പ്രതിപക്ഷനേതാവിന് മുന്നില്‍ പരാതികളുമായി നാട്ടുകാര്‍. പ്രതിപക്ഷനേതാവും യൂഡിഎഫ് നേതാക്കളും ശിശുമരണം നടന്ന  അട്ടപ്പാടിയിലെത്തിയപ്പോയാണ് പരാതികളുമായി നാട്ടുകാര്‍ സമീപിച്ചത്.

തങ്ങളെ ആരും തിരിഞ്ഞുനോക്കുന്നില്ലെന്നും ഇതുപോലുള്ള എന്തെങ്കിലും ദുരന്തങ്ങള്‍ ഉണ്ടാവുമ്പോള്‍ മാത്രമാണ് ആരെങ്കിലും വരുന്നതെന്നും അവര്‍ പരാതിപ്പെട്ടു. ഉത്തരവാദിത്തപ്പെട്ട ആരും തങ്ങളെ തിരിഞ്ഞുനോക്കാറില്ലെന്നും ഇവര്‍ പ്രതിപക്ഷനേതാവിനോട് പരാതിപ്പെട്ടു.

അട്ടപ്പാടിയില്‍ കഴിഞ്ഞ യുഡിഎഫ് സര്‍ക്കാരിന്റെ കാലത്ത് നിരവധി പദ്ധതികള്‍ നടപ്പായിരുന്നെന്നും നോഡല്‍ ഓഫീസറെ പദ്ധതികള്‍ ഏകോപിപ്പിക്കാന്‍ ചുമതലപ്പെടുത്തിയിരുന്നുവെന്നും വി.ഡി സതീശന്‍ പറഞ്ഞു.
ഈ സര്‍ക്കാരിന്റെ തുടക്കത്തില്‍ അതെല്ലാം തുടര്‍ന്നിരുന്നങ്കിലും പിന്നീട് അതെല്ലാം നിന്നുപോയെന്നും പ്രതിപക്ഷനേതാവ് കുറ്റപ്പെടുത്തി.

പുതിയ ഒരു പദ്ധതിയും സര്‍ക്കാര്‍ കൊണ്ടുവന്നിട്ടില്ലെന്നും ആശുപത്രിയോ ഡോക്ടര്‍മാരോ ഇവര്‍ക്ക് ഇല്ലെന്നും അദ്ദേഹം പറഞ്ഞു.
എല്ലാ രോഗികളെയും പെരിന്തല്‍മണ്ണയിലേക്ക് റഫര്‍ ചെയ്യുകയാണെന്നും അവിടെയെത്താന്‍ സൗകര്യങ്ങളില്ലെന്നത് സര്‍ക്കാര്‍ പരിഗണിക്കുന്നുപോലുമില്ലെന്നും വിഡി സതീശന്‍ ചൂണ്ടിക്കാട്ടി. എന്ത് മാറ്റമാണ് മന്ത്രി അട്ടപ്പാടി സന്ദര്‍ശിച്ചതുകൊണ്ട് ഉണ്ടായതെന്നും അദ്ദേഹം വിമര്‍ശിച്ചു.