kerala
നീതു വന്നില്ല; എംപിയും എംഎല്എയും മടങ്ങി; നീതു സിപിഎമ്മിന്റെ ‘കാപ്സ്യൂള്’ തന്ത്രമോ?
വീടില്ലാത്ത പ്ലസ്ടു വിദ്യാര്ഥിനിയെ നേരിട്ടു കണ്ടു പരിഹാരമുണ്ടാക്കാന് ഇന്നു രാവിലെ 9 മുതല് അനില് അക്കര എംഎല്എ എങ്കക്കാട് മങ്കര റോഡില് കാത്തിരുന്നെങ്കിലും ആരുമെത്തിയില്ല. രമ്യ ഹരിദാസ് എംപിയും കോണ്ഗ്രസ് കൗണ്സിലര് സൈറാ ബാനുവും അനിലിന്റെ കൂടെ ചേര്ന്നു.
തൃശൂര്; ലൈഫ് മിഷന് പദ്ധതിയെക്കുറിച്ച് ഫേസ്ബുക്കില് പോസ്റ്റിട്ട നീതു ജോണ്സനെ കാണാതെ അനില് അക്കരെ എംപിയും രമ്യഹരിദാസ് എംപിയും മടങ്ങി. മണിക്കൂറുകള് കാത്തിരുന്നിട്ടും നീതു ജോണ്സണ് എത്താത്തതിനെ തുടര്ന്നാണ് ഇരുവരും മടങ്ങിയത്. നീതു ജോണ്സണ് എന്ന കഥാപാത്രം സിപിഎമ്മിന്റെ സൈബര് ക്യാപ്സൂള് ആയിരുന്നോ എന്നാണ് നിലവിലെ സംശയം. വിഷയത്തില് സജീവമായി എംഎല്എ ഇടപെട്ടതോടെ അനില് അക്കരയ്ക്കെതിരെ നടത്തിയ കാപ്സ്യൂള് സൈബര് യുദ്ധം തന്ത്രത്തിനു തിരിച്ചടി നേരിടുകയായിരുന്നു.
വീടില്ലാത്ത പ്ലസ്ടു വിദ്യാര്ഥിനിയെ നേരിട്ടു കണ്ടു പരിഹാരമുണ്ടാക്കാന് ഇന്നു രാവിലെ 9 മുതല് അനില് അക്കര എംഎല്എ എങ്കക്കാട് മങ്കര റോഡില് കാത്തിരുന്നെങ്കിലും ആരുമെത്തിയില്ല. രമ്യ ഹരിദാസ് എംപിയും കോണ്ഗ്രസ് കൗണ്സിലര് സൈറാ ബാനുവും അനിലിന്റെ കൂടെ ചേര്ന്നു.
പുറമ്പോക്കില് താമസിക്കുന്ന ദരിദ്രയായ താനും അമ്മയും ലൈഫ് മിഷന് പദ്ധതിയില് ഉള്പ്പെട്ട വടക്കാഞ്ചേരി ഫ്ലാറ്റില് അപേക്ഷിച്ചിട്ടുണ്ടെന്നും ദയവു ചെയ്തു ഫ്ലാറ്റിനെതിരെ ആരോപണം ഉന്നയിച്ച് അതു പൊളിക്കരുതെന്നും നീതു ജോണ്സന് എന്ന പ്ലസ് ടു വിദ്യാര്ഥിനി എഴുതി എന്നു പറയുന്ന കത്താണു സമൂഹമാധ്യമങ്ങളില് പ്രചരിച്ചത്. സ്ഥലത്തെ കോണ്ഗ്രസ് കൗണ്സിലര് സൈറാ ബാനുവിന്റെ പേരും ഈ കുട്ടിയുടെ പേരിലിട്ട പോസ്റ്റിലുണ്ട്.
ഇതു വ്യാപമായി സിപിഎം അനുകൂല ഗ്രൂപ്പുകള് ഷെയര് ചെയ്തിരുന്നു. കുട്ടി വടക്കാഞ്ചേരി ഹയര്സെക്കന്ഡറി സ്കൂളില് പഠിക്കുന്നുവെന്നാണു പരാതിയിലുണ്ടായിരുന്നത്. എന്നാല് ആ പേരിലൊരു കുട്ടി ഈ സ്കൂളില് പഠിക്കുന്നില്ലെന്ന് എംഎല്എ പറഞ്ഞു. ഈ കുട്ടിയെ കണ്ടെത്താനാകാതെ വന്നതോടെയാണു നീതു ജോണ്സന്റെ വിലാസത്തിലെ സ്ഥലമായ മങ്കരയില് 2 മണിക്കൂര് റോഡരികില് കാത്തിരിക്കുമെന്നു അനില് പ്രഖ്യാപിച്ചത്.
കുട്ടിയും അമ്മയും ഇനിയും ഏതു സമയത്തുവന്നാലും സഹായിക്കുമെന്നും വീടുവച്ചു കൊടുക്കുമെന്നും പറഞ്ഞാണു അനിലും രമ്യയും കാത്തിരിപ്പ് അവസാനിപ്പിച്ചത്. കുട്ടിയെ കണ്ടെത്താനായി അനില് പൊലീസില് പരാതി നല്കുകയും ചെയ്തു.
kerala
ഇന്ന് ഇടിമിന്നലോട് കൂടിയ ഒറ്റപ്പെട്ട ശക്തമായ മഴയ്ക്ക് സാധ്യത; ഏഴ് ജില്ലകളില് യെല്ലോ അലേര്ട്ട്
മഴ മുന്നറിയിപ്പിന്റെ ഭാഗമായി ഏഴ് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
സംസ്ഥാനത്ത് ഇന്ന് ഇടിമിന്നലോട് കൂടിയ ഒറ്റപ്പെട്ട ശക്തമായ മഴയ്ക്ക് സാധ്യത. മഴ മുന്നറിയിപ്പിന്റെ ഭാഗമായി ഏഴ് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം ജില്ലകളിലാണ് യെല്ലോ അലേര്ട്ട്. മഴയ്ക്കൊപ്പം മണിക്കൂറില് 40 മുതല് 50 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്.
മലയോര മേഖലയില് ഉള്ളവര്ക്കും തീരദേശവാസികള്ക്കും ജാഗ്രതാ നിര്ദേശം നല്കിയിട്ടുണ്ട്. കേരള, കര്ണാടക, ലക്ഷിദ്വീപ് തീരങ്ങളില് മത്സ്യബന്ധനത്തിന് തടസമില്ല.
kerala
കോട്ടയത്ത് സ്കൂള് വിനോദയാത്രാ സംഘം സഞ്ചരിച്ച ബസ് മറിഞ്ഞ് അപകടം; 28 പേര്ക്ക് പരിക്ക്
നെല്ലാപ്പാറ ചൂരപ്പേട്ടവളവില് തിരുവനന്തപുരം തോന്നയ്ക്കല് ഗവണ്മെന്റ് ഹയര് സെക്കന്ഡറി സ്കൂള് വിദ്യാര്ഥികള് സഞ്ചരിച്ച ബസാണ് അപകടത്തില്പ്പെട്ടത്.
കോട്ടയത്ത് സ്കൂള് വിനോദയാത്രാ സംഘം സഞ്ചരിച്ച ബസ് മറിഞ്ഞ് അപകടം. നെല്ലാപ്പാറ ചൂരപ്പേട്ടവളവില് തിരുവനന്തപുരം തോന്നയ്ക്കല് ഗവണ്മെന്റ് ഹയര് സെക്കന്ഡറി സ്കൂള് വിദ്യാര്ഥികള് സഞ്ചരിച്ച ബസാണ് അപകടത്തില്പ്പെട്ടത്. സംഭവത്തില് 28 പേര്ക്ക് പരിക്കേറ്റു.
വളവില് നിയന്ത്രണം നഷ്ടമായ ബസ് റോഡില് ഒരു വശത്തേക്ക് മറിയുകയായിരുന്നു. ആരുടേയും പരിക്ക് ഗുരുതരമല്ല. ഇവരെ വിവിധ ആശുപത്രികളില് പ്രവേശിപ്പിച്ചു.
