ന്യൂയോര്‍ക്ക്: യുഎസ് ഓപണില്‍ ഞെട്ടിക്കുന്ന തോല്‍വി വഴങ്ങിയതിനു പിന്നാലെ ടെന്നിസില്‍ നിന്ന് തല്‍കാലം മാറി നില്‍ക്കുന്നതായി ജപ്പാന്‍ താരം നവോമി ഒസാക. മൂന്നാം റൗണ്ടില്‍ കനേഡിയന്‍ താരം ലെയ്‌ല ആനി ഫെര്‍ണാണ്ടസിനോടാണ് ലോക മൂന്നാം നമ്പര്‍ താരവും നിലവിലെ ചാമ്പ്യനുമായ ഒസാക തോല്‍വി വഴങ്ങിയത്. നാല് തവണ ഗ്രാന്റ്സ്ലം ചാമ്പ്യന്‍ഷിപ്പ് നേടിയിട്ടുണ്ട് ഒസാക.
സത്യം പറഞ്ഞാല്‍, ഇനി എന്നാണ് ടെന്നിസ് കളിക്കുക എന്നെനിക്കറിയില്ല, കുറച്ചു സമയത്തേക്ക് മാറി നില്‍ക്കാമെന്നാണ് ഞാന്‍ കരുതുന്നത്- വാര്‍ത്താ സമ്മേളനത്തില്‍ കണ്ണു തുടച്ച് കണ്ഠമിടറി നവോമി ഒസാക പറഞ്ഞു.
കനേഡിയന്‍ താരം 5-7, 7-6, 6-4 എന്ന സ്‌കോറിനാണ് ഒസാക്കയെ പരാജയപ്പെടുത്തിയത്.