Film
മുരളീധരന്റെ ജീവചരിത്ര സിനിമയുമായി ബന്ധപ്പെട്ട വിവാദം; വിജയ് സേതുപതിയുടെ മകള്ക്കെതിരെ ബലാത്സംഗ ഭീഷണി
റിഥിക് എന്ന പേരിലുള്ള ട്വിറ്റര് അക്കൗണ്ടില് നിന്നാണ് സേതുപതിയുടെ മകള്ക്കെതിരേ ഭീഷണി വന്നിരിക്കുന്നത്
ചെന്നൈ: ശ്രീലങ്കന് ക്രിക്കറ്റ് ഇതിഹാസം മുത്തയ്യ മുരളീധരന്റെ ജീവിതത്തെ ആസ്പദമാക്കി ഒരുക്കുന്ന 800 എന്ന ചിത്രത്തില്നിന്ന് വിജയ് സേതുപതി പിന്മാറിയത് കഴിഞ്ഞ ദിവസം വാര്ത്തയായിരുന്നു. ഇതിന് പിന്നാലെ അദ്ദേഹത്തിന്റെ പ്രായപൂര്ത്തിയാകാത്ത മകള്ക്കെതിരേ ട്വിറ്ററില് ബലാത്സംഗ ഭീഷണിയുമായി ഒരാള് എത്തി.
റിഥിക് എന്ന പേരിലുള്ള ട്വിറ്റര് അക്കൗണ്ടില് നിന്നാണ് സേതുപതിയുടെ മകള്ക്കെതിരേ ഭീഷണി വന്നിരിക്കുന്നത്. ശ്രീലങ്കയിലെ തമിഴര് നയിക്കുന്ന ദുഷ്കരമായ ജീവിതം അവളുടെ പിതാവ് മനസിലാക്കാന് വേണ്ടി മകളെ ബലാത്സംഗം ചെയ്യുമെന്നാണ് ഭീഷണി മുഴക്കിയത്. ഇതിന് പിന്നാലെ ഈ അക്കൗണ്ടിന് പിന്നിലുള്ള വ്യക്തിയെ അറസ്റ്റ് ചെയ്ത് ജയിലിലടയ്ക്കണമെന്ന് ആവശ്യപ്പെട്ട് നിരവധി ഉപയോക്താക്കളാണ് ട്വീറ്റ് ചെയ്തിരിക്കുന്നത്.
கருத்து வேறுபாடை தெரிவிக்கும் ஒரு தமிழ் மகன். அதான் சமுதாயத்தில் இருக்கும் பாலியல் குற்றவாளிங்களுக்கு support a நிக்கிறாங்க இந்த ஊர்ல. @chennaipolice_ @DCP_Adyar
Is nobody in this system going to change this?
A man who can say in public about raping a child is a criminal. pic.twitter.com/ABL5t2GNUg
— Chinmayi Sripaada (@Chinmayi) October 19, 2020
മുരളീധരന്റെ ജീവചരിത്ര സിനിമയില് സേതുപതി നായകനായെത്തുന്നതിനെതിരേ കടുത്ത പ്രതിഷേധം ഉയരുന്ന സാഹചര്യത്തില് അദ്ദേഹത്തോട് ചിത്രത്തില്നിന്ന് പിന്മാറണമെന്ന് അഭ്യര്ഥിച്ച് മുരളീധരന് തന്നെ രംഗത്തെത്തിയിരുന്നു.
”എന്റെ ജീവിതത്തെക്കുറിച്ച് ഒരു സിനിമ നിര്മ്മിക്കാന് നിര്മ്മാതാക്കള് സമീപിച്ചപ്പോള് ഞാന് ആദ്യം മടിച്ചു. പക്ഷേ, പിന്നീട്, എന്റെ വിജയത്തില് എന്റെ മാതാപിതാക്കള്, അധ്യാപകര്, പരിശീലകര്, സഹകളിക്കാര് എന്നിവരുടെ സംഭാവനകളെ അംഗീകരിക്കാനുള്ള ശരിയായ അവസരമാണിതെന്ന് ഞാന് കരുതി. എന്റെ കഥ യുവാക്കള്ക്ക് പ്രചോദനമാകുമെന്നും ഞാന് വിചാരിച്ചു. എന്നാല് എന്റെ പേരില് ഒരു നടനും കഷ്ടപ്പെടരുതെന്ന് എനിക്ക് നിര്ബന്ധമുണ്ട്. അതുകൊണ്ട് തന്നെ ചിത്രത്തില് നിന്ന് പിന്മാറണമെന്ന് ഞാന് വിജയ് സേതുപതിയോട് അപേക്ഷിക്കുകയാണ്” മുത്തയ്യ മുരളീധരന് കുറിച്ചു.
അതോടൊപ്പം സമൂഹമാധ്യമങ്ങളില് വിജയ് സേതുപതിക്കെതിരെ കടുത്ത വിമര്ശനം ഉയര്ന്നിരുന്നു.
Film
‘ജയിലര് 2’ല് മോഹന്ലാല്; ചിത്രീകരണം പൂര്ത്തിയായി
ജീത്തു ജോസഫ് സംവിധാനം ചെയ്യുന്ന ദൃശ്യം 3യിലെ ജോര്ജുകുട്ടിയായി തന്റെ ഭാഗങ്ങള് പൂര്ത്തിയാക്കിയ ശേഷമാണ് താരം ‘മാത്യു’ ആയി വീണ്ടും സെറ്റിലെത്തിയത്.
നെല്സണ് ദിലീപ് കുമാര് സംവിധാനം ചെയ്യുന്ന രജനികാന്ത് ചിത്രം ജയിലര് ന്റെ രണ്ടാം ഭാഗത്തിന്റെ ചിത്രീകരണത്തില് മോഹന്ലാല് പങ്കുചേര്ന്നു. ജീത്തു ജോസഫ് സംവിധാനം ചെയ്യുന്ന ദൃശ്യം 3യിലെ ജോര്ജുകുട്ടിയായി തന്റെ ഭാഗങ്ങള് പൂര്ത്തിയാക്കിയ ശേഷമാണ് താരം ‘മാത്യു’ ആയി വീണ്ടും സെറ്റിലെത്തിയത്.
റിപ്പോര്ട്ടുകള് പ്രകാരം ജയിലര് 2യുടെ ചിത്രീകരണം പൂര്ണമായും അവസാനിച്ചിരിക്കുകയാണ്. 2023ല് തുടര്ച്ചയായ പരാജയങ്ങള്ക്കെതിരെ മോഹന്ലാല് ആരാധകര്ക്ക് ആശ്വാസമായി എത്തിയത് ജയിലര് ചിത്രത്തിലെ മാത്യുവായുള്ള അദ്ദേഹത്തിന്റെ കരിഷ്മയാര്ന്ന പ്രകടനമായിരുന്നു. പ്രധാനമായും രണ്ട് രംഗങ്ങളിലായിരുന്നു താരം പ്രത്യക്ഷപ്പെട്ടതെങ്കിലും അവ വലിയ സ്വീകരണമാണ് നേടിയത്.
മുത്തുവേല് പാണ്ട്യന്റെ സുഹൃത്തും അധോലോകത്തെ രാജാവുമായ മാത്യുവായി മോഹന്ലാല് തിളങ്ങിയ ഒന്നാം ഭാഗം കേരളത്തില് മാത്രം 60 കോടിയോളം രൂപ കളക്ഷന് നേടി റെക്കോഡ് സൃഷ്ടിച്ചിരുന്നു. താരത്തിന്റെ ലുക്കും ആക്ഷന് സ്റ്റൈലും സോഷ്യല് മീഡിയയില് ട്രെന്ഡായിരുന്നു.
രണ്ടാം ഭാഗത്തില് മോഹന്ലാല് മാത്രമല്ല, സുരാജ് വെഞ്ഞാറമ്മൂട്, വിനായകന്, ചെമ്പന് വിനോദ്, കോട്ടയം നസീര്, മിര്ന തുടങ്ങിയ മലയാള താരങ്ങളുടെയും വമ്പന് നിര ജയിലര് 2 ല് ഉണ്ടായിരിക്കും. ചിത്രം ജൂണ് 12ന് ലോകവ്യാപകമായി റിലീസ് ചെയ്യും.
ഒന്നാം ഭാഗത്തിന്റെ ഇന്ഡസ്ട്രി ഹിറ്റ് വിജയം ആവര്ത്തിക്കുമെന്ന പ്രതീക്ഷയിലാണ് ആരാധകര്.
Film
ഹിന്ദിയിലേക്ക് റീമേക്കിന് ഒരുങ്ങി തുടരും
ആമീര് ഖാന്റെയും അജയ് ദേവ്ഗണിന്റെയും കമ്പനികള് തന്നെ സമീപിച്ചിരുന്നുവെന്നാണ് തരുണ് മൂര്ത്തി വെളിപ്പെടുത്തി
ബെന്സ് എന്ന ടാക്സി ഡ്രൈവറുടെ വേഷത്തില് മോഹന്ലാലിന്റെ ത്രില്ലര് സിനിമ തുടരും ഹിന്ദിയിലേക്ക് റീമേക്ക് ചെയ്യാന് ചര്ച്ചകള് നടക്കുന്നുവെന്ന് തരുണ് മൂര്ത്തി. അജയ് ദേവ്ഗണിനെ നായകനാക്കിയാണ് റീമേക്കിന് സാധ്യത എന്നാണ് തരുണ് മൂര്ത്തി സൂചിപ്പിച്ചത്. ആമീര് ഖാന്റെയും അജയ് ദേവ്ഗണിന്റെയും കമ്പനികള് തന്നെ സമീപിച്ചിരുന്നുവെന്നാണ് തരുണ് മൂര്ത്തി വെളിപ്പെടുത്തി.
ഹിന്ദിയില് നിന്നും തെലുങ്കില് നിന്നും അന്വേഷണങ്ങള് വരുന്നു. ഹിന്ദിയില് നിന്ന് ഞാന് തന്നെ സംവിധാനം ചെയ്യാനാണ് ആവശ്യപ്പെട്ടത്. എന്നാല് എനിക്ക് തുടര്ച്ചയായി സിനിമകള് ഉള്ളതിനാല് എപ്പോഴാണ് ചെയ്യാന് കഴിയുക എന്ന് അറിയില്ല. അജയ് ദേവ്ഗണിനെ നായകനാക്കി ഹിന്ദിയില് ചിത്രം റീമേക്ക് ചെയ്യാനുള്ള ചര്ച്ച നടക്കുന്നുണ്ട്. പക്ഷേ ചര്ച്ചകള് അന്തിമ ഘട്ടത്തിലേക്ക് ഇതുവരെ എത്തിയിട്ടില്ലെന്നും തരുണ് മൂര്ത്തി വ്യക്തമാക്കി.
ഇതുവരെ ചിത്രം 232.60 കോടി ആഗോളതലത്തില് നേടിയിട്ടുണ്ട്. കേരള ബോക്സ് ഓഫീസില് 100 കോടി നേടിയ ആദ്യ മലയാള ചിത്രമാണ് തുടരും. കേരളത്തില് മാത്രം ആകെ 118.75 കോടിയിലധികം രൂപ നേടിയിട്ടുണ്ട്.
മോഹന്ലാലിനു പുറമേ ശോഭന, പ്രകാശ് വര്മ്മ, ബിനു പപ്പു, ഫര്ഹാന് ഫാസില്, തോമസ് മാത്യു, മണിയന്പിള്ള രാജു, ഇര്ഷാദ്, സംഗീത് പ്രതാപ്, നന്ദു, അബിന് ബിനോ, ആര്ഷ ചാന്ദിനി, ഷോബി തിലകന്, ഭാരതിരാജ, ശ്രീജിത്ത് രവി എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഷാജി കുമാര് ഛായാഗ്രഹണം നിര്വ്വഹിച്ചിരിക്കുന്ന ഈ ചിത്രത്തിന്റെ എഡിറ്റിങ് നിഷാദ് യൂസഫും ഷഫീഖ് വി ബിയുമാണ്. ഈ ത്രില്ലര് ഡ്രാമയുടെ സംഗീതം ജേക്സ് ബിജോയ് ആണ്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ അഞ്ച് ഭാഷകളിലാണ് ‘തുടരും’ സ്ട്രീം ചെയ്യുന്നത്.
news
കപ്പലിന്റെ അറ്റകുറ്റപ്പണിക്കിടെ അപകടം; യുവാവ് മുങ്ങി മരിച്ചു
കൊച്ചി ഷിപ്യാര്ഡില് നാവികസേനാ കപ്പലിന്റെ അറ്റകുറ്റപ്പണിക്കിടെ മുങ്ങല്വിദഗ്ധനായ യുവാവ് മുങ്ങിമരിച്ചു
കൊച്ചി: കൊച്ചി ഷിപ്യാര്ഡില് നാവികസേനാ കപ്പലിന്റെ അറ്റകുറ്റപ്പണിക്കിടെ മുങ്ങല്വിദഗ്ധനായ യുവാവ് മുങ്ങിമരിച്ചു. മലപ്പുറം പുതുക്കോട് പെരിങ്ങാവ് രാരപ്പന്തൊടി വീട്ടില് അബൂബക്കറിന്റെ മകന് അന്വര് സാദത്ത് (25) ആണ് മരിച്ചത്. കരാര് തൊഴിലാളിയായ ഡൈവറാണ് സാദത്ത്. ഇന്നലെ ഉച്ച കഴിഞ്ഞായിരുന്നു സംഭവം.
എറണാകുളം ചുള്ളിക്കല് ആസ്ഥാനമായ ഡൈവിങ് അക്കാദമിയിലെ മുങ്ങല് വിദഗ്ധനായിരുന്നു അന്വര് സാദത്ത്. കപ്പലിന്റെ അറ്റകുറ്റപ്പണിക്കായി മുങ്ങല് വിദഗ്ധരെ കരാര് അടിസ്ഥാനത്തില് നല്കുന്ന കമ്പനിയാണിത്. ഈ മേഖലയില് അഞ്ചു വര്ഷത്തെ പ്രവര്ത്തിപരിചയമുള്ളയാളാണ് അന്വര് സാദത്ത്. ഇന്നലെ രാവിലെ മുതല് കപ്പലിന്റെ അറ്റകുറ്റപ്പണിയുമായി ബന്ധപ്പെട്ട ജോലികള് നടന്നു വരികയായിരുന്നു. ഉച്ചകഴിഞ്ഞാണ് അന്വര് അടിത്തട്ടിലേക്കു മുങ്ങിയത്. ഒരു വര്ഷമായി ഈ മേഖലയില് പ്രവര്ത്തിക്കുന്ന മറ്റൊരു ഡൈവറാണ് മുകളില്നിന്ന് സുരക്ഷാ കാര്യങ്ങള് നോക്കിയിരുന്നത്. എന്നാല് കുറച്ചു കഴിഞ്ഞപ്പോള് അന്വറുമായുള്ള ബന്ധം നഷ്ടമാവുകയായിരുന്നു.
വൈകിട്ട് നാലു മണിയോടെയാണ് തങ്ങളെ വിവരം അറിയിക്കുന്നതെന്ന് എറണാകുളം സൗത്ത് പൊലീസ് വ്യക്തമാക്കി. അന്വറിനെ ആശുപത്രിയില് എത്തിക്കുമ്പോള് ജീവനുണ്ടായിരുന്നെങ്കിലും അഞ്ചു മണിയോടെ മരിച്ചു. ഇന്ക്വസ്റ്റ് നടപടികള് പൂര്ത്തിയാക്കി വരികയാണെന്നും പോസ്റ്റ്മോര്ട്ടത്തിനു ശേഷം മൃതദേഹം ഇന്നു തന്നെ നാട്ടിലേക്ക് അയയ്ക്കാനാണ് ശ്രമിക്കുന്നതെന്നും പൊലീസ് പറഞ്ഞു. സംഭവത്തില് പൊലീസ് അന്വേഷണവും നടത്തുന്നുണ്ട്. ഇളയ രണ്ടു സഹോദരങ്ങളാണ് അന്വര് സാദത്തിനുള്ളത്.
-
kerala2 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala1 day agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
kerala10 hours agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
india1 day agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala2 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india2 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
kerala1 day agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്

