News
കുടിയൊഴിപ്പിക്കല് ഭീഷണി: ചെറുക്കുമെന്ന് ഫലസ്തീനികള്
ജറൂസലം: അധിനിവേശ ജറൂസലമില് ഫലസ്തീന് കുടുംബങ്ങളെ കുടിയൊഴിപ്പിക്കാനുള്ള നീക്കത്തില് കോടതി വിധി എന്തായാലും ചെറുത്തുനില്ക്കാനുള്ള തീരുമാനവുമായി ഫലസ്തീനികള്. ബുധനാഴ്ച കേസില് വിധി പറയുന്നത് ഇസ്രാഈല് കോടതി മാറ്റിവെച്ചിട്ടുണ്ട്. നേരത്തെ മജിസ്ട്രേറ്റ് കോടതി വിധി കുടിയേറ്റക്കാര്ക്ക് അനുകൂലമായതുകൊണ്ട് മേല്ക്കോടതിയിലും ഫലസ്തീനികള്ക്ക് പ്രതീക്ഷയൊന്നുമില്ല. കിഴക്കന് ജറൂസലമിനെ പൂര്ണമായും ജൂതവത്കരിക്കുകയെന്ന ലക്ഷ്യത്തോടെയാണ് ഇസ്രാഈല് മുന്നോട്ടുപോകുന്നത്.
ഫലസ്തീന് കുടുംബങ്ങളെ കുടിയൊഴിപ്പിക്കുന്നതും അതിന്റെ ഭാഗമായാണെന്ന് ജറൂസലം കാര്യ ഗവേഷകന് ഫഖ്റി അബൂ ദിയാബ് പറയുന്നു. ഷെയ്ഖ് ജര്റയില്നിന്ന് ഏഴ് ഫലസ്തീന് കുടുംബങ്ങളെ കുടിയൊഴിപ്പിക്കാനുള്ള നീക്കം ജറൂസലമിനെ പ്രക്ഷുബ്ധമാക്കിയിട്ടുണ്ട്. കഴിഞ്ഞയാഴ്ചകളില് കുടിയേറ്റക്കാരുടെയും ഇസ്രാഈല് പൊലീസിന്റെയും ആക്രമണങ്ങളില് നൂറുകണക്കിന് ഫലസ്തീനികള്ക്ക് പരിക്കേറ്റിരുന്നു.
ബലമായി കുടിയൊഴിപ്പിക്കാന് നോക്കിയാലും തങ്ങള് സ്വന്തം മണ്ണ് ഉപേക്ഷിച്ചുപോകുന്ന പ്രശ്നമില്ലെന്ന് ഫലസ്തീന് മാധ്യമപ്രവര്ത്തകനായ വലീദ് ഹുസൈനി പറഞ്ഞു. ജറൂസലമില്നിന്ന് ഫലസ്തീനികളെ മുഴുവന് പുറത്താക്കുകയെന്നത് ഇസ്രാഈലിന്റെ ദീര്ഘകാല പദ്ധതിയാണ്. പല പേരുകളില് അവര് അതിന് നീക്കങ്ങള് തുടരുന്നുവെന്ന് മാത്രം. കിഴക്കന് ജറൂസലമില് ഏറ്റവും പുതുതായി 218 കുടുംബങ്ങള് കുടിയാഴിപ്പിക്കല് ഭീഷണി നേരിടുന്നുണ്ട്. അധിനിവേശ പ്രവര്ത്തനങ്ങള് അവസാനിപ്പിക്കണമെന്ന് യു.എന് സെക്രട്ടറി അന്റോണിയോ ഗുട്ടെറസും ഇസ്രാഈലിനോട് ആവശ്യപ്പെട്ടു.
india
ബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
മഹാരാഷ്ട്രയിലെ സഖ്യകക്ഷിയായ ശിവസേനയിലെ (ഷിന്ഡെ വിഭാഗം) നേതാക്കളെയും പ്രവര്ത്തകരെയും ബി.ജെ.പി ചാക്കിലാക്കുന്നതു തുടരുന്നതായി റിപ്പോര്ട്ട്. ഇക്കാര്യം ചൂണ്ടിക്കാട്ടി ഉപമുഖ്യമന്ത്രിയും സേന തലവനുമായ ഏക്നാഥ് ഷിന്ഡെ കേന്ദ്ര ആഭ്യന്തര മന്ത്രി അമിത് ഷായെ കണ്ടിട്ടും കാര്യമുണ്ടായില്ലെന്ന് ദേശീയമാധ്യമങ്ങള് റിപ്പോര്ട്ട് ചെയ്തു. ബി.ജെ.പി വിപുലീകരണ അജണ്ടയുമായി മുന്നോട്ടുപോകുമെന്ന് ഷാ ഷിന്ഡെയോട് വ്യക്തമാക്കിയതായാണ് റിപ്പോര്ട്ട്.
ബി.ജെ.പി സംസ്ഥാന അധ്യക്ഷന് രവീന്ദ്ര ചവാനെതിരെയാണ് ഷിന്ഡെ പ്രധാനമായും പരാതി ഉന്നയിച്ചത്. വരാനിരിക്കുന്ന തദ്ദേശ തെരഞ്ഞെടുപ്പിന് മുന്നോടിയായി ശിവസേനയിലെ നേതാക്കളെയും പ്രവര്ത്തകരെയും ചവാന് അടര്ത്തിമാറ്റാന് ശ്രമിക്കുന്നുവെന്ന കടുത്ത ആശങ്ക അദ്ദേഹം ഷായെ അറിയിച്ചു. ഷിന്ഡെയുടെ മകനും എം.പിയുമായ ശ്രീകാന്ത് ഷിന്ഡെയുടെ ശക്തികേന്ദ്രമായ കല്യാണ്-ഡോംബിവ്ലി മേഖലയിലാണ് ഈ സംഘര്ഷം രൂക്ഷമായിരിക്കുന്നത്.
ഏകദേശം 50 മിനിറ്റ് നീണ്ട കൂടിക്കാഴ്ചയില്, ബി.ജെ.പി ഒരു ദേശീയ പാര്ട്ടിയാണെന്നും, അതുകൊണ്ടുതന്നെ വിപുലീകരണ പദ്ധതിയുമായി മുന്നോട്ടുപോകുമെന്നും ഷിന്ഡെയ്ക്ക് വ്യക്തമായ സന്ദേശം ലഭിച്ചതായാണ് റിപ്പോര്ട്ട് സൂചിപ്പിക്കുന്നത്. നേതാക്കളെ നിയന്ത്രിക്കേണ്ടത് ഷിന്ഡെയാണ്. അല്ലാതെ മറ്റൊരു പാര്ട്ടിയെ കുറ്റപ്പെടുത്തുകയല്ല വേണ്ടതെന്നും ഷാ സൂചിപ്പിച്ചു. കൂടാതെ, സഖ്യത്തിന്റെ (മഹായുതി) ആഭ്യന്തര പ്രശ്നങ്ങള് സംസ്ഥാന തലത്തില് പരിഹരിക്കണമെന്നും അദ്ദേഹം ആവശ്യപ്പെട്ടിട്ടുണ്ട്.
2029ലെ മഹാരാഷ്ട്ര നിയമസഭാ തെരഞ്ഞെടുപ്പില് സഖ്യകക്ഷികളെ ആശ്രയിക്കാതെ സ്വന്തമായി ഭരണം പിടിച്ചെടുക്കുക എന്ന ദീര്ഘകാല പദ്ധതിയാണ് ബി.ജെ.പിക്ക് ഉള്ളതെന്നും നേതാക്കള് സൂചിപ്പിക്കുന്നുണ്ട്.
News
വണ്പ്ലസ് 15ആര് ഇന്ത്യന് വിപണിയിലെത്താന് ഒരുങ്ങുന്നു; മള്ട്ടിഫങ്ക്ഷന് ‘പ്ലസ് കീ’യാണ് പ്രധാന ആകര്ഷണം
ഓക്സിജന്ഛട 16ല് പ്രവര്ത്തിക്കുന്ന ഈ ഫോണ് Android 16 അധിഷ്ഠിതമായിരിക്കും.
മുബൈ: സ്മാര്ട്ട്ഫോണ് പ്രേമികളുടെ പ്രതീക്ഷ ഉയര്ത്തി വണ്പ്ലസ് ഇന്ത്യയില് പുതിയ മോഡല് വണ്പ്ലസ് 15ആര് പുറത്തിറക്കാന് ഒരുങ്ങുന്നു. ഓക്സിജന്ഛട 16ല് പ്രവര്ത്തിക്കുന്ന ഈ ഫോണ് Android 16 അധിഷ്ഠിതമായിരിക്കും. ഉപകരണത്തിന്റെ ഏറ്റവും ശ്രദ്ധേയമായ മാറ്റം പുതിയ മള്ട്ടിഫങ്ഷണല് ‘പ്ലസ് കീ’ ആണെന്നാണ് റിപ്പോര്ട്ടുകള്. ഫോണിന്റെ മുഴുവന് സവിശേഷതകള് കമ്പനി ഔദ്യോഗികമായി വെളിപ്പെടുത്താത്തതിനാല് കൂടുതല് വിവരങ്ങള് കാത്തിരിക്കുകയാണ്. എന്നാല് കുറച്ച് ആഴ്ചകള് മുമ്പ് ചൈനയില് പുറത്തിറങ്ങിയ OnePlus Ace 6 നെ റീബ്രാന്ഡ് ചെയ്തായിരിക്കാം ഇന്ത്യയിലെ 15ആര് എത്തുക എന്നാണ് സൂചന. 165Hz റിഫ്രഷ് റേറ്റുള്ള 6.83 ഇഞ്ച് 1.5k LTPS AMOLED ഡിസ്പ്ലേ IP66, IP68, IP69, IP69k സര്ട്ടിഫിക്കേഷന് — വെള്ളവും പൊടിയും കൂടുതല് പ്രതിരോധിക്കാന് 50MP OIS പ്രൈമറി ക്യാമറ + 8MP അള്ട്രാവൈഡ് 16MP ഫ്രണ്ട്് ക്യാമറ സെല്ഫികള്ക്കും വീഡിയോ കോളുകള്ക്കും 7,800mAh ബാറ്ററി + 120W വയര്ഡ് ഫാസ്റ്റ് ചാര്ജിംഗ് എന്നിവയാണ് Ace 6 ന്റെ സവിശേഷതകള് R സീരീസില് പരമ്പരാഗതമായി വയര്ലെസ് ചാര്ജിംഗ് പിന്തുണ ഇല്ലാത്ത നയം വണ്പ്ലസ് തുടരാനാണ് സാധ്യത. ഉപകരണത്തെ കോംപറ്റിറ്റീവ് ബ്ലാക്ക്, ഫ്ളാഷ് വൈറ്റ്, ക്വിക്ക്സില്വര് എന്നീ നിറങ്ങളില് അവതരിപ്പിക്കാമെന്നാണ് പ്രതീക്ഷ. ചൈനയില് ഛിലജഹൗ െഅരല 6യുടെ അടിസ്ഥാന മോഡലിന്റെ വില ഏകദേശം ?32,000 മുതലാണ് തുടങ്ങിയിരുന്നത്, അതിനാല് ഇന്ത്യന് വിലയും ഇതേ നിരക്കിനോട് സാമ്യമുണ്ടാകുമെന്ന് കരുതുന്നു.
kerala
കിര്ഗിസ്താനിലേക്ക് പോയ മലയാളി വിദ്യാര്ത്ഥികള് കുടുങ്ങി; ഷാര്ജ വിമാനത്താവളത്തില് 28 പേര് ദുരിതത്തില്
ബുധനാഴ്ച രാത്രി കേരളവും ബംഗളൂരും ഒഴിഞ്ഞ് എയര് അറേബ്യയില് പുറപ്പെട്ട യാത്രക്കാരെയാണ് യുഎഇയിലെ മോശം കാലാവസ്ഥയും കനത്ത മൂടല്മഞ്ഞും ദുരിതത്തിലാക്കിയത്.
ഷാര്ജ : ഇന്ത്യയില് നിന്ന് കിര്ഗിസ്താനിലേക്ക് യാത്രതിരിച്ച 28 പേര് അതില് 15 പേര് മലയാളികളും, ഷാര്ജ വിമാനത്താവളത്തില് കുടുങ്ങിക്കിടക്കുകയാണ്. ബുധനാഴ്ച രാത്രി കേരളവും ബംഗളൂരും ഒഴിഞ്ഞ് എയര് അറേബ്യയില് പുറപ്പെട്ട യാത്രക്കാരെയാണ് യുഎഇയിലെ മോശം കാലാവസ്ഥയും കനത്ത മൂടല്മഞ്ഞും ദുരിതത്തിലാക്കിയത്. മൂടല്മഞ്ഞ് കാരണം വിമാനം ആദ്യം ദുബൈയില് ഇറക്കിയതും 12 മണിക്കൂറിന് ശേഷം ഷാര്ജയിലേക്ക് മാറ്റിയതുമാണ്. എന്നാല് 16 മണിക്കൂറിലേറെയായി വിമാനത്താവളത്തില് കഴിയുന്ന യാത്രക്കാര്ക്ക് ഭക്ഷണം, താമസം, അടിസ്ഥാന സൗകര്യങ്ങള് എന്നിവ ഒന്നും തന്നെ ലഭ്യമാക്കിയിട്ടില്ലെന്നാണ് പരാതി. വിമാനക്കമ്പനി ഇടപെടണമെന്നും, യാത്രക്കാരുടെ പ്രശ്നം അടിയന്തരമായി പരിഹരിക്കണമെന്നും ഇവര് ആവശ്യപ്പെടുന്നു.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala1 day agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala20 hours agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala22 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala1 day agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala22 hours agoഗ്യാസ് സിലിണ്ടര് പൊട്ടിത്തെറിച്ചു; കൊല്ലത്ത് വന് തീപിടിത്തം