Connect with us

india

‘വടക്കന്‍ കേരളം ഭീകരവാദ ശൃംഖല’: വിവാദ പരാമര്‍ശവുമായി കേരള സ്‌റ്റോറി സംവിധായകന്‍

Published

on

കേരളത്തെപ്പറ്റി വിവാദ പരാമര്‍ശവുമായി ‘ദി കേരള സ്‌റ്റോറി’ സംവിധായകന്‍ സുദിപ്‌തോ സെന്‍. കേരളത്തില്‍ മലപ്പുറവും കാസര്‍ഗോഡും കോഴിക്കോടും ഭീകരവാദത്തിന്റെ കേന്ദ്രമാണെന്ന് സുദിപ്‌തോ സെന്‍ ആരോപിച്ചു. മുംബൈയില്‍ ഈ മാസം 17നു നടന്ന ഒരു പരിപാടിയില്‍ സംസാരിക്കുകയായിരുന്നു സെന്‍.

രണ്ട് കേരളമാണ് ഉള്ളതെന്ന് സെന്‍ പറഞ്ഞു. ഒരു കേരളം സുന്ദരമാണ്. സുന്ദരമായ സ്ഥലങ്ങളുണ്ട്. കളരിപ്പയറ്റ്, നൃത്തം, സംസ്‌കാരം, കളരിപ്പയറ്റ് ആനകള്‍ എന്നിങ്ങനെ പുറം ലോകത്തിനറിയുന്ന കാര്യങ്ങളവിടെയുണ്ട്. എന്നാല്‍, രണ്ടാം കേരളം മംഗലാപുരം അടക്കമുള്ള വടക്കന്‍ കേരളമാണ്. ഇതൊരു ഭീകരവാദ കേന്ദ്രമാണ്. കോഴിക്കോട്, മലപ്പുറം, കാസര്‍ഗോഡ് എത്ര കൂടുതല്‍ അവിടം സന്ദര്‍ശിക്കുന്നോ അത്രയധികം കഥകള്‍ അവിടെനിന്ന് ലഭിക്കും. അത്രയധികം വിവരങ്ങള്‍ ലഭിക്കും. സാക്ഷരതയിലും മാനവവികസന സൂചികയിലും ഒന്നാം സ്ഥാനത്തുള്ള സംസ്ഥാനത്ത് രഹസ്യമായി എന്താണ് സംഭവിക്കുന്നതെന്ന് നിങ്ങള്‍ക്ക് മനസ്സിലാകും. സിനിമാക്കാരെ ചോദ്യം ചെയ്യുന്നതിനു പകരം മാധ്യമപ്രവര്‍ത്തകര്‍ കേരളത്തില്‍ പോയി കാസര്‍കോട് പോലുള്ള സ്ഥലങ്ങളില്‍ എന്താണ് നടക്കുന്നതെന്ന് നിരീക്ഷിക്കണമെന്നും സുദീപ്‌തോ സെന്‍ പറഞ്ഞു.

രാജ്യം മുഴുവന്‍ കേരള സ്‌റ്റോറിയുടെ ടിക്കറ്റ് നിരക്കില്‍ കുറവ് വരുത്തണം എന്ന് സെന്‍ ആവശ്യപ്പെട്ടിരുന്നു. കേന്ദ്രസര്‍ക്കാര്‍ ഇതിനായി നികുതിയില്‍ ഇളവ് വരുത്തണം. പെണ്‍കുട്ടികളുടെ സുരക്ഷ ഉറപ്പാക്കേണ്ടതുണ്ട്. അതിനായി ലോകം മുഴുവന്‍ കേരള സ്‌റ്റോറി പ്രദര്‍ശിപ്പിക്കണം. കൂടാതെ സിനിമ പാഠ്യ പദ്ധതിയില്‍ ഉള്‍പ്പെടുത്തണമെന്നും സിനിമയുടെ സംവിധായകന്‍ സുദീപ്‌തോ സെന്‍ പറഞ്ഞു.

32,000 സ്ത്രീകളെ മതംമാറ്റി ഐഎസില്‍ ചേര്‍ത്തെന്ന ദുഷ്പ്രചാരം നടത്തുന്ന രീതിയിലുള്ള ടീസര്‍ ഇറങ്ങിയതിനെ തുടര്‍ന്നാണ് ദ കേരള സ്‌റ്റോറി വിവാദത്തിലായത്. സിനിമയെ എതിര്‍ത്ത് നിരവധിപേരാണ് രാജ്യത്തിന്റെ പലയിടങ്ങളിലായി രാഷ്ട്രിയ പാര്‍ട്ടികള്‍ അടക്കമുള്ളവര്‍ രംഗത്ത് വന്നിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

യുപിയിൽ 600 ഗ്രാമങ്ങൾ പ്രളയ ഭീഷണിയില്‍; വെള്ളപ്പൊക്കത്തിലും മിന്നലിലും 52 പേർ മരിച്ചു

ഗുജറാത്ത്, ഗോവ, മഹാരാഷ്ട്ര സംസ്ഥാനങ്ങളിൽ ഓറഞ്ച് അലർട്ട് പ്രഖ്യാപിച്ചു

Published

on

ഉത്തരേന്ത്യയിലും വടക്ക് കിഴക്കൻ സംസ്ഥാനങ്ങളിലും മഴക്കെടുതി രൂക്ഷം. യുപിയിൽ 600 ഗ്രാമങ്ങൾ പ്രളയ ഭീഷണിയിലാണ്. ഗുജറാത്ത്, ഗോവ, മഹാരാഷ്ട്ര സംസ്ഥാനങ്ങളിൽ ഓറഞ്ച് അലർട്ട് പ്രഖ്യാപിച്ചു.

മൺസൂൺ മഴ ശക്തമായതിനെ രാജ്യത്തിന്‍റെ വിവിധ ഭാഗങ്ങളിൽ വെള്ളപ്പൊക്ക ഭീഷണി നിലനിൽക്കുകയാണ്. മഹാരാഷ്ട്ര ഗുജറാത്ത് ഉത്തർപ്രദേശ് സംസ്ഥാനങ്ങളിൽ ശക്തമായ മഴ തുടരുകയാണ്. വരുന്ന മൂന്നുദിവസം കൂടി മഹാരാഷ്ട്രയിൽ ശക്തമായ മഴ തുടരും എന്നാണ് ഐ.എം.ഡിയുടെ മുന്നറിയിപ്പ്.

യുപിയിൽ വെള്ളപ്പൊക്കത്തിലും മിന്നലിലും 52 പേർ മരിച്ചു. അസം ഉത്തരാഖണ്ഡ് ഉൾപ്പെടെയുള്ള വടക്ക് കിഴക്കൻ സംസ്ഥാനങ്ങളിൽ മഴക്കെടുതി രൂക്ഷമാണ്. ഹിമാചലിലും ഉത്തരാഖണ്ഡിലും മണ്ണിടിച്ചിലിനെ തുടർന്ന് പലയിടങ്ങളിലും ഗതാഗതം തടസപ്പെട്ടു.

ഈ സംസ്ഥാനങ്ങളിലേക്ക് യാത്ര ചെയ്യുന്നവർ ജാഗ്രത പാലിക്കണമെന്ന് ദുരന്ത നിവാരണ അതോറിറ്റി മുന്നറിയിപ്പ് നൽകിയിട്ടുണ്ട്. അതേസമയം അസമിൽ പലയിടങ്ങളിൽനിന്നും പ്രളയജലം ഇറങ്ങി തുടങ്ങി.

മധ്യപ്രദേശിലും ശക്തമായ മഴ തുടരുകയാണ്. ബിഹാറിലും ഹരിയാനയിലും ഡൽഹിയിലും ഇടവിട്ടുള്ള മഴ തുടരുകയാണ്.കർണാടക, തെലങ്കാന, കേരളം തുടങ്ങിയ സംസ്ഥാനങ്ങളിലും ജൂലൈ 15 വരെ ശക്തമായ മഴ തുടരണമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.

Continue Reading

india

പത്ത് വർഷക്കാലം അപ്രഖ്യാപിത അടിയന്തരാവസ്ഥ; ജൂൺ നാല് “മോദിമുക്തി” ദിനമെന്ന് കോൺഗ്രസ്

ഇന്ത്യയിലെ ജനങ്ങൾ അദ്ദേഹത്തിന് വ്യക്തിപരവും രാഷ്ട്രീയവും ധാർമികവുമായ പരാജയം ഏൽപ്പിച്ച 2024 ജൂൺ നാല് മോദിമുക്തി ദിനം എന്ന പേരിൽ ചരിത്രത്തിൽ ഇടംനേടി” -അദ്ദേഹം എക്‌സിൽ എഴുതി. 

Published

on

അടിയന്തരാവസ്ഥയുടെ ഓർമയിൽ ജൂൺ 25 ഭരണഘടനഹത്യ ദിനമായി ആചരിക്കണമെന്ന കേന്ദ്രമന്ത്രി അമിത് ഷായുടെ ആഹ്വാനത്തിൽ പ്രതികരണവുമായി കോൺഗ്രസ്. പ്രധാനമന്ത്രി നരേന്ദ്ര മോദിയുടെ ധാർമിക പരാജയം അടയാളപ്പെടുത്തിയ ജൂൺ നാല് “മോദിമുക്തി” ദിനം ആണെന്ന് കോൺഗ്രസ് ജനറൽ സെക്രട്ടറി ജയറാം രമേശ്.

“പത്ത് വർഷക്കാലം അപ്രഖ്യാപിത അടിയന്തരാവസ്ഥ ഏർപ്പെടുത്തിയ പ്രധാനമന്ത്രിയുടെ തലക്കെട്ടുകളിൽ ഇടം പിടിക്കാനുള്ള മറ്റൊരു അഭ്യാസമാണിത്. ഇന്ത്യയിലെ ജനങ്ങൾ അദ്ദേഹത്തിന് വ്യക്തിപരവും രാഷ്ട്രീയവും ധാർമികവുമായ പരാജയം ഏൽപ്പിച്ച 2024 ജൂൺ നാല് മോദിമുക്തി ദിനം എന്ന പേരിൽ ചരിത്രത്തിൽ ഇടംനേടി” -അദ്ദേഹം എക്‌സിൽ എഴുതി.

ഇന്ത്യൻ ഭരണഘടനയെയും അതിന്‍റെ തത്വങ്ങളെയും മൂല്യങ്ങളെയും സ്ഥാപനങ്ങളെയും വ്യവസ്ഥാപിതമായ ആക്രമണത്തിന് വിധേയമാക്കിയ, മനുസ്മൃതിയിൽ നിന്ന് പ്രചോദനം ഉൾക്കൊണ്ടിട്ടില്ല എന്ന കാരണത്താൽ ഭരണഘടനയെ തള്ളിക്കളഞ്ഞ ആശയത്തെ പിൻതുടരുന്നയാളാണ് പ്രധാനമന്ത്രിയെന്നും ജയറാം രമേശ് പറഞ്ഞു.

അടിയന്തരാവസ്ഥയുടെ ഓർമ പുതുക്കി എല്ലാ വർഷവും ജൂൺ 25 ഭരണഘടനഹത്യ ദിനമായി ആചരിക്കണമെന്നാണ് കേന്ദ്ര ആഭ്യന്തരമന്ത്രി അമിത് ഷാ പറഞ്ഞത്.

 

Continue Reading

india

40 ദിവസത്തിനിടെ ഏഴാം തവണയും പാമ്പുകടിയേറ്റ യുവാവ് ഗുരുതരാവസ്ഥയിൽ; ഒമ്പതാം തവണ കടിയേറ്റാൽ മരണമെന്ന് സ്വപ്നം

യു.പിയിലെ ഫത്തേപ്പൂരിലാണ് സംഭവം.

Published

on

നാല്‍പ്പത് ദിവസത്തിനിടെ ഏഴാം തവണയും പാമ്പുകടിയേറ്റ യുവാവ് ഗുരുതരാവസ്ഥയില്‍. ഐ.സി.യുവില്‍ ചികിത്സയിലാണ് ഇയാള്‍. യു.പിയിലെ ഫത്തേപ്പൂരിലാണ് സംഭവം. സൗര്‍വ ഗ്രാമത്തിലെ വികാസ് ദുബെ എന്ന യുവാവിനാണ് തുടര്‍ച്ചയായ പാമ്പുകടിയേറ്റത്. ആരോഗ്യനില അങ്ങേയറ്റം അപകടാവസ്ഥയിലാണെന്ന് ഡോക്ടര്‍മാര്‍ പറയുന്നു.

അതേസമയം, തുടര്‍ച്ചയായി പാമ്പുകടിയേല്‍ക്കുമെന്ന കാര്യം വികാസ് സ്വപ്നം കണ്ടിരുന്നുവെന്നാണ് ഇയാളുടെ കുടുംബം പറയുന്നത്. സ്വപ്നത്തില്‍ ഒരു പാമ്പ് മുന്നറിയിപ്പ് നല്‍കിയത്രെ. ഒമ്പതാമത്തെ തവണ പാമ്പുകടിക്കുന്നത് മരണകാരണമാകുമെന്നും പറഞ്ഞുവെന്ന് കുടുംബം പറയുന്നു.

ജൂണ്‍ രണ്ടിനാണ് വികാസിനെ ആദ്യമായി പാമ്പുകടിച്ചത്. വീട്ടിനുള്ളില്‍ വെച്ചായിരുന്നു ഇത്. ആശുപത്രിയില്‍ ചികിത്സക്ക് ശേഷം വീട്ടിലെത്തി. ജൂണ്‍ 10ന് വീണ്ടും പാമ്പുകടിയേറ്റു. ജൂണ്‍ 17നും പാമ്പുകടിച്ചു. നാലാംതവണ കടിയേറ്റതിന് പിന്നാലെ വികാസ് രാധാനഗറിലുള്ള ബന്ധുവീട്ടിലേക്ക് താമസം മാറി. എന്നാല്‍, അവിടെ വെച്ചും കടിയേറ്റു. ഇതോടെ വീണ്ടും വീട്ടിലേക്ക് തന്നെ തിരിച്ചു. ജൂലൈ ആറിന് വീണ്ടും പാമ്പുകടിയേറ്റു. ഇതേത്തുടര്‍ന്ന് ബന്ധുവീടുകളില്‍ മാറിത്താമസിച്ചിട്ടും ഫലമുണ്ടായില്ല. ഏറ്റവുമൊടുവില്‍ ജൂലൈ 11ന് ഏഴാംതവണയും പാമ്പിന്റെ കടിയേറ്റു.

തുടര്‍ച്ചയായ പാമ്പുകടിയേല്‍ക്കുന്നതില്‍ ചികിത്സക്ക് സര്‍ക്കാറിന്റെ സഹായം തേടിയിരിക്കുകയാണ് കുടുംബം. ഒമ്പതാംതവണ കടിയേല്‍ക്കുന്നത് മരണകാരണമാകുമെന്ന് സ്വപ്നംകണ്ടതായി പറയുന്ന വീട്ടുകാര്‍, ഇതോടെ കൂടുതല്‍ ഭയന്നിരിക്കുകയാണ്.

Continue Reading

Trending