വാഹനം പിന്നീട് ക്രെയിന് ഉപയോഗിച്ച് ഉയര്ത്തി. 42 കുട്ടികളും നാല് അധ്യപകരും ഉള്പ്പെട്ട സംഘം മൂന്നാര് സന്ദര്ശിച്ച ശേഷം മടങ്ങുകമ്പോഴായിരുന്നു അപകടം.
kerala
ശബരിമല സ്വര്ണക്കൊള്ള; മൂന്നാംഘട്ട അന്വേഷണ റിപ്പോര്ട്ട് ഇന്ന് കോടതിയില്
ശബരിമലയില് നിന്നും ശേഖരിച്ച സാമ്പിളുകളുടെ ശാസ്ത്രീയ പരിശോധന ഫലം ഇതുവരെ ലഭിച്ചിട്ടില്ല.
തിരുവനന്തപുരം: ശബരിമല സ്വര്ണകൊള്ള കേസില് ഇന്ന് നിര്ണായക ദിനം. മൂന്നാംഘട്ട അന്വേഷ ണ പുരോഗതി റിപ്പോര്ട്ട് ഇന്ന് ഹൈക്കോടതിയില് സമര്പ്പിക്കും. അന്തിമറിപ്പോര്ട്ട് സമര്പ്പിക്കാന് പ്രത്യേക സംഘം കൂടുതല് സമയം ആവശ്യപ്പെട്ടേക്കും. അന്വേഷണത്തിനായി കോടതി അനുവദിച്ച ആറാഴ്ചത്തെ സമയം ഇന്ന് അവസാനിക്കുന്ന സാഹചര്യത്തിലാണ് കൂടുതല് സമയം തേടുന്നത്. മുന് ദേവസ്വം പ്രസിഡന്റ് പത്മകുമാറിന്റെ അറസ്റ്റിന് ശേഷമുളള അന്വേഷണ പുരോഗതികള് ഇന്ന് കോടതിയെ അറിയിക്കും. ശബരിമലയില് നിന്നും ശേഖരിച്ച സാമ്പിളുകളുടെ ശാസ്ത്രീയ പരിശോധന ഫലം ഇതുവരെ ലഭിച്ചിട്ടില്ല.
തുടരന്വേഷണത്തിന് കൂടുതല് സമയം തേടിയേക്കും
അന്വേഷണത്തിന്റെ അടുത്ത നീക്കവും എസ്.ഐ.ടി കോടതിയെ അറിയിക്കും. കേസിന്റെ തുടര് നടപടികളില് ഇന്നത്തെ ഹൈക്കോടതിയുടെ തീരുമാനവും നിര്ണായകമാണ്. കോടതി പുതിയ എന്തെങ്കിലും നിര്ദേശം അന്വേഷണ സംഘത്തിന് നല്കാനും സാധ്യതയുണ്ട്. കോടതിയുടെ മേല്നോട്ടത്തില് നടക്കുന്ന അന്വേഷണം ആയതിനാല് ഇതുവരെയുള്ള അന്വേഷണ പുരോഗതി വ്യക്തമായി കോടതിയെ എസ്.ഐ.ടി ധരിപ്പിക്കും.
തന്ത്രിമാരായ കണ്ഠരര് രാജീവര്, കണ്ഠരര് മോഹനര്, കണ്ഠരര് മഹേഷ് മോഹനര് എന്നിവരുടെ മൊഴി എസ്.ഐ.ടി എടുത്തിരുന്നു. സ്വര്ണപ്പാളിയില് അനുമതി നല്കിയത് ദേവസ്വം ഉദ്യോഗസ്ഥര് പറഞ്ഞത് പ്രകാരമാണെന്നാണ് തന്ത്രിമാരുടെ മൊഴി
പത്മകുമാറിന് ജാമ്യമില്ല
തിരുവനന്തപുരം: ശബരിമല സ്വര്ണക്കൊള്ളയില് പ്രതിയായ ദേവസ്വം ബോര്ഡ് മുന് പ്രസിഡന്റ് എ. പത്മകുമാറിന്റെ ജാമ്യാപേക്ഷ പരിഗണിക്കുന്നത് ഈ മാസം എട്ടിലേക്ക് മാറ്റി. ഇക്കഴിഞ്ഞ ശനിയാഴ്ച യാണ് കൊല്ലം വിജിലന്സ് കോടതിയില് പത്മകുമാര് ജാമ്യഹര്ജി സമര്പ്പിച്ചത്.
-
kerala2 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala15 hours agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
kerala2 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
india15 hours agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala13 hours agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
kerala14 hours agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്