Connect with us

More

അഞ്ചേരി ബേബി വധം: വിടുതല്‍ ഹര്‍ജി തള്ളി- എംഎം മണി പ്രതി തന്നെ

Published

on

തൊടുപുഴ: യൂത്ത്‌ കോണ്‍ഗ്രസ് പ്രവര്‍ത്തകനായിരുന്ന അഞ്ചേരി ബേബി വധക്കേസില്‍ മന്ത്രിയും സി.പി.എം സെക്രട്ടറിയേറ്റ് അംഗവുമായ എം.എം മണി പ്രതിയായി തുടരും. അതേസമയം സിപിഎം ജില്ലാ സെക്രട്ടറിയും മുന്‍ എം.എല്‍.എയുമായ കെ.കെ ജയചന്ദ്രനും കേസില്‍ പ്രതിയാകും. തൊടുപുഴ അഡീഷണല്‍ സെഷന്‍സ് കോടതിയുടെതാണ് ഉത്തരവ്. മണി സമര്‍പ്പിച്ച വിടുതല്‍ ഹര്‍ജി തളളിക്കൊണ്ടാണ് കോടതി നിര്‍ണായക ഉത്തരവ് പുറപ്പെടുവിച്ചിരിക്കുന്നത്. കേസില്‍ രണ്ടാം പ്രതിയായ മണി വിചാരണ നേരിടണം.

മണക്കാട് പ്രസംഗത്തെ തുടര്‍ന്ന് പുനരന്വേഷണം നടന്ന കേസില്‍ രണ്ടാം പ്രതിയാണ് എം.എം.മണി. കെ.കെ. ജയചന്ദ്രന്‍, എം.എം.മണി എന്നിവര്‍ ചേര്‍ന്നാണ് കൊലപാതകം ആസൂത്രണം ചെയ്തതെന്നാണ് പ്രോസിക്യൂഷന്‍ വാദം. കേസുമായി ബന്ധപ്പെട്ട് രണ്ട് ഹര്‍ജികളാണ് ഇന്ന് കോടതി പരിഗണിച്ചിരുന്നത്. എം.എം മണിയുടെ വിടുതല്‍ ഹര്‍ജിയും സിപിഎം ജില്ലാ സെക്രട്ടറി കെ. കെ. ജയചന്ദ്രനെയും സിഐടിയു മുന്‍ ജില്ലാ സെക്രട്ടറി എ. കെ ദാമോദരനെയും പ്രതിപ്പട്ടികയില്‍ ഉള്‍പ്പെടുത്തണമെന്നാവശ്യപ്പെട്ടുകൊണ്ടുള്ള ഹര്‍ജിയും.
ഇതില്‍ രണ്ടിലും പ്രോസിക്യൂഷന് അനുകൂലമായാണ് കോടതിയുടെ ഉത്തരവ് വന്നത്.

1982 നവംബര്‍ പതിമൂന്നാംതിയ്യതിയാണ് അഞ്ചേരി ബേബി വധിക്കപ്പെട്ടത്. 2012 മെയ് 25ന് മണക്കാട്ടുെവച്ച് എം.എം.മണി നടത്തിയ വിവാദപ്രസംഗത്തിന്റെ അടിസ്ഥാനത്തിലാണ്
വീണ്ടും കേസ് രജിസ്റ്റര്‍ചെയ്തത്. ഇതില്‍ എം.എം.മണി ഉള്‍പ്പെടെ മൂന്നുപേരാണ് പ്രതിപ്പട്ടികയിലുള്ളത്. പാമ്പുപാറ കുട്ടന്‍, ഒജി മദനന്‍ എന്നിവരാണ് കേസിലെ മറ്റു പ്രതികള്‍.

Literature

ഐ.എഫ്.എഫ്.കെ 2022: ഇരുപത്തി ഏഴാമത് ചലച്ചിത്ര മേളക്ക് ഇനി രണ്ട് നാള്‍ മാത്രം

184 ചിത്രങ്ങളാണ് എട്ടുദിവസം നീണ്ടുനില്ക്കുന്ന മേളയില്‍ പ്രദര്‍ശിപ്പിക്കുന്നത്.

