കുപ്രസിദ്ധ കുറ്റവാളി റിപ്പര്‍ ജയാനന്ദന്‍ പരോളിലാദ്യമായി പുറത്തിറങ്ങി. രണ്ട് ദിവസത്തേക്ക് പൊലീസ് സാന്നിധ്യത്തിലാണ് പരോള്‍. മകളുടെ വിവാഹത്തില്‍ പങ്കെടുക്കാനാണ് പരോള്‍ ലഭിച്ചത്.

മകളുടെ വിവാഹത്തില്‍ പങ്കെടുക്കാന്‍ ജയാനന്ദന് പരോള്‍ അനുവദിക്കണമെന്ന് ആവശ്യപ്പെട്ട് ഹര്‍ജി നല്‍കിയത് ഭാര്യയാണ്. ഇതിനെ സംസ്ഥാന സര്‍ക്കാര്‍ എതിര്‍ത്തിരുന്നു. മകള്‍ തന്നെ അമ്മക്ക് വേണ്ടി ഹൈക്കോടതിയില്‍ നേരിട്ട് ഹാജരായി. അവസാനം ഹൈക്കോടതി പരോള്‍ അനുവദിക്കുകയായിരുന്നു.

ഇന്ന് വീട്ടിലായിരിക്കും ജയാനന്ദന്‍ കഴിയുക. നാളെ വടക്കും ക്ഷേത്രത്തിലാണ് മകളുടെ വിവാഹം. പൊലീസിനൊപ്പമാണ് ക്ഷേത്രത്തിലെത്തുക. രാവിലെ 9മുതല്‍ 5വരെ വിവാഹത്തില്‍ പങ്കെടുക്കാം.

സ്ത്രീകളെ തലക്കടിച്ച് ആഭരണം തട്ടിയെടുക്കലായിരുന്നു ഇയാളുടെ രീതി. ജീവിതവസാനം വരെ കഠിന തടവാണ് ഇയാളുടെ ശിക്ഷ.

വാഹന പരിശോധനയെ തുടര്‍ന്നുണ്ടായ അന്വേഷണത്തില്‍ വ്യാജ നമ്പര്‍പ്ലേറ്റുള്ള ബൈക്ക് കണ്ടെത്തിയ വീട്ടില്‍ വീണ്ടും വ്യാജ നമ്പറില്‍ വാഹനം. ഒരേ നമ്പറിലുള്ള രണ്ട് ഇരുചക്രവാഹനങ്ങള്‍ പിടികൂടിയ കേസില്‍ നടത്തിയ അന്വേഷണത്തിലാണ് വ്യാജ രജിസ്‌ട്രേഷന്‍ നമ്പറിലുള്ള മറ്റൊരു ബൈക്കുകൂടെ കടമ്പനാട് ഭാഗത്തെ വീട്ടില്‍ നിന്ന് മോട്ടോര്‍ വാഹന വകുപ്പ് പിടിച്ചെടുത്തത്. സംഭവത്തില്‍ കടമ്പനാട് കലതിവിള പുത്തന്‍ വീട്ടില്‍ അഖിലിനെ (30) ഏനാത്ത് പൊലീസ് അറസ്റ്റ് ചെയ്തു.

നമ്പര്‍ മറ്റൊരു ബൈക്കിന്റേതാണെന്ന് തെളിഞ്ഞതോടെ മോട്ടോര്‍ വാഹന വകുപ്പ് ഉദ്യോഗസ്ഥര്‍ വാഹനം കസ്റ്റഡിയിലെടുത്ത് അടൂര്‍ പൊലീസിന് കൈമാറി. ബൈക്ക് മറ്റാരോ തന്നതാണെന്നും രേഖകള്‍ കൈവശമില്ലെന്നും ഇയാള്‍ ഉദ്യോഗസ്ഥരോട് പറഞ്ഞത്.

ആലപ്പുഴ: സര്‍ക്കാര്‍ ആശുപത്രിയിലെ ഡോക്ടര്‍ കൈക്കൂലി വാങ്ങുന്നതിനിടെ വിജിലിന്‍സ് പിടിയില്‍. പ്രസവം നിര്‍ത്താനുള്ള ശസ്ത്രക്രിയ നടത്തുന്നതിനായി 2,500 രൂപ വാങ്ങുന്നതിനിടെയാണ് ഡോ. രാജന്‍ പിടിയിലായത്. ചേര്‍ത്തല താലൂക്ക് ആശുപത്രിയിലെ ഗൈനക്കോളജിസ്റ്റാണ് രാജന്‍.

ആലപ്പുഴയിലെ യുവതിയും കുടുംബവും ശസ്ത്രക്രിയയ്ക്കായി പലതവണ താലൂക്ക് ആശുപത്രിയിലെത്തിയിരുന്നു. എന്നാല്‍ പല കാരണങ്ങള്‍ പറഞ്ഞ് ശസ്ത്രക്രിയ നീട്ടിവെയ്ക്കുകയാണ് ഡോക്ടര്‍ ചെയ്തതെന്ന് പരാതിയില്‍ പറയുന്നു.

ആശുപത്രിക്ക് എതിര്‍വശത്തായി തന്നെ ഡോക്ടര്‍ രാജന്‍ സ്വകാര്യ പ്രാക്ടീസ് നടത്തുന്നുണ്ട്. പണവുമായി ഇങ്ങോട്ടേക്ക് വരാന്‍ യുവതിയോടും ബന്ധുക്കളോടും ആവശ്യപ്പെട്ടു. പണം തന്നാലേ ശസ്ത്രക്രിയ നടത്തൂ എന്നായിരുന്നു ഡോക്ടറുടെ നിലപാട്.

തുടര്‍ന്ന് യുവതി വിജിലന്‍സിനെ സമീപിക്കുകയായിരുന്നു. കൈക്കൂലി നല്‍കാനായി വിജിലന്‍സും യുവതിക്കൊപ്പം സ്വകാര്യ ക്ലിനിക്കിലെത്തി. തുടര്‍ന്ന് കൈയോടെ പിടികൂടുകയായിരുന്നു.