Connect with us

Culture

ട്രംപിനെ പേരെടുത്ത് പറയാതെ മിഷേല്‍ ഒബാമയുടെ വൈകാരിക പ്രസംഗം; ഹിലരിക്കു മുന്‍തൂക്കം

Published

on

യു.എസ് പ്രസിഡണ്ട് തെരഞ്ഞെടുപ്പില്‍ ഹിലരി ക്ലിന്റനു വേണ്ടി പ്രസിഡണ്ട് ബറാക് ഒബാമയുടെ ഭാര്യ മിഷേല്‍ നടത്തിയ പ്രസംഗം വൈറലാവുന്നു. ന്യൂ ഹാംഷെയറില്‍ ഡെമോക്രാറ്റ് സ്ഥാനാര്‍ത്ഥി ഹിലരി ക്ലിന്റണു വേണ്ടി നടത്തിയ വൈകാരികമായ പ്രസംഗം രാഷ്ട്രീയ ഭേദമന്യേ എല്ലാ വിഭാഗം ശ്രോതാക്കളുടൈയും കയ്യടി നേടി. ഹിലരിയുടെ പ്രചരണത്തിലെ നിര്‍ണായക വഴിത്തിരിവ് എന്നാണ് അമേരിക്കന്‍ മാധ്യമങ്ങള്‍ മിഷേലിന്റെ അര മണിക്കൂര്‍ നീണ്ട പ്രസംഗത്തെ വിശേഷിപ്പിക്കുന്നത്. സോഷ്യല്‍ മീഡിയയിലും ഇത് വൈറലായി.

റിപ്പബ്ലിക്കന്‍ സ്ഥാനാര്‍ത്ഥി ഡൊണാള്‍ഡ് ട്രംപിന്റെ സ്ത്രീ വിരുദ്ധ നിലപാടുകളെ നിശിതമായി വിമര്‍ശിച്ച മിഷേല്‍, യു.എസ്സിലെ വനിതകളുടെ പ്രതിനിധി എന്ന നിലക്കാണ് പ്രസംഗിച്ചത്. അതേസമയം, തുടര്‍ച്ചയായ വിവദങ്ങളില്‍ അകപ്പെടുന്ന ട്രംപിന്റെ പേര് ഒരിക്കല്‍പ്പോലും അവര്‍ പരാമര്‍ശിച്ചില്ല.

പ്രസക്ത ഭാഗങ്ങള്‍:

  • ‘അമേരിക്കയുടെ പ്രസിഡണ്ട് സ്ഥാനത്തിനായി മത്സരിക്കുന്ന ഒരു സ്ഥനാര്‍ത്ഥി സ്ത്രീകളെ ലൈംഗികമായി പീഡിപ്പിക്കുന്നിനെപ്പറ്റി വീമ്പടിക്കുന്നു എന്ന് ഞാന്‍ പറയുന്നുവെന്ന് എനിക്കു തന്നെ വിശ്വസിക്കാനാവുന്നില്ല. അതേപ്പറ്റി ചിന്തിക്കാതിരിക്കാനും എനിക്ക് കഴിയുന്നില്ല.’
  • ‘ഇതൊരിക്കലും സാധാരണമല്ല. ഇത് സാധാരണ രാഷ്ട്രീയമല്ല. ഇത് അപമാനമാണ്. വെച്ചു പൊറുപ്പിക്കാനാവാത്തതാണ്.’
  • ‘എനിക്ക് പരിചയമുള്ള പുരുഷന്മാരൊന്നും സ്ത്രീകളെപ്പറ്റി ഇങ്ങനെ സംസാരിക്കുന്നവരല്ല. കരുത്തരും മറ്റുള്ളവര്‍ക്ക് മാതൃകയാവുന്നവരുമായ പുരുഷന്മാര്‍ക്ക്, തങ്ങള്‍ കരുത്തരാണെന്ന് തെളിയിക്കാന്‍ സ്ത്രീകളെ അപമാനിക്കേണ്ടി വരാറില്ല.’
  • ‘സാധാരണ കാര്യം എന്ന പോലെ പരവതാനിക്കടിയിലേക്ക് അടിച്ചുവാരിക്കൂട്ടാവുന്ന ചെറിയ കാര്യമല്ല ഇതൊന്നും. കരുത്തനായ ഒരു വ്യക്തി സ്വതന്ത്രനായി സ്ത്രീകളെ പീഡിപ്പിക്കുന്നതിനെപ്പറ്റി സംസാരിക്കുകയാണ്…. നമ്മുടെ കുട്ടികള്‍ക്കു മുന്നില്‍ ഇക്കാര്യം കാണിച്ചുകൊടുക്കാന്‍ നമുക്ക് കഴിയില്ല…’
  • ‘നാം എല്ലാവരും എഴുന്നേറ്റു നിന്ന് ‘ഇത്രയും മതി’ എന്ന് പറയാനുള്ള സമയായിരിക്കും. ഇതിവിടെ നിര്‍ത്തണം…’

 

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

കാന്താര 400 കോടി ക്ലബില്‍

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്.

Published

on

ഇന്ത്യന്‍ സിനിമയില്‍ ആകെ തരംഗമായ കന്നട ചിത്രം കാന്താര 400 കോടി ക്ലബ്ബില്‍. 400.09 കൂടിയാണ് കാന്താരിയുടെ കളക്ഷന്‍.ട്രേഡ് അനലിസ്റ്റ് ആയ തരന്‍ ആദര്‍ശാണ് ഇക്കാര്യം ഫീറ്റ് ചെയ്തത്.

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്. ചിത്രം വന്‍ വിജയമായതോടെ മറ്റു ഭാഷകളിലേക്കും ഡബ്ബ് ചെയ്തു. ഇന്ന് ഇന്ത്യയില്‍ അഞ്ചോളം ഭാഷകളില്‍ ചിത്രം ലഭ്യമാണ്.

ആര്‍ ആര്‍ ആര്‍, കെജിഎഫ് ചാപ്റ്റര്‍ ടു, പൊന്നിയന്‍ സെല്‍വന്‍1, ബ്രഹ്മാസ്ത്ര, വിക്രം എന്നീ ചിത്രങ്ങള്‍ക്ക് ശേഷം 400 കോടി ക്ലബ്ബില്‍ എത്തുന്ന ആറാമത്തെ ഇന്ത്യന്‍ ചിത്രമാണിത്.ഋഷഭ് ഷെട്ടി കഥയെഴുതി സംവിധാനം ചെയ്ത ചിത്രത്തില്‍ അദ്ദേഹം ത്‌ന്നെയാണ് അഭിനയിച്ചിരിക്കുന്നത്.

Continue Reading

Culture

ഗോവ അന്താരാഷ്ട്ര ചലച്ചിത്രോല്‍സവത്തിന് വര്‍ണാഭമായ തുടക്കം

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും.

Published

on

അമ്പത്തിമൂന്നാമത് ഗോവ അന്താരാഷ്ട്ര ചലച്ചിത്രോല്‍സവത്തിന് തിരശീല ഉയര്‍ന്നു.

പ്രമുഖ താരങ്ങള്‍ പങ്കെടുത്തു. സില്‍ ഷെട്ടി ,അജയ് ദേവഗണ്‍, പങ്കജ് ത്രിപാഠി തുടങ്ങിയവര്‍ പങ്കെടുത്തു. ഗോവ ചലച്ചിത്രമേളയെ ലോകസിനിമാനിര്‍മാണ വേദിയാക്കി ഉയര്‍ത്തുമെന്ന് വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍ പറഞ്ഞു. ഡീറ്റര്‍ ബെര്‍ണര്‍ സംവിധാനം ചെയ്ത ഓസ്ട്രിയന്‍ ചിത്രം ‘ അല്‍മ ആന്റ് ഓസ്‌കര്‍ ‘ ആണ് ഉദ്ഘാടനചിത്രം.

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും. 28ന് മേള സമാപിക്കും. ഫ്രാന്‍സ് ആണ് കണ്‍ട്രി ഫോക്കസില്‍. ഇന്ത്യന്‍ പനോരമയില്‍ മഹേഷ് നാരായണന്റെ മലയാളത്തിലെ ‘അറിയിപ്പ്’ പ്രദര്‍ശിപ്പിക്കും.

Continue Reading

Art

സംസ്ഥാന സ്‌കൂള്‍ കലോത്സവം ജനുവരി 3 മുതല്‍ കോഴിക്കോട്ട് അരങ്ങ് കുറിക്കും

239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും

Published

on

അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തിന് തീരുമാനമായി. കോഴിക്കോട് ജില്ലയിലാണ് ഇപ്രാവശ്യത്തെ സ്‌കൂള്‍ കലോത്സവം. ജനുവരി 3 മുതല്‍ 7 വരെയാണ് കലോത്സവം സംഘടിപ്പിക്കുന്നത്. 239 ഇനം കലാപരിപാടികളിലായി 14000 ത്തോളം വിദ്യാര്‍ത്ഥികളാണ് പങ്കെടുക്കുന്നത്.

വെസ്റ്റ്ഹില്‍ വിക്രം മൈതാനിയാണ് കലോത്സവത്തിന്റെ പ്രധാന വേദി. ജില്ലയിലെ വിവിധ സ്‌കൂളുകളിലായി 24 ഓളം വേദികളാണ് ഒരുക്കുക. 239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും. കൂടാതെ ദിശ ഹയര്‍ എജുക്കേഷന്‍ എക്‌സ്‌പോയും എക്‌സിബിഷനുകളും സംസ്‌കാരിക കലാ പരിപാടികളും ദൃശ്യവിസ്മയവും സംസ്ഥാന കലോത്സവത്തിന്റെ ഭാഗമായി നടക്കും.

Continue Reading

Trending