kerala
കരാര് വ്യവസ്ഥ ലംഘിച്ച് കെ ഫോണ് കേബിള് വാങ്ങിയത് ചൈനയില് നിന്ന് – വി.ഡി സതീശന്
ഇന്റര്നെറ്റ് നല്കിയതിന്റെ കണക്ക് പുറത്ത് വിടണമെന്നും അദ്ദേഹം ആവശ്യപ്പെട്ടു
കൊച്ചി: കരാര് വ്യവസ്ഥ ലംഘിച്ച് കെ ഫോണ് കേബിള് വാങ്ങിയത് ചൈനയില്നിന്നെന്ന് പ്രതിപക്ഷ നേതാവ് വി.ഡി സതീശന്. ഇന്റര്നെറ്റ് നല്കിയതിന്റെ കണക്ക് പുറത്ത് വിടണമെന്നും അദ്ദേഹം ആവശ്യപ്പെട്ടു.
മുഖ്യമന്ത്രി രണ്ടാം തവണയും ഉദ്ഘാടനം ചെയ്യുന്ന കെ ഫോണ് പദ്ധതിക്ക് പിന്നില് നടന്ന കൂടുതല് അഴിമതികള് കൂടി പുറത്ത് വരുകയാണ്. 1028 കോടിയുടെ പദ്ധതിക്ക് 500 കോടിയിലധികം ടെന്ഡര് എക്സസ് നല്കി 1548 കോടിയാക്കി ഉയര്ത്തി. മുഖ്യമന്ത്രിയുടെ പ്രിന്സിപ്പല് സെക്രട്ടറിയായിരുന്ന ശിവശങ്കര് കത്തിടപാടിലൂടെയാണ് ടെന്ഡര് എക്സസ് നിയമവിരുദ്ധമായി ഉയര്ത്തിയത്.
കെ ഫോണ് പദ്ധതിയുടെ സുപ്രധാന ഘടകമാണ് ഒപ്റ്റിക്കല് ഗ്രൗണ്ട് വയറുകള് അഥവാ ഒ.പി.ജി.ഡബ്ല്യു കേബിളുകള്. ഒ.പി.ജി.ഡബ്ല്യു കേബിളുകള് ഇന്ത്യന് നിര്മ്മിതമായിരിക്കണമെന്നും കേബിളുകള് ഇന്ത്യയില് തന്നെ ടെസ്റ്റ് ചെയ്യാനുള്ള സൗകര്യം ഉണ്ടായിരിക്കണമെന്നും അഞ്ചുവര്ഷത്തിനുള്ളില് മിനിമം 250 കിലോമീറ്ററെങ്കിലും കേബിള് നിര്മ്മിച്ച സ്ഥാപനം ആയിരിക്കണം എന്നതുള്പ്പെടെയുള്ള വ്യവസ്ഥകള് ടെന്ഡറിലുണ്ട്. ഈ മൂന്ന് നിബന്ധനകളും കരാര് ലഭിച്ച എല്.എസ് കേബിള് ഇന്ത്യ പ്രൈവറ്റ് ലിമിറ്റഡ് എന്ന കമ്പനി കാറ്റില്പ്പറത്തി.
ഈ കമ്പനിയുടെ ഹരിയാനയിലെ ഫാക്ടറിയില് കേബിളുകള് നിര്മ്മിക്കാനുള്ള ഒരു സൗകര്യമില്ല. ഇവര് ചൈനയില് നിന്നും ഇറക്കുമതി ചെയ്തതിനു ശേഷം എല്.എസ് കേബിള് ഇന്ത്യ പ്രൈവറ്റ് ലിമിറ്റഡ് എന്ന പേര് പതിപ്പിക്കുക മാത്രമാണ് ചെയ്യുന്നത്. ഇക്കാര്യം കെ ഫോണിനും കെ.എസ്.ഇ.ബിക്കും അറിയാം. ഏറ്റവും കുറഞ്ഞത് 25 വര്ഷം ഗ്യാരന്റിയുള്ള ഇന്ത്യന് കേബിളുകള്ക്ക് പകരം യാതൊരു ഗ്യാരന്റിയും ഇല്ലാത്ത ചൈനീസ് കേബിളാണ് കെ-ഫോണിന് വേണ്ടി ലഭ്യമാക്കിയിരിക്കുന്നത്.
പി.ഒ.പികളുടെ കാര്യത്തിലും സമാനമായ ക്രമക്കേടാണ് നടന്നിരിക്കുന്നത്. മുഖ്യമന്ത്രിയുടെ ബന്ധുവിന് പങ്കാളിത്തമുള്ള പ്രസാഡിയോ കമ്പനിക്കാണ് പി.ഒ.പി കരാര് ലഭിച്ചത്. പ്രസാഡിയോ കെ ഫോണ് പദ്ധതിക്ക് വേണ്ടി സ്ഥാപിച്ച പ്രീ ഫാബ്രിക്കേഷന് സ്ട്രച്ചറായ പി.ഒ.പിയും കരാറിന് വിരുദ്ധമായി ചൈനയില് നിന്നും ഒമാനില് നിന്നുമാണ് ഇറക്കുമതി ചെയ്തത്. പി.ഒ.പികള് പലതും കാടുകയറി നശിച്ച അവസ്ഥയിലാണ്. പലയിടങ്ങളും മഴവെള്ളം പി.ഒ.പിയിലേക്ക് വീഴുന്ന സ്ഥിതിയാണ്.
കെ ഫോണില് എത്ര കണക്ഷനുകള് നല്കിയെന്ന് സര്ക്കാര് ഇതുവരെ വ്യക്തമാക്കിയിട്ടില്ല. 2017 -ല് പദ്ധതി പ്രഖ്യാപിച്ചപ്പോള് 20 ലക്ഷം പാവങ്ങള്ക്കും 30,000 സര്ക്കാര് ഓഫീസുകള്ക്കും 18 മാസം കൊണ്ട് സൗജന്യ ഇന്റര്നെറ്റ് നല്കുമെന്നാണ് പറഞ്ഞിരുന്നത്. 20 ലക്ഷം എന്നത് പിന്നീട് പതിനാലായിരമാക്കി. പതിനായിരം പേര്ക്ക് കണക്ഷന് നല്കിയെന്ന ഇപ്പോഴത്തെ അവകാശവാദവും തെറ്റാണ്. കണക്ഷന് നല്കിയതിന്റെ ജില്ല തിരിച്ചുള്ള കണക്ക് ലഭ്യമാക്കാന് സര്ക്കാര് തയാറാകണമെന്നും സതീശന് ആവശ്യപ്പെട്ടു
kerala
തെക്കന് തദ്ദേശപ്പോര്; ആവേശക്കൊടുമുടിയേറി കലാശക്കൊട്ട്, പരസ്യപ്രചാരണം അവസാനിച്ചു
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് ഇന്ന് പരസ്യപ്രചാരണം അവസാനിച്ചത്.
ഒന്നാംഘട്ട വോട്ടെടുപ്പ് നടക്കുന്ന 7 ജില്ലകളില് പരസ്യ പ്രചാരണം ഇന്ന് ആവേശം നിറഞ്ഞ കലാശക്കൊട്ടോടുകൂടി അവസാനിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് ഇന്ന് പരസ്യപ്രചാരണം അവസാനിച്ചത്. ജില്ലകളിലെ പ്രധാന കേന്ദ്രങ്ങളില് പ്രമുഖ നേതാക്കള് കലാശക്കൊട്ടിന് നേതൃത്വം നല്കി. ഇന്ന് വൈകീട്ട് ആറ് മണിയോടെയാണ് അവസാനിച്ചത്. നാളെ നിശബ്ദ പ്രചാരണത്തിനു ശേഷം 9നാണ് വോട്ടെടുപ്പ്.
കൊട്ടിക്കലാശം നടന്ന ജില്ലകളില് സംഘര്ഷം ഒഴിവാക്കുന്നതിനായി വിവിധ സ്ഥലങ്ങളില് പൊലീസിനെ നിയോഗിച്ചിരുന്നു. സംസ്ഥാനത്ത് വോട്ടെടുപ്പിനായുള്ള എല്ലാ ഒരുക്കങ്ങളും പൂര്ത്തിയായതായി സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാന് അറിയിച്ചു. തെരഞ്ഞെടുപ്പിന്റെ ഒന്നാംഘട്ടത്തിലാണ് ചൊവ്വാഴ്ച്ച ഏഴ് ജില്ലകളില് വോട്ടെടുപ്പ് നടക്കുക. ബാക്കി കാസര്കോട് മുതല് തൃശൂര് വരെയുള്ള ജില്ലകളില് ഡിസംബര് 11നാണ് വോട്ടെടുപ്പ്. ഒന്പതിന് പരസ്യപ്രചാരണം അവസാനിക്കും.
kerala
‘ഇന്ഡിഗോക്ക് പകരം വാനര എയര് വരുന്നു’; ഇന്ഡിഗോ പ്രതിസന്ധിയില് സംഘപരിവാറിനെ പരിഹസിച്ച് സന്ദീപ് വാര്യര്
ഇന്ഡിഗോ വിമാനയാത്രാ പ്രതിസന്ധിയില് സംഘപരിവാറിനെ പരിഹസിച്ച് കോണ്ഗ്രസ് നേതാവ് സന്ദീപ് വാര്യര്.
ഇന്ഡിഗോ വിമാനയാത്രാ പ്രതിസന്ധിയില് സംഘപരിവാറിനെ പരിഹസിച്ച് കോണ്ഗ്രസ് നേതാവ് സന്ദീപ് വാര്യര്. ‘ഇന്ഡിഗോ പ്രശ്നം കാരണം വിമാനയാത്ര മുടങ്ങി ഇഞ്ചി കടിച്ചിരിക്കുന്ന മിത്രങ്ങള്ക്ക് എയര്പോര്ട്ടില് സമയം കളയാന് ഉള്ള മാര്ഗങ്ങള്’ എന്ന് തുടങ്ങുന്ന ഫേസ്ബുക്ക് കുറിപ്പിലൂടെയാണ് സന്ദീപ് വാര്യര് സംഘപരിവാറിനെ വിമര്ശിച്ചത്.
രാജ്യത്തിന് വേണ്ടി എയര്പോര്ട്ടില് എത്ര കാലം വേണമെങ്കിലും തപസിരിക്കുമെന്ന് പോസ്റ്റിട്ട ശേഷം വാഷ്റൂമില് പോയി പൊട്ടിക്കരയുക, ഇന്ഡിഗോ മുടങ്ങിയതിന് പിറകില് ജോര്ജ് സോറോസും രാഹുല് ഗാന്ധിയുമാണെന്ന് വാട്സ്ആപ്പ് യൂണിവേഴ്സിറ്റിയില് വന്ന മെസേജ് കേശവന് മാമന് അയച്ചു കൊടുക്കുക, സംഘമിറങ്ങി , ഇന്ഡിഗോക്ക് പകരം വാനര എയര് വരുന്നു എന്ന വടിയാര് സുനിയുടെ യുട്യൂബ് പ്രഭാഷണം കേട്ട് ധൃതംഗ പുളകിതനാവുക, കാവിപ്പട ഗ്രൂപ്പില് മോദിജിക്ക് നമസ്തേ പറയൂ സംഘമിത്രങ്ങളേ പോസ്റ്റിന് കീഴെ വന്ന കമന്റുകള് എണ്ണുക, അതില് എത്ര ഫെയ്ക്കുകള് ഉണ്ടെന്ന് ഐഡന്റിഫൈ ചെയ്യുക , സന്ദീപ് വാര്യരുടെ പോസ്റ്റിന് കീഴില് പോയി തെറി വിളിക്കുക , എന്നിട്ടും ഫ്ലൈറ്റ് കിട്ടിയില്ലെങ്കില് തൊട്ടടുത്ത ശാഖയില് പോയി നാല് സൂര്യനമസ്കാരം ചെയ്യുക എന്നിങ്ങനെയാണ് സന്ദീപ് പരിഹസിച്ചിരിക്കുന്നത്.
ഇന്ഡിഗോ സര്വീസുകള് വ്യാപകമായി മുടങ്ങിയതില് പ്രതിഷേധം ഉയരുന്നതിനിടെയാണ് സന്ദീപ് വാര്യരുടെ പ്രതികരണം. വ്യോമഗതാഗത രംഗത്തെ പ്രതിസന്ധിക്ക് കാരണം കേന്ദ്ര സര്ക്കാരാണെന്ന വിമര്ശനവും കോണ്ഗ്രസും മറ്റ് പ്രതിപക്ഷ പാര്ട്ടികളും ഉന്നയിക്കുന്നുണ്ട്. സര്വീസുകള് മുടങ്ങിയതിന് പിന്നാലെ നിരവധി പേരാണ് വിമാനത്താവളത്തില് കുടുങ്ങിക്കിടക്കുന്നത്.
സന്ദീപ് വാര്യറുടെ ഫേസ്ബുക്ക് കുറിപ്പിന്റെ പൂര്ണ്ണരൂപം
ഇന്ഡിഗോ പ്രശ്നം കാരണം വിമാന യാത്ര മുടങ്ങി ഇഞ്ചി കടിച്ചിരിക്കുന്ന മിത്രങ്ങള്ക്ക് എയര്പോര്ട്ടില് സമയം കളയാന് ഉള്ള മാര്ഗങ്ങള് താഴെ കൊടുക്കുന്നു
1 ) രാജ്യത്തിന് വേണ്ടി എയര്പോര്ട്ടില് എത്ര കാലം വേണമെങ്കിലും തപസിരിക്കുമെന്ന് പോസ്റ്റിട്ട ശേഷം വാഷ്റൂമില് പോയി പൊട്ടിക്കരയുക
2) ഇന്ഡിഗോ മുടങ്ങിയതിന് പിറകില് ജോര്ജ് സോറോസും രാഹുല് ഗാന്ധിയുമാണെന്ന് വാട്സ്ആപ്പ് യൂണിവേഴ്സിറ്റിയില് വന്ന മെസേജ് കേശവന് മാമന് അയച്ചു കൊടുക്കുക
3) സംഘമിറങ്ങി , ഇന്ഡിഗോക്ക് പകരം വാനര എയര് വരുന്നു എന്ന വടിയാര് സുനിയുടെ യുട്യൂബ് പ്രഭാഷണം കേട്ട് ധൃതംഗ പുളകിതനാവുക
4) കാവിപ്പട ഗ്രൂപ്പില് മോദിജിക്ക് നമസ്തേ പറയൂ സംഘമിത്രങ്ങളേ പോസ്റ്റിന് കീഴെ വന്ന കമന്റുകള് എണ്ണുക . അതില് എത്ര ഫെയ്ക്കുകള് ഉണ്ടെന്ന് ഐഡന്റിഫൈ ചെയ്യുക
5 ) സന്ദീപ് വാര്യരുടെ പോസ്റ്റിന് കീഴില് പോയി തെറി വിളിക്കുക
എന്നിട്ടും ഫ്ലൈറ്റ് കിട്ടിയില്ലെങ്കില് തൊട്ടടുത്ത ശാഖയില് പോയി നാല് സൂര്യനമസ്കാരം ചെയ്യുക .
Culture
30-ാമത് ഐ.എഫ്.എഫ്.കെ ഉദ്ഘാടനചിത്രം ‘പലസ്തീന് 36’
30-ാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ആന്മേരി ജാസിര് സംവിധാനം ചെയ്ത ‘പലസ്തീന് 36’ എന്ന ചിത്രം പ്രദര്ശിപ്പിക്കും.
തിരുവനന്തപുരം: 30-ാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ആന്മേരി ജാസിര് സംവിധാനം ചെയ്ത ‘പലസ്തീന് 36’ എന്ന ചിത്രം പ്രദര്ശിപ്പിക്കും.
ഈ വര്ഷത്തെ ടോക്കിയോ അന്താരാഷ്ട്ര ചലച്ചിത്രമേളയില് മികച്ച ചിത്രത്തിനുള്ള ഗ്രാന്ഡ് പ്രീ പുരസ്കാരം നേടിയ ഈ ചിത്രം, ടോറോന്േറാ അന്താരാഷ്ട്ര ചലച്ചിത്ര മേളയില് ഗാലാ പ്രസന്റേഷന് വിഭാഗത്തില് പ്രദര്ശിപ്പിച്ചപ്പോള് 20 മിനിറ്റ് നേരമുള്ള കരഘോഷവും നേടിയിരുന്നു. 98-ാമത് ഓസ്കര് പുരസ്കാരത്തിനായി ഔദ്യോഗികമായി തിരഞ്ഞെടുക്കപ്പെട്ട പലസ്തീനിയന് ചിത്രം കൂടിയാണിത്.
1936 മുതല് 1939 വരെ നീണ്ടുനിന്ന ബ്രിട്ടീഷ് അധിനിവേശത്തിനെതിരെയുള്ള അറബ് കലാപത്തെ പശ്ചാത്തലമാക്കിയ ചരിത്ര ചിത്രമാണിത്. ഗ്രാമീണനായ യൂസഫിന്റെ ജീവിതസംഘര്ഷങ്ങളും, ജെറുസലേമിലെ കലാപസാഹചര്യങ്ങളുമാണ് ചിത്രത്തിന്റെ പ്രധാന പ്രമേയം. ബ്രിട്ടീഷ് ഭരണത്തിനും സയണിസത്തിനുമെതിരെ പലസ്തീന് കലാപം ആരംഭിച്ച വര്ഷമാണ് ചിത്രത്തിന്റെ പേരില് സൂചിപ്പിച്ചിരിക്കുന്നത്.
വികാരനിര്ഭരമായ കുടുംബ ബന്ധങ്ങളെ അവതരിപ്പിച്ച ആന്മേരി ജാസിറിന്റെ ‘വാജിബും’ ഇത്തവണ ഐ.എഫ്.എഫ്.കെ വേദിയില് പ്രദര്ശിപ്പിക്കും. 2017-ല് ചിത്രത്തിന് ഐ.എഫ്.എഫ്.കെയില് സുവര്ണചകോരം ലഭിച്ചിരുന്നു.
-
kerala2 days agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
kerala3 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
kerala3 days agoസ്വര്ണക്കൊള്ള ഒരു ജനതയുടെ നെഞ്ചിനേറ്റ മുറിവ്
-
health1 day agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
news1 day agoകടുവ സെന്സസിനിടെ കാട്ടാന ആക്രമണം; വനം വകുപ്പ് ജീവനക്കാരന് കൊല്ലപ്പെട്ടു
-
GULF3 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
news1 day agoക്ഷേത്രത്തില് വന് കവര്ച്ച; തിരുവാഭരണം മോഷണം പോയി
-
india1 day agoബാബരി: മായാത്ത ഓര്മകള്