gulf
സഊദി മന്ത്രിയുമായി കൂടിക്കാഴ്ച്ച നടത്തി; ഇന്ത്യന് ഹാജിമാര്ക്കുള്ള ഒരുക്കങ്ങള് ദ്രുതഗതിയില്
തീര്ത്ഥാടകര്ക്കുള്ള ഒരുക്കങ്ങള് പൂര്ത്തിയാക്കുന്നതില് മന്ത്രാലയത്തിന്റെ ഭാഗത്ത് നിന്ന് പൂര്ണ്ണ പിന്തുണ മന്ത്രി ഉറപ്പ് നല്കി.
അഷ്റഫ് വേങ്ങാട്ട്
റിയാദ് : ഇക്കൊല്ലത്തെ ഹജ്ജ് കര്മ്മത്തിനെത്തുന്ന ഇന്ത്യന് തീര്ഥാടകര്ക്കുള്ള ഒരുക്കങ്ങള് പൂര്ത്തിയാക്കാന് ഇന്ത്യന് കോണ്സല് സംഘം നീക്കങ്ങള് തുടങ്ങി. ഇതിന്റെ ഭാഗമായി ഇന്ത്യന് കോണ്സല് ജനറല് മുഹമ്മദ് ഷാഹിദ് ആലവും ഹജ്ജ് കോണ്സല് വൈ സാബിറും സഊദി ഹജ്ജ് ഉംറ വകുപ്പ് ഉപമന്ത്രി ഡോ. അബ്ദുല് ഫത്താഹ് മശാത്തുമായി കൂടിക്കാഴ്ച്ച നടത്തി.
ഇക്കൊല്ലം ഇന്ത്യയില് നിന്നെത്തുന്ന 79327 തീര്ഥാടകര്ക്കുള്ള സൗകര്യങ്ങള് ഒരുക്കുന്ന കാര്യത്തിലാണ് മന്ത്രിയുമായി ഔദ്യോഗികമായി ചര്ച്ച നടന്നത്. തീര്ത്ഥാടകര്ക്കുള്ള ഒരുക്കങ്ങള് പൂര്ത്തിയാക്കുന്നതില് മന്ത്രാലയത്തിന്റെ ഭാഗത്ത് നിന്ന് പൂര്ണ്ണ പിന്തുണ മന്ത്രി ഉറപ്പ് നല്കി.
ഇതില് 56000 ഇന്ത്യന് ഹജ്ജ് കമ്മിറ്റിക്ക് കീഴിലാണ് ഹജ്ജിനെത്തുന്നത്. ബാക്കിയുള്ള 23327 പേര് സ്വകാര്യ ഹജ്ജ് ഗ്രൂപ്പുകളിലുമായിരിക്കും. നടപടികള് ദ്രുതഗതിയില് പുരോഗമിക്കുകയാണെന്ന് മന്ത്രിയുമായുള്ള കൂടിക്കാഴ്ചക്ക് ശേഷം കോണ്സല് ജനറല് അറിയിച്ചു. ദുല്ഖഅദ് ഒന്നിന് ഇന്ത്യയില് നിന്നുള്ള ഹാജിമാര് പുണ്യ ഭൂമിയില് എത്തിത്തുടങ്ങും.
ഹജ്ജ് ഒരുക്കങ്ങളുടെ ഭാഗമായി വിദേശത്ത് നിന്നുള്ള ഉംറ തീര്ത്ഥാടകര്ക്ക് വിസക്ക് അപേക്ഷ നല്കുന്നത് തിങ്കളാഴ്ച്ച മുതല് നിര്ത്തലാക്കിയിരുന്നു. നിലവില് വിസ ലഭിച്ചവര്ക്ക് ശവ്വാല് 30 വരെ രാജ്യത്തെത്താന് അവസരമുണ്ട്. ദുല്ഖഅദ് അവസാനത്തോടെ എല്ലാ ഉംറ തീര്ത്ഥാടകരും രാജ്യം വിടണമെന്നാണ് നിര്ദേശം. തീര്ത്ഥാടകരെ കൊണ്ടുവന്ന ഉംറ കമ്പനികള്ക്കാണ് ഇതിന്റെ ഉത്തരവാദിത്വം. വീഴ്ച്ച വരുത്തിയാല് കര്ശന നടപടികളാണ്ടാകുമെന്ന് ഹജ്ജ് ഉംറ മന്ത്രാലയം നേരത്തെ മുന്നറിയിപ്പ് നല്കിയിട്ടുണ്ട്.
gulf
ഒമാനില് അപകടം: ട്രക്കുകള് കൂട്ടിയിടിച്ച് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്ക്
സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം
മസ്കത്ത്: ഒമാനിലെ ഷര്ഖിയ ഗവര്ണറേറ്റിലെ ബിദിയയില് നടന്ന ട്രക്ക് കൂട്ടിയിടിയില് രണ്ട് ഏഷ്യന് പൗരന്മാര് ദുരുദേഹിതരായി. സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം. നിസ്വ-മസ്കത്ത് റൂട്ടിലുണ്ടായ അപകടത്തില് അതേ റോഡില് സഞ്ചരിച്ചിരുന്ന അഞ്ച് വാഹനങ്ങള് കൂടി തകര്ന്നു.
അപകടത്തെ തുടര്ന്ന് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്കേറ്റതായും പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയതായും റോയല് ഒമാന് പൊലീസ് (ROP) അറിയിച്ചു. സ്ഥലത്തെ ഗതാഗതം അധികാരികള് തിരിച്ചുവിട്ടിട്ടുണ്ട്. സംഭവത്തില് കൂടുതല് അന്വേഷണം തുടരുകയാണ്.
gulf
ഒരുമാസത്തിനിടെ 1.39 കോടി പേര് ഉംറ നിര്വഹിച്ചു: ഹജ്-ഉംറ മന്ത്രാലയം
ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്.
മക്ക: കഴിഞ്ഞ ഒരുമാസത്തിനിടെ 1.39 കോടിയിലധികം വിശ്വാസികള് ഉംറ നിര്വഹിച്ചതായി ഹജ്-ഉംറ മന്ത്രാലയം അറിയിച്ചു. ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്. ശേഷിക്കുന്നവര് സൗദി സ്വദേശികളെയും സൗദിയില് താമസിക്കുന്ന വിദേശികളെയും ഉള്പ്പെടുന്ന ആഭ്യന്തര തീര്ഥാടകര്. ഒരു വ്യക്തി ഒരിലധികം തവണ ഉംറ നിര്വഹിച്ചിട്ടുണ്ടെങ്കില് അതും മൊത്തം കണക്കില് ഉള്പ്പെടുത്തിയിട്ടുണ്ടെന്ന് മന്ത്രാലയം വ്യക്തമാക്കിയിട്ടുണ്ട്.
gulf
കളഞ്ഞുകിട്ടിയ പണം കൈമാറി; സമൂഹബോധം തെളിയിച്ച ബാലികക്ക് അഭിനന്ദനം
വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
അജ്മാന്: പൊതുസ്ഥലത്ത് കളഞ്ഞുകിടന്ന പണം കണ്ടെത്തി പൊലീസിന് ഏല്പിച്ച ബാലികയെ അജ്മാന് പൊലീസ് ആദരിച്ചു. വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
കുട്ടിയുടെ സത്യസന്ധതയും ഉത്തരവാദിത്വബോധവും പ്രശംസിച്ച് ബ്രിഗേഡിയര് ജനറല് അല് മുഹൈരി അഭിനന്ദനം അറിയിച്ചു. പിതാവടക്കമുള്ള കുടുംബാംഗങ്ങളുടെ സാന്നിധ്യത്തില് പൊലീസ് ഷൈമയ്ക്ക് അഭിനന്ദന സര്ട്ടിഫിക്കറ്റും സമ്മാനവും നല്കി. കുട്ടികളില് മൂല്യബോധം വളര്ത്തുന്നതിനുള്ള കുടുംബത്തിന്റെ പങ്ക് പ്രശംസനീയമാണെന്നും, സമൂഹത്തിലെ പൊതുസ്വത്ത് സംരക്ഷണവും നഷ്ടപ്പെട്ട വസ്തുക്കള് തിരികെ നല്കുന്ന സംസ്കാരവും പ്രോത്സാഹിപ്പിക്കുന്ന മാതൃകാപരമായ പെരുമാറ്റമാണിതെന്ന് അല് മുഹൈരി പറഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala3 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala3 days agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
kerala18 hours agoകൊയിലാണ്ടി എംഎല്എ കാനത്തില് ജമീല അന്തരിച്ചു