india
ഹജ്ജ് യാത്രാ നിരക്കില് 1.37 ലക്ഷം രൂപയുടെ വര്ധനവ്
ഹജ്ജ് കമ്മിറ്റി വഴിയുള്ള ഈ വര്ഷത്തെ ഹജ്ജ് യാത്രാ നിരക്കില് വന് വര്ധനവ്. ഏറ്റവും ഒടുവില് ഇന്ത്യയില് നിന്ന് നേരിട്ട് ഹജ്ജിന് അനുമതി ലഭിച്ച 2019നെ അപേക്ഷിച്ച് ഇത്തവണ 56 ശതമാനത്തിന്റെ(1,37,650 രൂപയുടെ) വര്ധനവാണ് ഉണ്ടായിരിക്കുന്നത്.
നെടുമ്പാശ്ശേരി: ഹജ്ജ് കമ്മിറ്റി വഴിയുള്ള ഈ വര്ഷത്തെ ഹജ്ജ് യാത്രാ നിരക്കില് വന് വര്ധനവ്. ഏറ്റവും ഒടുവില് ഇന്ത്യയില് നിന്ന് നേരിട്ട് ഹജ്ജിന് അനുമതി ലഭിച്ച 2019നെ അപേക്ഷിച്ച് ഇത്തവണ 56 ശതമാനത്തിന്റെ(1,37,650 രൂപയുടെ) വര്ധനവാണ് ഉണ്ടായിരിക്കുന്നത്.
ഈ വര്ഷം നെടുമ്പാശ്ശേരിയില് നിന്ന് 3,84,200 രൂപയാണ് ഓരോ തീര്ഥാടകര്ക്കും ചിലവ് കണക്കാക്കിയിരിക്കുന്നത്. 2019ല് രണ്ട് കാറ്റഗറിയിലായാണ് തീര്ഥാടകര് യാത്രയായത്. ഇതില് കരിപ്പൂരില് നിന്ന് ഗ്രീന് കാറ്റഗറിയില് 2,82,550 രൂപയും നെടുമ്പാശ്ശേരിയില് നിന്ന് 2,83,550 രൂപയുമായിരുന്നു ചിലവ്. അസീസിയ കാറ്റഗറിയില് 2,45,550ഉം 2,46,550 രൂപയുമായിരുന്നു ചിലവ്.
എന്നാല് ഇത്തവണ അസീസിയ കാറ്റഗറി മാത്രമാണ് ഉള്ളത്. ഈ വര്ഷം ഹജ്ജ് കമ്മിറ്റി വഴി യാത്രയാകുന്ന എല്ലാ തീര്ഥാടകര്ക്കും അസീസിയയിലാണ് താമസം. മാത്രമല്ല, നിലവില് പ്രഖ്യാപിച്ച തുകയില് നിന്ന് വീണ്ടും അഞ്ച് ശതമാനം വരെ വര്ധനവ് ഉണ്ടാകാന് സാധ്യതയുണ്ടെന്നും ഹജ്ജ് കമ്മിറ്റിയുടെ അറിയിപ്പില് പറയുന്നു.
മുന് വര്ഷത്തെ അപേക്ഷിച്ച് ഹജ്ജ് യാത്രാ നിരക്കില് ഇത്തവണ കാര്യമായ വര്ധനവ് ഉണ്ടാവില്ലെന്നാണ് ഒരാഴ്ച്ച മുന്പ് വരെ കേന്ദ്ര ഹജ്ജ് കമ്മിറ്റി ചെയര്മാന് എ.പി അബ്ദുല്ലക്കുട്ടി വ്യക്തമാക്കിയിരുന്നത്. എന്നാല് നിരക്ക് പ്രാബല്യത്തില് വന്നതോടെ ചെയര്മാന്റെ പ്രഖ്യാപനം ജലരേഖയായി.
india
ഡിറ്റ് വാ ചുഴലിക്കാറ്റ്: ശ്രീലങ്കയില് മരണസംഖ്യ 410; 336 പേരെ കാണാതായി
രാജ്യത്ത് പ്രവര്ത്തിക്കുന്ന 1,441 ദുരിതാശ്വാസ ക്യാമ്പുകളിലായി 2,33,015 പേര് മാറി താമസിക്കുകയാണ്.
ഡിറ്റ് വാ ചുഴലിക്കാറ്റിനെ തുടര്ന്ന് ശ്രീലങ്കയില് മരണസംഖ്യ 410 ആയി ഉയര്ന്നു. 336 പേരെ ഇതുവരെ കണ്ടെത്താനായിട്ടില്ല. രാജ്യത്ത് പ്രവര്ത്തിക്കുന്ന 1,441 ദുരിതാശ്വാസ ക്യാമ്പുകളിലായി 2,33,015 പേര് മാറി താമസിക്കുകയാണ്. 565 വീടുകള് പൂര്ണമായും തകര്ന്ന് നശിച്ചപ്പോള് 20,271 വീടുകള്ക്ക് കേടുപാടുകളുണ്ടായതായും റിപ്പോര്ട്ടുകള് വ്യക്തീകരിക്കുന്നു.
ശക്തി കുറഞ്ഞ ഡിറ്റ് വാ ചുഴലിക്കാറ്റ് ഇന്ന് പുലര്ച്ചെ അഞ്ചരയോടെ ന്യൂനമര്ദ്ദമായി ദുര്ബലമായതായി കാലാവസ്ഥാ നിരീക്ഷണ വകുപ്പിന്റെ വിലയിരുത്തല്. അടുത്ത 24 മണിക്കൂറിനുള്ളില് ന്യൂനമര്ദ്ദവും പൂര്ണമായും ക്ഷയിക്കുമെന്നാണ് പ്രവചനം.
ചുഴലിക്കാറ്റിന്റെ അവശേഷിക്കുന്ന പ്രഭാവത്തെ തുടര്ന്ന് ചെന്നൈ ഉള്പ്പെടെ തമിഴ്നാട്ടിലെ ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. 12 ജില്ലകളില് യെല്ലോ അലര്ട്ടും നിലവിലുണ്ട്. പുതുച്ചേരിയില് ഓറഞ്ച് അലര്ട്ടും കാരയ്ക്കലില് യെല്ലോ അലര്ട്ടും പ്രഖ്യാപിച്ചിരിക്കുകയാണ്.
india
സഞ്ചാര് സാഥി ആപ് ചാരവൃത്തിക്കുള്ള ആയുധമോ?; പ്രതിഷേധം കനക്കുന്നു
സഞ്ചാര് സാഥി ആപ് പ്രി ഇന്സ്റ്റാള് ചെയ്യണമെന്ന കേന്ദ്ര സര്ക്കാര് നിര്ദേശത്തോട് നോ പറഞ്ഞ് ഐ ഫോണ് നിര്മ്മാതാക്കളായ ആപ്പിള്.
ന്യൂഡല്ഹി: കേന്ദ്ര സര്ക്കാറിന്റെ സൈബര് സുരക്ഷാ മൊബൈല് ആപ്ലിക്കേഷനായ സഞ്ചാര് സാഥി ഇന്ത്യയില് വിപണിയില് ഇറക്കുന്ന മുഴുവന് മൊബൈല് ഫോണുകളിലും നിര്ബന്ധമാക്കി കേന്ദ്ര സര്ക്കാര് നല്കിയ സര്ക്കുലറിനെതിരെ പ്രതിഷേധം കടുപ്പിച്ച് പ്രതിപക്ഷം. സൈബര് സുരക്ഷ ഉറപ്പാക്കാനെന്ന പേരിലാണ് കേന്ദ്ര ടെലികോം മന്ത്രാലയം മൊബൈല് ഫോണ് നിര്മ്മാതാക്കള്ക്കും വിപണനക്കാര്ക്കും നിര്ദേശം നല്കിയിരിക്കുന്നത്. അതേസമയം ചാരവൃത്തിക്കും പൗരന്മാരെ നിരീക്ഷിക്കാനുമുള്ള ആയുധമാക്കി സഞ്ചാര് സാഥിയെ മാറ്റാനാണ് കേന്ദ്ര സര്ക്കാര് നീക്കമെന്ന വിമര്ശനവുമായി പ്രതിപക്ഷം രംഗത്തെത്തി.
നവംബര് 28 മുതല് 90 ദിവസത്തിനുള്ളില് ഇന്ത്യയില് വില്പ്പന നടത്തുകയോ ഇന്ത്യയിലേക്ക് ഇറക്കു മതി ചെയ്യുകയോ ചെയ്യുന്ന മുഴുവന് സ്മാര്ട്ട് ഫോണുകളിലും സഞ്ചാര് സാഥി ആപ് പ്രീഇന്സ്റ്റാളേഷന് നടത്തിയിരിക്കണമെന്നാണ് ടെലികോം മന്ത്രാലയം മൊബൈല് ഫോണ് നിര്മ്മാതാക്കള്ക്ക് അയച്ച കത്തില് നിര്ദേശിക്കുന്നത്. ഇതിനകം നിര്മ്മാണം പൂര്ത്തിയായി വിപണനത്തിന് തയ്യറായിരിക്കുന്ന ഫോണുകളില് സോഫ്റ്റ്വെയര് അപ്ഡേഷന് വഴി സഞ്ചാര് സാഥി ആപ് ഇന്സ്റ്റാള് ചെയ്യണമെ ന്നും കേന്ദ്ര നിര്ദേശത്തിന്മേല് സ്വീകരിച്ച നടപടികള് സംബന്ധിച്ച് 120 ദിവസത്തിനകം റിപ്പോര്ട്ട് നല്കണമെന്നും മൊബൈല് കമ്പനികള്ക്ക് നല്കിയ നിര്ദേശത്തില് പറയുന്നു
നോ പറഞ്ഞ് ആപ്പിള്
ന്യൂഡല്ഹി: ഇന്ത്യയില് വിപണിയില് ഇറക്കുന്ന സ്മാര്ട്ട് ഫോണുകളില് സഞ്ചാര് സാഥി ആപ് പ്രി ഇന്സ്റ്റാള് ചെയ്യണമെന്ന കേന്ദ്ര സര്ക്കാര് നിര്ദേശത്തോട് നോ പറഞ്ഞ് ഐ ഫോണ് നിര്മ്മാതാക്കളായ ആപ്പിള്. ഉപയോക്താക്കളുടെ സ്വകാര്യത ലംഘിക്കുന്നതും സുരക്ഷാ പ്രശ്നങ്ങള് സൃഷ്ടിക്കുന്ന തുമാണ് നിര്ദേശം എന്നു പറഞ്ഞാണ്, ഇന്ത്യാ ഗവണ്മെന്റിന്റെ നിര്ദേശം നടപ്പാക്കില്ലെന്ന് ആപ്പിള് വ്യക്തമാക്കിയത്. ലോകത്തെവിടെയും തങ്ങള് ഇത്തരമൊരു നിര്ദേശം നടപ്പാക്കുന്നില്ലെന്ന കാര്യം ഇന്ത്യാ ഗവണ്മെന്റിനെ അറിയിക്കുമെന്നും ആപ്പിള് വ്യക്തമാക്കി
india
പ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
ഇന്ന് നടന്ന കാര്യോപദേശക സമിതിയിലാണ് (ബിഎസി) തീരുമാനം.
പ്രതിപക്ഷത്തിനുമുന്നില് മുട്ട് മടക്കി കേന്ദ്ര സര്ക്കാര്. പാര്ലമെന്റില് എസ്ഐആര് ചര്ച്ച ചെയ്യണമെന്ന പ്രതിപക്ഷ ആവശ്യം കേന്ദ്ര സര്ക്കാര് അംഗീകരിച്ചു. 9,10 തീയതികളില് ലോക്സഭയില് ചര്ച്ച നടക്കും. ഇന്ന് നടന്ന കാര്യോപദേശക സമിതിയിലാണ് (ബിഎസി) തീരുമാനം. നിയമമന്ത്രി അര്ജുന്റാം മേഘ്വാള് 2 ദിവസത്തെ ചര്ച്ചയ്ക്കു പിന്നാലെ സഭയില് മറുപടി നല്കും. 10 മണിക്കൂറാണ് രണ്ടു ദിവസത്തെ ചര്ച്ചയ്ക്കായി ആകെ മാറ്റിവച്ചിരിക്കുന്നത്.
കഴിഞ്ഞ സമ്മേളനത്തില് പ്രതിപക്ഷം ആവര്ത്തിച്ച് വിഷയം ചര്ച്ച ചെയ്യാന് ആവശ്യപ്പെട്ടിരുന്നു. എന്നാല് സര്ക്കാര് ഇതിനു വഴങ്ങിയിരുന്നില്ല. ഇതിനു പിന്നാലെ പ്രതിപക്ഷത്തിനുമുന്നില് കേന്ദ്ര സര്ക്കാര് മുട്ടുമടക്കുകയായിരുന്നു. ‘വന്ദേ മാതര’ത്തിന്റെ 150ാം വാര്ഷികത്തിന്റെ ഭാഗമായി ഡിസംബര് 8ന് പ്രത്യേക ചര്ച്ചയുമുണ്ടാകും.
-
kerala2 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala19 hours agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india20 hours agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala2 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india2 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
kerala17 hours agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
kerala18 hours agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്