Video Stories
അസ്ഹറുദ്ദീന് മിന്നി; തകര്ത്തു കേരളം

കട്ടക്ക്: രഞ്ജി ട്രോഫിയില് ത്രിപുരയ്ക്കെതിരെ കേരളത്തിന് തകര്പ്പന് ജയം. ഏഴ് വിക്കറ്റിനാണ് കേരളം ത്രിപുരയെ തകര്ത്ത് സീസണിലെ ആദ്യ വിജയം സ്വന്തമാക്കിയത്. രണ്ടാം ഇന്നിങ്സില് 183 റണ്സ് വിജയലക്ഷ്യവുമായിറങ്ങിയ കേരളം നാലാം ദിനം മൂന്ന് വിക്കറ്റ് നഷ്ടത്തില് വിജയലക്ഷ്യം മറികടക്കുകയായിരുന്നു.
കേരള ഓപ്പണര് മുഹമ്മദ് അസ്ഹറുദ്ദീന് ഒരു റണ്സകലെ വച്ച് സെഞ്ച്വറി നഷ്ടമായത് വിജയത്തിനിടയിലും കേരളത്തിന് നോവായി. 125 പന്തില് 15 ബൗണ്ടറികളുടെ സഹായത്തോടെയാണ് അസ്ഹറുദ്ദീന് 99 റണ്സെടുത്തത്. വിജയത്തോടെ നിര്ണ്ണായകമായ ആറ് പോയന്റുകള് സ്വന്തമാക്കിയ കേരളം എലൈറ്റ് ഗ്രൂപ്പ് പ്രതീക്ഷകള് സജീവമാക്കി. ഒന്നാം ഇന്നിംഗ്സില് ലീഡ് വഴങ്ങിയതിന് ശേഷമാണ് കേരളത്തിന്റെ അതിഗംഭീര തിരിച്ചുവരവ്. സ്കോര്: ത്രിപുര 213, 162, കേരളം 193, 183/3
വിക്കറ്റ് നഷ്ടം കൂടാതെ 117 റണ്സ് എന്ന നിലയില് ബാറ്റിംഗ് തുടങ്ങിയ കേരളത്തിന് അസ്ഹറുദ്ദീനെ കൂടാതെ ഓപണര് ഭവിന് താക്കറിന്റെയും (47) ജലജ് സക്സേനയുടെയും (05) വിക്കറ്റുകളാണ് നഷ്ടമായത്. താക്കര് 129 പന്തില് ഏഴ് ബൗണ്ടറികളുടെ സഹായത്തോടെ 47 റണ്സെടുത്തു. 15 റണ്സുമായി സല്മാന് നിസാറും ഒന്പത് റണ്സുമായി സച്ചിന് ബേബിയും പുറത്താകാതെ നിന്നു. സൂപ്പര് താരം സഞ്ജു സാംസണ് ഇല്ലാതെയാണ് കേരള ടീമിന് സീസണില് ആദ്യ വിജയം സ്വന്തമാക്കാനായതെന്നതും മത്സരത്തിന്റെ പ്രത്യേകതയാണ്. ആദ്യ ഇന്നിങ്സില് 213 റണ്സെടുത്ത ത്രിപുര കേരളത്തെ 193 റണ്സിലൊതുക്കിയിരുന്നു. എന്നാല് രണ്ടാം ഇന്നിംഗ്സില് കേരള ബൗളിംഗ് ആക്രമണത്തിന് മുന്നില് ത്രിപുര കേവലം 162 റണ്സിന് തകരുകയായിരുന്നു. 7.1 ഓവറില് 16 റണ്സ് മാത്രം വഴങ്ങി നാലു വിക്കറ്റ് വീഴ്ത്തിയ അക്ഷയ് ചന്ദ്രന്, 14 ഓവറില് 32 റണ്സ് വഴങ്ങി മൂന്നു വിക്കറ്റ് പിഴുത ഇഖ്ബാല് അബ്ദുല്ല എന്നിവരാണ് ത്രിപുര ബാറ്റിങ് നിരയെ തകര്ത്തത്. അക്ഷയ് ചന്ദ്രന് ആദ്യ ഇന്നിങ്സില് 36 റണ്സും നേടിയിരുന്നു. സന്ദീപ് വാര്യര്, ബേസില് തമ്പി എന്നിവര് ഓരോ വിക്കറ്റ് സ്വന്തമാക്കി.
Video Stories
കട്ടപ്പനയില് ലിഫ്റ്റ് തകര്ന്ന് സ്വര്ണ വ്യാപാരിക്ക് ദാരുണാന്ത്യം
പവിത്ര ഗോള്ഡ് എം ഡി സണ്ണി ഫ്രാന്സിസ് (64) ആണ് മരിച്ചത്.

ഇടുക്കി കട്ടപ്പനയില് ലിഫ്റ്റിനുള്ളില് അകപ്പെട്ട് സ്വര്ണ വ്യാപാരിക്ക് ദാരുണാന്ത്യം. പവിത്ര ഗോള്ഡ് എം ഡി സണ്ണി ഫ്രാന്സിസ് (64) ആണ് മരിച്ചത്.
ഇന്ന് ഉച്ചയോടെയാണ് അപകടം. സ്ഥാപനത്തിലെ ലിഫ്റ്റ് തകരാറിലായത് പരിശോധിക്കാന് സണ്ണി ലിഫ്റ്റിനുള്ളിലേക്ക് കയറിയ അതേ സമയം, ലിഫ്റ്റ് മുകളിലത്തെ നിലയിലേക്ക് അതിവേഗം ഉയര്ന്നുപൊങ്ങി ഇടിച്ചു നിന്നു. ഇതിനിടെ ലിഫ്റ്റിലേക്കുള്ള വൈദ്യുതിയും മുടങ്ങി.
ലിഫ്റ്റ് വെട്ടിപ്പൊളിച്ച് സണ്ണിയെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ലിഫ്റ്റില് തലയിടിച്ചതാണ് മരണത്തിന് ഇടയാക്കിയതെന്നാണ് പ്രാഥമിക വിവരം.
News
യമാല് ബാഴ്സയില് തുടരും; ക്ലബ്ബുമായി കരാര് പുതുക്കി
ഇതോടെ 2031 വരെ യാമില് ബാഴ്സയില് തന്നെ തുടരും.

ബാഴ്സലോണ: സ്പാനിഷ് ക്ലബ് ബാഴ്സലോണയുമായി കരാര് പുതുക്കി 17 കാരന് ലാമിന് യമാല്. ഇതോടെ 2031 വരെ യാമില് ബാഴ്സയില് തന്നെ തുടരും. സീസണ് അവസാനിക്കവേയാണ് കാറ്റാലന് ക്ലബ്ബുമായി ആറുവര്ഷത്തെക്ക് പുതിയ കരാറിലേക്കെത്തിയത്.
2023ല് 15ാം വയസ്സിലാണ് യമാല് ബാഴ്സയിലേക്ക് ചുവടുവെക്കുന്നത്. ലാ ലിഗയില് 55 മത്സരങ്ങളില്നിന്നായി 18 ഗോളുകളും 25 അസിസ്റ്റുകളുമാണ് താരം നേടിയെടുത്തത്. ഹാന്സി ഫല്ക്ക് പരിശീലകനായി ചുമതലയെറ്റ ആദ്യ സീസണില് തന്നെ ലാ ലിഗ, കോപ ഡെല് റേ, സ്പാനിഷ് സൂപ്പര് കപ്പ് കിരീടങ്ങള് നേടി ടീം ശക്തി പ്രാപിച്ചു. ഈ ടീമുകളില് തന്നെ ചരിത്രത്തില് ഗോള് നേടുന്ന ഏറ്റവും പ്രായം കുറഞ്ഞ താരമെന്ന റെക്കോഡും യമാലിന് സ്വന്തമാണ്.
ജൂലൈയില് 18 വയസ്സ് പൂര്ത്തിയാകുന്ന യമാല് ബാഴ്സയ്ക്കായി 100 മത്സരങ്ങള് കളിക്കുന്ന പ്രായം കുറഞ്ഞ കായികതാരം കൂടിയാണ്. വ്യത്യസ്ത ചാമ്പ്യന്ഷിപ്പുകളിലായി 115 മത്സരങ്ങളില് നിന്ന് 25 ഗോളുകളാണ് യമാല് നേടിയത്. സ്പെയിന് ദേശീയ ടീമിനായി 19 മത്സരങ്ങള് കളിച്ചു. 2024 യൂറോ കപ്പില് ഇംഗ്ലണ്ടിനെ തോല്പ്പിച്ച് കിരീടം നേടിയ സ്പെയിന് ദേശിയ ടീമിലും അംഗമായിരിന്നു. ഇത്തവണത്തെ ബാലന് ഡി യോര് സാധ്യത പട്ടികയിലും യമാല് മുന്നിലുണ്ട്.
ക്ലബ് പ്രസിഡന്റ ജൊവാന് ലപോര്ട്ട, സ്പോര്ട്ടിങ് ഡയറക്ടര് ഡെകോ എന്നിവരുടെ സാന്നിധ്യത്തിലാണ് യമാല് ക്ലബുമായുള്ള കരാര് പുതുക്കിയത്.
film
രാജ്യസഭയിലേക്ക് കമല് ഹാസന്; സ്ഥാനാര്ത്ഥിത്വം പ്രഖ്യാപിച്ച് എംഎന്എം
തീരുമാനം ഡിഎംകെയുമായുള്ള ധാരണയില്

കമല്ഹാസന് രാജ്യസഭയിലേക്ക്. കമല് ഹാസനെ പാര്ട്ടിയുടെ രാജ്യസഭാ സ്ഥാനാര്ത്ഥിയായി മക്കള് നീതി മയ്യം പ്രഖ്യാപിച്ചു. ഡിഎംകെ പിന്തുണയോടെയാണ് കമല് ഹാസന് രാജ്യസഭയിലേക്കെത്തുന്നത്.
രാജ്യസഭയില് ഒഴിവുവന്ന എട്ട് സീറ്റുകളിലേക്കാണ് ജൂണ് 19-ന് തെരഞ്ഞെടുപ്പ് നടക്കുന്നത്. അന്നുതന്നെയായിരിക്കും വോട്ടെണ്ണലും നടക്കുക. തമിഴ്നാട്ടിലെ ആറ് സീറ്റുകളില് നാലെണ്ണം ഡിഎംകെ നേതൃത്വം നല്കുന്ന മുന്നണിക്കായിരിക്കും ലഭിക്കുക. ഇതില് ഒരു സീറ്റിലേക്കാണ് കമല്ഹാസന് എത്തുക.
2024 ലെ ലോക്സഭാ തെരഞ്ഞെടുപ്പിന് മുമ്പുള്ള ചര്ച്ചകള്ക്കിടെ ഭരണകക്ഷിയായ ഡിഎംകെ എംഎന്എമ്മിന് ഒരു രാജ്യസഭാ സീറ്റ് അനുവദിച്ചിരുന്നു. എംഎന്എം ലോക്സഭാ തിരഞ്ഞെടുപ്പില് മത്സരിച്ചില്ല, പകരം രാജ്യസഭാ സീറ്റ് നല്കുകയായിരുന്നു.
നിര്വാഹക സമിതി അംഗങ്ങള് ഡിഎംകെയുടെയും മറ്റ് സഖ്യകക്ഷികളുടെയും പിന്തുണയും കമല് ഹാസന് തേടി.
-
film3 days ago
രാമനെ അറിയില്ല, രാവണനാണ് നായകന്; പുതിയ റാപ്പിനെ കുറിച്ച് റാപ്പര് വേടന്
-
kerala3 days ago
ജുബൈലില് കോഴിക്കോട് സ്വദേശിനി മരണപ്പെട്ടു
-
kerala3 days ago
കരുവന്നൂര് കള്ളപ്പണക്കേസ്: ഇഡി അന്തിമ കുറ്റപത്രം സമര്പ്പിച്ചു, 3 സിപിഎം മുന് ജില്ലാ സെക്രട്ടറിമാര് പ്രതികള്
-
india2 days ago
പാകിസ്ഥാന് രഹസ്യാന്വേഷണ ഉദ്യോഗസ്ഥരുമായി തന്ത്രപ്രധാനമായ വിവരങ്ങള് പങ്കുവെച്ചു; സിആര്പിഎഫ് ഉദ്യോഗസ്ഥനെ എന്ഐഎ അറസ്റ്റ് ചെയ്തു
-
kerala2 days ago
ഡ്രൈവിങ്ങിനിടെ ഫോണിലൂടെ സംസാരിച്ച കെഎസ്ആര്ടിസി ഡ്രൈവറെ സസ്പെന്ഡ് ചെയ്തു
-
kerala3 days ago
കപ്പലപകടം; കണ്ടെയ്നറുകള് കൊല്ലത്തെയും ആലപ്പുഴയിലെയും തീരത്തടിയുന്നു; ജാഗ്രത പാലിക്കണമെന്ന് പൊലീസ്
-
kerala3 days ago
നിലമ്പൂര് ഉപതെരഞ്ഞെടുപ്പ്; ‘യുഡിഎഫ് സ്ഥാനാര്ത്ഥിയെ ഇന്ന് പ്രഖ്യാപിക്കും’; സണ്ണി ജോസഫ്
-
kerala3 days ago
മാനന്തവാടിയില് യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി