Video Stories
റെയില്വേ സ്റ്റേഷനുകളില് ആധുനിക സൗകര്യങ്ങള് സജ്ജമായി

തിരുവനന്തപുരം: സംസ്ഥാനത്തെ വിവിധ സ്റ്റേഷനുകളില് യാത്രക്കാര്ക്കായി പുതുതായി ഏര്പ്പെടുത്തിയ സൗകര്യങ്ങളുടെ ഉദ്ഘാടനം കേന്ദ്ര റെയില്വേ മന്ത്രി സുരേഷ് പ്രഭുവും മുഖ്യമന്ത്രി പിണറായി വിജയനും ചേര്ന്ന് നിര്വഹിച്ചു. തിരുവനന്തപുരം സെന്ട്രല് റെയില്വേ സ്റ്റേഷനിലെ സ്ത്രീസഹായ കേന്ദ്രത്തിന്റെ ഉദ്ഘാടനം മന്ത്രിമാര് നേരിട്ടു നിര്വഹിച്ചപ്പോള് കൊല്ലം റെയില്വേ സ്റ്റേഷനില് വൈഫൈ സൗകര്യം, ട്രെയിന് വിവരങ്ങള് നല്കാന് ലെഡ് ഡിസ്പ്ലേ ബോര്ഡുകള്,
സ്ത്രീകളുടെ നവീകരിച്ച കാത്തിരിപ്പുകേന്ദ്രം, കണ്ണൂര് റെയില്വേ സ്റ്റേഷനില് എസ്കലേറ്റര്, എറണാകുളം ടൗണ് റെയില്വേ സ്റ്റേഷനില് കുടുംബശ്രീയുടെ സഹകരണത്തോടെ പണമടച്ച് ഉപയോഗിക്കാവുന്ന എയര് കണ്ടീഷന്ഡ് വെയിറ്റിംഗ് ഹാള് എന്നിവയുടെ ഉദ്ഘാടനം സെന്ട്രല് റെയില്വേ സ്റ്റേഷനില് നടന്ന ചടങ്ങില് വീഡിയോ കോണ്ഫറന്സിംഗിലൂടെയാണ് നിര്വഹിച്ചത്.
റെയില്വേയുമായി ബന്ധപ്പെട്ട എല്ലാവിധ യാത്രാ വിവരങ്ങളും സുരക്ഷാ സഹായവും ഈ സഹായകേന്ദ്രം നല്കും. പുതിയ ബുക്കിംഗ് ഓഫീസിനു സമീപത്താണ് മുഴുവന് സമയവും പ്രവര്ത്തിക്കുന്ന സഹായകേന്ദ്രം. മുലയൂട്ടുന്ന അമ്മമാര്ക്ക് മുറി, വീല് ചെയറുകള്, ചുമട്ടുതൊഴിലാളികളുടെ വേഗത്തിലുള്ള സേവനം ഉറപ്പാക്കല്, പ്രീപെയ്ഡ് ഓട്ടോയും ടാക്സിയും വേഗത്തില് ലഭ്യമാക്കല് എന്നിവ ഈ സഹായകേന്ദ്രത്തില് നിന്നുള്ള പ്രത്യേക സഹായങ്ങളായിരിക്കും.
റെയില്വേ ഹെല്പ്പ്് ലൈന് നമ്പറുകളായ 138, 182 എന്നിവയ്്ക്കു പുറമേ സ്ത്രീകള്ക്കു മാത്രമായി 9567869385 എന്ന പ്രത്യേക മുഴുവന് സമയ ഹെല്പ്പ് ലൈന് നമ്പറും ഉണ്ടായിരിക്കും. തിരുനെല്വേലി, കന്യാകുമാരി എന്നിവ മുതല് ഷൊര്ണൂര് വരെ തിരുവനന്തപുരം ഡിവിഷനില് എവിടെയുള്ള സ്ത്രീയാത്രക്കാര്ക്കും അടിയന്തര ഘട്ടങ്ങളില് ഈ ഹെല്പ്പ് ലൈന് നമ്പര് ഉപയോഗിക്കാം. കൊല്ലം സ്റ്റേഷന് വളപ്പിലായിരിക്കുമ്പോള് യാത്രക്കാര്ക്ക് വൈഫൈ സൗകര്യം ഉറപ്പാക്കും.
പത്തൊമ്പത് സ്റ്റേഷനുകളില് 6.5 കോടി മുടക്കി എല്.ഇ.ഡി അടിസ്ഥാനമാക്കിയുള്ള വിവര പ്രദര്ശന ബോര്ഡുകള് സ്ഥാപിക്കുന്നതില് കൊല്ലത്തേയും ഉള്പ്പെടുത്തിയിരുന്നു. തിരുവനന്തപുരം ഡിവിഷനില് തിരുവനന്തപുരത്തിനു ശേഷം ഈ സൗകര്യം നടപ്പാകുന്ന രണ്ടാമത്തെ സ്റ്റേഷനാണ് കൊല്ലം. എറണാകുളം ജംഗ്ഷന്, തൃശൂര് സ്റ്റേഷനുകളിലും വൈകാതെ സമാനമായ ബോര്ഡുകള് സ്ഥാപിക്കും.കൊല്ലം റെയില്വേ സ്റ്റേഷനിലെ സ്ത്രീകളുടെ കാത്തിരിപ്പുകേന്ദ്രവും യാത്രക്കാര്ക്ക് തുറന്നുകൊടുത്തു.
1.82 കോടി രൂപ ചെലവിട്ടാണ് കണ്ണൂര് റെയില്വേ സ്റ്റേഷനില് സ്ഥാപിച്ച എസ്കലേറ്റര് പ്രവര്ത്തനസജ്ജമായി. പ്രതിദിനം ഏകദേശം 3000 യാത്രക്കാര് വന്നുപോകുന്ന സ്റ്റേഷനില് മിനിറ്റില് 100 യാത്രക്കാര്ക്ക് സഞ്ചരിക്കാന് കഴിയുന്ന എസ്കലേറ്ററാണ് സജ്ജീകരിച്ചിരിക്കുന്നത്. എറണാകുളം ടൗണ് സ്റ്റേഷനില് കുടുംബശ്രീയുമായി ചേര്ന്ന് പണം നല്കി ഉപയോഗിക്കുന്ന എ.സി വിശ്രമ കേന്ദ്രവും ഇന്നലെ തുറന്നു.
ശീതീകരിച്ച കാത്തിരിപ്പു കേന്ദ്രം പ്രവര്ത്തിപ്പിക്കുന്നതും പരിപാലിക്കുന്നതും കുടുംബശ്രീ മിഷന് പ്രവര്ത്തകരായിരിക്കും. സൗജന്യ വൈഫൈ, കുട്ടികള്ക്ക് കളിക്കാനുള്ള സ്ഥലം, ലഘു ലൈബ്രറി, ട്രെയിന് ഓണ് കോള് സേവനം, പുരുഷന്മാര്ക്കും സ്ത്രീകള്ക്കുമുള്ള വൃത്തിയാകല് സൗകര്യങ്ങള്, മുലയൂട്ടല് സൗകര്യം, കുട്ടികള്ക്കു വസ്ത്രം മാറ്റല് മുറി, തീവണ്ടികളുടെ വരവും പോക്കും സമയങ്ങള് അറിയിക്കുന്ന ഡിജിറ്റല് പ്രദര്ശന ബോര്ഡ് തുടങ്ങി രാജ്യത്തെ മറ്റു പ്രധാന സ്റ്റേഷനുകളില് ലഭിക്കുന്ന എല്ലാ സൗകര്യങ്ങള്ക്കുമായി മണിക്കൂറില് ഒരാള്ക്ക് 20 രൂപയാണ് ഈടാക്കുന്നത്.
kerala
സംസ്ഥാനത്ത് ശക്തമായ മഴ തുടരും, ഇന്ന് നാല് ജില്ലകളില് യെല്ലോ അലര്ട്ട്

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. തെക്കന് ജാര്ഖണ്ഡിന് മുകളിലായി ചക്രവാത ചുഴിയുടെ സ്വാധീന ഫലമായി വടക്കന് കേരളത്തിലെ നാല് ജില്ലകളില് ഇന്ന് യെല്ലോ അലര്ട്ടാണ്. കോഴിക്കോട്, വായനാട്, കണ്ണൂര്, കാസര്ഗോഡ് ജില്ലകളിലാണ് യെല്ലോ മുന്നറിയിപ്പുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഈ ജില്ലകളില് 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
കേരളത്തിന് മുകളില് മണിക്കൂറില് പരമാവധി 40 മുതല് 50 കിലോമീറ്റര് വരെ വേഗതയില് കാറ്റ് ശക്തമാകാനും സാധ്യതയുണ്ട്. ശനിയാഴ്ച വരെ സംസ്ഥാനത്ത് വ്യാപക മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. വിവിധ ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്. കണ്ണൂര്, കാസര്കോട് ജില്ലകളില് ശനിയാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും, മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.
News
മമദാനിയുടെ യുഎസ് പൗരത്വം എടുത്തുകളയാനുള്ള സാധ്യത തേടി ട്രംപ് ഭരണകൂടം
ഫെഡറല് ഇമിഗ്രേഷന് അധികാരികളെ വെല്ലുവിളിച്ചാല് ന്യൂയോര്ക്ക് സിറ്റി മേയര് സ്ഥാനാര്ത്ഥി സൊഹ്റാന് മമദാനിയെ അറസ്റ്റ് ചെയ്യുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തി.

ന്യൂയോര്ക്ക് സിറ്റിയിലെ ഡെമോക്രാറ്റിക് മേയര് സ്ഥാനാര്ത്ഥി സൊഹ്റാന് മമദാനിയുടെ യുഎസ് പൗരത്വം നീക്കം ചെയ്യാനുള്ള സാധ്യത തേടി ട്രംപ് ഭരണകൂടം.
ഫെഡറല് ഇമിഗ്രേഷന് അധികാരികളെ വെല്ലുവിളിച്ചാല് ന്യൂയോര്ക്ക് സിറ്റി മേയര് സ്ഥാനാര്ത്ഥി സൊഹ്റാന് മമദാനിയെ അറസ്റ്റ് ചെയ്യുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തി.
നഗരത്തിലെ രേഖകളില്ലാത്ത കുടിയേറ്റക്കാരെ അറസ്റ്റ് ചെയ്യാന് ഐസിഇ (ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ്) അനുവദിക്കാന് മമദാനി വിസമ്മതിക്കുന്നത് നിയമപരമായ പ്രത്യാഘാതങ്ങള്ക്ക് ഇടയാക്കുമെന്ന് മാധ്യമപ്രവര്ത്തകരോട് സംസാരിക്കവെ ട്രംപ് പറഞ്ഞു. ”ശരി, അപ്പോള് നമുക്ക് അദ്ദേഹത്തെ അറസ്റ്റ് ചെയ്യേണ്ടിവരും,” മമദാനിയെക്കുറിച്ച് ചോദിച്ചപ്പോള് ട്രംപ് പറഞ്ഞു. ‘നമുക്ക് ഈ രാജ്യത്ത് ഒരു കമ്മ്യൂണിസ്റ്റുകാരനെ ആവശ്യമില്ല, പക്ഷേ ഞങ്ങള്ക്ക് ഒരാളുണ്ടെങ്കില്, രാഷ്ട്രത്തിനുവേണ്ടി ഞാന് അവനെ വളരെ ശ്രദ്ധാപൂര്വ്വം നിരീക്ഷിക്കും.’
മമദാനിയുടെ പൗരത്വത്തെക്കുറിച്ച് അന്വേഷണം നടത്താനുള്ള സാധ്യതയും ട്രംപ് ഭരണകൂടം സൂചിപ്പിച്ചിട്ടുണ്ട്. വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ്, റിപ്പബ്ലിക്കന് കോണ്ഗ്രസ് അംഗം ആന്ഡി ഓഗ്ലെസിനോട് പ്രതികരിച്ചു, മമദാനിയുടെ പൗരത്വം റദ്ദാക്കണമെന്ന് അദ്ദേഹം നിര്ദ്ദേശിച്ചു, അദ്ദേഹത്തിന്റെ സ്വാഭാവികവല്ക്കരണ പ്രക്രിയയില് ‘ഭീകര’ സഹതാപം മറച്ചുവെച്ചെന്ന് ആരോപിച്ചു.
Video Stories
കഠിനം, തീവ്രം, അസഹ്യം..ഞാൻ വളരെ പരിഭ്രാന്തിയിലാണ്”, ഭീകര ലുക്കില് രശ്മിക മന്ദാന; ‘മൈസ’ ഫസ്റ്റ് ലുക്ക് ട്രെൻഡിങ്
ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും റിലീസ് ചെയ്തിട്ടുണ്ട്. ‘മൈസ’ എന്നാണ് ചിത്രത്തിന്റെ പേര്.

വെള്ളിത്തിരയിൽ എത്തി വളരെ ചുരുങ്ങിയ കാലം കൊണ്ട് തന്നെ സൗത്ത് ഇന്ത്യൻ സിനിമയിൽ ഒരു പ്രമുഖ സ്ഥാനം നേടിയെടുത്ത നടിയാണ് രശ്മിക മന്ദാന. നാഷണൽ ക്രഷ് എന്ന് ആരാധകർ വിളിക്കുന്ന രശ്മിക തന്റെ കരിയറിൽ ഇതുവരെ ചെയ്തതിൽ നിന്നും വ്യത്യസ്തമായൊരു വേഷത്തിലെത്തുന്നു. ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും റിലീസ് ചെയ്തിട്ടുണ്ട്. ‘മൈസ’ എന്നാണ് ചിത്രത്തിന്റെ പേര്.
ദുൽഖർ സൽമാനാണ് മൈസയുടെ മലയാളം പോസ്റ്റർ റിലീസ് ചെയ്തതത്. വളരെ ബോൾഡ് ആയിട്ടുള്ള വേഷത്തിലാണ് പടത്തിൽ രശ്മിക എത്തുന്നതെന്നാണ് പോസ്റ്റർ സൂചിപ്പിക്കുന്നത്. ഫസ്റ്റ് ലുക്ക് ഇതിനകം ഏറെ ട്രെൻഡിങ് ആയി കഴിഞ്ഞു. മലയാളത്തിന് പുറമെ ഹിന്ദി, തെലുഗു, കന്നഡ, തമിഴ് ഭാഷകളിലും ചിത്രം റിലീസ് ചെയ്യും. രവീന്ദ്ര പുല്ലെ സംവിധാനം ചെയ്യുന്ന ചിത്രം അജയ്, അനിൽ സയ്യാപുരെഡ്ഡി എന്നിവർ ചേർന്നാണ് നിർമിക്കുന്നത്. സഹനിർമ്മാണം – സായി ഗോപ, ബാനർ- ആൺഫോർമുല ഫിലിംസ്, പി ആർ ഒ- വൈശാഖ് വടക്കേവീട് & ജിനു അനിൽകുമാർ
കഴിഞ്ഞ ദിവസമായിരുന്നു രശ്മിക മന്ദാനയുടെ പുതിയ സിനിമ വരുന്നുവെന്ന വിവരം പുറത്തുവന്നത്. “ഹണ്ടഡ്, വൂണ്ടഡ്, അൺബ്രോക്കൺ” എന്ന ടാഗ്ലൈനോട് കൂടിയായിരുന്നു പ്രഖ്യാപനം. അൺഫോർമുല ഫിലിംസിന്റെ ബാനറിലാണ് പുതിയ ചിത്രം നിര്മ്മിക്കുന്നത്. ‘പുഷ്പ 2: ദി റൂൾ’, ‘ഛാവ’, ‘സികന്ദർ’, ‘കുബേര’ തുടങ്ങിയ സിനിമകളുടെ വിജയത്തിനു ശേഷം എത്തുന്ന രശ്മികയുടെ ചിത്രമാണ് മൈസ. നൂറ് കോടിയിലധികം കളക്ഷൻ നേടി ധനുഷ് നായകനായി എത്തിയ കുബേരയാണ് രശ്മികയുടെ ഇപ്പോൾ പ്രദർശനത്തിലുള്ള ചിത്രം.
ഇതുവരെ താൻ കണ്ടിട്ടില്ലാത്ത ഒരു കഥാപാത്രത്തെയാണ് ഈ കഥാപാത്രം പ്രതിനിധീകരിക്കുന്നതെന്ന് നടി പങ്കുവെച്ചു. ‘ഞാൻ എപ്പോഴും നിങ്ങൾക്ക് പുതിയ എന്തെങ്കിലും, വ്യത്യസ്തമായ എന്തെങ്കിലും ആവേശകരമായ എന്തെങ്കിലും നൽകാൻ ശ്രമിക്കാറുണ്ട്. ഇതും അത്തരത്തിലൊന്നാണ്. ഞാൻ ഇതുവരെ അഭിനയിച്ചിട്ടില്ലാത്ത ഒരു കഥാപാത്രം. ഞാൻ ഒരിക്കലും കടന്നുചെന്നിട്ടില്ലാത്ത ഒരു ലോകത്തിലേക്ക്. ഇതുവരെ ഞാൻ കണ്ടിട്ടില്ലാത്ത എന്റെ ഒരു പതിപ്പ്. ഇത് കഠിനമാണ്. അത് തീവ്രവും അത്യധികം പരുക്കനുമാണ്. ഞാൻ വളരെ പരിഭ്രാന്തനും അതിയായ ആവേശഭരിതയുമാണ്. നമ്മൾ എന്താണ് സൃഷ്ടിക്കാൻ പോകുന്നതെന്ന് കാണാൻ ഞാൻ ശരിക്കും കാത്തിരിക്കുകയാണ്.. ഇത് ഒരു തുടക്കം മാത്രമാണ്..’ എന്നാണ് രശ്മിക കുറിച്ചത്.
-
kerala3 days ago
കോട്ടയം മെഡിക്കല് കോളജ് അപകടം: ആരോഗ്യമന്ത്രിക്കെതിരെ സംസ്ഥാന വ്യാപകമായി ഇന്നും പ്രതിഷേധം
-
india2 days ago
ഇന്ത്യയില് റോയിട്ടേഴ്സ് എക്സ് അക്കൗണ്ട് ബ്ലോക്ക് ചെയ്തു
-
kerala3 days ago
സംസ്ഥാനത്ത് നാളെയും മഴയ്ക്ക് സാധ്യത; രണ്ടു ജില്ലകളിൽ മാത്രം യെല്ലോ അലർട്ട്
-
kerala2 days ago
സൂംബ വിവാദം: ടി.കെ അഷ്റഫിന്റെ സസ്പെന്ഷന് പിന്വലിക്കണം; മുസ്ലിം സംഘടനാ നേതാക്കള്
-
kerala2 days ago
നിപ; സമ്പര്ക്കപ്പട്ടികയില് ആകെ 425 പേര്
-
kerala2 days ago
മുഹറം അവധി തിങ്കളാഴ്ചത്തേക്ക് മാറ്റില്ല; ആവശ്യം തള്ളി സര്ക്കാര്
-
kerala3 days ago
ആരോഗ്യമന്ത്രിക്കെതിരെ യൂത്ത് കോൺഗ്രസ് പ്രതിഷേധം; പ്രവർത്തകർക്ക് നേരെ പൊലീസ് ലാത്തി വീശി
-
kerala3 days ago
പൊട്ടിപ്പൊളിഞ്ഞ റൂമുകള്; അടര്ന്ന് വീണ് കോണ്ക്രീറ്റ് പാളികള്; കോട്ടയം മെഡിക്കല് കോളജിലെ മെന്സ് ഹോസ്റ്റലും അപകടാവസ്ഥയില്