india
അസമിലെ സംഘര്ഷഭൂമിയില് കണ്ട ഹൃദയഭേദകമായ രംഗങ്ങള് പങ്കുവെച്ച് യൂത്ത്ലീഗ് പ്രതിനിധി സംഘം
അസമിലെ വര്ഗീയ അക്രമണങ്ങളെക്കുറിച്ച് കഴിഞ്ഞ ദിവസം ഇ ടി മുഹമ്മദ് ബഷീര് പാര്ലമെന്റില് സംസാരിച്ചിരുന്നു. ഇതെ തുടര്ന്നാണ് യൂത്ത് ലീഗ് പ്രതിനിധി സംഘം അസമിലെത്തിയത്
ഗുവാഹത്തി: അസമിലെ സംഘര്ഷഭൂമിയില് കണ്ട ഹൃദയഭേദകമായ രംഗങ്ങള് പങ്കുവെച്ച് യൂത്ത്ലീഗ് പ്രതിനിധി സംഘം. യൂത്ത് ലീഗ് ദേശീയ പ്രസിഡണ്ട് ആസിഫ് അന്സാരി, ദേശീയ ജനറല് സെക്രട്ടറി സികെ സുബൈര് എന്നിവരുടെ നേതൃത്വത്തിലുള്ള പ്രതിനിധി സംഘമാണ് സന്ദര്ശനം നടത്തിയത്. അസം- മിസോറം അതിര്ത്തിയിലെ സംഘര്ഷ ബാധിത പ്രദേശമായ കച്ചാര്തര് ഗ്രാമത്തിലാണ് സന്ദര്ശനം നടത്തിയത്. കലാപ ബാധിതര്ക്ക് അടിയന്തര സഹായം എന്ന നിലയ്ക്ക് സംഘം ഭക്ഷ്യവസ്തുക്കള് അടങ്ങിയ കിറ്റ് വിതരണം ചെയ്തു. അസമിലെ വര്ഗീയ അക്രമണങ്ങളെക്കുറിച്ച് കഴിഞ്ഞ ദിവസം ഇ ടി മുഹമ്മദ് ബഷീര് പാര്ലമെന്റില് സംസാരിച്ചിരുന്നു. ഇതെ തുടര്ന്നാണ് യൂത്ത് ലീഗ് പ്രതിനിധി സംഘം അസമിലെത്തിയത്.
സികെ സുബൈറിന്റെ ഫേസ്ബുക്ക് പോസ്റ്റ്
അസമിലെ സംഘര്ഷഭൂമിയില് കണ്ട കാഴ്ച്ചകള് ഹൃദയഭേദകമായിരുന്നു. യൂത്ത് ലീഗ് ദേശീയ പ്രസിഡണ്ട് ആസിഫ് അന്സാരിയോടൊപ്പമാണ് അസം മിസോറം അതിര്ത്തിയിലെ സംഘര്ഷ ബാധിത പ്രദേശമായ കച്ചാര്തര് ഗ്രാമത്തില് സന്ദര്ശനം നടത്തിയത്. കലാപകാരികള് ചുട്ടെരിച്ച ഗ്രാമങ്ങളില് സര്വ്വസ്വവും നഷ്ടമായ കുറേ മനുഷ്യര്.ഹൈ ലാകണ്ടി ജില്ലയിലെ കട്ടില്ച്ചെറ റവന്യൂ സര്ക്കിള് രാംനാഥ് പുര് പോലീസ് സ്റ്റേഷന് പരിധിയിലാണ് കച്ചര്തര് ഗ്രാമം . കഴിഞ്ഞ ദിവസങ്ങളില് നടന്ന അക്രമണങ്ങളില് നൂറില് പരം വീടുകളാണ് ഇവിടെ ചുട്ടെരിച്ചത്.20 ലധികം പേര് ഗുരുതരമായി പരിക്കേറ്റ് ചികിത്സയിലാണ്. അസം മിസോറം അതിര്ത്തിയിലെ ഗ്രാമങ്ങളില് താമസിക്കുന്നവര്ക്കിടയില് 1996 മുതല് നില നില്ക്കുന്ന അതിര്ത്തി തര്ക്കങ്ങളെ തുടര്ന്ന് സംഘര്ഷങ്ങള് പലപ്പോഴും നടക്കാറുണ്ട്.ഇത് പരിഹരിക്കുന്നതില് സംസ്ഥാന സര്ക്കാര് സമ്പൂര്ണമായും പരാജയപ്പെട്ടതിനെ തുടര്ന്നാണ് പ്രദേശത്ത് സംഘര്ഷം ഉടലെടുക്കുന്നത്. കഴിഞ്ഞ കുറച്ച് കാലങ്ങളായി സ്ഥിതിഗതികള് ശാന്തമായിരുന്നു. പൊടുന്നനെ സംഘടിച്ചെത്തിയ അക്രമികള് വീടുകള് ചുട്ടെരിക്കുകയായിരുന്നു.എന് ആര് സി യില് പൗരത്വ രേഖകള് ഹാജരാക്കി പൗരത്വ രജിസ്റ്ററില് ഇടം നേടിയവരുടെ തിരിച്ചറിയല് രേഖകള് തിരഞ്ഞുപിടിച്ച് കത്തിച്ചത് സംഭവത്തിനു പിന്നിലെ ഗൂഡാലോചന വ്യക്തമാക്കുന്നതായി നാട്ടുകാര് ഞങ്ങളോട് പറഞ്ഞു. കലാപബാധിതര്ക്ക് അടിയന്തിര സഹായം എന്ന നിലക്ക് ഭക്ഷ്യവസ്തുക്കള് അടങ്ങിയ കിറ്റുകള് വിതരണം ചെയ്തു. ഒരായുസ് കൊണ്ട് നിര്മ്മിച്ച വീടുകളും അസ്തിത്വം തെളിയിക്കുന്ന രേഖകളും ഒരു പിടി ചാരമായി മാറിയതിന്റെ നടുക്കത്തിലാണ് നാട്ടുകാര്.
ഇപ്പോഴും സംഘര്ഷഭരിതമായ അന്തരീക്ഷം നിലനില്ക്കുന്നതിനാല് അസം പോലീസിന്റെയും സി ആര് പി എഫിന്റെയും സുരക്ഷാവലയത്തിലാണ് ഞങ്ങളവിടെ എത്തിയത്.പട്ടാള നിരീക്ഷണത്തിലുള്ള ചില പ്രദേശങ്ങളിലേക്ക് പോകാന് ഞങ്ങള്ക്ക് അനുമതി നിഷേധിച്ചു. ഏതു നിമിഷവും ഒരു അക്രമം പ്രതീക്ഷിച്ച് ഭയചകിതരായി കഴിയുന്ന ഗ്രാമവാസികളുമായി സംസാരിക്കുമ്പോള് അവരുടെ ശബ്ദത്തില് കേട്ട ഭയം ഭീകരമായിരുന്നു.
പരിക്കേറ്റ് സില്ച്ചര് മെഡിക്കല് കോളജില് ചികിത്സയില് കഴിയുന്നവരെ സന്ദര്ശിച്ചു.പോലീസ് അധികാരികളുമായും ചര്ച്ച നടത്തി.ഡി വൈ എസ് പി നോബോമിത ദാസിനെ നേരില് കണ്ട് അക്രമികള്ക്കെതിരെ കര്ശന നടപടി വേണമെന്നും പ്രദേശത്ത് താമസിക്കുന്ന ഇരകളുടെ കുടുംബങ്ങള്ക്ക് സുരക്ഷ ഉറപ്പാക്കണമെന്നും ആവശ്യപ്പെട്ടിട്ടുണ്ട്. സംഭവത്തില് പ്രധിക്ഷേധിച്ച് സമീര റെയില്വേ ലൈനില് പ്രാദേശിക സംഘടനകളുടെ നേതൃത്വത്തില് നടന്ന ട്രെയിന് തടയല് സമരത്തിലും പങ്കെടുത്തു. അസം മുസ്ലിം ലീഗ് കോഡിനേറ്റര് അഡ്വ: ബുര്ഹാനുദീന് ബര് വയ്യ, എം എസ് എഫ് അസം സംസ്ഥാന പ്രസിഡണ്ട് തൗസീഫ് അഹമ്മദ്, ദാഹര് ഖാന്, സുഹൈല് ഹുദവി എന്നിവരും ഉണ്ടായിരുന്നു.
