കന്യാകുമാരി സ്വദേശി വിനുഷയുടെ മൃതദേഹം നാട്ടിലേക്കയച്ചു. 26/12/2023 ന് തബൂക്കിലെ പ്രിൻസ് ഫഹദ് ബിൻ സുൽത്താൻ ഹോസ്പിറ്റലിൽ മരണപ്പെട്ട വിനുഷ വിജികുമാറിന്റെ (23) മൃതദേഹമാണ് നാട്ടിലേക്കയച്ചത്. ഇതേ ഹോസ്പിറ്റലിൽ രണ്ട് മാസമായി നെഴ്സിങ് ജോലിചെയ്ത് വരികയായിരുന്ന വിനുഷ കഠിനമായ പനി ബാധിച്ചാണ് മരണപ്പെട്ടത്.
മവാരിത് ലേബർ സപ്ലൈ കമ്പനിയിൽ രണ്ട് മാസം മുൻപാണ് സൗദിയിൽ എത്തിയത്.കമ്പനിയുടെ സഹായത്തോടെ തബൂക്ക് കെ എം സി സി വെൽഫെയർ വിങ്ങാണ് മൃതശരീരം നാട്ടിലേക്കയച്ചത്. വിജികുമാർ, ബെൽസിറ്റ ദമ്പതികളുടെ രണ്ട് പെൺമക്കളിൽ വലിയ മകളാണ് വിനുഷ.