kerala
20,000 കോടി രൂപയുടെ ഉത്തേജക പാക്കേജ് കാപട്യം; ജനങ്ങളെ കബളിപ്പിക്കലെന്ന് വിഡി സതീശന്
പെന്ഷന് കുടിശ്ശിക കൊടുത്തുതീര്ക്കുന്നത് ഉള്പ്പെടെയുള്ളവ സര്ക്കാരിന്റെ ബാധ്യതയാണ്. എന്നാല് പാക്കേജ് പ്രഖ്യാപിക്കുന്നത് ഭാവിയെ മുന്നിര്ത്തിയാണെന്നും അല്ലാതെ കുടിശ്ശിക കൊടുത്ത് തീര്ക്കാനല്ലെന്നും വി ഡി സതീശന് വാര്ത്താസമ്മേളനത്തില് വിമര്ശിച്ചു
തിരുവനന്തപുരം: കോവിഡ് പ്രതിസന്ധി മറികടക്കാന് പ്രഖ്യാപിച്ച 20,000 കോടി രൂപയുടെ ഉത്തേജകപാക്കേജ് കാപട്യമെന്ന് പ്രതിപക്ഷ നേതാവ് വി ഡി സതീശന്. ജനങ്ങളെ കബളിപ്പിക്കുന്നതാണ് പാക്കേജ്. ദുരിതം അനുഭവിക്കുന്നവര്ക്ക് നേരിട്ട് പണം നല്കുമെന്ന് ബജറ്റ് രേഖയില് പറഞ്ഞിട്ട് പിന്നീട് വാര്ത്താസമ്മേളനത്തില് ധനമന്ത്രി കെ എന് ബാലഗോപാല് ഇത് തിരുത്തി. കരാറുകാരുടെയും പെന്ഷന്കാരുടെയും കുടിശ്ശിക തീര്ക്കാനാണ് പണം ചെലവഴിക്കുക എന്നാണ് പറഞ്ഞത്. അങ്ങനെയെങ്കില് ഇതിനെ ഉത്തേജക പാക്കേജായി കാണാന് സാധിക്കില്ല. പെന്ഷന് കുടിശ്ശിക കൊടുത്തുതീര്ക്കുന്നത് ഉള്പ്പെടെയുള്ളവ സര്ക്കാരിന്റെ ബാധ്യതയാണ്. എന്നാല് പാക്കേജ് പ്രഖ്യാപിക്കുന്നത് ഭാവിയെ മുന്നിര്ത്തിയാണെന്നും അല്ലാതെ കുടിശ്ശിക കൊടുത്ത് തീര്ക്കാനല്ലെന്നും വി ഡി സതീശന് വാര്ത്താസമ്മേളനത്തില് വിമര്ശിച്ചു.
20,000 കോടി രൂപയുടെ പാക്കേജില് ആരോഗ്യ അടിയന്തരാവസ്ഥ നേരിടുന്നതിനായി 2800 കോടി രൂപയാണ് നീക്കിവെച്ചത്. ഉപജീവനം പ്രതിസന്ധിയിലായവര്ക്ക് നേരിട്ട് പണം കൈയിലെത്തിക്കുന്നതിനായി 8900 കോടി രൂപയും സാമ്പത്തിക പുനരുജ്ജീവനത്തിനായി വിവിധ ലോണുകള്, പലിശ സബ്സിഡി എന്നിവയ്ക്കായി 8300 കോടി രൂപയും ലഭ്യമാക്കുമെന്നാണ് ബജറ്റില് പറയുന്നത്. പ്രതിസന്ധിയിലായവര്ക്ക് നേരിട്ട് പണം നല്കണമെന്ന് പ്രതിപക്ഷം ആവശ്യപ്പെട്ടിരുന്നതാണ്. ബജറ്റില് ഇത് ഉള്പ്പെടുത്തിയതിനെ സ്വാഗതം ചെയ്യുന്നു. എന്നാല് ഇത് ധനമന്ത്രി മാറ്റി പറയുന്ന സ്ഥിതിയാണ് പിന്നീട് ഉണ്ടായത്. ഇത് പെന്ഷന്കാരുടെയും കരാറുകാരുടെയും കുടിശ്ശിക കൊടുത്തുതീര്ക്കാനാണ് ഉപയോഗിക്കുക എന്നാണ് പറഞ്ഞത്. ഇത് നേരത്തെ തന്നെ നടക്കുന്നതാണ്. അങ്ങനെയെങ്കില് ഇതിനെ ഒരു പുതിയ പ്രഖ്യാപനമായി കണക്കാക്കാന് സാധിക്കില്ല. യഥാര്ത്ഥത്തില് ജനങ്ങളെ കബളിപ്പിക്കുകയാണ് ബജറ്റിലൂടെ സര്ക്കാര് ചെയ്തതെന്ന് വി ഡി സതീശന് വിമര്ശിച്ചു.
കോവിഡ് പാക്കേജ് ബജറ്റ് എസ്റ്റിമേറ്റില് ഉള്പ്പെടുത്താത്തതിനെയും സതീശന് വിമര്ശിച്ചു. യഥാര്ത്ഥത്തില് ഭാവിയില് വരുന്ന ചെലവുകളാണ് എസ്റ്റിമേറ്റില് ഇടംപിടിക്കുന്നത്. അങ്ങനെയെങ്കില് ഇത് ബജറ്റ് എസ്റ്റിമേറ്റില് ഉള്പ്പെടുത്തേണ്ടതാണ്. യഥാര്ത്ഥത്തില് ഇതും കൂടി ഉള്പ്പെടുത്തിയാല് റവന്യൂകമ്മി 37000 കോടി രൂപയാണെന്നും വി ഡി സതീശന് പറഞ്ഞു.
kerala
കണ്ണൂരില് നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു
കണ്ണൂര് കതിരൂര് പുല്യോട് ആണ് സംഭവം നടന്നത്.
നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു. കണ്ണൂര് കതിരൂര് പുല്യോട് ആണ് സംഭവം നടന്നത്. മുഹമ്മദ് മാര്വാന് (3) ആണ് മരിച്ചത്. കുടുംബവീട്ടില് കളിക്കാന് പോയതായിരുന്നു. കാല് വഴുതി വീണതാണെന്ന് പ്രാഥമിക നിഗമനം.
ടാങ്ക് നിറയെ വെള്ളം ഉണ്ടായിരുന്നു. കതിരൂര് പുല്യോട് വെസ്റ്റ് സ്വദേശി അന്ഷിലിന്റെ മകന് മാര്വാന് ആണ് മരിച്ചത്. മൃതദേഹം തലശ്ശേരി ജനറല് ആശുപത്രിയിലേക്ക് മാറ്റിയിരിക്കുകയാണ്.
kerala
‘തീരുമാനങ്ങള് വിവേകപൂര്വ്വമാകണം’; ഗംഭീറിനേയും അഗാര്ക്കറിനേയും ട്രോളി കേരള പൊലീസിന്റെ പോസ്റ്റ്
ഔദ്യോഗിക സോഷ്യല്മീഡിയ അക്കൗണ്ടിലാണ് ‘ട്രാഫിക് നിയമങ്ങള് പാലിക്കുക’ എന്ന തലക്കെട്ടില് പോസ്റ്റ് ചെയ്തത്.
തിരുവനന്തപുരം: ഇന്ത്യന് ക്രിക്കറ്റ് ടീം പരിശീലകന് ഗൗതം ഗംഭീറിനേയും സെലക്ഷന് കമ്മിറ്റി ചെയര്മാന് അജിത് അഗാര്ക്കറിനേയും ട്രോളി കേരള പൊലീസിന്റെ ഫേസ്ബുക്ക് പോസ്റ്റ്. ഔദ്യോഗിക സോഷ്യല്മീഡിയ അക്കൗണ്ടിലാണ് ‘ട്രാഫിക് നിയമങ്ങള് പാലിക്കുക’ എന്ന തലക്കെട്ടില് പോസ്റ്റ് ചെയ്തത്. ഗംഭീറിന്റേയും അഗാര്ക്കറിന്റേയും ചിത്രങ്ങള് പങ്കുവെച്ചുകൊണ്ട് ‘തീരുമാനങ്ങള് വിവേകപൂര്വ്വമാകണം. അത് റോഡിലായാലും ഫീല്ഡിലായാലും’ എന്ന് രേഖപ്പെടുത്തിയിട്ടുണ്ട്.
ഇന്ത്യന് ക്രിക്കറ്റ് ടീമിന്റെ സെലക്ഷനില് ഗംഭീറിനേയും അഗാര്ക്കറിനേയും തെറ്റായ തീരുമാനങ്ങള്ക്കെതിരെ വ്യാപക വിമര്ശനമാണ് ഉയര്ന്നത്. ദക്ഷിണാഫ്രിക്കക്കെതിരായ ടെസ്റ്റ് പരമ്പര നഷ്ടമായതിന് പിന്നാലെ ഏകദിനത്തിലും ഇന്ത്യന് ടീം പരാജയപ്പെട്ടിരുന്നു. റായ്പൂരില് നടന്ന രണ്ടാം ഏകദിനത്തില് 358 റണ്സിന്റെ കൂറ്റന് സ്കോര് പടുത്തുയര്ത്തിയിട്ടും ദക്ഷിണാഫ്രിക്ക വിജയം സ്വന്തമാക്കിയതോടെ, ഇന്ത്യന് ബൗളര്മാരുടെ പ്രകടനത്തിനെതിരെ വ്യപാക വിമര്ശനമാണുയര്ന്നത്.
ജസ്പ്രീത് ബുംറ, മുഹമ്മദ് സിറാജ്, മുഹമ്മദ് ഷമി ഉള്പ്പെടെയുള്ള പ്രധാന താരങ്ങളെയെല്ലാം ഒഴിവാക്കിയാണ് ടീം സെലക്ഷന് നടത്തിയത്. അതേസമയം പ്രസിദ്ധ് കൃഷ്ണ, ഹര്ഷിത് റാണ എന്നിവരെ ടീമിലെടുത്തത് സെലക്ഷന് കമ്മിറ്റിയുടെ പിഴവായാണ് രേഖപ്പെടുത്തിയത്.
india
തിരുവനന്തപുരത്ത് നിന്നും ഡല്ഹിക്ക് 67000 രൂപ വരെ: ഇന്ഡിഗോ പ്രതിസന്ധിയില്, മുതലെടുത്ത് വിമാന കമ്പനികള്
എയര് ഇന്ത്യ അടക്കമുള്ള കമ്പനികള് ടിക്കറ്റ് നിരക്കില് വന് വര്ധനവാണ് വരുത്തിയിരിക്കുന്നത്.
തിരുവനന്തപുരം: ഇന്ഡിഗോ വിമാന സര്വ്വീസുകള് പ്രതിസന്ധിയിലായതോടെ വലഞ്ഞ് യാത്രക്കാര്. ടിക്കറ്റുകള്ക്ക് വിമാന കമ്പനികള് വലിയ തുക ഈടാക്കുന്നതായാണ് റിപ്പോര്ട്ട്. എയര് ഇന്ത്യ അടക്കമുള്ള കമ്പനികള് ടിക്കറ്റ് നിരക്കില് വന് വര്ധനവാണ് വരുത്തിയിരിക്കുന്നത്. സാധാരണ നിലയില് 10000ത്തിന് താഴെയുണ്ടായിരുന്ന ടിക്കറ്റ് നിരക്കുകള് എയര് ഇന്ത്യ 60000 രൂപ വരെയായി ഉയര്ത്തി.
കൊച്ചിയില് നിന്നും ഇന്ന് ഡല്ഹിയിലേക്കുള്ള 4 സര്വ്വീസുകളുടേയും നിരക്ക് 34000 രൂപയാണ്. നാളെ രാവിലെ 11 മണിയുടെ വിമാനത്തിലാണ് യാത്രയെങ്കില് 24676 രൂപ നല്കിയാല് മതി. തിരുവനന്തപുരം-ഡല്ഹി റൂട്ടില് കുറഞ്ഞ നിരക്ക് 24310 രൂപയും കൂടിയ നിരക്ക് 67126 രൂപയുമാണ്. കോഴിക്കോട് നിന്നും നാളെ ഡല്ഹിയിലേക്ക് നേരിട്ടുള്ള സര്വ്വീസുകളൊന്നും ഇല്ല. ബെംഗളൂരു വഴിയുള്ള എയര് ഇന്ത്യയുടെ കണക്ഷന് സര്വ്വീസിന് 32000 രൂപയില് അധികം നല്കണം. ഇതാണ് ഈ റൂട്ടിലെ ഏറ്റവും കുറഞ്ഞ നിരക്കും.
സമാനമായ രീതിയില് മറ്റ് വിമാനക്കമ്പനികളുടെ ടിക്കറ്റ് നിരക്കിലും വലിയ വര്ധനവാണ് ഉണ്ടായിരിക്കുന്നത്. അതേസമയം ഇന്ഡിഗോയിലെ പ്രതിസന്ധി പരിഹരിക്കാന് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) സ്വീകരിച്ച നടപടികളുടെ പശ്ചാത്തലത്തില് ടിക്കറ്റ് നിരക്കില് നേരിയ കുറവ് വരുത്താനും വിമാന കമ്പനികള് തയ്യാറായിട്ടുണ്ട്.
പുതിയ നിയമം നടപ്പാക്കലാണ് ഇന്ഡിഗോയുടെ പ്രവര്ത്തനത്തെ അവതാളത്തിലാക്കിയത്. പൈലറ്റുമാരുടെ വിശ്രമ സമയം 36 മണിക്കൂറില് നിന്നും 48 മണിക്കൂറാക്കിയിരുന്നു. അനവദനീയമായ രാത്രി ലാന്ഡിങ് ആറ് മണിക്കൂറില് നിന്നും രണ്ട് മണിക്കൂറായും കുറച്ചു. ഈ മാറ്റങ്ങള് പൈലറ്റ് ഷെഡ്യൂളിംഗിനെ കാര്യമായി ബാധിക്കുകയായിരുന്നു.
അതേസമയം, വിമാനം റദ്ദാക്കലില് നിരവധി യാത്രക്കാര് വലഞ്ഞതിന് പിന്നാലെ പൈലറ്റുമാര്ക്കുള്ള പുതിയ മാര്ഗനിര്ദേശം ഡിജിസിഎ പിന്വലിച്ചിട്ടുണ്ട്.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala1 day agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala1 day agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF1 day agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india2 days agoപി.എം ശ്രീ പദ്ധതി: സിപിഎം- ബിജെപി ഡീലിലെ ഇടനിലക്കാരന് ജോണ് ബ്രിട്ടാസ്
-
india2 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india2 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു