Connect with us

News

രാഹുല്‍ ഗാന്ധി കോണ്‍ഗ്രസ് പ്രസിഡണ്ട് പദവി രാജിവെച്ചു

Published

on

ന്യൂഡല്‍ഹി: ഏറെ നാളത്തെ അനിശ്ചിതത്വത്തിന് ശേഷം രാഹുല്‍ ഗാന്ധി കോണ്‍ഗ്രസ് പ്രസിഡണ്ട് സ്ഥാനത്ത് നിന്ന് രാജിവെച്ചു.രാജിക്കത്തിന്റെ പൂര്‍ണരൂപം ട്വീറ്ററില്‍ പോസ്റ്റ് ചെയ്തു. ലോക്‌സഭാ തെരഞ്ഞെടുപ്പിലെ പരാജയത്തിന്റെ ഉത്തരവാദിത്തം ഏറ്റെടുക്കുന്നുവെന്ന് പറഞ്ഞ രാഹുല്‍ ബി.ജെ.പിക്കെതിരായ പോരാട്ടം തുടരുമെന്നും വ്യക്തമാക്കി. ട്വിറ്റര്‍ എക്കൗണ്ടില്‍ ബയോ തിരുത്തിയ അദ്ദേഹം കോണ്‍ഗ്രസ് പ്രസിഡണ്ട് എന്നത് തിരുത്തി കോണ്‍ഗ്രസ് മെമ്പര്‍ എന്നാക്കി മാറ്റുകയും ചെയ്തു.

സൗകര്യപ്രദമായ സമയം നോക്കി കോണ്‍ഗ്രസ് പ്രവര്‍ത്തകസമിതി എത്രയും വേഗം യോഗം ചേര്‍ന്ന് പുതിയ പ്രസിഡണ്ടിനെ തെരഞ്ഞെടുക്കണമെന്നും പുതിയ പ്രസിഡണ്ട് നെഹ്‌റു കുടുംബത്തിന് പുറത്ത് നിന്നുള്ള ആളാവണമെന്നും രാഹുല്‍ മാധ്യമപ്രവര്‍ത്തകരോട് പറഞ്ഞു.

ലോക്‌സഭാ തെരഞ്ഞെടുപ്പ് ഫലം വന്നതിന് ശേഷം നടന്ന പ്രവര്‍ത്തകസമിതിയിലാണ് രാഹുല്‍ ഗാന്ധി രാജിവെക്കുകയാണെന്ന് പ്രഖ്യാപിച്ചിരുന്നത്. തുടര്‍ന്ന് മുതിര്‍ന്ന കോണ്‍ഗ്രസ് നേതാക്കള്‍ അടക്കം രാജി തീരുമാനത്തില്‍ നിന്ന് പിന്‍മാറാന്‍ രാഹുലിനെ നിര്‍ബന്ധിച്ചിരുന്നെങ്കിലും അദ്ദേഹം തയ്യാറായിരുന്നില്ല.

india

പനംതിട്ടയിൽ കനാലിൽ അജ്ഞാത മൃതദേഹം കണ്ടെത്തി

മൃതദേഹത്തിന് അഞ്ച് ദിവസത്തോളം പഴക്കമുണ്ട്.

Published

on

പത്തനംതിട്ടയിൽ കടമ്പനാട് കനാലില്‍ അജ്ഞാത മൃതദേഹം കണ്ടെത്തി. കെഐപി കനാലിലാണ് മൃതദേഹം കണ്ടെത്തിയത്.
അരയാലപ്പുറം കലിങ്കിനടിയിലാണ് മൃതദേഹം കിടന്നത്. ഏകദേശം 65 വയസ് പ്രായം തോന്നിക്കുന്ന പുരുഷന്റേതാണ് മൃതദേഹം.

മൃതദേഹത്തിന് അഞ്ച് ദിവസത്തോളം പഴക്കമുണ്ട്.

Continue Reading

india

മെച്ചപ്പെട്ട ചികിത്സയാണ് പാര്‍ട്ടിയും കുടുംബവും നല്‍കിയിട്ടുള്ളതെന്ന് ഉമ്മന്‍ ചാണ്ടി ഫേസ്ബുക്ക് ലൈവില്‍

മുന്‍മുഖ്യമന്ത്രിയുടെ ആരോഗ്യനില സംബന്ധിച്ച്‌ പലതരത്തിലുള്ള വാര്‍ത്തകള്‍ പ്രചരിക്കുന്നതിനിടയിലാണ് വിശദീകരണവുമായി അദ്ദേഹം നേരിട്ടെത്തിയത്.

Published

on

ആരോഗ്യനില സംബന്ധിച്ച്‌ പ്രചരിക്കുന്ന അഭ്യൂഹങ്ങളില്‍ പ്രതികരണവുമായി മുന്‍ മുഖ്യമന്ത്രിയും മുതിര്‍ന്ന കോണ്‍‌ഗ്രസ് നേതാവുമായ ഉമ്മന്‍ചാണ്ടി.  തനിക്ക് മെച്ചപ്പെട്ട ചികിത്സയാണ് ലഭിക്കുന്നതെന്നും പാര്‍ട്ടിയും കുടുംബവും എല്ലാ പിന്തുണയും നല്‍കുന്നുണ്ടെന്നും ഫേസ്ബുക്ക് ലൈവില്‍ ഉമ്മന്‍ചാണ്ടി പറഞ്ഞു.

https://www.facebook.com/watch/?v=699832205196664

മുന്‍മുഖ്യമന്ത്രിയുടെ ആരോഗ്യനില സംബന്ധിച്ച്‌ പലതരത്തിലുള്ള വാര്‍ത്തകള്‍ പ്രചരിക്കുന്നതിനിടയിലാണ് വിശദീകരണവുമായി അദ്ദേഹം നേരിട്ടെത്തിയത്. മകന്‍ ചാണ്ടി ഉമ്മന്‍റെയും പാര്‍ട്ടി പ്രവര്‍ത്തകരുടെയും കുടുംബാംഗങ്ങളുടെയും സാന്നിദ്ധ്യത്തിലാണ് ഉമ്മന്‍ചാണ്ടി ഇക്കാര്യം വ്യക്തമാക്കിയത്.

Continue Reading

india

ഏഴുവയസ്സുകാരന് അമ്മയിൽ നിന്നും ക്രൂരമർദനം; ചട്ടുകം വെച്ച്‌ പൊള്ളിച്ചു, കണ്ണില്‍ മുളകുപൊടി വിതറി

കുട്ടിയുടെ ശരീരം ചട്ടുകം കൊണ്ട് പൊള്ളലേല്‍പ്പിക്കുകയും മുളകുപൊടി കണ്ണില്‍ വിതറുകയും ചെയ്തു.

Published

on

ഇടുക്കി കുമളിയിൽ ഏഴു വയസ്സുകാരനോട് സ്വന്തം അമ്മയുടെ ക്രൂരത. കുട്ടിയുടെ ശരീരം ചട്ടുകം കൊണ്ട് പൊള്ളലേല്‍പ്പിക്കുകയും മുളകുപൊടി കണ്ണില്‍ വിതറുകയും ചെയ്തു. സംഭവത്തിൽ കുട്ടിയുടെ കൈയ്ക്കും കാലിനും പൊള്ളലേറ്റു. അടുത്ത വീട്ടിലെ ടയര്‍ എടുത്ത് കത്തിച്ചു എന്ന് പറഞ്ഞാണ് കുട്ടിയോട് മാതാവിന്റെ ക്രൂരത.

ഇന്ന് ഉച്ചയ്ക്ക് ശേഷമാണ് സംഭവം നടന്നത്. കുട്ടിയുടെ മൊഴി രേഖപ്പെടുത്തിയ ശേഷം അമ്മയെ കസ്റ്റഡിയില്‍ എടുക്കുന്നത് അടക്കമുള്ള നിയമ നടപടികളിലേക്ക് കടക്കുമെന്ന് പൊലീസ് അറിയിച്ചു.

Continue Reading

Trending