Published

on

ഇരുപത്തിയേഴാമത് കേരളാ രാജ്യാന്തര ചലച്ചിത്രമേളയ്ക്ക് ഇനി രണ്ട് നാള്‍ മാത്രം. സിനിമാപ്രവര്‍ത്തകരും ചലച്ചിത്രപ്രേമികളും പങ്കെടുക്കും. 14 തിയേറ്ററുകളിലായി 70 ലധികം രാജ്യങ്ങളില്‍ നിന്നുള്ള 184 ചിത്രങ്ങളാണ് എട്ടുദിവസം നീണ്ടുനില്ക്കുന്ന മേളയില്‍ പ്രദര്‍ശിപ്പിക്കുന്നത്. മേളയുടെ ഉദ്ഘാടന സമാപനചടങ്ങുകള്‍ നിശാ ഗന്ധിയില്‍ നടക്കും. മേളയുടെ ഭാഗമായി വിവിധ തരം കലാ സാംസ്‌കാരിക പരിപാടികളും അരങ്ങേറും.

വിവിധ തിയേറ്ററുകളിലായി 9600 സീറ്റുകളാണ് മേളയ്ക്കായി സജ്ജമാക്കിയിട്ടുള്ളത്. 2500 സീറ്റുകള്‍ ഉള്ള ഓപ്പണ്‍ തിയേറ്റര്‍ ആയ നിശാഗന്ധിയാണ് ഏറ്റവും വലിയ പ്രദര്‍ശന വേദി. മിഡ്‌നൈറ്റ് സ്‌ക്രീനിങ് ചിത്രമായ സാത്താന്‍സ് സ്ലേവ്‌സ് 2 കമ്മ്യൂണിയന്‍ ഉള്‍പ്പടെ പ്രധാന ചിത്രങ്ങള്‍ ഇവിടെ പ്രദര്‍ശിപ്പിക്കും.

Continue Reading

Money

പലിശ നിരക്ക് ഇനിയും കത്തും; തൊട്ടാല്‍ പൊള്ളുന്ന വര്‍ധനവുമായി ആര്‍.ബി.ഐ

ഭവന, വാഹന വായ്പകള്‍ അടക്കമുള്ള വ്യക്തിഗത വായ്പകള്‍ക്കു നിരക്കു കൂടും.

Published

on

മുംബൈ: പലിശ നിരക്കുകള്‍ വര്‍ധിപ്പിച്ച് റിസര്‍വ് ബാങ്ക്. തുടര്‍ച്ചയായി അഞ്ചാം തവണയാണ് ഉയര്‍ത്തുന്നത്. ആര്‍ബിഐ ബാങ്കുകള്‍ക്കു നല്‍കുന്ന ഹ്രസ്വകാല വായ്പയായ റിപ്പോയുടെ നിരക്കില്‍ 35 ബേസിസ് പോയിന്റിന്റെ വര്‍ധനയാണ് വരുത്തിയത്. ഇതോടെ റിപ്പോ നിരക്ക് 6.25 ശതമാനമായി. ആര്‍ബിഐ നിരക്ക് ഉയര്‍ത്തിയതോടെ ഭവന, വാഹന വായ്പകള്‍ അടക്കമുള്ള വ്യക്തിഗത വായ്പകള്‍ക്കു നിരക്കു കൂടും.

വിപണിയനുസരിച്ചാണ് നടപടിയെന്ന് വായ്പാ നയ അവലോകന യോഗ തീരുമാനങ്ങള്‍ വിശദീകരിച്ചുകൊണ്ട് ആര്‍ബിഐ ഗവര്‍ണര്‍ ശക്തികാന്ത ദാസ് പറഞ്ഞു. ആഗോളതലത്തില്‍ തന്നെ സാമ്പത്തിക സാഹചര്യം അനിശ്ചിതത്വത്തില്‍ ആണെന്നും അദ്ദേഹം സൂചിപ്പിച്ചു. ഭക്ഷ്യവസ്തുക്കളുടെ കുറവും ഉയര്‍ന്ന ഇന്ധന വിലയും സമ്പദ് രംഗത്തെ ബാധിച്ചിട്ടുണ്ടെന്നും വ്യക്തമാക്കി.

Continue Reading

News

ഒരു ലക്ഷം ഡ്രോണ്‍ പൈലറ്റുമാരെ രാജ്യത്തിന് ആവശ്യമുണ്ടെന്ന് അനുരാഗ് താക്കൂര്‍

ഇന്ത്യ ഡ്രോണ്‍ സാങ്കേതികവിദ്യയുടെ ഹബ്ബായി മാറുമെന്നും ഡ്രോണ്‍ സേവന മേഖലയിലെ വളര്‍ച്ചാ സാധ്യത വളരെ വലുതാണെന്നും അദ്ദേഹം വ്യക്തമാക്കി

Published

on

2023 വര്‍ഷത്തോടെ രാജ്യത്തിന് ഒരു ലക്ഷം ഡ്രോണ്‍ പൈലറ്റുമാരെ ആവശ്യമായി വരുമെന്ന് കേന്ദ്ര വാര്‍ത്താ വിതരണ പ്രക്ഷേപണ മന്ത്രി അനുരാഗ് താക്കൂര്‍. ‘സാങ്കേതികവിദ്യ ലോകത്തെ ദ്രുതഗതിയില്‍ പരിവര്‍ത്തനം ചെയ്യുകയാണ്. നിലവിലെ പല പ്രശ്‌നങ്ങള്‍ക്കുമുള്ള പരിഹാര മാര്‍ഗ്ഗമായി ശാസ്ത്രസാങ്കേതിക വിദ്യ മാറുന്നുണ്ട്.” ചെന്നൈയില്‍ നടന്ന ‘ഡ്രോണ്‍ യാത്ര 2.0’ യുടെ ഫ്‌ലാഗിന് ശേഷം സമ്മേളനത്തില്‍ പറഞ്ഞു.

ഇന്ത്യ ഡ്രോണ്‍ സാങ്കേതികവിദ്യയുടെ ഹബ്ബായി മാറുമെന്നും ഡ്രോണ്‍ സേവന മേഖലയിലെ വളര്‍ച്ചാ സാധ്യത വളരെ വലുതാണെന്നും അദ്ദേഹം വ്യക്തമാക്കി. ഓരോ പൈലറ്റും പ്രതിമാസം 50,000 മുതല്‍ 80,000 രൂപ വരെ സമ്പാദിക്കുമെന്നും ഈ വ്യവസായ ഏകദേശം 6,000 കോടി രൂപയുടെ തൊഴില്‍ നല്‍കുമെന്നും മന്ത്രി തന്റെ പ്രസംഗത്തില്‍ പറഞ്ഞു.

പ്ലസ്ടു യോഗ്യതയുള്ളവര്‍ക്ക് ഡ്രോണ്‍ പൈലറ്റായി പരിശീലനം നേടാമെന്നും അതിനായി കോളേജ് ബിരുദം ആവശ്യമില്ലെന്നും നേരത്തെ കേന്ദ്രസര്‍ക്കാര്‍ വ്യക്തമാക്കിയിരുന്നു. നിലവില്‍ 12 മന്ത്രാലയങ്ങള്‍ ഡ്രോണ്‍ സേവനങ്ങളുടെ ആവശ്യം വര്‍ധിപ്പിക്കുന്നതിനായി പ്രവര്‍ത്തിക്കുന്നുണ്ടെന്നും കേന്ദ്രസര്‍ക്കാര്‍ പറഞ്ഞിരുന്നു.

Continue Reading

Trending