കലാപത്തില് വീടുകള് നഷ്ടമായവര്ക്ക് അര്ഹമായ നഷ്ട പരിഹാരം ഉറപ്പാക്കാന് മുസ്ലിം ലീഗ് രംഗത്ത് വരും, തിരിച്ചറിയല് രേഖകള് നഷ്ടമായവര്ക്ക് അടിയന്തിരമായി രേഖകള് ലഭ്യമാക്കാന് വേണ്ട നിയമ സഹായവും പാര്ട്ടി നല്കും.സര്വ്വസമ്പാദ്യങ്ങളും ജീവിച്ചിരിക്കുന്നു എന്നതിന്റെ രേഖകളും നഷ്ടമായ മനുഷ്യരെ പരമാവധി നാം ചേര്ത്ത് പിടിക്കും.അസമിലെ വര്ഗീയ അക്രമണങ്ങളെക്കുറിച്ച് കഴിഞ്ഞ ദിവസം ഇ ടി മുഹമ്മദ് ബഷീര് പാര്ലമെന്റില് സംസാരിച്ചിരുന്നു. ഇതെ തുടര്ന്നാണ് യൂത്ത് ലീഗ് പ്രതിനിധി സംഘം അസമിലെത്തിയത്.
india
ആംബുലന്സിന് തീപിടിച്ച് നാല് പേര് മരിച്ചു
ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്.
പാലന്പൂര്: ഗുജറാത്തിലെ അഹമ്മദാബാദ് ഭാഗത്തേക്ക് പോകുകയായിരുന്ന ആംബുലന്സിന് തീപിടിച്ച് നാല് പേര് മരിച്ചു. ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്. മരിച്ചവരില് ഒരു ദിവസം മാത്രം പ്രായമായ പുതുജാത കുഞ്ഞും പിതാവും ഡോക്ടറും നഴ്സും ഉള്പ്പെടുന്നു.
മാസം തികയാതെ ജനിച്ച കുഞ്ഞിന്റെ ആരോഗ്യനില മോശമായതിനെ തുടര്ന്ന്, കൂടുതല് വിദഗ്ധ ചികിത്സക്കായി അഹമ്മദാബാദിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ആദ്യം മൊദാസയിലെ ഒരു സ്വകാര്യ ആശുപത്രിയില് എത്തിയിരുന്ന കുഞ്ഞിനെ തുടര്ന്ന് നില വഷളായതിനാല് അഹമ്മദാബാദിലേക്ക് മാറ്റാന് നിര്ദേശിച്ചു. കുഞ്ഞിനെയും കുടുംബത്തെയും കൊണ്ടുപോകാന് ഓറഞ്ച് ചില്ഡ്രന്സ് ഹോസ്പിറ്റലില് നിന്നാണ് ഡോക്ടറും നഴ്സുമടങ്ങിയ ആംബുലന്സ് എത്തിയതെന്ന് ആരവല്ലി എസ്.പി. മനോഹര് സിംഗ് ജഡേജ അറിയിച്ചു.
ശിശുവിന്റെ പിതാവ് ജിഗ്നേഷ് മോച്ചി (38), കുടുംബാംഗങ്ങള് എന്നിവര് യാത്രതിരിച്ച ആംബുലന്സ് മൊദാസയില് നിന്ന് ചില കിലോമീറ്റര് മാത്രം പിന്നിട്ടപ്പോള് പെട്ടെന്ന് തീപിടിത്തം ഉണ്ടായി. തീ അതിവേഗം ആളിപ്പടര്ന്നതോടെ അഗ്നിശമന സേന എത്തുംമുമ്പ് തന്നെ കുഞ്ഞും പിതാവും ഡോക്ടറായ 30 കാരനായ രാജ്കരണ് ശാന്തിലാല് റെന്റിയയും 23 കാരിയായ നഴ്സ് ഭൂരി മനാത്തും വെന്തുമരിച്ചു.
