india
മന്മോഹന് സിങ്ങിനെപ്പോലുള്ള ഒരു പ്രധാനമന്ത്രിയുടെ അഭാവമാണ് രാജ്യം അനുഭവിക്കുന്നത്; മുന് പ്രധാനമന്ത്രിക്ക് ജന്മദിനാശംസകള് നേര്ന്ന് രാഹുല് ഗാന്ധി
പ്രധാനമന്ത്രി നരേന്ദ്ര മോദി, മുന് പ്രധാനമന്ത്രി എച്ച്.ഡി ദേവഗൗഡ തുടങ്ങിയവര് മന്മോഹന് സിങ്ങിന് ജന്മദിനാശംസകള് നേര്ന്നു.

ന്യൂഡല്ഹി: മുന് പ്രധാനമന്ത്രി ഡോ. മന്മോഹന് സിങ്ങിന് ജന്മദിനാശംസകള് നേര്ന്ന് രാഹുല് ഗാന്ധി. മന്മോഹന് സിങ്ങിനെപ്പോലുള്ള ഒരു പ്രധാനമന്ത്രിയുടെ അഭാവമാണ് രാജ്യം ഇന്ന് നേരിടുന്ന ഏറ്റവും വലിയ നഷ്ടമെന്ന് രാഹുല് ഗാന്ധി ട്വീറ്റ് ചെയ്തു.
മന്മോഹന് സിങ്ങിനെപ്പോലെയുള്ള ഒരു പ്രധാനമന്ത്രിയുടെ അഭാവമാണ് ഇന്ന് രാജ്യം നേരിടുന്നത്. അങ്ങയെപ്പോലെ കുലീനതയും മാന്യതയും സമര്പ്പണവുമുള്ള ഒരാള് ഞങ്ങള്ക്കെല്ലാവര്ക്കും പ്രചോദനമാണ്-രാഹുല് ട്വീറ്റ് ചെയ്തു.
ഓരോ ഇന്ത്യക്കാരന്റെയും ക്ഷേമത്തിന് വേണ്ടി സമര്പ്പണത്തോടെ പ്രവര്ത്തിച്ച നേതാവായിരുന്നു ഡോ. മന്മോഹന് സിങ് എന്ന് അഖിലേന്ത്യാ കോണ്ഗ്രസ് കമ്മിറ്റി ജന്മദിനാശംസയില് പറഞ്ഞു. പ്രധാനമന്ത്രി നരേന്ദ്ര മോദി, മുന് പ്രധാനമന്ത്രി എച്ച്.ഡി ദേവഗൗഡ തുടങ്ങിയവര് മന്മോഹന് സിങ്ങിന് ജന്മദിനാശംസകള് നേര്ന്നു.
india
കളിച്ചുകൊണ്ടിരിക്കെ കയ്യില് പാമ്പ് ചുറ്റി; ഒരു വയസുകാരന് മൂര്ഖന് പാമ്പിനെ കടിച്ചു കൊന്നു
വീടിനടുത്ത് കളിച്ചുകൊണ്ടിരുന്ന കുട്ടിയുടെ കയ്യില് പാമ്പ് ചുറ്റുകയും പിന്നാലെ ഗോവിന്ദ എന്ന ഒരു വയസുകാരന് പാമ്പിനെ കടിക്കുകയായിരുന്നു.

ബിഹാറിലെ ബേട്ടിയ ഗ്രാമത്തില് ഒരു വയസുകാരന് മൂര്ഖന് പാമ്പിനെ കടിച്ചു കൊന്നു. വീടിനടുത്ത് കളിച്ചുകൊണ്ടിരുന്ന കുട്ടിയുടെ കയ്യില് പാമ്പ് ചുറ്റുകയും പിന്നാലെ ഗോവിന്ദ എന്ന ഒരു വയസുകാരന് പാമ്പിനെ കടിക്കുകയായിരുന്നു. സംഭവത്തിനു പിന്നാലെ കുട്ടി അബോധാവസ്ഥയിലായിരുന്നു.
ഇക്കഴിഞ്ഞ വെള്ളിയാഴ്ചയായിരുന്നു സംഭവം. കളിച്ചുകൊണ്ടിരുന്ന കുട്ടിയുടെ അരികിലേക്ക് പാമ്പ് ഇഴഞ്ഞെത്തുകയും കുട്ടി കളിപ്പാട്ടം കൊണ്ട് പാമ്പിനെ അടിക്കുകയും പിന്നാലെ കടിക്കുകയുമായിരുന്നു. പാമ്പ് തല്ക്ഷണം ചത്തു. കളിപ്പാട്ടമെന്ന് തെറ്റിദ്ധരിച്ചാവും കുട്ടി പാമ്പിനടുത്ത് എത്തിയതെന്നാണ് നിഗമനം.
വീട്ടുകാര് വന്ന് നോക്കിയപ്പോള് കുട്ടി അബോധാവസ്ഥയിലായിരുന്നു. ആരോഗ്യനില വഷളായതോടെ ബേട്ടിയയിലെ സര്ക്കാര് മെഡിക്കല് കോളജ് ആശുപത്രിയിലേക്ക് എത്തിച്ചു. എന്നാല് കുട്ടിക്ക് വിഷബാധയുടെ ലക്ഷണങ്ങള് ഒന്നും തന്നെ കണ്ടെത്തിയിട്ടില്ലെന്നും അപകടനില തരണം ചെയ്തിട്ടുണ്ടെന്നും ജെഎംസിഎച്ച് ആശുപത്രി ഡെപ്യൂട്ടി സൂപ്രണ്ട് ഡോ. ദേവികാന്ത് മിശ്ര പറഞ്ഞു.
india
ഓപ്പറേഷന് സിന്ദൂര് പാഠ്യപദ്ധതിയില് ഉള്പ്പെടുത്തി എന്സിഇആര്ടി; മൂന്നാം ക്ലാസ് മുതല് പാഠ്യവിഷയമാകും
ഓപ്പറേഷന് സിന്ദൂറിന് പുറമെ മിഷന് ലൈഫ്, ചന്ദ്രയാന്, ആദിത്യ എല്1, ശുഭാംഷു ശുക്ല ഭാഗമായ ആക്സിയം 4 ദൗത്യം തുടങ്ങിയവയും എന്സിഇആര്ടി പാഠ്യപദ്ധതിയുടെ പ്രധാന ഭാഗമാകുമെന്ന് ദേശീയ വിദ്യാഭ്യാസ മന്ത്രാലയ വൃത്തങ്ങള് അറിയിച്ചു.

ഓപ്പറേഷന് സിന്ദൂര് പാഠ്യപദ്ധതിയില് ഉള്പ്പെടുത്തി എന്സിഇആര്ടി. ഓപ്പറേഷന് സിന്ദൂറിന് പുറമെ മിഷന് ലൈഫ്, ചന്ദ്രയാന്, ആദിത്യ എല്1, ശുഭാംഷു ശുക്ല ഭാഗമായ ആക്സിയം 4 ദൗത്യം തുടങ്ങിയവയും എന്സിഇആര്ടി പാഠ്യപദ്ധതിയുടെ പ്രധാന ഭാഗമാകുമെന്ന് ദേശീയ വിദ്യാഭ്യാസ മന്ത്രാലയ വൃത്തങ്ങള് അറിയിച്ചു.
ഇന്ത്യന് സൈന്യത്തിന്റെ തന്ത്രപരമായ നീക്കങ്ങളെ പ്രതിജ്വലിപ്പിക്കുന്ന ഓപ്പറേഷന് സിന്ദൂര് എന്സിഇആര്ടി പാഠ്യപദ്ധതിയുടെ പ്രത്യേക ഭാഗമായി ഉള്പ്പെടുത്തും. നിലവില് പാഠ്യപദ്ധതിയെ രണ്ടു മൊഡ്യൂളുകളാക്കി വികസിപ്പിച്ചുകൊണ്ടിരിക്കുകയാണ്. ആദ്യ മൊഡ്യൂള് 3 മുതല് 8 വരെയുള്ള ക്ലാസുകളിലെ വിദ്യാര്ഥികള്ക്കായും രണ്ടാമത്തെ മൊഡ്യൂള് 9 മുതല് 12 വരെയുള്ള ക്ലാസുകളിലെ വിദ്യാര്ഥികള്ക്കുമാണ് രൂപകല്പ്പന ചെയ്തിരിക്കുന്നത്.
”ഇന്ത്യയുടെ സൈനിക ശക്തി രാജ്യത്തിന്റെ പരമാധികാരം സംരക്ഷിക്കാന് സ്വീകരിച്ച നടപടികള്, പ്രതിരോധ സംവിധാനങ്ങള്, നയതന്ത്ര ബന്ധങ്ങള്, മന്ത്രാലയങ്ങള് തമ്മിലുള്ള ഏകോപനം തുടങ്ങിയ വിഷയങ്ങളെക്കുറിച്ച് പുതുതലമുറയെ പഠിപ്പിക്കുവാനാണ് ലക്ഷ്യമിടുന്നത്”. വിദ്യാഭ്യാസ മന്ത്രാലയത്തിലെ മുതിര്ന്ന ഉദ്യോഗസ്ഥന് പറഞ്ഞു.
india
ഹരിദ്വാറിലെ ദേവി ക്ഷേത്രത്തില് തിക്കിലും തിരക്കിലും പെട്ട് ആറ് പേര് മരിച്ചു
25 ല് അധികം പേര്ക്ക് പരിക്കേറ്റതായാണ് റിപ്പോര്ട്ടുകള്.

ഉത്തരാഖണ്ഡിലെ ഹരിദ്വാറില് മന്സ ദേവി ക്ഷേത്ര റോഡിലെ പടിക്കെട്ടുകളിലുണ്ടായ തിക്കിലും തിരക്കിലും പെട്ട് ആറ് പേര് മരിച്ചു. സംഭവത്തില് നിരവധി പേര്ക്ക് പരിക്കേറ്റു. 25 ല് അധികം പേര്ക്ക് പരിക്കേറ്റതായാണ് റിപ്പോര്ട്ടുകള്.
പ്രാദേശിക പൊലീസും സംസ്ഥാന ദുരന്ത പ്രതികരണ സേനയും ദുരിതാശ്വാസ പ്രവര്ത്തനങ്ങളില് ഏര്പ്പെട്ടിട്ടുണ്ടെന്ന് ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമി പറഞ്ഞു. ‘ഹരിദ്വാറിലെ മന്സ ദേവി ക്ഷേത്രത്തിലേക്കുള്ള വഴിയില് തിക്കിലും തിരക്കിലും പെട്ടെന്നുണ്ടായ വാര്ത്ത വളരെ ദുഃഖകരമാണ്. സ്ഥലത്ത് ദുരിതാശ്വാസ, രക്ഷാപ്രവര്ത്തനങ്ങളില് നടക്കുകയാണ്. വിഷയത്തില് പ്രാദേശിക ഭരണകൂടവുമായി നിരന്തരം ബന്ധപ്പെട്ടുകയും സ്ഥിതിഗതികള് സൂക്ഷ്മമായി നിരീക്ഷിച്ചുകൊണ്ടിരിക്കുകയാണെന്നും’ മുഖ്യമന്ത്രി എക്സില് കുറിച്ചു.
ശിവഭക്തരായ കന്വാരിയകളുടെ പ്രധാന തീര്ഥാടന കേന്ദ്രങ്ങളിലൊന്നാണ് ഹരിദ്വാര്. ശ്രാവണ മാസമായതിനാല് ക്ഷേത്രത്തില് വന് ഭക്തജനതിരക്കാണ് അനുഭവപ്പെടുന്നത്.
-
kerala1 day ago
താമരശ്ശേരി ചുരത്തില് നിന്ന് കൊക്കയിലേക്ക് ചാടിയ എംഡിഎംഎ കേസിലെ പ്രതി പിടിയില്
-
News3 days ago
ഡബ്ല്യുഡബ്ല്യുഇ ഇതിഹാസ താരം ഹള്ക്ക് ഹോഗന് അന്തരിച്ചു
-
kerala3 days ago
അടൂരില് പിതാവിനെ നേരെ മകന്റെയും ഭാര്യയുടെയും ക്രൂരമര്ദനം
-
kerala3 days ago
ആര്എസ്എസ് വിദ്യാഭ്യാസ സമ്മേളനം; സംസ്ഥാനത്തെ അഞ്ച് സര്വകലാശാല വി.സി.മാര് പങ്കെടുക്കുമെന്ന് സംഘാടകര്
-
kerala3 days ago
കനത്ത മഴ; ഇടുക്കിയില് വിദ്യാഭ്യാസ സ്ഥാപനങ്ങള്ക്ക് നാളെ അവധി
-
india2 days ago
വാഗമണ് റോഡില് വിനോദ സഞ്ചാരി കാല്വഴുതി കൊക്കയില് വീണ് മരിച്ചു
-
kerala3 days ago
പീരുമേട്ടിലെ ആദിവാസി സ്ത്രീ സീതയുടെ മരണം; കാട്ടാന ആക്രമണത്തിലെന്ന് സ്ഥിരീകരിച്ച് പൊലീസ്
-
india2 days ago
ലീഗ് സംഘം ആസാമിൽ: കുടിയിറക്കപ്പെട്ടവരെ കണ്ടു; നിയമപോരാട്ടം നടത്തുമെന്ന് നേതാക്കൾ