kerala
ന്യൂനപക്ഷങ്ങള്ക്കുള്ള ഭരണഘടനാപരമായ അവകാശങ്ങള് പിച്ചിച്ചീന്തുകയാണെന്ന് ഇ.ടി മുഹമ്മദ് ബഷീര്
നീതി നല്കുന്ന കാര്യത്തില് ഈ ജനവിഭാഗത്തോട് കാണിക്കുന്ന തെറ്റായ നയം തിരുത്താന് ഗവണ്മെന്റ് തയ്യാറാകണമെന്നും ഇ.ടി. കൂട്ടിച്ചേര്ത്തു.
രാജ്യത്ത് ന്യൂനപക്ഷങ്ങള്ക്കുള്ള ഭരണഘടനാപരമായ അവകാശങ്ങള് പിച്ചിച്ചീന്തുകയാണെന്ന് മുസ്ലിംലീഗ് ദേശീയ ഓര്ഗനൈസിംഗ് സെക്രട്ടറി ഇ.ടി മുഹമ്മദ് ബഷീര് എം.പി പാര്ലമെന്റില് അഭിപ്രായപ്പെട്ടു. എസ്.സി, എസ്.ടി, ദലിത് ന്യൂനപക്ഷങ്ങള്ക്കെതിരെയുള്ള അതിക്രമങ്ങള് രാജ്യത്ത് അനുദിനം വര്ദ്ധിച്ചു വരികയാണെന്നും അവക്ക് അറുതി വരുത്താനും ഈ ജനവിഭാഗങ്ങളുടെ ജീവനും സ്വത്തിനും സംരക്ഷണം നല്കുവാനും കേന്ദ്ര സര്ക്കാര് സത്വര നടപടികള് സ്വീകരിക്കണമെന്നും അദ്ദേഹം ആവശ്യപ്പെട്ടു. ന്യൂനപക്ഷങ്ങളും ഈ നാട്ടിലെ അഭിമാനമുള്ള പൗരന്മാരാണ്. അഭിമാനത്തോടു കൂടി ജീവിക്കേണ്ടവരുമാണ്. അവര്ക്കെതിരെ നടക്കുന്ന അതിക്രമങ്ങള്ക്ക് എതിരെ കണ്ണടക്കാന് കഴിയില്ല. നീതി നല്കുന്ന കാര്യത്തില് ഈ ജനവിഭാഗത്തോട് കാണിക്കുന്ന തെറ്റായ നയം തിരുത്താന് ഗവണ്മെന്റ് തയ്യാറാകണമെന്നും ഇ.ടി. കൂട്ടിച്ചേര്ത്തു.
ഇന്ത്യയുടെ പലഭാഗത്തും സന്ദര്ശിക്കാന് അവസരം ഉണ്ടായതിന്റെ കൂട്ടത്തില് ഗുരുകുട്ടി പദ്ധതിയുടെ ഭാഗമായി ആസമില് നടന്ന വലിയ തോതിലുള്ള കുടിയൊഴിപ്പിക്കല് കാണാന് എനിക്ക് ഇടയായി. അവിടെ നിന്നും നിരപരാധികളായ ആളുകളെ ആട്ടിയോടിക്കുകയാണ്. നരകതുല്യമായ അനുഭവങ്ങള് രാജ്യത്തിന്റെ പല ഭാഗത്തും ഉണ്ടായികൊണ്ടിരിക്കുകയാണ്. ഹരിയാനയിലെ ഗുരുഗ്രാം പ്രദേശത്ത് കഴിഞ്ഞ രണ്ടുമൂന്ന് മാസമായി ആളുകള്ക്ക് ജുമുഅ നമസ്കാരം നടത്താന് പോലും കഴിയാതെ വന്നിരിക്കുന്നു.
നമസ്കരിക്കാന് വരുന്ന ആളുകളെ ആക്രമിക്കുകയും അവരെ നമസ്കരിക്കാന് സമ്മതിക്കാതിരിക്കുകയും ചെയ്യുന്ന ക്രൂരമായ നടപടികളാണ് അവിടെ നടന്നുകൊണ്ടിരിക്കുന്നത്. ഏതാണ്ട് നാലര ലക്ഷത്തോളം മുസ്ലിംകള് അവിടെ ഉണ്ട്. ഇത്രയും ആളുകള്ക്ക് പ്രാര്ത്ഥന നടത്താനുള്ള സൗകര്യം നിഷേധിക്കപ്പെട്ടത് ഈ സഭയുടെ തന്നെ ഗൗരവമായ ശ്രദ്ധയില്പ്പെടുത്തേണ്ട കാര്യമാണെന്നും ഇ.ടി.പറഞ്ഞു.
kerala
‘സ്ഥാനാര്ഥികളെയും ഉദ്യോഗസ്ഥരെയും ഭീഷണിപ്പെടുത്തുന്നു’; സിപിഎം ഗുണ്ടായിസമെന്ന് വി ഡി സതീശന്
കോട്ടയം: തദ്ദേശ തെരഞ്ഞെടുപ്പില് സിപിഎം ചെയ്യുന്നത് ഗുണ്ടായിസമെന്ന് പ്രതിപക്ഷ നേതാവ് വി ഡി സതീശന്. ജനാധിപത്യത്തെ കശാപ്പ് ചെയ്താണ് തെരഞ്ഞെടുപ്പിനു മുന്പേ കണ്ണൂരില് സിപിഎം സ്ഥാനാര്ഥികള് വിജയം ആഘോഷിക്കുന്നതെന്നും വിഡി സതീശന് പറഞ്ഞു.
സംസ്ഥാന സെക്രട്ടറിയുടെ വാര്ഡില് പോലും സിപിഎം ക്രിമിനലുകള് യുഡിഎഫ് സ്ഥാനാര്ഥികളാകാന് തയാറായവരെ ഭീഷണിപ്പെടുത്തി. ഉദ്യോഗസ്ഥരെ ഭീഷണിപ്പെടുത്തി നാമ നിര്ദ്ദേശപത്രിക തള്ളാനും പിന്വലിപ്പിക്കാനും ശ്രമിക്കുന്നുവെന്നും സതീശന് ആരോപിച്ചു. സിപിഎമ്മിന്റേത് വിചിത്രമായ സമീപനമാണെന്നും പ്രതിപക്ഷ നേതാവ് വിമര്ശിച്ചു.
സംസ്ഥാനത്ത് ഇതുവരെയും കാണാത്ത രീതികളാണ് നടക്കുന്നത്. സ്ഥാനാര്ത്ഥി സ്വന്തമാണെന്ന് പറഞ്ഞിട്ട് പോലും റിട്ടേണിംഗ് ഓഫീസര് എതിര്ക്കുന്നു. യുഡിഎഫ് സ്ഥാനാര്ഥികളുടെ നാമനിര്ദേശ പത്രികകള് സൂക്ഷ്മ പരിശോധനയില് നിയമവിരുദ്ധമായി തള്ളാന് സിപിഎം ഫ്രാക്ഷന് പോലെ ഒരു സംഘം തെരഞ്ഞെടുപ്പ് ഉദ്യോഗസ്ഥര് പ്രവര്ത്തിച്ചു. ബിജെപിയുടെ ഫാസിസത്തില് നിന്നും സിപിഎമ്മും വ്യത്യസ്തമല്ലെന്നും സിപിഎം ഫാസിസ്റ്റ് പാര്ട്ടിയായി മാറുകയാണെന്നും സതീശന് ആരോപിച്ചു.
‘സിപിഎം ക്രിമിനല് സംഘത്തിന്റെ ഭീഷണിയുള്ള കണ്ണൂര് ജില്ലയിലെ മലപ്പട്ടത്തും കണ്ണപുരത്തും ആന്തൂരിലും ഇത് വ്യക്തമായിരുന്നു. മലപ്പട്ടം പഞ്ചായത്തില് യുഡിഎഫ് സ്ഥാനാര്ഥിയുടെ പത്രിക തള്ളാന് വരണാധികാരിക്ക് മുന്നില് സ്ഥാനാര്ഥി ഇട്ട ഒപ്പ് വ്യാജമാണെന്ന വിചിത്രമായ കണ്ടെത്തലാണ് ഉദ്യോഗസ്ഥന് നടത്തിയത്. എറണാകുളം കടമക്കുടി ജില്ലാ പഞ്ചായത്ത് ഡിവിഷനില് തിരുത്തിയ പത്രിക സമര്പ്പിക്കാന് എത്തിയ യുഡിഎഫ് സ്ഥാനാര്ഥി വരണാധികാരിക്ക് മുന്നില് എത്തുന്നത് വൈകിപ്പിക്കാന് പൊലീസ് ഉദ്യോഗസ്ഥര് ശ്രമിച്ച സംഭവവും ഉണ്ടായി.
പാലക്കാട് അട്ടപ്പാടിയില് എതിര് സ്ഥാനാര്ഥിയെ തട്ടിക്കളയുമെന്നാണ് സിപിഎം ലോക്കല് സെക്രട്ടറിയുടെ ഭീഷണി. കണ്ണൂര്, കാസര്കോട് ജില്ലകളില് ഖാദി ബോര്ഡിലെ താല്ക്കാലിക ജീവനക്കാരായ നാല് സിപിഎം സ്ഥാനാര്ഥികളുടെ പത്രിക അംഗീകരിച്ച തിരഞ്ഞെടുപ്പ് കമ്മിഷന് എറാണകുളം ആലങ്ങാട് ബ്ലോക്ക് പഞ്ചായത്ത് സ്ഥാനാര്ഥിയുടെ പത്രിക ഖാദി ബോര്ഡ് താല്ക്കാലിക ജീവനക്കാരിയാണെന്ന കാരണം ചൂണ്ടിക്കാട്ടിയാണ് തള്ളിയത്. തെരഞ്ഞെടുപ്പ് ഉദ്യോഗസ്ഥരുടെ പക്ഷപാതപരമായ നടപടിയെ യുഡിഎഫ് നിയമപരമായി നേരിടും’ വി.ഡി.സതീശന് പറഞ്ഞു. നാമ നിര്ദ്ദേശപത്രികകള് തള്ളിയതിനെതിരെ യുഡിഎഫ് കോടതിയെ സമീപിക്കുമെന്നും വി ഡി സതീശന് കൂട്ടിച്ചേര്ത്തു.
kerala
‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
കോഴിക്കോട്: കണ്ണൂർ പാലത്തായി പോക്സോ കേസിൽ പ്രതി ഹിന്ദു ആയതുകൊണ്ടാണ് മുസ്ലിം ലീഗും എസ്ഡിപിഐയും ഇടപെട്ടതെന്ന വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് ഹിന്ദു ഐക്യവേദി. ഹിന്ദു ഐക്യവേദി സംസ്ഥാന പ്രസിഡന്റ് ആർ.വി ബാബുവും മുൻ പ്രസിഡന്റ് കെ.പി ശശികലയുമാണ് വർഗീയ പരാമർശം നടത്തിയ സിപിഎം കണ്ണൂർ ജില്ലാ സെക്രട്ടേറിയറ്റംഗം പി. ഹരീന്ദ്രനെ പിന്തുണച്ച് രംഗത്തെത്തിയത്.
‘ഓരോ ഹിന്ദു സഖാവും ഈ ചോദ്യം ഉറക്കെ ചോദിക്കണം’ എന്നാണ് ആർ.വി ബാബുവിന്റെ ഫേസ്ബുക്ക് പോസ്റ്റ്. എത്ര നാൾ അടക്കിവെക്കാം, ഒരു നാൾ സത്യം പുറത്തുവരും, എല്ലാവരേയും എല്ലാ കാലത്തേക്കും മണ്ടന്മാരാക്കാൻ ഒരു പാർട്ടിക്കും സാധിക്കില്ല- എന്നാണ് കെ.പി ശശികലയുടെ കുറിപ്പ്.
‘ഓരോ ഹിന്ദു സഖാവും തിരിച്ചറിയേണ്ട സത്യം’- എന്നാണ് ഹിന്ദുത്വവാദിയും അന്താരാഷ്ട്ര ഹിന്ദു പരിഷത്ത് (എഎച്ച്പി) മുൻ നേതാവുമായ പ്രതീഷ് പ്രതീഷ് വിശ്വനാഥിന്റെ പോസ്റ്റ്. കണ്ണൂരിൽ നടന്ന പരിപാടിയിലാണ് സിപിഎം നേതാവ് വിദ്വേഷ പരാമർശം നടത്തിയത്.
പാലത്തായി കേസിൽ പ്രതി ഹിന്ദു ആയതു കൊണ്ടാണ് മുസ്ലിം ലീഗും എസ്ഡിപിഐയും പ്രശ്നത്തിൽ ഇടപെട്ടത്. ഉസ്താദുമാർ കുട്ടികളെ പീഡിപ്പിക്കുന്ന സംഭവങ്ങളിൽ ലീഗോ എസ്ഡിപിഐയോ ഇടപെടാറുണ്ടോ- എന്നായിരുന്നു ആർഎസ്എസ്- ബിജെപി നേതാവ് കെ. പത്മരാജന് ശിക്ഷിക്കപ്പെട്ട കേസിൽ സിപിഎം നേതാവിൻ്റെ വിവാദ പരാമർശം.
‘ഇക്കാലമത്രയും സിപിഎമ്മാണ് കേസ് നടത്തിപ്പുമായി നടന്നത്. കേസിന്റെ നടത്തിപ്പിനോ സാക്ഷി വിസ്താരത്തിനോ ആരുമുണ്ടായിട്ടില്ല. പാലത്തായി പെൺകുട്ടിക്ക് എന്തെങ്കിലും സഹായം നൽകുക എന്നതിന് ഉപരിയായി ഈ കേസിനെ സിപിഎമ്മിന് എതിരായായി തിരിച്ചുവിടുക എന്നാണ് അന്നും ഇന്ന് അവർ ശ്രമിച്ചുകൊണ്ടിരിക്കുന്നത്- എന്നും സിപിഎം നേതാവ് അഭിപ്രായപ്പെട്ടു.
kerala
കശ്മീരില് പട്രോളിങ്ങിനിടെ അപകടത്തില് മരിച്ച മലപ്പുറം സ്വദേശി സുബേദാര് കെ. സജീഷിന് വിട നല്കി നാട്
പതിവ് പരിശോധനയ്ക്കിടെ കാല്വഴുതി കൊക്കയിലേക്ക് വീണായിരുന്നു സൈനികന് അപകടം.
ജമ്മു കശ്മീരില് പട്രോളിങ്ങിനിടെ അപകടത്തില് മരിച്ച മലപ്പുറം സ്വദേശിയായ സൈനികന് സുബേദാര് കെ. സജീഷിന് വിട നല്കി നാട്. പതിവ് പരിശോധനയ്ക്കിടെ കാല്വഴുതി കൊക്കയിലേക്ക് വീണായിരുന്നു സൈനികന് അപകടം. വീടിനോട് ചേര്ന്ന കുടുംബ ശ്മശാനത്തില് ഔദ്യോഗിക ബഹുമതികളുടെ മൃതദേഹം സംസ്കരിച്ചു.
പ്രത്യേക വിമാനത്തില് ഇന്നലെ രാത്രി കോഴിക്കോട് അന്താരാഷ്ട്ര വിമാനത്താവളത്തില് എത്തിച്ച മൃതദേഹം….സൈനിക ഉദ്യോഗസ്ഥര് ഏറ്റുവാങ്ങി. തുടര്ന്ന് രാത്രി പത്തോടെ ഒതുക്കുങ്ങല് ചെറുകുന്നിലെ വീട്ടില് എത്തിച്ചു. വീട്ടിലെത്തിയും ചെറുകുന്ന് ബാലപ്രബോധനി സ്കൂളിലെ പൊതുദര്ശനത്തിലുമായി പ്രമുഖര് ഉള്പ്പെടെ നൂറുകണക്കിനാളുകള് അന്തിമോപചാരം അര്പ്പിച്ചു.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
world23 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala3 days agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി