Connect with us

Video Stories

പൊള്ളുന്ന വില; അരിക്ക് പിന്നാലെ പഞ്ചസാരക്കും

Published

on

ഫിര്‍ദൗസ് കായല്‍പ്പുറം

തിരുവനന്തപുരം: നിത്യോപയോഗ സാധനങ്ങളുടെ വിലക്കയറ്റം കാരണം സംസ്ഥാനത്ത് ജനം പൊറുതിമുട്ടുന്നു. അരിക്ക് പിന്നാലെ പഞ്ചസാരക്കും തീവിലയായി. പഞ്ചസാര വില 38ല്‍ നിന്ന് 44 ആയി ഉയര്‍ന്നു. നിത്യോപയോഗ സാധനങ്ങള്‍ക്ക് ചരിത്രത്തില്‍ ഉണ്ടാകാത്ത വിധം വില കുതിച്ചുയരുമ്പോഴും സംസ്ഥാന സര്‍ക്കാരിന് കുലുക്കമില്ല. ഒരു കിലോ ജയ അരിക്ക് 40 രൂപയാണ്. കൃത്യമായി പറഞ്ഞാല്‍ എട്ടുരൂപയുടെ വര്‍ധന. നരേന്ദ്രമോദി സര്‍ക്കാര്‍ സമ്മാനിച്ച നോട്ട് ക്ഷാമവും പിണറായി സര്‍ക്കാരിന്റെ വിലക്കയറ്റവും കാരണം സംസ്ഥാനത്ത് ജനജീവിതം സ്തംഭിച്ചിരിക്കുകയാണ്.

നോട്ട് നിരോധനത്തെ തുടര്‍ന്ന് പണമില്ലാതെ വലയുന്ന ജനത്തിന് മേല്‍ വിലക്കയറ്റം അടിച്ചേല്‍പ്പിച്ചിരിക്കുകയാണ് സംസ്ഥാന സര്‍ക്കാര്‍. പൂഴ്ത്തിവെപ്പും കരിഞ്ചന്തയും വ്യാപകമാകുന്ന സാഹചര്യവും നിലനില്‍ക്കുന്നു. എല്‍.ഡി.എഫ് സര്‍ക്കാര്‍ അധികാരമേറ്റ് ഏഴുമാസത്തിനിടെ കമ്പോള ഇടപെടല്‍ ഉണ്ടായിട്ടില്ലെന്ന് മാത്രമല്ല, സപ്ലൈകോ, മാവേലി സ്റ്റോറുകള്‍, കണ്‍സ്യൂമര്‍ഫെഡ് അടക്കമുള്ള സര്‍ക്കാര്‍ സംവിധാനങ്ങളാകെ നിശ്ചലവുമാണ്.
പഞ്ചസാരക്ക് പെട്ടെന്ന് വില ഉയരാനുള്ള കാരണം വ്യക്തമല്ല.

പൂഴ്ത്തിവെച്ച് കൃത്രിമ വിലക്കയറ്റം സൃഷ്ടിക്കുകയാണെന്നാണ് ആരോപണം. ഓരോ സാധനത്തിനും ശരാശരി അഞ്ച് മുതല്‍ 45 രൂപവരെ വില വര്‍ധിച്ചിട്ടുണ്ട്. മുളകിന് 170 രൂപയായി. നേരത്തെ 140 വരെയായിരുന്നു മുളകിന്റെ വില. പച്ചരിക്ക് 33 രൂപ മുതലാണ് വില. ഉഴുന്നിന് 105, ചെറുപയര്‍- 110, സാമ്പാര്‍പരിപ്പ്- 100, മല്ലി- 150, ചെറിയ ഉള്ളി- 30, വെളുത്തുള്ളി- 180, സണ്‍ഫ്‌ളവര്‍ ഓയില്‍- 115, ഗോതമ്പ് മാവ്- 52, ശര്‍ക്കര- 110 എന്നിങ്ങനെയാണ് അവശ്യസാധനങ്ങളുടെ ഇപ്പോഴത്തെ വില.

 

അഞ്ചുവര്‍ഷത്തേക്ക് വിലക്കയറ്റം ഉണ്ടാകില്ലെന്നായിരുന്നു നിയമസഭാ തെരഞ്ഞെടുപ്പ് വേളയിലും പ്രകടന പത്രികയിലും എല്‍.ഡി.എഫ് നല്‍കിയ വാഗ്ദാനം. എന്നാല്‍ ഇതിന് കടകവിരുദ്ധമായ നടപടിയാണ് സര്‍ക്കാരില്‍ നിന്നുണ്ടായത്. പിണറായി സര്‍ക്കാര്‍ ചുമതയേറ്റത് 2016 മെയ് മാസത്തിലാണ്. ജൂണ്‍ മുതല്‍ തന്നെ നിത്യോപയോഗ സാധനങ്ങള്‍ക്ക് വില ക്രമാതീതമായി ഉയരാന്‍ തുടങ്ങിയിരുന്നു. സാധാരണ കുറുവ അരി കിലോക്ക് 26 രൂപയും ജയ അരിക്ക് 33 രൂപയുമായിരുന്നു അന്ന് വില. ഉഴുന്ന് പരിപ്പ്, കടല, തുവര പരിപ്പ്, ജീരകം എന്നിവക്കും ജൂണിലെ വിലയേക്കാള്‍ വന്‍വര്‍ധനയാണുണ്ടായത്.

 

കഴിഞ്ഞ നാല് വര്‍ഷത്തിനിടെ വിവിധ ഘട്ടങ്ങളിലായി അരിയുടെ വില 20 ശതമാനമാണ് വര്‍ധിച്ചത്. നാല് വര്‍ഷങ്ങളിലായി 20 ശതമാനത്തിന്റെ വര്‍ധനവുണ്ടായപ്പോള്‍ എല്‍.ഡി.എഫ് സര്‍ക്കാര്‍ അധികാരമേറ്റ് മാസങ്ങള്‍ക്കകം 25 ശതമാനത്തോളമാണ് വര്‍ധനവുണ്ടായത്. രൂക്ഷമായ വിലക്കയറ്റത്തിനൊപ്പം അരിയുടെ ലഭ്യതയെ കുറിച്ചും ആശങ്ക നിലനില്‍ക്കുന്നു. ആന്ധ്രയില്‍ നിന്ന് അവസാനമായി കേരളത്തിലേക്ക് അരിയുമായി ട്രെയിനെത്തിയത് കഴിഞ്ഞ സെപ്തംബറിലാണ്.

 

വരള്‍ച്ച കാരണം അരി ഉല്‍പാദനം കുറഞ്ഞപ്പോള്‍ ആന്ധ്രയെയാണ് തമിഴ്‌നാടും ആശ്രയിക്കുന്നത്. ഇത് കാരണം കേരളത്തിലെക്ക് അരിയെത്തുന്നില്ല. കേരളമാകട്ടെ ആന്ധ്രയുമായി ബന്ധപ്പെട്ട് അരി ലഭ്യമാക്കാന്‍ നടപടി സ്വീകരിച്ചിട്ടുമില്ല. ലഭ്യത കുറഞ്ഞതുകാരണം ബംഗാളില്‍ നിന്നുള്ള രണ്ടാം തരം ജയ അരി കേരളത്തിലെത്തിയിട്ടുണ്ട്. ഇതിന് 28 രൂപയേ വിലയുള്ളൂ. എന്നാല്‍ ഗുണമേന്‍മ കുറവാണ്. പൊതുകമ്പോളത്തിലെ വിലനിലവാരം പിടിച്ചുനിര്‍ത്താന്‍ സര്‍ക്കാര്‍ നടപടി സ്വീകരിച്ചില്ലെങ്കില്‍ വരുംദിവസങ്ങളില്‍ നിത്യോപയോഗ സാധനങ്ങളുടെ വില വന്‍തോതില്‍ ഉയര്‍ന്നേക്കുമെന്നാണ് സൂചന.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending