india
രാജ്യത്ത് കോവിഡ് മരണ നിരക്ക് ഇരട്ടിയാകും ദേശീയ ആരോഗ്യമിഷന്
ന്യൂഡല്ഹി: രാജ്യത്തെ കോവിഡ് മരണങ്ങള് കൃത്യമായി റിപ്പോര്ട്ട് ചെയ്യപ്പെടുന്നില്ലെന്ന ആരോപണത്തെ സാധൂകരിക്കുന്ന റിപ്പോര്ട്ട് പുറത്ത്. ദേശീയ ആരോഗ്യമിഷന്റെ റിപ്പോര്ട്ടിലാണ് ഇത്തരമൊരു സൂചന പുറത്തു വരുന്നത്. ദേശീയ ആരോഗ്യമിഷന്റെ കണക്കുകള് പ്രകാരം രാജ്യത്ത് ഈ വര്ഷം ഏപ്രില്-മെയ് മാസങ്ങളില് മുന്വര്ഷം ഇതേ കാലയളവിനേക്കാള് ഇരട്ടിയിലധികം മരണങ്ങള് രേഖപ്പെടുത്തിയിട്ടുണ്ട്. ഈ വര്ഷം ഏപ്രില്-മെയ് മാസത്തില് 8,27,597 മരണമാണ് റിപ്പോര്ട്ട് ചെയ്തത്. എന്നാല് കഴിഞ്ഞ മൂന്ന് വര്ഷങ്ങളില് ഈ കാലയളവിലെ ശരാശരി മരണം 3.5 ലക്ഷമാണ്. അതേ സമയം ഇക്കാലയളവില് 1,68,927 കോവിഡ് മരണമാണ് രാജ്യത്ത് റിപ്പോര്ട്ട് ചെയ്തത്.
കേരളത്തില് മാത്രമല്ല രാജ്യത്താകമാനം കോവിഡ് മരണങ്ങള് കൃത്യമായി റിപ്പോര്ട്ട് ചെയ്യുന്നില്ലെന്ന് നേരത്തെ തന്നെ ആക്ഷേപമുണ്ടായിരുന്നു. അത് സ്ഥിരീകരിക്കുന്നതാണ് ആരോഗ്യ മിഷന് പുറത്തുവിട്ടിരിക്കുന്ന വിവരങ്ങള്. ആരോഗ്യമിഷന്റെ ഹെല്ത്ത് മാനേജ്മെന്റ് ഇന്ഫര്മേഷന് സിസ്റ്റത്തില് ജൂലൈ 9 വരെ രേഖപ്പെടുത്തിയ മരണം പരിശോധിക്കുമ്പോള് കോവിഡ് മരണങ്ങള് വളരെ കുറച്ച് മാത്രമാണ് രേഖപ്പെടുത്തിയിരിക്കുന്നത്. കോവിഡ് രണ്ടാം തരംഗം രൂക്ഷമായ ഏപ്രില്- മെയ് മാസങ്ങളില് രാജ്യത്ത് റിപ്പോര്ട്ട് ചെയ്തത് 8,27,597 മരണമാണ്. ഇതേ കാലയളവില് മുന് വര്ഷങ്ങളില് റിപ്പോര്ട്ട് ചെയ്ത മരണം ഇതിന്റെ പകുതി മാത്രമാണ്. 2018ല് 3,55,905, 2019ല് 3,91,593, 2020ല് 3,50,333 എന്നിങ്ങനെയാണ് കഴിഞ്ഞ മൂന്ന് വര്ഷങ്ങളില് ഇതേ കാലയളവില് റിപ്പോര്ട്ട് ചെയ്ത മരണം. കോവിഡ് ഒന്നാം തരംഗം ആഞ്ഞടിച്ച കഴിഞ്ഞ വര്ഷം ഏപ്രില്-മെയ് മാസത്തില് 3.5 ലക്ഷം മരണമാണ് റിപ്പോര്ട്ട് ചെയ്തത്. എന്നാല് ഈ വര്ഷം ഇതേ കാലയളവില് ഇത് 8.2 ലക്ഷമായി ഉയര്ന്നു. ഇതില് നിന്ന് തന്നെ രാജ്യത്ത് കോവിഡ് മരണങ്ങള് കൃത്യമായി റിപ്പോര്ട്ട് ചെയ്യപ്പെട്ടിട്ടില്ല എന്ന് വ്യക്തമാണ്. ഈ കാലയളവില് രാജ്യത്ത് റിപ്പോര്ട്ട് ചെയ്ത കോവിഡ് മരണങ്ങള് 1,68,927 മാത്രമാണ്.
യഥാര്ത്ഥ മരണങ്ങളേക്കാള് കുറച്ച് മാത്രമാണ് കോവിഡ് മരണങ്ങളായി റിപ്പോര്ട്ട് ചെയ്തതെന്ന് ഈ കണക്കുകള് സൂചിപ്പിക്കുന്നു. രാജ്യത്ത് 16 ലക്ഷത്തോളം പേര് കോവിഡ് ബാധിച്ച് മരിച്ചിരിക്കാമെന്ന് ന്യൂയോര്ക്ക് ടെംസ് റിപ്പോര്ട്ട് ചെയ്തിരുന്നു. എന്നാല് ഈ കണക്കുകള് തെറ്റാണെന്നും അതിശയോക്തി കലര്ത്തിയുള്ളതാണെന്നുമായിരുന്നു കേന്ദ്രത്തിന്റെ വാദം. ദേശീയ ആരോഗ്യമിഷന്റെ കണക്കുകള് പരിശോധിച്ചാല് മരണത്തില് ഏറിയ പങ്കും ശ്വാസതടസം, പനി എന്നിവ മൂലമുള്ളതാണ്. ആരോഗ്യമിഷന് ഈ വിവരങ്ങള് ശേഖരിക്കുന്നത് രാജ്യത്താകമാനമുള്ള ആരോഗ്യ സംവിധാനങ്ങള് വഴിയാണ്. അവര് നേരിട്ടാണ് ആരോഗ്യ മിഷന്റെ ഇന്ഫര്മേഷന് സിസ്റ്റത്തിലേക്ക് വിവരങ്ങള് നല്കുന്നത്. അത് ക്രോഡീകരിച്ചുകൊണ്ടുള്ള വിവരങ്ങളാണ് കഴിഞ്ഞ ദിവസം പുറത്തുവന്നത്. മിക്ക സംസ്ഥാനങ്ങളിലും കോവിഡ് മരണങ്ങള് കൃത്യമായി റിപ്പോര്ട്ട് ചെയ്യുന്നില്ലെന്ന് ആക്ഷേപമുണ്ടായിരുന്നു. യുപിയിലും മഹാരാഷ്ട്രയിലും ബിഹാറിലും ഇതേത്തുടര്ന്ന് ഓഡിറ്റ് നടത്തി കോവിഡ് മരണങ്ങള് കൂട്ടിച്ചേര്ത്തിരുന്നു.
ചെന്നൈ: ഡിസംബർ 9ന് പുതുച്ചേരിയിൽ പൊതുയോഗം സംഘടിപ്പിക്കാൻ പൊലീസിന്റെ അനുമതി തേടി വിജയ്യുടെ തമിഴക വെട്രി കഴകം (ടിവികെ). പുതുച്ചേരിയിലെ ഉപ്പളം ഗ്രൗണ്ടിൽ പൊതുയോഗം നടത്താൻ അനുവാദത്തിനായി ടിവികെ പ്രതിനിധി സംഘം സീനിയർ പൊലീസ് സൂപ്രണ്ട് ആർ.കലൈവാനനെ കണ്ടു. കൂടിയാലോചനയ്ക്കു ശേഷമാകും ഇതിൽ തീരുമാനമെന്ന് അദ്ദേഹം പറഞ്ഞു.
ഡിസംബർ 5ന് പുതുച്ചേരിയിൽ വിജയ്യുടെ റോഡ് ഷോ നടത്താൻ നേരത്തെ ടിവികെ പദ്ധതിയിട്ടിരുന്നു. എന്നാൽ, ഇതിനെതിരെ വിവിധ കോണുകളിൽ നിന്ന് പ്രതിഷേധമുയർന്നു. തുടർന്ന്, റോഡ് ഷോയ്ക്ക് അനുമതി തരാനാകില്ലെന്ന് പൊലീസ് പാർട്ടിയെ അറിയിച്ചിരുന്നു. പിന്നാലെയാണ് പൊതുയോഗം നടത്താൻ അനുമതി തേടിയിരിക്കുന്നത്.
സെപ്റ്റംബർ 27ന് കരൂരിൽ ടിവികെ സംഘടിപ്പിച്ച റാലിയിലുണ്ടായ തിക്കിലും തിരക്കിലും നിരവധി പേര്
കൊല്ലപ്പെട്ടിരുന്നു. ഇതിനു പിന്നാലെ രണ്ടുമാസത്തെ ഇടവേളയ്ക്കു ശേഷം വിജയ് പൊതുപരിപാടികളിൽ സജീവമാകുന്നതിന്റെ ഭാഗമായാണ് പുതുച്ചേരിയിൽ പൊതുയോഗം നടത്തുന്നത്.
india
മദ്യം വാങ്ങാന് പണം നിഷേധിച്ചതിനെ തുടര്ന്ന് അമ്മയെ തീകൊളുത്തിയ മകന് അറസ്റ്റില്
ഭദ്രക് ജില്ലയിലെ ഗലഗണ്ഡ ഗ്രാമത്തിലാണ് മനുഷ്യരെ ഞെട്ടിച്ച സംഭവം. ദേബാഷിഷ് നായക് (45) എന്നയാളാണ് പിടിയിലായത്.
ഭുവനേശ്വര്: മദ്യം വാങ്ങാന് പണം നല്കാത്തതാണ് കാരണമെന്ന് ആരോപിച്ച് സ്വന്തം അമ്മയെ തീകൊളുത്തിയ മകന് ഒഡിഷയില് അറസ്റ്റില്. ഭദ്രക് ജില്ലയിലെ ഗലഗണ്ഡ ഗ്രാമത്തിലാണ് മനുഷ്യരെ ഞെട്ടിച്ച സംഭവം. ദേബാഷിഷ് നായക് (45) എന്നയാളാണ് പിടിയിലായത്.
മാതാവ് ജ്യോത്സനറാണി നായക് (65)നെ ക്രൂരമായി മര്ദിച്ച ശേഷമാണ് ഇയാള് തീകൊളുത്തിയത്ന്ന് പോലീസ് അറിയിച്ചു. മയക്കുമരുന്നിന് അടിമയായ ദേബാഷിഷ് മദ്യം വാങ്ങാന് അമ്മയോട് പണം ആവശ്യപ്പെട്ടെങ്കിലും, ജ്യോത്സനറാണി പണം നല്കുന്നതില് വിസമ്മതിച്ചതോടെ ഇയാള് അക്രമാസക്തനായി. മര്ദനത്തില് അമ്മ താഴെ വീണതോടെ പെട്രോള് ഒഴിച്ച് തീ കൊളുത്തുകയായിരുന്നുവെന്നാണ് പൊലീസ് റിപ്പോര്ട്ട്.
ജ്യോത്സനറാണിയുടെ നിലവിളി കേട്ട് നാട്ടുകാര് ഓടിയെത്തിയപ്പോഴേക്കും ദേബാഷിഷ് സ്ഥലത്ത് നിന്ന് രക്ഷപ്പെട്ടു. നാട്ടുകാര് ഗുരുതരാവസ്ഥയിലായ വയോധികയെ ഭദ്രക് ജില്ലാ ആശുപത്രിയിലേക്ക് എത്തിച്ചു. പിന്നീട് നില വഷളായതോടെ അവരെ കട്ടക്കിലെ എസ്സിബി മെഡിക്കല് കോളജിലേക്ക് മാറ്റിയതായും പോലീസ് അറിയിച്ചു.
വീട്ടില് അമ്മയും മകനും തമ്മില് വാക്കുതര്ക്കം പതിവായിരുന്നുവെങ്കിലും ഇത്തരത്തിലുള്ള ക്രൂരത ഒരിക്കലും പ്രതീക്ഷിച്ചില്ലെന്ന് നാട്ടുകാര് പ്രതികരിച്ചു.
india
സഞ്ജൗലി പള്ളി കെട്ടിടം പൊളിക്കല് ഉത്തരവില് തല്സ്ഥിതി; ഹൈകോടതി നിര്ദേശം നല്കി
ഷിംല മുനിസിപ്പല് കമീഷണര് കോടതിയുടെ മുന് നിര്ദേശങ്ങള് അനുസരിച്ച് മുകളിലെ മൂന്നുനില പൊളിക്കാമെന്ന് അറിയിച്ചതിന്റെ പശ്ചാത്തലത്തിലാണ് ഹൈകോടതി ഇടപെടിയത്.
ഷിംല: സഞ്ജൗലി പള്ളി കെട്ടിടത്തിന്റെ താഴത്തെ രണ്ടുനില പൊളിക്കാനുള്ള ഉത്തരവില് തല്സ്ഥിതി തുടരാന് ഹിമാചല് പ്രദേശ് ഹൈകോടതി ബുധനാഴ്ച നിര്ദേശം നല്കി. ഷിംല മുനിസിപ്പല് കമീഷണര് കോടതിയുടെ മുന് നിര്ദേശങ്ങള് അനുസരിച്ച് മുകളിലെ മൂന്നുനില പൊളിക്കാമെന്ന് അറിയിച്ചതിന്റെ പശ്ചാത്തലത്തിലാണ് ഹൈകോടതി ഇടപെടിയത്.
അഞ്ചുനില കെട്ടിടത്തിന്റെ മുകളിലെ മൂന്നുനില പൊളിക്കാന് കഴിഞ്ഞ വര്ഷം ഒക്ടോബര് 5ന് മുനിസിപ്പല് കമീഷണര് കോടതി അനുമതി നല്കിയിരുന്നു. ഈ ഉത്തരവില് ഇടപെടാന് ഹൈകോടതി വിസമ്മതിക്കുകയും, ഈ നടപടി നിയമാനുസൃതമാണെന്നും കോടതി വ്യക്തമാക്കി.
അതേസമയം, താഴത്തെ നിലയും ഒന്നാം നിലയും ഡിസംബര് 30നകം പൊളിക്കണമെന്ന് ആവശ്യപ്പെട്ട മെയ് 3ന് പുറപ്പെടുവിച്ച മുനിസിപ്പല് കോടതിയുടെ ഉത്തരവ് ജില്ലാ കോടതി ഒക്ടോബര് 30ന് ശരിവെച്ചിരുന്നു. ഈ ഉത്തരവിനെ ചോദ്യം ചെയ്ത് വഖഫ് ബോര്ഡും പള്ളി കമ്മിറ്റിയും ജില്ലാ കോടതിയെ സമീപിച്ചിരുന്നതാണ്.
ഹിമാചല് പ്രദേശ് വഖഫ് ബോര്ഡ് സമര്പ്പിച്ച ഹരജി പരിഗണിച്ച് ജസ്റ്റിസ് അജയ് മോഹന് ഗോയല് അധ്യക്ഷനായ ഹൈകോടതി ബെഞ്ച്, ഷിംല മുനിസിപ്പല് കോര്പ്പറേഷനോട് നോട്ടീസ് അയച്ചു. പ്രതികരണം ലഭിച്ചതിന് ശേഷം കേസ് വീണ്ടും കേള്ക്കുന്നതായിരിക്കും. അടുത്ത വാദം 2026 മാര്ച്ച് 9ന് നടക്കും.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india3 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala13 hours agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
kerala3 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
entertainment3 days agoമലയാള ചെറുചിത്രങ്ങള്ക്ക് ഗള്ഫിലും ദേശീയ തലത്തിലുമായി മാര്ക്കറ്റ് തുറക്കാന് ശ്രമിക്കുന്നു: ദുല്ഖര് സല്മാന്