Culture
ഉമ്മന്‍ചാണ്ടിയെ പ്രതിരോധിക്കാനെത്തിയ വി മുരളീധരന്‍ മറുപടിയില്ലാതെ മുങ്ങി
കോഴിക്കോട്: കേന്ദ്രം കരിമ്പട്ടികയില്‍പെടുത്തിയ ‘ഡി ലാ റ്യൂ’ എന്ന ബ്രീട്ടീഷ് കമ്പനിയെ പ്ലാസ്റ്റിക് കറന്‍സി അടിക്കാനുള്ള കമ്പനികളുടെ ചുരുക്കപ്പട്ടികയില്‍പെടുത്തിയ സംഭവത്തെ തുറന്നു കാണിച്ച മുന്‍ മുഖ്യമന്ത്രി ഉമ്മന്‍ചാണ്ടിയുടെ വിമര്‍ശനത്തെ പ്രതിരോധിക്കാനെത്തി ബി.ജെ.പി ദേശീയനിര്‍വ്വാഹകസമിതിയംഗം വി മുരളീധരന്‍ സ്വയം പരിഹാസ്യനായി. ഉമ്മന്‍ചാണ്ടിയുടെ ആരോപണത്തിന് മറുപടിയെന്തെന്ന മാധ്യമപ്രവര്‍ത്തകരുടെ ചോദ്യത്തിന് മുന്നില്‍ പരുങ്ങിയ മുരളീധരന്‍ ഗൂഗിളില്‍ നോക്കിയാല്‍ നിങ്ങള്‍ക്കും ലഭിക്കുമെന്നായിരുന്നു പറഞ്ഞത്.
ഉമ്മന്‍ചാണ്ടിക്കുള്ള മറുപടി ദിവസങ്ങള്‍ക്ക് മുന്‍പ് തന്നെ കേന്ദ്ര ധനമന്ത്രി അരുണ്‍ജെയ്റ്റ്‌ലി നല്‍കിയിട്ടുണ്ടെന്നും അദ്ദേഹം പറഞ്ഞു. എന്നാല്‍ ആ മറുപടിയെന്തെന്ന് വീണ്ടും മാധ്യമ പ്രവര്‍ത്തകര്‍ ചോദിച്ചതോടെ വെട്ടിലായ മുരളീധരന്‍ മൊബൈല്‍ ഇന്റര്‍നെറ്റില്‍ ഗൂഗിള്‍ സെര്‍ച്ച് ചെയ്ത് നല്‍കിയ മറുപടിയാകട്ടെ ഒരു ഇംഗ്ലീഷ് പത്രത്തില്‍ വന്ന വാര്‍ത്ത മാത്രമായിരുന്നു. ‘ഡി ലാ റ്യൂ’ എന്ന കമ്പനിയെപ്പറ്റിയോ കരിമ്പട്ടികയില്‍ പെടുത്തിയ സംഭവത്തെക്കുറിച്ചോ വ്യക്തമായി അറിവില്ലാതെയായിരുന്നു ബി.ജെ.പി നേതാവിന്റെ മറുപടി.
ആം ആദ്മി പാര്‍ട്ടി ഡല്‍ഹി കണ്‍വീനര്‍ ഡിസംബര്‍ 9 ന് ഉന്നയിച്ച ആരോപണത്തിന് കേന്ദ്രധനമന്ത്രി അരുണ്‍ ജയ്റ്റ്‌ലി മറുപടി നല്‍കിയെന്നും പ്രസ്തുത ആരോപണം ആവര്‍ത്തിക്കുന്ന ഉമ്മന്‍ചാണ്ടി നരേന്ദ്രമോദിക്കെതിരെ നനഞ്ഞ ഏറുപടക്കം എറിഞ്ഞ് പരിഹാസ്യനാവുകയാണെന്നുമായിരുന്നു വി മുരളീധരന്റെ അഭിപ്രായം.
കേന്ദ്രം കരിമ്പട്ടികയില്‍പെടുത്തിയ ഡി ലാ റ്യു എന്ന ബ്രീട്ടീഷ് കമ്പനി മോദിയുടെ ‘മേക്ക് ഇന്‍ ഇന്ത്യ’യുടെ പങ്കാളിയാണെന്നും വിദേശത്ത് കറന്‍സി അടിക്കരുതെന്ന പി.യു.സി നിര്‍ദേശം മറികടന്നാണ് കമ്പനിയെ പത്ത് രൂപയുടെ പ്ലാസ്റ്റിക് കറന്‍സി അച്ചടിക്കുള്ള പട്ടികയില്‍ ഉള്‍പ്പെടുത്തിയതെന്നും രേഖകള്‍ സഹിതം ഉമ്മന്‍ചാണ്ടി വിമര്‍ശിച്ചിരുന്നു. എന്നാല്‍ പ്രസ്തുത കമ്പനിയുടെ പേര് പോലും പറയാനാവാതെയും, കേന്ദ്രം കരിമ്പട്ടികയില്‍ ഉള്‍പ്പെടുത്തിയതിനെക്കുറിച്ച് വിശദീകരണം നല്‍കാനാവാതെയും മുരളീധരന്‍ പരുങ്ങുകയായിരുന്നു.
എം.ടി വാസുദേവന്‍ നായര്‍ക്കെതിരായ ബി.ജെ.പി നീക്കത്തിലും, ദേശീയഗാനത്തിനെതിരായ കെ.പി ശശികല ടീച്ചറുടെ ആരോപണത്തിലും സമാന പ്രതികരണമാണ് വി മുരളീധരന്റെ ഭാഗത്ത് നിന്നുണ്ടായത്. എം.ടിക്ക് അഭിപ്രായപ്രകടനത്തിന് അവകാശമുണ്ടെന്ന് പറഞ്ഞ മുരളീധരന്‍ എം.ടിയുടെ സാഹിത്യവും നിലപാടുകളും വിമര്‍ശനത്തിനതീതമല്ലെന്നും അഭിപ്രായപ്പെട്ടു. ദേശീയഗാനത്തില്‍ ദേശീയത പറയുന്നില്ലെന്ന കെ.പി ശശികലയുടെ പരാമര്‍ശം സംബന്ധിച്ച ചോദ്യത്തിന് ‘വിഷയം പഠിച്ചിട്ട് പറയാം’ എന്നായിരുന്നു മറുപടി.
സംവിധായകന്‍ കമല്‍ എം.ടിയോടുള്ള സ്‌നേഹം കൊണ്ടല്ല ബി.ജെ.പി ക്ക് എം.ടിയോട് പകയുണ്ടെന്ന് വിമര്‍ശിക്കുന്നതെന്നും, ദേശീയഗാനവുമായി ബന്ധപ്പെട്ട വിവാദത്തിലേറ്റ പരിക്കില്‍ നിന്നും രക്ഷപ്പെടാന്‍ വേണ്ടിയാണ് എഴുതാപ്പുറം വായിക്കുന്നതെന്നും മുരളീധരന്‍ കൂട്ടിച്ചേര്‍ത്തു. വാര്‍ത്താസമ്മേളനത്തില്‍ പി രഘുനാഥ്, ബി.കെ പ്രേമന്‍ എന്നിവര്‍ സംബന്ധിച്ചു.
Film
എ.എം.എം.എ അല്ല, അമ്മ എന്ന് വിളിക്കണം’ ശ്വേത മേനോന്‍
സംഘടനയുടെ ആദ്യ വനിതാ പ്രസിഡന്റായി നടി ശ്വേത മേനോന്‍ തെരഞ്ഞെടുത്തു.
ലൈംഗിക പീഡനാരോപണങ്ങള്‍ക്കെതിരെ വിമര്‍ശനങ്ങള്‍ നേരിട്ടിരുന്ന മലയാള സിനിമയിലെ അഭിനേതാക്കളുടെ സംഘടനയായ എ.എം.എം.എയില്‍ പുതിയ ഭരണസമിതി തെരഞ്ഞെടുക്കപ്പെട്ടു. സംഘടനയുടെ ആദ്യ വനിതാ പ്രസിഡന്റായി നടി ശ്വേത മേനോന്‍ തെരഞ്ഞെടുത്തു.
വളരെ ആലോചിച്ചതിനുശേഷമാണ് അമ്മയുടെ പ്രസിഡന്റാവാന്‍ തീരുമാനിച്ചത്. അവസാന നിമിഷത്തിലാണ് ഞാന്‍ നാമനിര്‍ദ്ദേശം സമര്‍പ്പിച്ചത്. അതുവരെ എതിര്‍പ്പൊന്നും ഉണ്ടായിരുന്നില്ല. എന്നാല്‍ പിന്നീട് നിരവധി സംഭവങ്ങള്‍ നടന്നു. അത് വളരെ ബുദ്ധിമുട്ടുകളോടെയായിരുന്നു. തെരഞ്ഞെടുപ്പ് വഴി പലരുടെ യഥാര്‍ത്ഥ മുഖം തിരിച്ചറിയാന്‍ കഴിഞ്ഞു. എന്ന് അവര്‍ പറഞ്ഞു.
സ്ത്രീയും പുരുഷനും ഒരേ തലത്തിലായിരിക്കണം എന്ന വിശ്വാസമാണ് എനിക്ക് എന്നും ഉണ്ടായിരുന്നത്. ലിംഗസമത്വം എന്നത് വെറും സ്ത്രീപുരുഷ താരതമ്യമല്ല, മറിച്ച് പരസ്പരം ബഹുമാനിക്കുകയും കേള്‍ക്കുകയും ചെയ്യുന്ന നിലപാടാണെന്നും സംഘടനയെ എ.എം.എം.എ എന്നു വിളിക്കാതെ ‘അമ്മ’ എന്ന് തന്നെ വിളിക്കണമെന്നും ശ്വേത അഭ്യര്‍ത്ഥിച്ചു.
കുറ്റക്കാരനാണെന്ന് തെളിയിക്കപ്പെടുന്നതുവരെ ആരെയും ശിക്ഷിക്കരുതെന്നും സംഘടനയ്ക്കെതിരെ ഉയര്‍ന്ന ആരോപണങ്ങളില്‍ പൊതുജനത്തോട് പറയാനുള്ളതെന്ന് അവര്‍ വ്യക്തമാക്കി.
ഹേമ കമ്മിറ്റി അമ്മയെ വിമര്‍ശിച്ചുവെന്ന ധാരണ തെറ്റാണ്. സ്ത്രീകള്‍ നേരിടുന്ന പ്രശ്നങ്ങളെക്കുറിച്ച് നമ്മുടെ കാഴ്ചപ്പാട് മാറ്റണമെന്നു മാത്രമാണ് കമ്മിറ്റി പറഞ്ഞത്. അതിനോട് താന്‍ പൂര്‍ണമായും യോജിക്കുന്നവെന്നും എല്ലാവരും ഒന്നിച്ചുനിന്നാല്‍ മാത്രമേ ഈ വ്യവസ്ഥിതി മാറ്റാന്‍ സാധിക്കുക.
ഡബ്ല്യു.സി.സിയും അമ്മയും തമ്മിലുള്ള ഒരു യുദ്ധത്തിലേക്ക് പ്രശ്‌നങ്ങളെ മാറ്റരുതെന്നും അവര്‍ തെറ്റാണെന്നും അമ്മ ശരിയാണെന്നും കരുതുന്നില്ലെന്നും ശ്വേത കൂട്ടിച്ചേര്‍ത്തു
Film
ഐ.ഡി.എസ്.എഫ്.എഫ്.കെ നാളെ മുതല്‍; 52 രാജ്യങ്ങളില്‍നിന്നുള്ള 331 സിനിമകള്‍
ആറു ദിവസങ്ങളിലായി നടക്കുന്ന മേളയില്‍ 29 വിഭാഗങ്ങളിലായി 52 രാജ്യങ്ങളില്‍നിന്നുള്ള ഡോക്യുമെന്ററികളും ഹ്രസ്വചിത്രങ്ങളുമാണ് പ്രദര്‍ശിപ്പിക്കുന്നത്.
തിരുവനന്തപുരം: ചലച്ചിത്ര അക്കാദമി 22 മുതല്‍ 27 വരെ തിരുവനന്തപുരം കൈരളി, ശ്രീ, നിള തിയേറ്ററുകളിലായി സംഘടിപ്പിക്കുന്ന 17-ാമത് ഐ.ഡി.എസ്.എഫ്.എഫ്.കെയില്‍ 331 ചിത്രങ്ങള്‍ പ്രദര്‍ശിപ്പിക്കും. ആറു ദിവസങ്ങളിലായി നടക്കുന്ന മേളയില്‍ 29 വിഭാഗങ്ങളിലായി 52 രാജ്യങ്ങളില്‍നിന്നുള്ള ഡോക്യുമെന്ററികളും ഹ്രസ്വചിത്രങ്ങളുമാണ് പ്രദര്‍ശിപ്പിക്കുന്നത്.
വെള്ളിയാഴ്ച രാവിലെ 9.15 മുതല്‍ പ്രദര്‍ശനം ആരംഭിക്കും. കൈരളി തിയേറ്ററില്‍ വൈകിട്ട് ആറു മണിക്ക് സാംസ്‌കാരിക വകുപ്പ് മന്ത്രി സജി ചെറിയാന്‍ മേളയുടെ ഉദ്ഘാടനം നിര്‍വഹിക്കും. ചടങ്ങിനുശേഷം ഉദ്ഘാടനചിത്രമായ ‘ഫ്രം ഗ്രൗണ്ട് സീറോ’ പ്രദര്‍ശിപ്പിക്കും.
ഡെലിഗേറ്റ് പാസിന്റെ വിതരണം വ്യാഴാഴ്ച വൈകിട്ട് അഞ്ചു മണി മുതല്‍ ആരംഭിക്കും. മല്‍സര വിഭാഗത്തിലെ ഡോക്യുമെന്ററികള്‍, ഹ്രസ്വചിത്രങ്ങള്‍, അനിമേഷന്‍, മ്യൂസിക് വീഡിയോ, ക്യാമ്പസ് ഫിലിം, ഫോക്കസ് ഷോര്‍ട്ട് ഡോക്യുമെന്ററി, ഫോക്കസ് ലോംഗ് ഡോക്യുമെന്ററി, ഫോക്കസ് ഷോര്‍ട്ട് ഫിക്ഷന്‍, ഇന്റര്‍നാഷണല്‍ ഫിലിംസ്, ഫെസ്റ്റിവല്‍ വിന്നേഴ്‌സ്, ജൂറി ഫിലിംസ് തുടങ്ങിയ വിഭാഗങ്ങളിലായാണ് പ്രദര്‍ശനം. മേളയില്‍ പ്രദര്‍ശിപ്പിക്കുന്ന സിനിമകളുടെ സംവിധായകരുമായി ഡെലിഗേറ്റുകള്‍ക്ക് സംവദിക്കാനുള്ള മീറ്റ് ദ ഡയറക്ടര്‍, ഫേസ് റ്റു ഫേസ്, മാസ്റ്റര്‍ ക്ലാസ്, പാനല്‍ ഡിസ്‌കഷന്‍ തുടങ്ങിയ പരിപാടികളും സംഘടിപ്പിക്കും.
ഡോക്യുമെന്ററി രംഗത്തെ സമഗ്ര സംഭാവനയ്ക്കുള്ള ലൈഫ്‌ടൈം അച്ചീവ്‌മെന്റ് അവാര്‍ഡ് രാകേഷ് ശര്‍മ്മയ്ക്ക് സമ്മാനിക്കും. രാകേഷ് ശര്‍മ്മയുടെ നാല് ചിത്രങ്ങള്‍ മേളയില്‍ പ്രദര്‍ശിപ്പിക്കും.സമീപകാലത്ത് അന്തരിച്ച ശ്യാംബെനഗല്‍, ഷാജി എന്‍. കരുണ്‍, സുലൈമാന്‍ സിസെ, തപന്‍കുമാര്‍ ബോസ്, തരുണ്‍ ഭാര്‍ട്ടിയ, പി.ജയചന്ദ്രന്‍, ആര്‍.എസ് പ്രദീപ് എന്നിവര്‍ക്ക് ആദരാഞ്ജലിയര്‍പ്പിക്കുന്ന ഹോമേജ് വിഭാഗവും മേളയില്‍ ഉണ്ടായിരിക്കും.
27ന് വൈകിട്ട് ആറു മണിക്ക് കൈരളി തിയേറ്ററില്‍ നടക്കുന്ന സമാപനച്ചടങ്ങില്‍ മല്‍സരവിഭാഗത്തിലെ ചിത്രങ്ങള്‍ക്കുള്ള പുരസ്‌കാരങ്ങള്‍ പ്രഖ്യാപിക്കും. പൊതുവിഭാഗത്തിന് 590 രൂപയും വിദ്യാര്‍ത്ഥികള്‍ക്ക് 354 രൂപയുമാണ് ഡെലിഗേറ്റ് ഫീ. ൃലഴശേെൃമശേീി.ശളളസ.ശി എന്ന വെബ്‌സൈറ്റ് വഴി ഓണ്‍ലൈന്‍ ആയും കൈരളി തിയേറ്റര്‍ കോംപ്‌ളക്‌സില്‍ പ്രവര്‍ത്തിക്കുന്ന ഡെലിഗേറ്റ് സെല്‍ വഴി നേരിട്ടും രജിസ്‌ട്രേഷന്‍ നടത്താവുന്നതാണ്.
-
Film3 days agoപൂര്ണ ആരോഗ്യത്തോടെ മമ്മൂട്ടി തിരിച്ചു വരുന്നു; ഫെയ്സ്ബുക്ക് പോസ്റ്റിലൂടെ പങ്കുവെച്ച് ജോര്ജും ആന്റോ ജോസഫും
-
kerala3 days agoസംസ്ഥാനത്ത് ഒറ്റപ്പെട്ട ശക്തമായ മഴ തുടരും; മൂന്ന് ജില്ലകളില് ഓറഞ്ച് അലര്ട്ട്
-
kerala3 days agoതാമരശ്ശേരിയില് നാലാം ക്ലാസുകാരിയുടെ മരണം; സഹോദരന് അമീബിക് മസ്തിഷ്ക ജ്വരമല്ലെന്ന് പ്രാഥമിക പരിശോധന ഫലം
-
india3 days agoഇന്ഡ്യ സഖ്യം അധികാരത്തില് വന്നാല് സിഇസിക്കും ഇസിക്കും കര്ശന നടപടിയുണ്ടാകും; മുന്നറിയിപ്പുമായി രാഹുല് ഗാന്ധി
-
india3 days agoമുതിര്ന്ന മാധ്യമപ്രവര്ത്തകരായ കരണ് ഥാപ്പറിനും സിദ്ധാര്ഥ് വരദരാജനുമെതിരെ രാജ്യദ്രോഹക്കുറ്റത്തിന് അസം പൊലീസിന്റെ സമന്സ്
-
News3 days agoവനിതാ ലോകകപ്പ് ടീമും ഓസ്ട്രേലിയക്കെതിരായ ഏകദിന ടീമും ഇന്ന് പ്രഖ്യാപനം
-
india3 days agoകുവൈത്ത് വിഷമദ്യ ദുരന്തം: ചികിത്സയിലുള്ളവരെ നാടുകടത്തിയേക്കും
-
Film3 days ago17ാമത് IDSFFK: ഗാസയുടെ മുറിവുകളും പ്രതിരോധവും പകര്‍ത്തുന്ന ‘ഫ്രം ഗ്രൗണ്ട് സീറോ’ ഉദ്ഘാടന ചിത്രം