കോഴിക്കോട്: താമരശ്ശേരി ചുരത്തില് നാളെ ഗതാഗതം തടസപ്പെടും. ചുരത്തിലെ 6,7,8 വളവുകള് വീതി കൂട്ടുന്നതിന്റെ ഭാഗമായി മരങ്ങള് മുറിച്ചിരുന്നു. മരത്തടികള് ക്രയിന് ഉപയോഗിച്ച് ലോറിയില് കയറ്റുന്നതിനാല് നാളെ രാവിലെ 8 മണി മുതല് ചുരത്തില് ഇടവിട്ട സമയങ്ങളിലാണ് ഗതാഗതം തടസപ്പെടുക.
എയര്പോര്ട്ട്, റയില്വേ സ്റ്റേഷന്, പരിക്ഷകള്, മറ്റ് അത്യാവശ്യ യാത്ര ചെയ്യുന്നവര് യാത്രാസമയം ക്രമീകരിക്കണമെന്ന് ദേശീയ പാത അധികൃതര് അറിയിച്ചു.