുന്ന സ്വര്‍ണ്ണം കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. മലപ്പുറം , കോഴിക്കോട് , കാസര്‍ഗോഡ് എന്നിവിടങ്ങളിലെ യാത്രക്കാരില്‍ നിന്നാണ് പിടികൂടിയത്. ഇന്ന് പുലര്‍ച്ചെ ദുബായില്‍ നിന്നാണ് ഇവര്‍ എത്തിയത്.

പൊടിരൂപത്തിലും ബേസ്‌ബോര്‍ഡ് പെട്ടിയിലൊളിപ്പിച്ചും ഗുളിക രൂപത്തിലുമാക്കിയാണ് ഇവര്‍ സ്വര്‍ണം കടത്താന്‍ ശ്രമിച്ചത്.

Continue Reading

Trending