ദമ്മാം.മലപ്പുറം ജില്ലയിലെ മേലാറ്റൂര്‍ വേങ്ങൂര്‍ സ്വദേശി പരേതനായ പതിരാമണ്ണ സൈദലവിയുടെ മകന്‍ അബ്ദു സലാം (51) വെള്ളിയാഴ്ച രാവിലെ ഹൃദയാഘാതം മൂലം നിര്യാതനായി. പതിനാല് വര്‍ഷമായി ദഹറാനില്‍ ഹൗസ് ഡ്രൈവര്‍ ആയിരുന്ന അദ്ദേഹം ദഹറാന്‍ ഏരിയ കെഎംസിസി വൈസ് പ്രസിഡണ്ടായിരുന്നു.
പെരിന്തല്‍മണ്ണ സ്വദേശിനി ലുബൈബത്താണ് ഭാര്യ. മറിയം ആണ് മാതാവ്. വിദ്യാര്‍ത്ഥികളായ സ്വാലിഹ്,ത്വയ്യിബ്,അമീര് എന്നിവര്‍ മക്കളാണ്.സീനത്ത്,മുജീബ് ഫൈസി എന്നിവര്‍ സഹോദരങ്ങളുമാണ്.
ദമ്മാം സെന്‍ട്രല്‍ ഹോസ്പിറ്റലില്‍ സൂക്ഷിച്ചിട്ടുള്ള മൃതദേഹത്തിന്റ നിയമ നടപടി ക്രമങ്ങള്‍ക്ക് അല്‍കോബാര്‍ കെഎംസിസി വെല്‍ഫെയര്‍ വിഭാഗം രംഗത്തുണ്ട്.