Connect with us

india

രണ്ടില്‍ കൂടുതല്‍ കുട്ടികളുള്ളവര്‍ തദ്ദേശ തെരഞ്ഞെടുപ്പില്‍ മത്സരിക്കുന്നത് വിലക്കി യുപി സര്‍ക്കാര്‍

Published

on

ലക്‌നൗ: പഞ്ചായത്ത് തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ത്ഥികള്‍ക്ക് രണ്ട് കുട്ടികളെന്ന മാനദണ്ഡവും മിനിമം വിദ്യാഭ്യാസ യോഗ്യതയും നിര്‍ബന്ധമാക്കാനൊരുങ്ങി ഉത്തര്‍പ്രദേശ് സര്‍ക്കാര്‍. അടുത്ത വര്‍ഷമാണ് ഉത്തര്‍പ്രദേശില്‍ തദ്ദേശ തെരഞ്ഞെടുപ്പ് നടക്കുന്നത്. ഈ പശ്ചാത്തലത്തിലാണ് പുതിയ മാനദണ്ഡങ്ങളുമായി യോഗി സര്‍ക്കാര്‍ മുന്നോട്ട് വന്നിരിക്കുന്നത്.

ഈ നിര്‍ദ്ദേശം സജീവമായ പരിഗണനയിലാണെന്നും ഉടന്‍ തന്നെ പ്രാബല്യത്തില്‍ കൊണ്ടുവരുമെന്നും പഞ്ചായത്ത് രാജ് അഡീഷണല്‍ ചീഫ് സെക്രട്ടറി മനോജ് കുമാര്‍ സിംഗ് പറഞ്ഞു. രണ്ടില്‍ കൂടുതല്‍ കുട്ടികളുള്ളവരെ തെരഞ്ഞെടുപ്പില്‍ മത്സരിക്കുന്നതില്‍ നിന്ന് തടയുന്നതിന് നിയമം കൊണ്ടുവരാന്‍ കഴിഞ്ഞ മാസം കേന്ദ്രമന്ത്രി സഞ്ജീവ് ബാല്യാന്‍ ഉത്തര്‍പ്രദേശ് സര്‍ക്കാരിനോട് അഭ്യര്‍ത്ഥിച്ചിരുന്നു. രാജസ്ഥാന്‍, ഗുജറാത്ത്, തെലങ്കാന, ആന്ധ്രാപ്രദേശ്, മഹാരാഷ്ട്ര തുടങ്ങിയ സംസ്ഥാനങ്ങള്‍ തദ്ദേശ സ്വയംഭരണ തെരഞ്ഞെടുപ്പില്‍ മത്സരിക്കുന്നതില്‍ നിന്ന് രണ്ട് കുട്ടികളുള്ള ആളുകളെ നിയന്ത്രിക്കുന്ന നിയമങ്ങള്‍ കൊണ്ടുവന്നിട്ടുണ്ട്. ഉത്തരാഖണ്ഡും സമാനമായ നിയമം കൊണ്ടുവന്നിരുന്നുവെങ്കിലും സംസ്ഥാന ഹൈക്കോടതി ഇത് തടയുകയായിരുന്നു.

ഇപ്പോള്‍ 23 കോടിയിലധികം വരുന്ന ഉത്തര്‍പ്രദേശിലെ ജനസംഖ്യയില്‍ ബല്യാന്‍ ആശങ്ക പ്രകടിപ്പിച്ചു. സംസ്ഥാനം ഈ നിയമം നടപ്പിലാക്കുകയാണെങ്കില്‍, അത് ഒരു മാതൃകയാവുമെന്നും ജനസംഖ്യ നിയന്ത്രണത്തിന് സഹായിക്കുമെന്നുമാണ് കേന്ദ്രമന്ത്രിയുടെ കണ്ടെത്തല്‍. ജനസംഖ്യ നിയന്ത്രിക്കുന്നതിനായി നമ്മുടെ സംസ്ഥാനം ഒരു കാമ്പയിന്‍ ആരംഭിക്കണം. അടുത്ത പഞ്ചായത്ത് വോട്ടെടുപ്പില്‍ നിന്ന് ഇത് ആരംഭിക്കാം. രണ്ടില്‍ കൂടുതല്‍ കുട്ടികളുള്ള ആരെയും അടുത്ത വോട്ടെടുപ്പില്‍ മത്സരിക്കാന്‍ അനുവദിക്കരുതെന്നും കേന്ദ്രമന്ത്രി പറയുന്നു.

അതേസമയം, ഈ നിര്‍ദ്ദേശം അന്യായവും ഏകപക്ഷീയവുമാണെന്ന് പറഞ്ഞ് നിരവധി പ്രതിപക്ഷ പാര്‍ട്ടികള്‍ എതിര്‍പ്പുമായി രംഗത്തെത്തിയിട്ടുണ്ട്. താഴ്ന്ന ജാതിക്കാരായ ജനവിഭാഗങ്ങളെ പഞ്ചായത്ത് തെരഞ്ഞെടുപ്പില്‍ നിന്ന് ഒഴിവാക്കുകയെന്ന ലക്ഷ്യത്തോടെയാണ് ഈ നടപടിയെന്ന് സമാജ്‌വാദി പാര്‍ട്ടി പറഞ്ഞു. ദുര്‍ബലരും താഴ്ന്നവരുമായവരെ തെരഞ്ഞെടുപ്പില്‍ മത്സരിക്കുന്നത് തടയുന്നതിനാല്‍ ഈ നടപടി ഭരണഘടനാ വിരുദ്ധമാണെന്ന് പാര്‍ട്ടി വക്താവ് അനുരാഗ് ഭദൗരിയ പറഞ്ഞു.

ദുര്‍ബല വിഭാഗങ്ങളെ ശാക്തീകരിക്കാനും രാഷ്ട്രീയ മുഖ്യധാരയിലേക്ക് കൊണ്ടുവരാനും ശ്രമിക്കുന്ന പഞ്ചായത്തിരാജ് സമ്പ്രദായത്തിന് വിരുദ്ധമാണ് നിര്‍ദ്ദിഷ്ട നിയമങ്ങള്‍ എന്ന് കോണ്‍ഗ്രസ് നേതാവ് സുരേന്ദ്ര രജ്പുതും പറഞ്ഞു. ജനസംഖ്യ പരിശോധിക്കേണ്ടതിന്റെ ആവശ്യകതയെക്കുറിച്ച് ഞങ്ങള്‍ സമ്മതിക്കുന്നുണ്ടെങ്കിലും ഇത് തീര്‍ച്ചയായും അതിനുള്ള മാര്‍ഗമല്ലെന്നും അദ്ദേഹം കൂട്ടിച്ചേര്‍ത്തു.

india

പൗരത്വ നിയമ ഭേദഗതി; കപില്‍ സിബലുമായി മുസ്‌ലിം ലീഗ് സംഘം ചര്‍ച്ച നടത്തി

പൗരത്വ വിവേചന നിയമം ചോദ്യം ചെയ്ത് നല്‍കിയ ഹര്‍ജികളില്‍ മുസ്ലിം ലീഗിന്റ ഹര്‍ജി പ്രധാന ഹര്‍ജിയായി കേള്‍ക്കാന്‍ ഒക്ടോബര്‍ 31ന് സുപ്രീം കോടതി തീരുമാനിച്ചിരുന്നു.

Published

on

പൗരത്വ നിയമ ഭേദഗതികള്‍ക്ക് എതിരായ മുസ്്ലിംലീഗ് ഹര്‍ജിയില്‍ സുപ്രീം കോടതിയില്‍ നാളെ വാദം തുടങ്ങുന്നതിന്റെ മുന്നോടിയായി സീനിയര്‍ അഭിഭാഷകന്‍ കപില്‍ സിബലുമായി മുസ്‌ലിം ലീഗ് സംഘം ഓഫീസിലെത്തി അദ്ദേഹവുമായി ചര്‍ച്ച നടത്തി.

പൗരത്വ വിവേചന നിയമം ചോദ്യം ചെയ്ത് നല്‍കിയ ഹര്‍ജികളില്‍ മുസ്ലിം ലീഗിന്റ ഹര്‍ജി പ്രധാന ഹര്‍ജിയായി കേള്‍ക്കാന്‍ ഒക്ടോബര്‍ 31ന് സുപ്രീം കോടതി തീരുമാനിച്ചിരുന്നു. പൗരത്വ നിയമ ഭേദഗതിക്കെതിരെ ഇരുന്നൂറോളം ഹര്‍ജികളാണ് സുപ്രീം കോടതിയില്‍ ഫയല്‍ ചെയ്തിരുന്നത്. ഇതില്‍ അമ്പത് ഹര്‍ജികള്‍ അസമില്‍ നിന്നും മൂന്നെണ്ണം ത്രിപുരയില്‍ നിന്നുമുള്ളതുമൊഴികെയുള്ളതെല്ലാം മുസ്്ലിംലീഗ് ഹര്‍ജി പ്രധാനമായെടുത്താണ് ചീഫ് ജസ്റ്റിസ് ഡി വൈ ചന്ദ്രചൂഢ് അധ്യക്ഷനായ ബെഞ്ച് നാളെ മുതല്‍ വാദം കേള്‍ക്കുക.

മുസ്്ലിം ലീഗിന്റെ അഡ്വക്കേറ്റ് ഓണ്‍ റെക്കോര്‍ഡ് ആയ പല്ലവി പ്രതാപിനെ ഹര്‍ജിക്കാരുടെ നോഡല്‍ ഓഫീസര്‍ ആയും, തുഷാര്‍ മേത്തയുടെ ജൂനിയര്‍ ആയ കാനു അഗര്‍വാളിനെ എതിര്‍ കക്ഷികളുടെ നോഡല്‍ ഓഫീസര്‍ ആയും കോടതി നിയമിച്ചിരുന്നു.ഇവര്‍ക്ക് മറ്റ് നൂറ്റമ്പതോളം ഹര്‍ജിക്കാരും അവരുടെ വാദം മൂന്ന് പേജില്‍ കവിയാതെ മുസ്ലിം ലീഗിന്റെ അഭിഭാഷകര്‍ക്ക് കൈമാറണം. പാകിസ്താന്‍, അഫ്ഗാനിസ്താന്‍, ബംഗ്ലാദേശ് എന്നീ രാജ്യങ്ങളില്‍ മത പീഡനം അനുഭവിക്കുന്ന ന്യൂനപക്ഷ വിഭാഗങ്ങള്‍ക്ക് പൗരത്വം നല്‍കുന്നതിനാണ് ഭേദഗതി പാസാക്കിയതെന്നാണ് കേന്ദ്ര സര്‍ക്കാര്‍ വാദം. എന്നാല്‍, മുസ്്ലിം വിഭാഗത്തെ മാത്രം മാറ്റി നിര്‍ത്തിക്കൊണ്ട് മറ്റു ന്യൂനപക്ഷങ്ങള്‍ക്ക് പൗരത്വം നല്‍കുന്നത് ഭരണഘടനാ വിരുദ്ധമാണെന്നാണ് മുസ്്ലിം ലീഗ് വാദിക്കുന്നത്.

കേസ്സില്‍ കബില്‍ സിബലിനൊപ്പം വാദിക്കുന്ന അഭിഭാഷകന്‍ ഹാരിസ് ബീരാന്‍, മുസ്്ലിംലീഗ് ദേശീയ സെക്രട്ടറി ഖുറം അനീസ് ഉമര്‍, എസ്.ടി.യു ദേശീയ വൈസ് പ്രസിഡന്റ് അഡ്വ.പി.എം ഹനീഫ, എം.എസ്.എഫ് ദേശീയ ജന.സെക്രട്ടറി ഹര്‍ഷാദ് എന്നിവരും കൂടെയുണ്ടായിരുന്നു.

Continue Reading

india

ഗുജറാത്തിലും ഹിമാചലിലും ബിജെപിക്ക് തുടര്‍ഭരണമെന്ന് എക്‌സിറ്റ് പോള്‍ ഫലങ്ങള്‍

ഹിമാചല്‍ പ്രദേശില്‍ ബി.ജെ.പി തുടര്‍ച്ചയായ രണ്ടാം തവണയും റെക്കോര്‍ഡ് നേട്ടം കൈവരിക്കുമെന്ന് സര്‍വേകള്‍ പറയുന്നു.

Published

on

ഗുജറാത്തില്‍ ഇക്കുറിയും ബിജെപിക്ക് വന്‍ മുന്നേറ്റമെന്ന് എക്‌സിറ്റ് പോള്‍ ഫലങ്ങള്‍. കോണ്‍ഗ്രസ് രണ്ടാം സ്ഥാനത്തും അരവിന്ദ് കെജ്രിവാളിന്റെ ആം ആദ്മി പാര്‍ട്ടി (എഎപി) മൂന്നാം സ്ഥാനത്തും എത്തുമെന്ന് എക്സിറ്റ് പോള്‍ ഫലങ്ങള്‍ പ്രവചിക്കുന്നു. ഹിമാചല്‍ പ്രദേശില്‍ ബി.ജെ.പി തുടര്‍ച്ചയായ രണ്ടാം തവണയും റെക്കോര്‍ഡ് നേട്ടം കൈവരിക്കുമെന്ന് സര്‍വേകള്‍ പറയുന്നു.

പ്രധാനമന്ത്രി നരേന്ദ്ര മോദിയുടെ നാട്ടില്‍ ബിജെപി തുടര്‍ച്ചയായി ഏഴാം തവണയും വിജയിക്കുമെന്ന് എക്സിറ്റ് പോള്‍ ഫലങ്ങള്‍ പ്രവചിക്കുന്നു. ആം ആദ്മി പാര്‍ട്ടി ശക്തമായ പ്രചാരണം നടത്തിയെങ്കിലും 10 സീറ്റില്‍ താഴെ മാത്രമേ വിജയിക്കൂവെന്ന് സര്‍വേകള്‍ പറയുന്നു.ഡിസംബര്‍ 8 നാണ് വോട്ടെണ്ണല്‍.

ഗുജറാത്ത് എക്സിറ്റ് പോള്‍ ഫലങ്ങള്‍

ന്യൂസ് എക്‌സ്

ബിജെപി 117 – 140
കോണ്‍ 34 – 51
ആപ് 6 – 13
മറ്റ് 1 – 2

റിപ്പബ്ലിക്ക്

ബിജെപി 128 – 148
കോണ്‍ 30 – 42
ആപ് 2- 10
മറ്റ് 0 -3

ടിവി 9

ബിജെപി 125 – 130
കോണ്‍ 40- 50
ആപ് 3-5
മറ്റ് 3-7

ഹിമാചല്‍ പ്രദേശ് എക്സിറ്റ് പോള്‍ ഫലങ്ങള്‍

ഇന്ത്യ ടുഡേ ആക്‌സിസ് മൈ ഇന്ത്യ

ബിജെപി – 24 -34
കോണ്‍ഗ്രസ് – 30-40
ആം ആദ്മി – 0 – 0
മറ്റുള്ളവര്‍ – 4-8

ഇന്ത്യ ടിവി/മാട്രിസ്

ബിജെപി – 35-40
കോണ്‍ഗ്രസ് – 26-31
ആം ആദ്മി – 0
മറ്റുള്ളവര്‍ – 00

ന്യൂസ് എക്‌സ്/ജന്‍കീ ബാത്ത്

ബിജെപി – 32-40
കോണ്‍ഗ്രസ് – 27-34
ആം ആദ്മി – 0 – 0
മറ്റുള്ളവര്‍ – 02-01

ഇടിജി – ടിഎന്‍എന്‍

ബിജെപി – 38
കോണ്‍ഗ്രസ് – 28
ആം ആദ്മി – 0
മറ്റുള്ളവര്‍ – 02

റിപ്പബ്‌ളിക് ടിവി – പി മാര്‍ക്യൂ

ബിജെപി – 34-39
കോണ്‍ഗ്രസ് – 28-33
ആം ആദ്മി – 00 -01
മറ്റുള്ളവര്‍ – 00

Continue Reading

india

ജോഡോ യാത്രയ്ക്കിടെ മോദിക്കായി ആര്‍പ്പുവിളിച്ച് ആള്‍ക്കൂട്ടം, ഫ്‌ലയിംഗ് കിസ്സിലൂടെ രാഹുലിന്റെ മറുപടി

സംഭവത്തിന്റെ ദൃശ്യങ്ങള്‍ ഇതിനോടകം സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്.

Published

on

ഭാരത് ജോഡോ യാത്രയ്ക്കിടെ വഴിയരികില്‍ നിന്ന് പ്രധാനമന്ത്രി നരേന്ദ്രമോദിക്ക് അനുകൂലമായി മുദ്രാവാക്യം വിളിച്ചവര്‍ക്ക് നേരെ ഫ്‌ലയിങ് കിസ്സ് നല്‍കി കോണ്‍ഗ്രസ് നേതാവും എംപിയുമായ രാഹുല്‍ ഗാന്ധി. റാലി കടന്നു പോകുന്നതിനിടെ മോദി മോദി എന്ന് ആര്‍പ്പുവിളിച്ചവര്‍ക്ക് നേരെയായിരുന്നു രാഹുലിന്റെ മറുപടി. ചിരിച്ചുകൊണ്ട് ചുംബനത്തിന്റെ ആംഗ്യം കാട്ടി നടന്നു നീങ്ങുകയാണ് നേതാവ് ചെയ്തത്. സംഭവത്തിന്റെ ദൃശ്യങ്ങള്‍ ഇതിനോടകം സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്.

മധ്യപ്രദേശില്‍ നിന്ന് യാത്ര രാജസ്ഥാനിലേക്ക് നീങ്ങുന്നതിനിടയാണ് സംഭവം നടക്കുന്നത്. മോദിക്ക് ജയ് വിളിച്ചവരോട് രാഹുല്‍ എങ്ങനെയാണ് സ്‌നേഹം പ്രകടിപ്പിക്കുന്നത് എന്ന് നോക്കൂ എന്ന തലക്കെട്ടോടെ നിരവധി പേരാണ് ദൃശ്യം സാമൂഹ്യ മാധ്യമങ്ങള്‍ പങ്കുവെച്ചിരിക്കുന്നത്.

Continue Reading

Trending