അപകടസമയം ഡ്രൈവര് കാബിനില് ഉണ്ടായിരുന്ന മൂന്ന് പേര്ക്ക് ഗുരുതരമായ പൊള്ളലേറ്റതായി ഡെപ്യൂട്ടി പൊലീസ് സൂപ്രണ്ട് ആര്ഡി ദാബി പറഞ്ഞു. പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്. സംഭവസ്ഥലത്ത് ഫോറന്സിക് സംഘം പരിശോധന നടത്തുകയും തീപിടിത്തത്തിന്റെ കാരണം കണ്ടെത്താന് അന്വേഷണം തുടരുകയാണെന്നും പൊലീസ് അറിയിച്ചു.
ആംബുലന്സ് തീപിടിത്തത്തിന്റെ കാരണം സംബന്ധിച്ച് ഇപ്പോഴും വ്യക്തതയില്ലെങ്കിലും, വരുത്തിയ അനന്തരഫലങ്ങള് പ്രദേശവാസികളെയും ആരോഗ്യവ്യവസ്ഥയെയും നടുക്കിയിരിക്കുകയാണ്.
india
പോക്സോ കേസ്; ബിജെപി നേതാവ് ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി
ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്.
പ്രായപൂര്ത്തിയാവാത്ത പെണ്കുട്ടിയെ ലൈംഗികാതിക്രമത്തിനിരയാക്കിയ കേസില് കര്ണാടക മുന്മുഖ്യമന്ത്രിയും ബിജെപി നേതാവുമായ ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി. ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്. കേസില് യെദ്യൂരപ്പയെ കൂടാതെ അരുണ് വൈ.എം, രുദ്രേഷ് മരുളസിദ്ധയ്യ, ജി. മാരിസ്വാമി എന്നിവരാണ് മറ്റ് പ്രതികള്.
ബംഗളൂരു സദാശിവനഗര് പൊലീസാണ് അതിജീവിതയുടെ അമ്മ നല്കിയ പരാതിയില് യെദ്യൂരപ്പയുടെ പേരില് പോക്സോ വകുപ്പ് ചുമത്തി കേസെടുത്തത്. 17 വയസുള്ള തന്റെ മകളെ യെദ്യൂരപ്പ വീട്ടില് വെച്ച് ലൈംഗികമായി ഉപദ്രവിച്ചു എന്നാണ് പെണ്കുട്ടിയുടെ അമ്മയുടെ പരാതി. അന്വേഷണം പിന്നീട് സര്ക്കാര് സിഐഡിക്ക് കൈമാറി. കേസ് പരിഗണിക്കുന്ന ബംഗളൂരുവിലെ ജനപ്രതിനിധികളുടെ പ്രത്യേക കോടതി യെദ്യൂരപ്പയോട് ഹാജരാകാന് ആവശ്യപ്പെട്ട് സമന്സ് അയച്ചത് ചോദ്യം ചെയ്ത് യെദ്യൂരപ്പ ഹൈക്കോടതിയെ സമീപിച്ചു. എന്നാല്, കേസ് റദ്ദാക്കണമെന്ന യെദ്യൂരപ്പയുടെ ആവശ്യം ഹൈക്കോടതി തള്ളിയിരുന്നു.
കേസില് യെദ്യൂരപ്പ വിചാരണ നേരിടണമെന്നും ഹൈക്കോടതി വിധിച്ചിരുന്നു. കേസിന്റെ വിചാരണയില് അത്യാവശ്യമല്ലെങ്കില് നേരിട്ട് ഹാജരാകാന് യെദ്യൂരപ്പയെ നിര്ബന്ധിക്കരുതെന്ന് കോടതി ഉത്തരവിട്ടു. ജസ്റ്റിസ് എം.ഐ അരുണിന്റെ സിംഗിള് ബെഞ്ചിന്റെയായിരുന്നു വിധി. ഹൈക്കോടതി വിധിക്ക് പിന്നാലെ സ്പെഷ്യല് പബ്ലിക്ക് പ്രോസിക്യൂട്ടര് അശോക് നായിക് അതിവേഗ കോടതിയെ സമീപിക്കുകയായിരുന്നു.
india
പഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്.
ന്യൂഡല്ഹി: വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് വന്തോതില് വര്ധിപ്പിച്ച് കേന്ദ്ര സര്ക്കാര് സെന്ട്രല് മോട്ടോര് വെഹിക്കിള്സ് നിയമങ്ങളില് ഭേദഗതി വരുത്തി. നിലവിലെ നിരക്കിനെക്കാള് 10 ഇരട്ടി വരെ കൂടുതല് ഫീസാണ് പുതിയ നിയമപ്രകാരം ഈടാക്കുക. ഇതോടൊപ്പം, ഫിറ്റ്നസ് ടെസ്റ്റ് നിര്ബന്ധമാകുന്ന പ്രായപരിധിയും 15 വര്ഷത്തില് നിന്ന് 10 വര്ഷമായി കുറച്ചു. വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്. വാഹനം പഴക്കമാകുന്നതനുസരിച്ച് ഉയര്ന്ന നിരക്കാണ് ഇനി ബാധകമാകുന്നത്.
20 വര്ഷത്തിലധികം പഴക്കമുള്ള ഹെവി കൊമേഴ്സ്യല് വാഹനങ്ങള്ക്കാണ് ഏറ്റവും വലിയ വര്ധനവ്. ഇതുവരെ 2,500 രൂപയായിരുന്ന ഫിറ്റ്നസ് ടെസ്റ്റ് ഫീസ് ഇനി 25,000 രൂപ ആകും. ഇതേ പ്രായത്തിലുള്ള മിഡിയം കൊമേഴ്സ്യല് വാഹനങ്ങള് 1,800 രൂപയ്ക്ക് പകരം 20,000 രൂപ നല്കണം. ലൈറ്റ് മോട്ടോര് വാഹനങ്ങള്ക്ക് 15,000 രൂപയും മൂന്ന് ചക്രവാഹനങ്ങള്ക്ക് 7,000 രൂപയും ഈടാക്കും. 20 വര്ഷം പഴക്കമുള്ള ടു വീലറുകളുടെ ഫീസ് 600 രൂപയില് നിന്ന് 2,000 രൂപ ആയി ഉയര്ന്നു. പുതുക്കിയ റൂള് 81 പ്രകാരം 15 വര്ഷത്തില് താഴെ പഴക്കമുള്ള വാഹനങ്ങള്ക്കും ഫീസ് വര്ധിച്ചിട്ടുണ്ട്. മോട്ടോര്സൈക്കിളുകള്ക്കായി 400 രൂപ, LMV-കള്ക്കായി 600 രൂപ, മിഡിയം-ഹെവി കൊമേഴ്സ്യല് വാഹനങ്ങള്ക്കായി 1,000 രൂപ എന്നിങ്ങനെയാണ് പുതിയ നിരക്ക്. റോഡുകളില് നിന്ന് പഴയതും സുരക്ഷിതമല്ലാത്തതുമായ വാഹനങ്ങള് നീക്കം ചെയ്യാനും വാഹന സ്ക്രാപ്പേജ് നയത്തെ പ്രോത്സാഹിപ്പിക്കാനുമാണ് ഈ ഫീസ് വര്ധനയെന്ന് സര്ക്കാര് അറിയിച്ചു. ഉയര്ന്ന നിരക്ക് പഴക്കം ചെന്ന വാഹനങ്ങള് ഉപയോഗിക്കുന്നത് ചെലവേറിയതാക്കിയതിനാല്, അവ മാറ്റി പുതിയ മോഡലുകള് വാങ്ങാന് ഉടമകള് നിര്ബന്ധിതരാകുമെന്നും വിലയിരുത്തപ്പെടുന്നു.പുതിയ ഫീസ് രാജ്യത്തുടനീളം ഉടന് പ്രാബല്യത്തില് വന്നു.
-
india2 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News2 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india13 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala2 days agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala12 hours agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം