More
ജയന് മരിച്ചിട്ടില്ലെന്നും അമേരിക്കയില് ഒളിവുജീവിതം നയിക്കുകയായിരുന്നുമുള്ള പ്രചാരണം; കോളിളക്കം ക്ലൈമാക്സില് സംഭവിച്ചതിനെക്കുറിച്ച് സ്ഥലത്തുണ്ടായിരുന്ന സോമന് അമ്പാട്ട് വെളിപ്പെടുത്തുന്നു
മലയാളത്തിന്റെ എക്കാലത്തേയും സൂപ്പര്സ്റ്റാണ് നടന് ജയന്. മരിച്ചിട്ട് വര്ഷങ്ങള്ക്കിപ്പുറവും ജയനെ അനുകരിക്കുന്നതില് മുന്നിലാണ് മലയാളി യുവത്വം. സാഹസികത നിറഞ്ഞ അഭിനയത്തിലൂടെ എന്നും മലയാളികളുടെ മനസ്സില് നിറഞ്ഞുനിന്ന ജയന് കോളിളക്കം സിനിമയുടെ ക്ലൈമാക്സ് ചിത്രീകരണത്തിനിടെയാണ് മരിക്കുന്നത്.
അന്നുതന്നെ മരണവുമായി ബന്ധപ്പെട്ട് പല രീതിയിലുള്ള കഥകളും പ്രചരിച്ചിരുന്നു. ജയന് മരിച്ചിട്ടില്ലെന്നും അമേരിക്കയില് ഒളിവുജീവിതം നയിക്കുകയാണെന്നായിരുന്നു ഒരു കഥ. അമേരിക്കയില് നിന്ന് അമ്മക്ക് ജയന് കത്തുകളയക്കാറുണ്ടെന്നും ശത്രുക്കളെപ്പേടിച്ച് അവിടെ കഴിയുകയായിരുന്നുവെന്നും വ്യാപകമായി പരന്നിരുന്നു. കൂടാതെ ജയന്റെ മരണം കൊലപാതകമാണെന്നും ശക്തമായ രീതിയിലുള്ള പ്രചാരണമുണ്ടായിരുന്നു. എന്നാല് ഇതിനെല്ലാം വ്യക്തമായി ഉത്തരം നല്കിയിരിക്കുകയാണ് കോളിളക്കത്തിന്റെ സഹസംവിധായകനും ക്ലൈമാക്സ് ചിത്രീകരണവേളയില് സ്ഥലത്തുണ്ടാവുകയും ചെയ്ത സോമന് അമ്പാട്ട്. ഒരു മാധ്യമത്തിന് നല്കിയ അഭിമുഖത്തില് അദ്ദേഹം ജയന്റെ മരണത്തെക്കുറിച്ചുള്ള എല്ലാ പ്രചാരണങ്ങളും തള്ളി. അന്ന് നടന്നതിനെക്കുറിച്ചു വ്യക്തമാക്കുകയും ചെയ്തു.
മദ്രാസില് നിന്നും അല്പ്പം അകലെയുള്ള ഉപേക്ഷിക്കപ്പെട്ട ഒരു എയര്പോട്ടില്വെച്ചാണ് കോളിളക്കിന്റെ ക്ലൈമാക്സ് ചിത്രീകരണം നടന്നത്. പി.എന് സുന്ദരമാണ് ചിത്രം സംവിധാനം ചെയ്യുന്നത്. ഹെലികോപ്റ്ററില് നിന്ന് ഒന്നരയാള് പൊക്കത്തില് പിടിച്ച് കയറുന്നതായി അഭിനയിക്കേണ്ട സീന്, കോപ്റ്ററില് ചാടിപ്പിടിക്കുക, വിടുക അതായിരുന്നു പ്ലാന് ചെയ്ത ഷോട്ട്. എന്നാല് ജയന് സ്വാഭാവികതക്കുവേണ്ടി അഭിനയിച്ചത് അപകടത്തിലേക്കാവുകയായിരുന്നു. ഹെലികോപ്റ്ററില് പിടിച്ചു കയറി കാല് മുകളിലോട്ട് ലോക്ക് ചെയ്തപ്പോള് ജയന് ലോക്ക് റിലീസ് ചെയ്യാന് എന്തുകൊണ്ടോ കഴിഞ്ഞില്ല. ഒരു വശത്തേക്ക് ഭാരമെത്തിയതുകൊണ്ടോ അതോ ബാലന്സ് നഷ്ടപ്പെട്ടതുകൊണ്ടോ ഹെലികോപ്റ്ററിന്റെ ചിറക് താഴെയിടിക്കുകയായിരുന്നുവെന്നും ഒപ്പം ജയന്റെ തലയുടെ പുറകുവശവും താഴെയിടിച്ചെന്നും അദ്ദേഹം പറയുന്നു.
ആസ്പത്രിയിലേക്കെത്തിക്കാന് ശ്രമങ്ങള് ഊര്ജ്ജിതമാക്കിയെങ്കിലും മദ്രാസില് അന്ന് കനത്ത മഴയായിരുന്നു. ട്രാഫിക്കില് കുടുങ്ങി ആസ്പത്രിയിലെത്തിക്കാന് വൈകുകയായിരുന്നു. നേരത്തെ എത്തിക്കാന് കഴിഞ്ഞിരുന്നെങ്കില് ജയന് രക്ഷപ്പെടുമായിരുന്നുവെന്നും സോമന് അമ്പാട്ട് പറഞ്ഞു. ഐ.സിയുവില് കയറ്റുന്നതുവരെ ജയന് ജീവനുണ്ടായിരുന്നു. എന്നാല് ഒന്നും സംസാരിച്ചിരുന്നില്ലെന്നും പറഞ്ഞ അദ്ദേഹം ജയന് മരിച്ചതുമായി ബന്ധപ്പെട്ട എല്ലാ പ്രചാരങ്ങളും തെറ്റാണെന്നും ആവര്ത്തിച്ചു.
tech
യൂട്യൂബ് മ്യൂസിക് കൂടുതല് സ്മാര്ട്ട്: ഇനി പ്ലേലിസ്റ്റിലെ പാട്ടുകള് സെക്കന്ഡുകള്ക്കകം കണ്ടെത്താം
ഫീച്ചര് ഇപ്പോള് പ്ലേലിസ്റ്റ് മെനുവിലൂടെ ലഭ്യമാകുന്നു.ഐഫോണിനുള്ള യൂട്യൂബ് മ്യൂസിക് ആപ്പിന്റെ 8.45.3 പതിപ്പിലാണ് ഈ ഓപ്ഷന് ആദ്യമായി കാണാന് തുടങ്ങിയത്.
ദീര്ഘമായ പ്ലേലിസ്റ്റുകളില് സ്ക്രോള് ചെയ്ത് ഒരു പാട്ട് കണ്ടെത്തേണ്ട ബുദ്ധിമുട്ട് ഒഴിവാക്കാന് യൂട്യൂബ് മ്യൂസിക് പുതുതായി അവതരിപ്പിച്ചിരിക്കുന്നത് ‘find my playlist’ എന്ന ഫീച്ചറാണ്. നിരവധി ഉപയോക്താക്കള് റിപ്പോര്ട്ട് ചെയ്യുന്നപ്രകാരം, ഈ പരീക്ഷണ ഫീച്ചര് ഇപ്പോള് പ്ലേലിസ്റ്റ് മെനുവിലൂടെ ലഭ്യമാകുന്നു.ഐഫോണിനുള്ള യൂട്യൂബ് മ്യൂസിക് ആപ്പിന്റെ 8.45.3 പതിപ്പിലാണ് ഈ ഓപ്ഷന് ആദ്യമായി കാണാന് തുടങ്ങിയത്.
പ്ലേലിസ്റ്റ് പേജിലെ shuffle play ബട്ടണിന് താഴേയുള്ള മൂന്ന് ഡോട്ട് മെനുവിലെ ഓപ്ഷനായി ഇത് ചിലര്ക്കു പ്രത്യക്ഷപ്പെട്ടു. എല്ലാ ഐഫോണ് ഉപയോക്താക്കള്ക്കും ഇപ്പോള് ഈ സവിശേഷത ലഭ്യമല്ല അതായത് ഏറ്റവും പുതിയ പതിപ്പ് ഇന്സ്റ്റാള് ചെയ്താലും ചില അക്കൗണ്ടുകള്ക്കാണ് ആദ്യഘട്ടത്തില് ആക്സസ്. പാട്ടുകളുടെ പേരുവഴി പ്ലേലിസ്റ്റിനുള്ളില് നേരിട്ട് തിരയാനുള്ള ഈ സൗകര്യം ഇപ്പോള് പരിമിതമായ iOS ഉപയോക്താക്കള്ക്കു മാത്രമാണ് ലഭിക്കുന്നത്.
ആന്ഡ്രോയിഡ് പതിപ്പില് ഇതുവരെ ഈ ഫീച്ചര് എത്തിയിട്ടില്ല. ഫീച്ചറിന്റെ വ്യാപകമായ റോള്ഔട്ടിനും ആന്ഡ്രോയിഡ് റിലീസിനും യൂട്യൂബ് ഇതുവരെ വ്യക്തമായ തീയതി പ്രഖ്യാപിച്ചിട്ടില്ല. ഉപയോക്തൃ അനുഭവം മെച്ചപ്പെടുത്താന് ലക്ഷ്യമിടുന്ന ഈ അപ്ഡേറ്റ്, വലിയ പ്ലേലിസ്റ്റുകള് കൈകാര്യം ചെയ്യുന്നവര്ക്കു പ്രത്യേകിച്ച് ഗുണകരമാകുമെന്നാണ് പ്രതീക്ഷ.
More
വൈഷ്ണയുടെ വോട്ട് വെട്ടിയതിനു പിന്നില് സി.പി.എമ്മിന്റെ ക്രിമിനല് ഗൂഡാലോചന: വിഡി സതീശന്
ഉദ്യോഗസ്ഥര്ക്കും നേരിട്ട് പങ്ക്: തിരഞ്ഞെടുപ്പ് കമ്മിഷന് അന്വേഷണം പ്രഖ്യാപിക്കണം; ഉദ്യോഗസ്ഥരെ സസ്പെന്ഡ് ചെയ്യണം
തിരുവനന്തപുരം: തിരുവനന്തപുരം കോര്പ്പറേഷന് മുട്ടട വാര്ഡിലെ യു.ഡി.എഫ് സ്ഥാനാര്ഥി വൈഷ്ണ സുരേഷിന്റെ പേര് വോട്ടര്പട്ടികയില് നിന്ന് നീക്കം ചെയ്യാന് സി.പി.എം ക്രിമിനല് ഗൂഡാലോചന നടത്തിയെന്ന് പ്രതിപക്ഷ നേതാവ് വി.ഡി സതീശന്. തിരുവനന്തപുരത്തെ രണ്ട് പ്രധാന സി.പി.എം നേതാക്കള്ക്ക് ഗൂഡാലോചനയില് നേരിട്ട് പങ്കുണ്ട്. കോര്പ്പറേഷനിലെ സി.പി.എമ്മുകാരായ ചില ഉദ്യോഗസ്ഥര് കൂടി ഈ ക്രിമിനല് പ്രവര്ത്തിയില് പങ്കാളികളാണ്. ഇതേ കുറിച്ച് തിരഞ്ഞെടുപ്പ് കമ്മിഷന് സമഗ്രമായി പരിശോധിക്കണം. അന്വേഷണത്തിന് പ്രത്യേക സംഘത്തെ നിയോഗിക്കണം. അല്ലെങ്കില് യു.ഡി.എഫ് നിയമ നടപടിസ്വീകരിക്കും അദ്ദേഹം പറഞ്ഞു.
വൈഷ്ണയുടെ വോട്ട് പുനസ്ഥാപിച്ചു കൊണ്ട് സംസ്ഥാന തിരഞ്ഞെടുപ്പ് കമ്മിഷന് പുറത്തിറക്കിയ ഉത്തരവിന് ഉദ്യോഗസ്ഥതലത്തിലെ ഗുരുത വീഴ്ചകള് എടുത്ത് പറയുന്നു. സി.പി.എം പ്രാദേശിക നേതാവിന്റെ പരാതിയില് കോര്പ്പറേഷന് ഇലക്ടറല് രജിസ്ട്രേഷന് ഓഫീസര് തീര്ത്തും ഏകപക്ഷീയമായി തീരുമാനമെടുത്തു. സി.പി.എമ്മിന്റെ ക്രിമിനല് ഗൂഡാലോചനയ്ക്ക് എല്ലാ ഒത്താശയും ചെയ്യുകയാണ് ഈ ഉദ്യോഗസ്ഥന് ചെയ്തത്. വൈഷ്ണയുടെ പേര് നീക്കം ചെയ്തതിന് ഒരു ന്യായീകരണവും ഇല്ലെന്നാണ് തിരഞ്ഞെടുപ്പ് കമ്മിഷന്റെ കണ്ടെത്തലെന്ന് പ്രതിപക്ഷ നേതാവ് ചൂണ്ടിക്കാട്ടി.
വൈഷ്ണ ഹിയറിംഗ് സമയത്ത് നല്കിയ രേഖകള് ഒന്നും ഉദ്യോഗസ്ഥന് പരിഗണിച്ചില്ല. വൈഷ്ണയുടെ അസാനിധ്യത്തില് സി.പി.എം പ്രാദേശിക നേതാവ് നല്കിയ മൊഴിയുടെ അടിസ്ഥാനത്തില് മാത്രമാണ് വോട്ട് വെട്ടിയത്. സിപിഎമ്മിന് വിടുപണി ചെയ്യുന്ന ഇത്തരം ഉദ്യോഗസ്ഥര്ക്ക് ഒരു നിമിഷം പോലും തുടരാന് അര്ഹതയില്ല. രാഷ്ട്രീയ ഗൂഡാലോചനക്ക് ഒത്താശ ചെയ്ത ഉദ്യോഗസ്ഥരെ സസ്പെന്ഡ് ചെയ്യണം. ഇവര്ക്കെതിരെ ക്രിമിനല് കേസെടുക്കണം. എക്കാലത്തും സി.പി.എം ഭരണത്തിലുണ്ടാകില്ലെന്നും കണക്ക് ചോദിക്കാതെ ഒരു കാലവും കടന്നു പോകില്ലെന്നും സി.പി.എമ്മിന് അടിമപ്പണി ചെയ്യുന്ന ഉദ്യോഗസ്ഥര് ഓര്ക്കണമെന്നും അദ്ദേഹം കൂട്ടിച്ചേര്ത്തു.
Education
മലയാളം മീഡിയത്തില് SSLC എഴുതുന്നവര് കുത്തനെ കുറഞ്ഞു; 7 വര്ഷത്തില് 20%ത്തിലധികം ഇടിവ്
2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്.
തിരുവനന്തപുരം: സംസ്ഥാനത്ത് മലയാളം മീഡിയത്തില് എസ്എസ്എല്സി പരീക്ഷ എഴുതുന്ന വിദ്യാര്ത്ഥികളുടെ എണ്ണം വേഗത്തില് കുറഞ്ഞുകൊണ്ടിരിക്കുകയാണ്. 2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്. എന്നാല് 2024-25ല് ഇത് 36.56% ആയി താഴ്ന്നതായി പുതിയ കണക്കുകള് വ്യക്തമാക്കുന്നു. ഈ വര്ഷം മാര്ച്ചില് SSLC പരീക്ഷയെഴുതിയ മൊത്തം 4,27,017 വിദ്യാര്ത്ഥികളില് 1,56,161 പേര് മാത്രമാണ് മലയാളം മീഡിയം തിരഞ്ഞെടുത്തത്.
2019ലെ 2,43,409 എന്ന എണ്ണവുമായി താരതമ്യം ചെയ്യുമ്പോള് 87,000 വിദ്യാര്ത്ഥികളുടെ കുറവാണ് രേഖപ്പെടുത്തിയത്. മലയാളം മീഡിയത്തില് പഠിക്കുന്നവരുടെ കുറവാണ് ഈ ഇടിവിന് കാരണമെന്ന് പരീക്ഷാഭവനിലെ ഉദ്യോഗസ്ഥര് പറയുന്നു. വിദ്യാഭ്യാസ വകുപ്പിലെ മുതിര്ന്ന ഉദ്യോഗസ്ഥരുടെ വിവരമനുസരിച്ച് പ്രാഥമിക ക്ലാസുകളില് തന്നെ ഇംഗ്ലീഷ്-മലയാളം മീഡിയം പ്രവേശന അനുപാതം 70:30 ആയി മാറിയിട്ടുണ്ട്. ഇംഗ്ലീഷ് കൂടുതല് ഗുണമേറിയ പഠനമാധ്യമമാണെന്ന പൊതുധാരണയാണ് ഈ മാറ്റത്തിന് പിന്നിലെന്ന് കേരള ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) സിഇഒ കെ. അന്വര് സാദത്ത് അഭിപ്രായപ്പെട്ടു. എന്നാല് മീഡിയമല്ല, സ്കൂള് നല്കുന്ന ഭാഷാ പരിശീലനമാണ് വിജയത്തിനുള്ള നിര്ണ്ണായക ഘടകമെന്നും അദ്ദേഹം കൂട്ടിച്ചേര്ത്തു.
മാതൃഭാഷാ വിദ്യാഭ്യാസത്തിന്റെ പ്രാധാന്യം അധികൃതര് ചര്ച്ച ചെയ്യുമ്പോഴും, സമൂഹത്തിന്റെ താല്പര്യം വിപരീതമാണെന്ന് സംസ്ഥാന വിദ്യാഭ്യാസ ഗവേഷണപരിശീലന കൗണ്സില് ഡയറക്ടര് ജയപ്രകാശ് ആര്. കെ. ചൂണ്ടിക്കാട്ടി. ഗ്രാമ-നഗര വ്യത്യാസം കുറഞ്ഞതും മധ്യവര്ഗ്ഗത്തിന്റെ വളര്ച്ചയും ഈ മാറ്റത്തിന്റെ സൂചനയായെന്നും അദ്ദേഹം പറഞ്ഞു. 2025ല് SSLC എഴുതിയവര് 2014-15ല് ഒന്നാം ക്ലാസില് ചേര്ന്നവരാണെന്നും വരാനിരിക്കുന്ന വര്ഷങ്ങളില് മലയാളം മീഡിയം വിദ്യാര്ത്ഥികളുടെ എണ്ണം കുറഞ്ഞേക്കുമെന്നും അദ്ദേഹത്തിന്റെ വിലയിരുത്തല്.
മലയാളം മീഡിയത്തിലെ ഇടിവ് സംസ്ഥാന വികസനത്തിനുതന്നെ ഭീഷണിയാകാമെന്ന് ഐക്യ മലയാള പ്രസ്ഥാനം സംസ്ഥാന കണ്വീനര് ആര്. നന്ദകുമാര് മുന്നറിയിപ്പ് നല്കി. മലയാളവുമായി വിദ്യാര്ത്ഥികള്ക്ക് അടുപ്പമില്ലാത്തത്, നാട്ടിന് പരിസരത്തെ ഭൂമിശാസ്ത്ര-പരിസ്ഥിതി ബോധത്തെ തന്നെ ബാധിക്കുമെന്നാണ് അദ്ദേഹത്തിന്റെ അഭിപ്രായം. ഇംഗ്ലീഷ് പഠിപ്പിക്കുന്നതിനെതിരെ താന് അല്ലെങ്കിലും, ആവശ്യമായ ഇടപെടലുകള് ഇല്ലെങ്കില് പുതിയ സാമൂഹിക-വിദ്യാഭ്യാസ പ്രശ്നങ്ങള് ഉയര്ന്നേക്കുമെന്നാണ് നന്ദകുമാര് മുന്നറിയിപ്പ് നല്കിയത്.
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala1 day agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala1 day agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala1 day agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala1 day agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala1 day agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്
-
kerala9 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
Film1 day agoമമ്മൂട്ടി-വിനായകന് ചിത്രം ‘കളങ്കാവല്’: വിനായകന് ചെയ്ത വേഷം ആദ്യം പൃഥ്വിരാജിനായി കരുതിയതെന്ന് സംവിധായകന്