kerala
ജലീല് രാജിവെക്കേണ്ട: ഒരു ഭയവുമില്ലെന്ന് എ.വിജയരാഘവന്
മന്ത്രി ജലീലിനെ ചോദ്യം ചെയ്യുന്നത് തുടരുകയാണ്

തിരുവനന്തപുരം: അന്വേഷണ ഏജന്സി ഒരു മന്ത്രിയില് നിന്ന് വിശദാംശങ്ങള് തേടിയെന്നതുകൊണ്ട് രാജിവെക്കേണ്ട കാര്യമില്ലെന്ന് എൽഡിഎഫ് കണ്വീനര് എ വിജയരാഘവൻ. മാധ്യമ പ്രവര്ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.
നിയമലംഘനം നടത്താത്ത ഒരാളെ ചോദ്യം ചെയ്തു എന്നത് അസാധാരണമായി കാണേണ്ടതില്ല. തെറ്റായ രൂപത്തിലുള്ള പ്രവര്ത്തന ശൈലി ഇടതുപക്ഷത്തിനോ മന്ത്രിമാര്ക്കോ ഇല്ല. ഒരു കാര്യത്തിലും ഭയപ്പാടില്ലെന്നും വിജയരാഘവൻ വ്യക്തമാക്കി.
ഏത് വ്യക്തിയിൽ നിന്നും ഒരു അന്വേഷണ ഏജന്സിക്ക് വിശദാംശങ്ങള് തേടാവുന്നതേയുള്ളു. അത് നിയമ വാഴ്ചയുടെ ഒരു നടപടി ക്രമം മാത്രമാണ്. മന്ത്രിക്കെതിരെ ഉയരുന്നത് ആരോപണം മാത്രമാണെന്നും വസ്തുതയല്ലെന്നും വിജയരാഘവന് വ്യക്തമാക്കി.
kerala
വയനാട് ചീരാലില് വീണ്ടും പുലിയിറങ്ങി
രണ്ടാഴ്ച്ചയ്ക്കു മുന്പ് ചീരാലിനടുത്ത് നമ്പ്യാര്കുന്നില് മറ്റൊരു പുലി കൂട്ടില് കുടുങ്ങിയിരുന്നു.

വയനാട് സുല്ത്താന് ബത്തേരി ചീരാലില് വീണ്ടും പുലിയിറങ്ങി. കരിങ്കാളിക്കുന്ന് ഉന്നതിയിലെ നാരായണിയുടെ വളര്ത്തു നായയെ പുലി ആക്രമിച്ച് പകുതി ഭക്ഷിച്ച നിലയില് വീടിനു സമീപത്തെ കൃഷിയിടത്തില് നിന്ന് കണ്ടെത്തിയിരുന്നു. ഏറെ നാളായി ചീരാല് മേഖലയില് പുലിയുടെ ശല്യം രൂക്ഷമാണ്. രണ്ടാഴ്ച്ചയ്ക്കു മുന്പ് ചീരാലിനടുത്ത് നമ്പ്യാര്കുന്നില് മറ്റൊരു പുലി കൂട്ടില് കുടുങ്ങിയിരുന്നു.
kerala
കൈക്കൂലിക്കേസ്; ഇ ഡി അസിസ്റ്റന്റ് ഡയറക്ടര്ക്ക് മുന്കൂര് ജാമ്യം
കേസില് നേരിട്ട് പങ്കുള്ള മൂന്നു പേരെ നേരത്തെ ജാമ്യത്തില് വിട്ടിരുന്നു.

കൈക്കൂലിക്കേസില് കുറ്റാരോപിതനായ ഇ ഡി അസിസ്റ്റന്റ് ഡയറക്ടര് ശേഖര് കുമാറിന് മുന്കൂര് ജാമ്യം നല്കി ഹൈക്കോടതി സിംഗിള് ബെഞ്ച്. കൊല്ലം സ്വദേശിയായ കശുവണ്ടി വ്യവസായി അനീഷ് വിജിലന്സില് നല്കിയ പരാതിയിലാണ് ശേഖര് കുമാറിന് ഒന്നാം പ്രതിയാക്കി കേസെടുത്തത്.
കേസില് നേരിട്ട് പങ്കുള്ള മൂന്നു പേരെ നേരത്തെ ജാമ്യത്തില് വിട്ടിരുന്നു. പരാതിക്കാരന് തനിക്കെതിരെ വ്യാജ ആരോപണങ്ങള് ഉന്നയിക്കുകയാണ് എന്നായിരുന്നു ജാമ്യാപേക്ഷയില് ശേഖര് കുമാര് പറഞ്ഞത്. അന്വേഷണത്തോട് പൂര്ണ്ണമായി സഹകരിക്കണമെന്ന് ഹൈക്കോടതി നിര്ദേശമുണ്ട്.
kerala
കപ്പലപകടം; അകിറ്റെറ്റ 2 കപ്പലിന്റെ അറസ്റ്റ് നീട്ടി
സംസ്ഥാനം ആവശ്യപ്പെട്ട 9,531 കോടി രൂപ നഷ്ടപരിഹാരം നല്കാനാവില്ലെന്ന് കമ്പനി.

എംഎസ്സി എല്സ 3 കപ്പല് അപകടത്തില് സംസ്ഥാനം ആവശ്യപ്പെട്ട 9,531 കോടി രൂപ നഷ്ടപരിഹാരം നല്കാനാവില്ലെന്ന് കമ്പനി. കെട്ടിവയ്ക്കാനാവുന്ന തുക എത്രയെന്ന് അറിയിക്കാന് കപ്പല് കമ്പനിക്ക് കോടതി നിര്ദേശം നല്കി.
അതേസമയം, അകിറ്റെറ്റ 2 കപ്പലിന്റെ അറസ്റ്റ് ഒഴിവാക്കണമെന്ന കമ്പനി ആവശ്യം ഹൈക്കോടതി തള്ളി. സമുദ്ര പരിസ്ഥിതിക്ക് മലിനീകരണം സംഭവിച്ചുവെന്ന് ഹൈക്കോടതി ചൂണ്ടിക്കാട്ടി. നഷ്ടപരിഹാരവുമായി ബന്ധപ്പെട്ട് കമ്പനിയുടെ മറുപടി ലഭിച്ച ശേഷം അറസ്റ്റ് ഒഴിവാക്കുന്നത് പരിഗണിക്കാമെന്നും ഹൈക്കോടതി വ്യക്തമാക്കി.
9,531 കോടി രൂപ നഷ്ടപരിഹാരം തേടി സര്ക്കാര് മെഡിറ്ററേനീയന് ഷിപ്പ് കമ്പനിക്കെതിരെ കോടതിയില് അഡ്മിറാലിറ്റി സ്യൂട്ട് ഫയല് ചെയ്തിരുന്നു. തുടര്ന്ന് കപ്പല് അറസ്റ്റ് ചെയ്യാന് ഉത്തരവിട്ട് കോടതി അഡ്മിറാലിറ്റി സ്യൂട്ട് ഫയല് ചെയ്തതിനെ തുടര്ന്നായിരുന്നു നടപടി.
-
kerala2 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
kerala3 days ago
സാമ്പത്തിക തട്ടിപ്പ് കേസ്: സൗബിൻ ഷാഹിർ ചോദ്യം ചെയ്യലിന് ഹാജരായി
-
kerala3 days ago
ഉരുള് ദുരന്തത്തില് ഉറ്റബന്ധുക്കളെ നഷ്ടമായ നൗഫലിനെ ചേര്ത്തുപിടിച്ച് മസ്കറ്റ് കെഎംസിസി
-
kerala3 days ago
ഹിറ്റാച്ചിക്ക് മുകളിലേക്ക് പാറ ഇടിഞ്ഞുവീണു; രണ്ടുപേര് കുടുങ്ങി
-
kerala3 days ago
കൽദായ സഭയുടെ ആർച്ച് ബിഷപ്പ് ഡോ. മാർ അപ്രേം അന്തരിച്ചു
-
kerala3 days ago
കേരള സര്വകലാശാല സിന്ഡിക്കേറ്റ് പിരിച്ചുവിടാം; ഗവര്ണര്ക്ക് നിയമോപദേശം
-
kerala3 days ago
സര്ക്കാറിന് തിരിച്ചടി; സൂംബക്കെതിരെ അഭിപ്രായം പറഞ്ഞ അധ്യാപകന്റെ സസ്പെന്ഷന് ഹൈക്കോടതി റദ്ദാക്കി
-
film3 days ago
സാന്ദ്രാ തോമസിനെതിരെ മാനനഷ്ട കേസ് നല്കി നിര്മാതാവ് ലിസ്റ്റിന് സ്റ്റീഫന്