Connect with us

kerala

സിപിഎമ്മുകാര്‍ പ്രതികളായ കതിരൂര്‍ സ്‌ഫോടനം; അന്വേഷണ ഉദ്യോഗസ്ഥരെ ഭീഷണിപ്പെടുത്തി എഎന്‍ ഷംസീര്‍

അന്വേഷണ ഉദ്യോഗസ്ഥനെ ഫോണില്‍ വിളിച്ച് ഭീഷണിപ്പെടുത്തിയാണ് ഷംസീര്‍ കേസ് അട്ടിമറിക്കാന്‍ ശ്രമിക്കുന്നത്

Published

on

കണ്ണൂര്‍: തലശ്ശേരി കതിരൂര്‍ പൊന്ന്യത്ത് നിര്‍മ്മാണത്തിനിടെ ബോംബ് പൊട്ടി പരിക്കേറ്റ സിപിഎമ്മുകാരെ രക്ഷിക്കാന്‍ എഎന്‍ ഷംസീര്‍ എംഎല്‍എ ഇടപെടുന്നതായി റിപ്പോര്‍ട്ട്. അന്വേഷണ ഉദ്യോഗസ്ഥനെ ഫോണില്‍ വിളിച്ച് ഭീഷണിപ്പെടുത്തിയാണ് ഷംസീര്‍ കേസ് അട്ടിമറിക്കാന്‍ ശ്രമിക്കുന്നത്. ബോംബ് നിര്‍മ്മാണ സംഘത്തിലുണ്ടായിരുന്ന ഡി.വൈ.എഫ്.ഐ പ്രവര്‍ത്തകന്‍ അശ്വന്തിനെ അറസ്റ്റ് ചെയ്തതിനെ തുടര്‍ന്നാണ് ഷംസീര്‍ കേസ് അന്വേഷിക്കുന്ന സിഐ എം. അനില്‍ കുമാറിനെ വിളിച്ച് ഭീഷണിപ്പെടുത്തിയത്. സി.ഒ.ടി നസീര്‍ വധശ്രമക്കേസിലെ മൂന്നാം പ്രതിയാണ് അശ്വന്ത്. നസീര്‍ വധശ്രമക്കേസില്‍ പങ്കുണ്ടെന്ന് ആരോപിക്കപ്പെടുന്ന സിപിഎം നേതാവ് കൂടിയാണ് ഷംസീര്‍. അശ്വന്ത് വഴി മറ്റു പല ക്രിമിനല്‍ പ്രവര്‍ത്തനങ്ങളും പുറത്താകുമോ എന്ന ഭയമാണ് എംഎല്‍എയെ കേസില്‍ ഇടപെടാന്‍ പ്രേരിപ്പിച്ചതെന്നാണ് വിലയിരുത്തപ്പെടുന്നത്.

അന്വേഷണ സംഘം അശ്വന്തിനെ ചോദ്യം ചെയ്യുന്നതിനിടയിലാണ് എ.എന്‍ ഷംസീര്‍ എംഎല്‍എയുടെ ഭീഷണി ഫോണ്‍ കോള്‍ എത്തിയത്. അശ്വന്തിനെ കസ്റ്റഡിയില്‍ എടുത്തതില്‍ ക്ഷുഭിതനായാണ് എ.എന്‍ ഷംസീര്‍ എംഎല്‍എ സി.ഐയോട് സംസാരിച്ചത്. അശ്വന്തിനെ എന്ത് തെളിവുകളുടെ അടിസ്ഥാനത്തിലാണ് കസ്റ്റഡിയില്‍ എടുത്തതെന്ന് ചോദിച്ച ഷംസീര്‍ ഇങ്ങനെ അറസ്റ്റ് ചെയ്യാമെങ്കില്‍ കാണാമെന്നും ഭീഷണിപ്പെടുത്തി. വ്യക്തമായ തെളിവുകളുടെ അടിസ്ഥാനത്തിലാണ് കസ്റ്റഡിയില്‍ എടുത്തതെന്ന് സിഐ മറുപടി നല്‍കി. എ.എന്‍ ഷംസീര്‍ എംഎല്‍എയുമായി അടുത്ത ബന്ധം ഉള്ളയാളാണ് അശ്വന്ത്. അശ്വന്തിന്റെ അറസ്റ്റ് സിപിഎമ്മിനെ കൂടുതല്‍ പ്രതിരോധത്തിലാക്കിയിരുന്നു. പരിക്ക് പറ്റിയ സിപിഎം അഴിയൂര്‍ കല്ലോറ ബ്രാഞ്ച് കമ്മിറ്റി അംഗം രമ്യ നിവാസില്‍ എം റമീഷ്, അഴിയൂരിലെ കെ.ഒ ഹൗസില്‍ ധീരജ്, കതിരൂരിലെ സജിലേഷ് എന്ന സജൂട്ടി എന്നിവരുടെ അറസ്റ്റ് അപകടനില തരണം ചെയ്തതിന് ശേഷം രേഖപ്പെടുത്തും.

kerala

ഇനിയും അലനെ ഭരണകൂട ഭീകരതയ്ക്ക് എറിഞ്ഞു കൊടുക്കരുത്: എം എസ് എഫ്

എസ് എഫ് ഐ ഗുണ്ടായിസത്തിനെതിരെ ജനാധിപത്യപരമായി പ്രതിരോധിച്ചതിന്റെ പേരിലാണ് അലന്‍ ശുഹൈബിനെ എസ് എഫ് ഐ കള്ളകേസില്‍ കുടുക്കിയത്. എം എസ് എഫ് ഓര്‍മപ്പെടുത്തി

Published

on

അലനെ ഇനിയും ഭരണകൂട ഭീകരതയ്ക്ക് എറിഞ്ഞു കൊടുക്കരുതെന്ന് എംഎസ്എഫ്. ക്യാമ്പസിലെ രാഷ്ട്രീയ പ്രവര്‍ത്തനം ഏതെങ്കിലും ഒരു വിദ്യാര്‍ത്ഥി പ്രസ്ഥാനത്തിന്റെ കുത്തകയല്ലെന്നും സമാധാനപരമായി പഠിക്കാനും രാഷ്ട്രീയ പ്രവര്‍ത്തനം നടത്താനും അഭിപ്രായങ്ങള്‍ പ്രകടിപ്പിക്കാനും എല്ലാ വിദ്യാര്‍ത്ഥികള്‍ക്കും അവകാശമുണ്ടെന്നും എം എസ് എഫ് പറഞ്ഞു.

എസ് എഫ് ഐ എങ്ങനെയാണ് എ ബി വിക്ക് പഠിക്കുന്നത് എന്നതിനുള്ള ഉദാഹരണമാണ് അലന്‍ ഷുഹൈബ് വേട്ടയാടല്‍. പകല്‍ വെളിച്ചത്തില്‍ യുഎപിഎ ക്കെതിരെ നിലപാടെടുത്ത് പരോക്ഷമായി അതിനെ കൂട്ട് പിടിച്ച് തങ്ങളുടെ രാഷ്ട്രീയ എതിര്‍ശബ്ദങ്ങളെ ഇല്ലാതാക്കുകയാണ് എസ് എഫ് ഐ യും കമ്മ്യൂണിസ്റ്റ് പാര്‍ട്ടിയും ചെയ്യുന്നത്. പാലയാട് കാമ്പസിലെ എസ് എഫ് ഐ ഗുണ്ടായിസത്തിനെതിരെ ജനാധിപത്യപരമായി പ്രതിരോധിച്ചതിന്റെ പേരിലാണ് അലന്‍ ശുഹൈബിനെ എസ് എഫ് ഐ കള്ളകേസില്‍ കുടുക്കിയത്. എം എസ് എഫ് ഓര്‍മപ്പെടുത്തി.

പുസ്തകങ്ങള്‍ വായിക്കുന്നു, അറിവ് നേടുന്നു, അനീതിക്കെതിരെ നിര്‍ഭയം പ്രതികരിക്കുന്നു. ഇതെല്ലാം പിണറായി കാലഘട്ടത്തില്‍ വേട്ടയാടപ്പെടാനുള്ള കാരണമാകുന്നു എന്ന് എം എസ് എഫ് ആരോപിച്ചു. അലന്‍ ശുഹൈബിനെ തീവ്രവാദി ചാപ്പ കുത്താനുള്ള എസ് എഫ് ഐയുടെയും കമ്മ്യൂണിസ്റ്റ് കുബുദ്ധികളുടെയും സ്വാര്‍ത്ഥതാല്പര്യം തിരിച്ചറിഞ്ഞ് പ്രതികരിക്കേണ്ടത് പ്രബുദ്ധ ജനാധിപത്യ വിശ്വാസികളുടെ ബാധ്യതയാണ്.

ഭരണകൂട അനീതികള്‍ക്കെതിരെ പ്രതികരിച്ചവര്‍, വിദ്യാര്‍ത്ഥികള്‍, നിരപരാധികള്‍, ആദിവാസി, ദലിത്, മുസ്ലീം വിഭാഗത്തില്‍പ്പെട്ടവര്‍. ആ കൂട്ടത്തിലേക്ക് ഇന്ത്യന്‍ ഭരണകൂടത്തിന് ഇടതുപക്ഷ കേരളത്തിന്റെ സംഭാവനയാണ് അലനും താഹയും.

പ്രതികരിച്ചു വളര്‍ന്നു വരുന്ന തലമുറയിലാണ് ഭാവിയുടെ പ്രതീക്ഷ. വിദ്യാര്‍ത്ഥി രാഷ്ട്രീയം എതിര്‍ ശബ്ദങ്ങളെ ഇല്ലാതാക്കുന്നതിന് പകരം രാഷ്ട്ര നിര്‍മ്മിതിക്കുവേണ്ടിയുള്ളതാകട്ടെ എന്ന് പി കെ നവാസും സി കെ നജാഫും അറിയിച്ചു.

Continue Reading

kerala

കോളജുകള്‍ക്ക് സമയമാറ്റം മുന്നോട്ടുവെച്ച് മന്ത്രി ഡോ.ആര്‍. ബിന്ദു

ശനിയാഴ്ച ദിവസം കൂടി പ്രവൃത്തി ദിവസമാക്കുന്നതും ആലോചിക്കുമെന്ന് മന്ത്രി

Published

on

തിരുവനന്തപുരം: സംസ്ഥാനത്തെ കോളജുകളുടെ സമയമാറ്റം മുന്നോട്ടുവെച്ച് ഉന്നത വിദ്യാഭ്യാസ മന്ത്രി ഡോ.ആര്‍. ബിന്ദു. രാവിലെ എട്ട് മുതല്‍ രാത്രി എട്ടു വരെയാക്കിയും അധ്യാപകര്‍ക്ക് ഷിഫ്റ്റ് അടിസ്ഥാനത്തില്‍ പ്രവര്‍ത്തിക്കാനുമുള്ള നിര്‍ദേശം മുന്നോട്ടുവെച്ചുമാണ് മന്ത്രി പുതിയ പദ്ധതി അവതരിപ്പിച്ചത്. ഉന്നത വിദ്യാഭ്യാസ പാഠ്യപദ്ധതി ചട്ടക്കൂട് രൂപവത്കരണത്തിന്റെ ഭാഗമായി സംഘടിപ്പിച്ച ശില്‍പശാല ഉദ്ഘാടനം ചെയ്യുകയായിരുന്നു. ശനിയാഴ്ച ദിവസം കൂടി പ്രവൃത്തി ദിവസമാക്കുന്നതും ആലോചിക്കുമെന്ന് മന്ത്രി പറഞ്ഞു.

പുതിയ കരിക്കുലവും സിലബസും വരുമ്പോള്‍ അധ്യാപകരുടെ ജോലി ഭാരത്തെ ബാധിക്കുമോ എന്ന ആശങ്ക വേണ്ട. നിലവിലുള്ള അധ്യാപകരെ ഉള്‍ക്കൊണ്ടുതന്നെ കോഴ്‌സ് കോമ്പിനേഷന്‍ രൂപപ്പെടുത്താനാകും. വിദേശരാജ്യങ്ങളില്‍ ഉള്‍പ്പെടെ ഉപരിപഠനത്തിന് പോകാന്‍ നാലുവര്‍ഷ ബിരുദ കോഴ്‌സ് വേണമെന്നതിനാല്‍ കൂടിയാണ് അതിനുള്ള അവസരം ഒരുക്കുന്നത്. ഇന്റഗ്രേറ്റഡ് പിഎച്ച്.ഡി കോഴ്‌സുകള്‍ തെരഞ്ഞെടുത്ത സ്ഥാപനങ്ങളില്‍ നല്‍കാന്‍ കഴിയണമെന്നും മന്ത്രി പറഞ്ഞു.

Continue Reading

kerala

സുരക്ഷയുടെ പേരിലുള്ള വനിതാ ഹോസ്റ്റലുകളിലെ നിയന്ത്രണം എതിര്‍ത്ത് ഹൈക്കോടതി

ചര്‍ച്ചകള്‍ പരാജയപ്പെട്ടതിനെ തുടര്‍ന്നാണ് വിദ്യാര്‍ഥിനികള്‍ ഹൈക്കോടതിയെ സമീപിച്ചത്.

Published

on

സുരക്ഷയുടെ പേരില്‍ വനിതാ ഹോസ്റ്റലുകളില്‍ സമയനിയന്ത്രണം ഏര്‍പ്പെടുത്തുന്നതിനെതിരെ ഹൈക്കോടതി. വിദ്യാര്‍ഥിനികളെ ഇത്തരത്തില്‍ നിയന്ത്രിക്കുന്നത് പരിഷ്‌കൃത സമൂഹത്തിനു ചേര്‍ന്നതല്ലെന്നായിരുന്നു കോടതിയുടെ നിരീക്ഷണം. സുരക്ഷയുടെ പേരില്‍ വിദ്യാര്‍ത്ഥിനികള്‍ ക്യാമ്പസിനുള്ളില്‍ പോലും ഇറങ്ങരുതെന്ന് ഭരണകൂടം പറയുന്നത് എന്തടിസ്ഥാനത്തിലെന്നും കോടതി ചോദിച്ചു. സമയനിയന്ത്രണം വെച്ചതിന്റെ കാരണം സര്‍ക്കാര്‍ വ്യക്തമാക്കണമെന്നും ഹൈക്കോടതി നിര്‍ദ്ദേശിച്ചു.

വിദ്യാര്‍ഥികളുടെ ജീവന് മെഡിക്കല്‍ കോളജ് ക്യാമ്പസില്‍ പോലും സംരക്ഷണം കൊടുക്കാന്‍ പറ്റാത്ത അവസ്ഥയാണോ ഉള്ളതെന്നും കോടതി ചോദിച്ചു. കോഴിക്കോട് മെഡിക്കല്‍ കോളജ് ഹോസ്റ്റലിലെ സമയനിയന്ത്രണം ചോദ്യം ചെയ്ത് വിദ്യാര്‍ഥിനികള്‍ സമര്‍പ്പിച്ച ഹര്‍ജിയിലാണ് കോടതിയുടെ നിരീക്ഷണം. ഹോസ്റ്റല്‍ അധികൃതരുടെ നടപടിക്കെതിരെ വിദ്യാര്‍ഥികള്‍ കടുത്ത പ്രതിഷേധം ഉയര്‍ത്തിയിരുന്നു.

ചര്‍ച്ചകള്‍ പരാജയപ്പെട്ടതിനെ തുടര്‍ന്നാണ് വിദ്യാര്‍ഥിനികള്‍ ഹൈക്കോടതിയെ സമീപിച്ചത്. നിലവില്‍ കോഴിക്കോട് മെഡിക്കല്‍ കോളേജിലെ ആണ്‍കുട്ടികളുടെ ഹോസ്റ്റലില്‍ ഇത്തരം സമയനിയന്ത്രണമില്ലാത്തും വിദ്യാര്‍ഥിനികള്‍ ചൂണ്ടിക്കാട്ടി.

Continue Reading

Trending