Connect with us

kerala

വടകരയിലും നാദാപുരത്തും പി.എഫ്.ഐ ഓഫിസുകള്‍ സീല്‍ ചെയ്തു

നാദാപുരം ഡിവൈഎസ്പി വി.വി ലതീഷിന്റെ നേതൃത്വത്തിലാണ് നടപടി.

Published

on

കോഴിക്കോട്ട് വടകരയിലും നാദാപുരത്തും പോപ്പുലര്‍ ഫ്രണ്ട് ഓഫീസുകള്‍ പൊലീസ് അടച്ചുപൂട്ടി സീല്‍ ചെയ്തു. വടകരയില്‍ പിഎഫ്‌ഐയുടെ കീഴില്‍ പ്രവര്‍ത്തിക്കുന്ന സോഷ്യല്‍ സര്‍വീസ് ട്രസ്റ്റ്, നാദാപുരത്തെ പ്രതീക്ഷ ചാരിറ്റബിള്‍ ട്രസ്റ്റ് എന്നീ  പേരുകളിലുള്ള ഓഫീസാണ്‌
സീല്‍ ചെയ്തത് . നാദാപുരം ഡിവൈഎസ്പി വി.വി ലതീഷിന്റെ നേതൃത്വത്തിലാണ് നടപടി.

പോപുലര്‍ ഫ്രണ്ടിനെ കേന്ദ്ര ആഭ്യന്തരമന്ത്രാലയം നിരോധിച്ചതിന് പിന്നാലെ കഴിഞ്ഞ ദിവസമാണ് ഓഫിസുകളും മറ്റു സ്ഥാപനങ്ങളും അടച്ചുപൂട്ടാനുള്ള നടപടി സംസ്ഥാനത്ത് ആരംഭിച്ചത്.

കഴിഞ്ഞ ദിവസമാണ് പോപ്പുലര്‍ ഫ്രണ്ട് ഓഫ് ഇന്ത്യയുടെ നിരോധനത്തില്‍ സംസ്ഥാനത്തിന്റെ തുടര്‍ ഉത്തരവ് പുറത്തിറക്കിയത്. ആഭ്യന്തര വകുപ്പ് സെക്രട്ടറിയാണ് ഉത്തരവിറക്കിയത്. യു.എ.പി.എ സെക്ഷന്‍ 7,8 പ്രകാരമാണ് ഉത്തരവ്.

രാജ്യസുരക്ഷ, ക്രമസമാധാനം എന്നിവ കണക്കിലെടുത്താണ് പോപ്പുലര്‍ ഫ്രണ്ട് ഓഫ് ഇന്ത്യയെ കഴിഞ്ഞ ദിവസം നിരോധിച്ച്. 5 വര്‍ഷത്തേക്കാണ് കേന്ദ്ര ആഭ്യന്തര മന്ത്രാലയത്തിന്റെ നിരോധനം.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ഹേമന്ത് ജി. നായരുടെ ചിത്രത്തിന് ‘ഹിഗ്വിറ്റ’ എന്ന പേര് നല്‍കില്ല; ഫിലിം ചേംബറിന് നന്ദി പറഞ്ഞ് എന്‍.എസ് മാധവന്‍

ട്വിറ്ററിലൂടെ എന്‍എസ് മാധവന്‍ ആണ് ഇക്കാര്യം അറിയിച്ചത്.

Published

on

സുരാജ് വെഞ്ഞാറമൂട്-ധ്യാന്‍ ശ്രീനിവാസന്‍ എന്നിവരെ കേന്ദ്ര കഥാപാത്രങ്ങളാക്കി ഹേമന്ത് ജി നായര്‍ സംവിധാനം ചെയ്യുന്ന ഹിഗ്വിറ്റ എന്ന ചിത്രത്തിന് എന്‍ എസ് മാധവന്റെ പ്രശസ്തമായ കഥയായ ഹിഗ്വിറ്റ എന്ന പേര് ഉപയോഗിക്കില്ലെന്ന് ഫിലിം ചേംബര്‍. ട്വിറ്ററിലൂടെ എന്‍എസ് മാധവന്‍ ആണ് ഇക്കാര്യം അറിയിച്ചത്.

ഹിഗ്വിറ്റ എന്ന പേര് സിനിമയ്ക്ക് ഉപയോഗിക്കില്ലെന്ന് അറിയിപ്പ് ലഭിച്ചു,ഫിലിം ചേംബറിന് നന്ദി. യുവ സംവിധായകന്‍ ഹേമന്ത് ജി നായര്‍ക്കും അദ്ദേഹത്തിന്റെ സിനിമയ്ക്കും എല്ലാവിധ വിജയാശംസകളും നേരുന്നു, സുരാജ് ധ്യാന്‍ ചിത്രം കാണാന്‍ ആളുകള്‍ ഒഴുകി എത്തട്ടെ അദ്ദേഹം ട്വീറ്റ് ചെയ്തു.

അതേസമയം എന്‍ എസ് മാധവന്റെ കഥയുമായി ചിത്രത്തിന് യാതൊരുവിധ ബന്ധവുമില്ലെന്ന് സംവിധായകന്‍ ഹേമന്ത് വ്യക്തമാക്കിയിട്ടുണ്ട്.

Continue Reading

kerala

അദാനിയാണ് ഈ വീടിന്റെ ഐശ്വര്യം; മുഖ്യമന്ത്രിയെ പരിഹസിച്ച് ഇടതുപക്ഷ സൈദ്ധാന്തികന്‍ എം. ആസാദ്

വിഴിഞ്ഞം വിഷയത്തില്‍ മുഖ്യമന്ത്രിയെ പരിഹസിച്ച് ഇടതുപക്ഷ സൈദ്ധാന്തികന്‍ എം. ആസാദ്.

Published

on

വിഴിഞ്ഞം വിഷയത്തില്‍ മുഖ്യമന്ത്രിയെ പരിഹസിച്ച് ഇടതുപക്ഷ സൈദ്ധാന്തികന്‍ എം. ആസാദ്.അദാനിയെ പിണറായി കൈവിടില്ല.മോദിക്കും പിണറായിക്കും ഇടയിലെ മുഖ്യ കണ്ണി അദാനിയാണ്. ഓരോ ഡീല്‍ ഉറപ്പിക്കുമ്പോഴും ആ ബന്ധം ശക്തിപ്പെടും. സംഘപരിവാരങ്ങളുടെ സാമ്പത്തിക അടിത്തറയ്ക്ക് കൂടുതല്‍ ഉറപ്പു കിട്ടും. അതെങ്ങനെ എന്നറിയാന്‍ അദാനിയുടെ വളര്‍ച്ചയുടെ ചരിത്രം നോക്കിയാല്‍മതി അദ്ദേഹം ഫെയ്‌സ്ബുക്കില്‍ പങ്കുവെച്ച കുറിപ്പില്‍ പറയുന്നു.

ഫെയ്‌സ്ബുക്കില്‍ പങ്കുവെച്ച കുറിപ്പിന്റെ പൂര്‍ണ രൂപം

ഗെയില്‍ – ദേശീയപാതാ തടസ്സങ്ങള്‍ നീക്കി വികസനപ്രവര്‍ത്തനം തുടങ്ങിയതുപോലെ വിഴിഞ്ഞത്തും ധീരമായി മുന്നോട്ടു പോകുമെന്ന് സര്‍ക്കാര്‍.

പോകണമല്ലോ.

കേരളത്തിലെ ദേശീയപാതാ വികസനത്തില്‍ രണ്ടായിരത്തോളം കോടി രൂപയുടെ പദ്ധതിയാണ് അദാനിക്കു കിട്ടിയത്.കേരളത്തിലെ വാതക പൈപ് ലൈന്‍ (ഗെയില്‍) പദ്ധതിയില്‍ നാലായിരത്തഞ്ഞൂറു കോടിയുടെ നിക്ഷേപമാണ് അദാനിയുടേത്.വൈദ്യുതി മേഖലയിലും രാജ്യത്തെ സ്വകാര്യ സംരംഭമായ അദാനി പവര്‍ തന്നെ വൈദ്യുതി നല്‍കണമെന്ന് കേരള സര്‍ക്കാറിനു നിര്‍ബന്ധമുണ്ട്.തിരുവനന്തപുരം വിമാനത്താവളം അദാനിയിലേക്ക് എത്തിയ വഴിയിലെ ദുരൂഹതകളും നേരത്തേ ചര്‍ച്ചയായതാണ്.

വിഴിഞ്ഞത്തും അദാനിയാണ്. അദാനിയെ പിണറായി കൈവിടില്ല.മോദിക്കും പിണറായിക്കും ഇടയിലെ മുഖ്യ കണ്ണി അദാനിയാണ്. ഓരോ ഡീല്‍ ഉറപ്പിക്കുമ്പോഴും ആ ബന്ധം ശക്തിപ്പെടും. സംഘപരിവാരങ്ങളുടെ സാമ്പത്തിക അടിത്തറയ്ക്ക് കൂടുതല്‍ ഉറപ്പു കിട്ടും. അതെങ്ങനെ എന്നറിയാന്‍ അദാനിയുടെ വളര്‍ച്ചയുടെ ചരിത്രം നോക്കിയാല്‍മതി.

അദാനിയുടെ വളര്‍ച്ചക്ക് സ്വന്തം ജനതയെ ഒറ്റാം. നാടിന്റെ വിഭവങ്ങള്‍ അടിയറ വെക്കാം. അധികാരവും ജനസമ്മതിയുമൊക്കെ മോദി മാതൃകയില്‍ നിലനിന്നുകൊള്ളും. വികസനം എന്ന മാന്ത്രിക പദം മാര്‍ക്‌സിസ്റ്റ് അവസരവാദി പാര്‍ട്ടികള്‍ക്ക് പ്രമാണമായിട്ടുണ്ട്. അനുസരിക്കുന്ന അണികളുടെയും അനുഭാവികളുടെയും ദാഹം തീര്‍ക്കാന്‍ ചില നീര്‍പന്തലുകള്‍ മതിയാകും.

തീരദേശം കടലെടുക്കുകയാണ്. കാലാവസ്ഥാ വ്യതിയാനം മുഖ്യശത്രുവാണ്. അതിന്റെ മറവില്‍ വികസന പ്രവര്‍ത്തനങ്ങള്‍ എത്രയുമാവാം. മത്സ്യത്തൊഴിലാളികള്‍ തീരദേശം വിടണമത്രെ. ഒരു തൊഴില്‍ മേഖലയെ കടലില്‍ തള്ളുന്നു. ഒരു ജനവിഭാഗത്തെ തുടച്ചുമാറ്റുന്നു. ആ പ്രശ്‌നം ഉന്നയിക്കുമ്പോള്‍ അദാനിക്ക് ക്ഷീണം പറ്റുമോ എന്നാണ് സര്‍ക്കാറിന്റെ ശ്രദ്ധ. മത്സ്യത്തൊഴിലാളി സമൂഹം കേരളത്തിന്റെ ഭാഗമല്ലേ?

അദാനിക്ക് എല്ലാം കൊടുക്കണം! വിഴിഞ്ഞം കരാര്‍ ഒപ്പിട്ടത് ഉമ്മന്‍ചാണ്ടിയാണ്. അദ്ദേഹവും വികസനവാദിതന്നെ. പക്ഷേ, അപ്പോള്‍ മത്സ്യത്തൊഴിലാളികള്‍ക്കു സര്‍ക്കാര്‍ നല്‍കിയ ചില ഉറപ്പുകളുണ്ട്.ഏറ്റെടുത്ത സംരക്ഷണ ഉത്തരവാദിത്തമുണ്ട്. മാറിവന്ന സര്‍ക്കാറിനും അതു പാലിക്കാന്‍ ബാദ്ധ്യതയുണ്ട്. തിരിഞ്ഞുനോക്കിയില്ല സര്‍ക്കാര്‍.

സിമന്റ് ഗോഡൗണില്‍ കിടന്നു നിലവിളിക്കുന്ന കുടുംബങ്ങള്‍ ‘ഞങ്ങളെ മാറ്റിപാര്‍പ്പിക്കൂ, തന്ന ഉറപ്പുകള്‍ പാലിക്കൂ’ എന്നു പറയുമ്പോള്‍ ഇതാ, അദാനിക്കെതിരെ കലാപം എന്നു വരുത്താനാണ് സര്‍ക്കാറിന് ഉത്സാഹം. ഈ പ്രോജക്റ്റും അദാനിക്കു പൂര്‍ണമായും വിധേയപ്പെടുംവരെ പിണറായിസര്‍ക്കാറിന് വിശ്രമമില്ല. അത് അദ്ദേഹം പ്രഖ്യാപിച്ചു കഴിഞ്ഞു.

അദാനിയാണ് ഈ വീടിന്റെ ഐശ്വര്യം!
നമോ നമസ്‌തേ…!’

Continue Reading

kerala

വിഴിഞ്ഞം സമരവുമായി ബന്ധപ്പെട്ട ആക്രമണ കേസുകളില്‍ പ്രതികളായ 1000 ത്തോളം പേരെ തിരിച്ചറിഞ്ഞു

ഒരു വ്യക്തി തന്നെ ഒന്നിലധികം കേസുകളില്‍ ഉള്‍പ്പെട്ടതായും കണ്ടെത്തിയിട്ടുണ്ട്.

Published

on

വിഴിഞ്ഞം സമരവുമായി ബന്ധപ്പെട്ട ആക്രമണ കേസുകളില്‍ പ്രതികളായ 1000 ത്തോളം പേരെ തിരിച്ചറിഞ്ഞു.
വിലാസം ഉള്‍പ്പെടെ പട്ടിക തയ്യാറാക്കി. സ്ത്രീകള്‍ ഉള്‍പ്പെടെയാണ് തിരിച്ചറിഞ്ഞത്. 168 കേസുകളാണ് ഇതേ വരെ രജിസ്റ്റര്‍ ചെയ്തിരിക്കുന്നത്.

ഡിഐജി ആര്‍ നിശാന്തിനിയുടെ നേതൃത്വത്തിലുള്ള സംഘമാണ് വിഴിഞ്ഞം കേസ് അന്വേഷിക്കുന്നത്. ഡിസിപി ലാല്‍ജിയുടെ നേതൃത്വത്തില്‍ ക്രൈം കേസുകള്‍ അന്വേഷിക്കാന്‍ പ്രത്യേക സംഘവുമുണ്ട്. തിരിച്ചറിയാന്‍ പറ്റുന്ന പ്രതികളുടെ പട്ടിക വിലാസം ഉള്‍പ്പെടെ ഈ സംഘം തയ്യാറാക്കിയിട്ടുണ്ട്. ഒരു വ്യക്തി തന്നെ ഒന്നിലധികം കേസുകളില്‍ ഉള്‍പ്പെട്ടതായും കണ്ടെത്തിയിട്ടുണ്ട്.

പൊലീസിന്റെ ഭാഗത്തുനിന്നുള്ള നടപടികളെല്ലാം പൂര്‍ത്തിയായി കഴിഞ്ഞു. ഇനി ഉന്നത തലത്തില്‍ നിന്ന് അനുമതി ലഭിച്ചാല്‍ അറസ്റ്റുമായി മുന്നോട്ടുപോകും.

Continue Reading

Trending