Culture
മീടൂ കാമ്പയിന്: മുതിര്ന്ന മലയാള മാധ്യമപ്രവര്ത്തകനെതിരെ വെളിപ്പെടുത്തലുമായി മാധ്യമപ്രവര്ത്തക
തിരുവനന്തപുരം: ദേശീയ തലത്തില് വിവാദമായ മീടൂ കാമ്പയിന് കേരളത്തിലും ശക്തമാകുന്നു. മലയാളത്തിലെ മുതിര്ന്ന മാധ്യമപ്രവര്ത്തകനെതിരെയാണ് ഇപ്പോള് ആരോപണമുയര്ന്നിരിക്കുന്നത്.
മാധ്യമപ്രവര്ത്തക യാമിനി നായരാണ് തന്റെ ഗുരുതുല്യന് കൂടിയായ മാധ്യമപ്രവര്ത്തകന് അപമാനിച്ചുവെന്ന് വെളിപ്പെടുത്തിയത്. തന്റെ ബ്ലോഗിലൂടെയാണ് യുവതിയുടെ വെളിപ്പെടുത്തല്. ആരോപണ വിധേയനായ മാധ്യമപ്രവര്ത്തകന് ഇപ്പോള് പ്രമുഖ ദേശീയ മാധ്യമത്തില് റെസിഡന്റ് എഡിറ്ററാണ്.
സംഭവത്തെക്കുറിച്ച് യുവതി പറയുന്നത് ഇങ്ങനെ:
‘2005ല് ചെന്നൈയില് ഒരു പത്രത്തില് ജോലി ചെയ്യുമ്പോഴാണ് തിരുവനന്തപുരത്ത് നിന്നും ഫോണ് കോള് വരുന്നത്. അദ്ദേഹം ഒരു മുതിര്ന്ന മാധ്യമപ്രവര്ത്തകനാണ്. കൂടാതെ എനിക്ക് ഗുരുതുല്യനും. എം.സി.ജെ കോഴ്സ് കഴിഞ്ഞ ഉടനെ ജോലിക്ക് ചേര്ന്ന എന്നെ വാര്ത്തകള് തയ്യാറാക്കുന്നത് എങ്ങനെ എന്ന് പഠിപ്പിച്ചത് അദ്ദേഹമാണ്.
ജേര്ണലിസം ബിരുദാനന്തര ബിരുദധാരി എന്ന നിലയില് പ്രാക്റ്റിക്കലിനേക്കാളും തിയറിയാണ് കൂടുതല് അറിയുന്നത്. ഞാന് അദ്ദേഹത്തില് നിന്നും ഒരുപാട് പഠിച്ചിരുന്നു. തിരുവനന്തപുരത്തു നിന്നും ചെന്നൈയിലേക്ക് മാറിയ ശേഷവും ആദ്ദേഹവുമായി ഞാന് കോണ്ടാക്റ്റ് സൂക്ഷിച്ചിരുന്നു.
അദ്ദേഹം ചെന്നൈയില് വന്നപ്പോള് എന്നെ കാണണമെന്ന് പറഞ്ഞു വിളിച്ചു. നാട്ടില് നിന്നും വന്ന ഒരാളെ കാണാന് പോകുന്നതില് വല്ലാത്ത ആകാംഷയുണ്ടായിരുന്നു. നാട്ടില് നിന്നും ആദ്യമായി വിട്ടു നില്ക്കുന്നതിനാല് നാടുമായി ബന്ധപ്പെട്ട എല്ലാം എനിക്ക് മിസ് ചെയ്തിരുന്നു.
അന്ന് എനിക്ക് 26 വയസായിരുന്നു. അദ്ദേഹത്തിനു 40 വയസില് കൂടുതലും. അദ്ദേഹം താമസിക്കുന്ന ഗസ്റ്റ് ഹൗസിലേക്ക് എന്നെ ഉച്ചഭക്ഷണം കഴിക്കാന് ക്ഷണിച്ചു. അവിടെ റസ്റ്റോറന്റില് നിന്നും ഞങ്ങള് ഭക്ഷണം കഴിച്ചു. ഉച്ചഭക്ഷണത്തിനു ശേഷം നമ്മുക്ക് റൂമിലിരുന്ന് സംസാരിക്കാമെന്ന് അദ്ദേഹം പറഞ്ഞു. അതില് എനിക്ക് ഒരപകടവും തോന്നിയില്ല. കാരണം അദ്ദേഹം എന്റെ അധ്യാപകനായിരുന്നു. കൂടാതെ പുറം ലോകത്തെക്കുറിച്ച് വളരെ ചെറിയ അറിവായിരുന്നു എനിക്കുണ്ടായിരുന്നത്. റൂമിനരികിലെത്തിയപ്പോള് അദ്ദേഹം എന്നോട് മോശമായി പെരുമാറാന് ആരംഭിച്ചു.
ഓടി രക്ഷപ്പെട്ട ഞാന് നുംഗബക്കത്തുള്ള ഹോസ്റ്റലില് എത്തുന്നത് വരെ കരഞ്ഞു കൊണ്ടായിരുന്നു. നടന്ന സംഭവം എന്റെ റൂം മേറ്റിനോടും ഒരു സുഹൃത്തിനോടും പറഞ്ഞു. അദ്ദേഹവുമായി ഇനി കോണ്ടാക്റ്റ് വെക്കേണ്ട എന്ന് അവര് പറഞ്ഞു. സംഭവം വളരെ ആഴത്തില് എന്നെ വേദനിപ്പിച്ചെന്നും തുടര്ന്ന് സൗഹൃദം സൂക്ഷിക്കാന് താല്പ്പര്യമില്ലെന്നും കാണിച്ച് ഒരു നീണ്ട മെയില് അദ്ദേഹത്തിനയച്ചു.
ഞാന് ‘അത്തരത്തില് ഒന്നും’ വിചാരിച്ചില്ലെന്ന മറുപടിയാണ് എനിക്ക് ലഭിച്ചത്. 13 വര്ഷങ്ങള്ക്കു ശേഷം അദ്ദേഹത്തെ കണ്ടുമുട്ടുമ്പോള് അതേ സ്ഥാപനത്തില് ഉയര്ന്ന പദവിയില് ജോലിയെടുക്കുകയാണ്. ഇന്ന് ഞാന് ആ സംഭവത്തെ എന്റെ ഓര്മയില് നിന്നും കത്തിച്ചു കളഞ്ഞിട്ടുണ്ട്. ആ ട്രോമയെ തരണം ചെയ്തിട്ടുമുണ്ട്. ഇപ്പോള് ഇതെല്ലാം തുറന്നു പറയാന് ഒരു പ്ലാറ്റ്ഫോം ഉണ്ടെന്ന് വിശ്വസിക്കുന്നതു കൊണ്ട് ഷെയര് ചെയ്യുന്നു’; യുവതി പറഞ്ഞു.
ഹോളിവുഡില് നിന്നാണ് മീടൂ ഹാഷ്ടാഗില് ഇത്തരം വെളിപ്പെടുത്തല് ഇന്ത്യയിലും പ്രചാരത്തിലെത്തിയത്. തൊഴിലിടങ്ങളില് സ്ത്രീകള് നേരിടേണ്ടിവരുന്ന ലൈംഗികാതിക്രമങ്ങളുടേയും ചൂഷണങ്ങളുടേയും തുറന്നുപറച്ചിലുകള് എന്ന നിലക്കാണ് മീടൂ സമൂഹമാധ്യമങ്ങളില് ചര്ച്ചയാകുന്നത്.
kerala
ശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ളയില് സി.പി.എം നേതാവും ദേവസ്വം ബോര്ഡ് പ്രസിഡന്റും എം.എല്.എയുമായിരുന്ന പത്മകുമാറിന്റെ അറസ്റ്റോടെ കേരളം അമ്പരന്നു നില്ക്കുകയാണെന്ന് പ്രതിപക്ഷ നേതാവ് വി ഡി സതീശന്. ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ള നടന്നത് സിപിഎമ്മിന്റെ അറിവോടെയാണെന്നെന്നും സതീശന് പറഞ്ഞു. കടകംപള്ളി സുരേന്ദ്രനെയാണ് ഇനി ചോദ്യം ചെയ്യേണ്ടതെന്നും മന്ത്രി വാസവനും അറിവുണ്ടെന്നും വി.ഡി സതീശന് പറഞ്ഞു.
ശബരിമല സ്വര്ണക്കൊള്ളയില് മുഖ്യമന്ത്രി പിണറായി വിജയന് എന്തുകൊണ്ട് മൗനം പാലിക്കുന്നു. സ്വന്തം നേതാക്കള് ജയിലിലേക്ക് പോകുമ്പോള് പാര്ട്ടിക്ക് ഒരു കുഴപ്പവുമില്ലെന്ന് പറയാന് എം.വി ഗോവിന്ദന് മാത്രമേ കഴിയൂവെന്നും വി.ഡി സതീശന് പരിഹസിച്ചു. എന്തുകൊണ്ട് ദേവസ്വം ബോര്ഡ് പോറ്റിക്കെതിരെ പരാതി നല്കിയില്ലെന്നും പോറ്റി കുടുങ്ങിയാല് പലരും കുടുങ്ങും എന്ന് സിപിഎമ്മിന് അറിയാമായിരുന്നുവെന്നും അദ്ദേഹം കൂട്ടിച്ചേര്ത്തു.
Film
‘ഹനുമാനെ വിശ്വസിക്കുന്നില്ല’; രാജമൗലിയുടെ പ്രസ്താവനയില് പരാതി
ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്
വാരണസി: ചലച്ചിത്ര സംവിധായകന് എസ്.എസ്. രാജമൗലി നടത്തിയ പ്രസ്താവന വിവാദത്തില്. വരാനിരിക്കുന്ന ‘വാരണസി’ എന്ന ചിത്രത്തിന്റെ ടീസര് ലോഞ്ച് ചടങ്ങില്’ എനിക്ക് ദൈവമായ ഹനുമാനില് വിശ്വാസമില്ല’ എന്ന രാജമൗലിയുടെ വാക്കുകളാണ് വിവാദത്തിന് ഇടയായത്. ഈ പ്രസ്താവന ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്. ഹൈദരാബാദിലെ രാമോജി ഫിലിം സിറ്റിയില് നവംബര് 15ന് നടന്ന ‘ Globe Trotter ‘ എന്നാണ് ഇവന്റ്.
ലോകത്തിന്റെ വിവിധ ഭാഗങ്ങളില് നിന്ന് ആയിരക്കണക്കിന് ആളുകള് പങ്കെടുത്ത വന് വേദിയില് ചിത്രത്തിന്റെ ടീസറും ‘കുംബ’ എന്ന ടൈറ്റിലും പുറത്തിറക്കിയിരുന്നു. സാങ്കേതിക പ്രശ്നങ്ങള് നേരിട്ട സമയത്താണ് രാജമൗലി വിവാദമായി മാറിയ പ്രസ്താവന നടത്തിയതെന്ന് പരാതിയില് ചൂണ്ടിക്കാണിക്കുന്നു. ‘സംവിധായകന് രാജമൗലി ഹിന്ദു മതവികാരങ്ങളെ വൃണപ്പെടുത്തി എന്നാരോപിച്ച് പരാതി ലഭിച്ചിട്ടുണ്ട്. ഇതുവരെ കേസായി രജിസ്റ്റര് ചെയ്തിട്ടില്ല.
സംഭവത്തിന്റെ നിജസ്ഥിതി പരിശോധിച്ചു വരുന്നു’ എന്ന് വാരണസി പൊലീസിന്റെ വക്താവ് അറിയിച്ചു. ചടങ്ങില് പ്രധാന താരങ്ങള് ആയിരുന്ന മഹേഷ് ബാബു, പൃഥ്വിരാജ് സുകുമാരന്, പ്രിയങ്ക ചോപ്ര എന്നിവരുടെ സാന്നിധ്യം ഇവന്റിനെ ദേശീയ തലത്തില് തന്നെ ശ്രദ്ധേയമാക്കി. ചിത്രത്തില് പ്രിയങ്ക ചോപ്ര മന്ദാകിനിയായി, പൃഥ്വിരാജ് സുകുമാരന് കുംബയായി പ്രത്യക്ഷപ്പെടും. 2027ലെ സങ്ക്രാന്തി റിലീസിനായി ‘വാരണസി’ ഒരുക്കപ്പെടുന്നുണ്ട്. എന്നാല് ചിത്രത്തെക്കാള് വലിയ ചര്ച്ചയാകുന്നത് സംവിധായകന്റെ പ്രസ്താവനയും അതിനുശേഷം ഉയര്ന്ന പ്രതിഷേധങ്ങളുമാണ്.
Film
മമ്മൂട്ടി-വിനായകന് ചിത്രം ‘കളങ്കാവല്’: വിനായകന് ചെയ്ത വേഷം ആദ്യം പൃഥ്വിരാജിനായി കരുതിയതെന്ന് സംവിധായകന്
ണ്ട് പ്രധാന കഥാപാത്രങ്ങളാണ് ചിത്രത്തില് ഉള്ളത്, അവയില് ഒന്നിന് പൃഥ്വിരാജ് അനുയോജ്യമെന്നാണ് ടീമിന് തോന്നിയത്. എന്നാല് മമ്മൂട്ടിയുടെ ഡേറ്റ് ലഭിച്ച സമയത്ത് പൃഥ്വിരാജ് മറ്റ് സിനിമകളില് തിരക്കിലായിരുന്നതിനാല് ആ വേഷം നടന് ചെയ്യാനായില്ല.
മമ്മൂട്ടിയും വിനായകനും പ്രധാന വേഷങ്ങളില് എത്തുന്ന ‘കളങ്കാവല്’യെ കുറിച്ച് സംവിധായകന് ജിതിന് കെ. ജോസ് രസകരമായ വിവരങ്ങള് പങ്കുവെച്ചു. സംവിധായകന്റെ പറയുന്നതനുസരിച്ച്, ഇപ്പോള് വിനായകന് അവതരിപ്പിച്ചിരിക്കുന്ന കഥാപാത്രം ആദ്യം പൃഥ്വിരാജിനെക്കായിരുന്നാണ് പദ്ധതിയിട്ടിരുന്നത്. രണ്ട് പ്രധാന കഥാപാത്രങ്ങളാണ് ചിത്രത്തില് ഉള്ളത്, അവയില് ഒന്നിന് പൃഥ്വിരാജ് അനുയോജ്യമെന്നാണ് ടീമിന് തോന്നിയത്. എന്നാല് മമ്മൂട്ടിയുടെ ഡേറ്റ് ലഭിച്ച സമയത്ത് പൃഥ്വിരാജ് മറ്റ് സിനിമകളില് തിരക്കിലായിരുന്നതിനാല് ആ വേഷം നടന് ചെയ്യാനായില്ല. തുടര്ന്ന് മമ്മൂട്ടിയുടെ നിര്ദേശപ്രകാരം കഥാപാത്രം വിനായകനായി മാറി. വേഷനിര്ണ്ണയത്തിനെക്കുറിച്ചും സംവിധായകന് പറഞ്ഞു. ഒരുകഥാപാത്രത്തിന് മമ്മൂട്ടി ഏറ്റവും അനുയോജ്യനാണെന്ന് തോന്നിയതിനാല് എക്സിക്യൂട്ടീവ് പ്രൊഡ്യൂസര് വിവേക് ദാമോദരന് വഴിയാണ് മമ്മൂട്ടിയെ സമീപിച്ചത്. ഇതിനകം തന്നെ തങ്ങള്ക്ക് മനസ്സിലുണ്ടായിരുന്നതുപോലെ തന്നെയാണ് പൃഥ്വിരാജും ആ വേഷം മമ്മൂക്ക ചെയ്യണം എന്ന് നിര്ദേശിച്ചതെന്നും അദ്ദേഹം വെളിപ്പെടുത്തി. ജിതിന് കെ. ജോസ് പറഞ്ഞു പോലെ, വിനായകന് അവതരിപ്പിച്ച വേഷം തന്നെയാണ് ആദ്യം പൃഥ്വിരാജിന് പരിഗണിച്ചത്. മമ്മൂട്ടി കമ്പനി നിര്മിച്ച ‘കളങ്കാവല്’ നവംബര് 27ന് തീയേറ്ററുകളില് റിലീസ് ചെയ്യും.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala15 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala2 days agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala14 hours agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala12 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala2 days agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്