kerala
ഹൈദരാബാദ് കേന്ദ്ര സര്വകലാശാലയില് വിദ്യാര്ത്ഥി യൂണിയന് തിരഞ്ഞെടുപ്പ് കണ്വന്ഷന് ഉദ്ഘാടനം മുനവ്വറലി ശിഹാബ് തങ്ങള് നിര്വഹിച്ചു
എം.എസ്.എഫ് ദേശീയ പ്രസിഡന്റ് പി.വി അഹമ്മദ് സാജു മുഖ്യാഥിതിയായി.
ഹൈദരാബാദ്: കേന്ദ്ര സര്വകലാശാലയില് വിദ്യാര്ത്ഥി യൂണിയന് തിരഞ്ഞെടുപ്പിന്റെ ഭാഗമായി ഹൈദരാബാദ് കേന്ദ്ര സര്വകലാശാലയില് നടന്ന തിരഞ്ഞെടുപ്പ് കണ്വന്ഷന് പാണക്കാട് സയ്യിദ് മുനവ്വറലി ശിഹാബ് തങ്ങള് ഉദ്ഘാടനം നിര്വഹിച്ചു. എ.ബി.വി.പിയുടെ ഫാസിസ്റ്റ് അക്രമ രാഷ്ട്രീയത്തെ അതിജീവിച്ച് സര്വകലാശാലയില് രാഷ്ട്രീയ പോരാട്ടത്തിന് നേതൃത്വം നല്കുന്ന എം.എസ്.എഫ് പ്രവര്ത്തകരെ തങ്ങള് അഭിനന്ദിച്ചു.
വിയോജിപ്പിന്റെ വിദ്യാര്ത്ഥി ശബ്ദങ്ങളെ നിശബ്ദരാക്കാനുള്ള സംഘ്പരിവാര് ഫാസിസ്റ്റ് ശക്തികള്ക്കെതിരെയുള്ള പോരാട്ടത്തിലാണ് രോഹിത് വെമുലയുടെ ഹൈദരാബാദ് കേന്ദ്ര സര്വകലാശാലയിലെ വിദ്യാര്ത്ഥികളെന്ന് മുനവ്വറലി തങ്ങള് അഭിപ്രായപ്പെട്ടു. രാജ്യത്തെ വരിഞ്ഞുമുറുക്കിയ ഫാസിസ്റ്റ് ശക്തികള്ക്കെതിരെ പ്രതിപക്ഷ ശബ്ദമായി ഇന്ത്യന് ക്യാമ്പസുകള് എന്നും മുന്നിരയിലുണ്ട്. എം.എസ്.എഫിന്റെ നേതൃത്വത്തില് അലയന്സ് ഫോര് സോഷ്യല് ഡെമോക്രസി രൂപീകരിച്ച് എ.ബി.വി.പി ക്കെതിരെ ശക്തമായ ഫാസിസ്റ്റ് വിരുദ്ധ രാഷ്ട്രീയം ഉയര്ത്തിപ്പിടിച്ചാണ് വിദ്യാര്ത്ഥികള് തിരഞ്ഞെടുപ്പില് മത്സരിക്കുന്നത്. എം.എസ്.എഫ് യൂണിറ്റ് പ്രസിഡന്റ് മുഹമ്മദ് മുഹ്സിന് അധ്യക്ഷത വഹിച്ചു. എം.എസ്.എഫ് ദേശീയ പ്രസിഡന്റ് പി.വി അഹമ്മദ് സാജു മുഖ്യാഥിതിയായി.
ക്യാമ്പസ് യൂണിറ്റ് എം.എസ്.എഫ് നേതാക്കളായ ത്വയ്യിബ്, ജുനൈദ്, അഖില്, മുഹമ്മദ് നിഹാല് എന്നിവര് സംസാരിച്ചു. മൗലാനാ ആസാദ് നാഷണല് ഉറുദു യൂണിവേഴ്സിറ്റിയില് നടന്ന എം.എസ്.എഫ് പ്രവര്ത്തക സംഗമം സയ്യിദ് മുനവ്വറലി ശിഹാബ് തങ്ങള് ഉല്ഘാടനം ചെയ്തു. എം.എസ്.എഫ് ദേശീയ പ്രസിഡന്റ് പി.വി അഹമ്മദ് സാജു മുഖ്യ പ്രഭാഷണം നിര്വഹിച്ചു. ക്യാമ്പസ് യൂണിറ്റ് എം എസ് എഫ് നേതാക്കളായ നൗഫല് എ.പി, മുഹമ്മദ് അന്ഷൂര്, ഫസ്മി, സിനാന് എന്നിവര് സംസാരിച്ചു. ഹൈദരാബാദ് ഇഫ്ലു ക്യാമ്പസ്, ഉസ്മാനിയ യൂണിവേഴ്സിറ്റി എന്നിവടങ്ങളിലും നേതാക്കള് പര്യടനം നടത്തി.
kerala
വാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്.
വടകരയില് വാഹനാപകടത്തെ തുടര്ന്ന് കോമയിലായ ഒമ്പത് വയസ്സുകാരി ദൃഷാനക്ക് ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം. വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്. ഹൈക്കോടതിയുടെയും ലീഗല് സര്വീസ് അതോറിറ്റിയുടെയും ഇടപെടലിലാണ് ദൃഷാനയുടെ കുടുംബത്തിന്റെ നിയമപോരാട്ടത്തില് നിര്ണായകമായത്. അപകടത്തിന് കാരണക്കാരായ കാര് ഇന്ഷുറന്സ് എടുത്ത കമ്പനിയാണ് ദൃഷാനയുടെ കുടുംബത്തിന് 1.15 കോടി രൂപ നഷ്ടപരിഹാരമായി നല്കേണ്ടതെന്നാണ് എംഎസിടി കോടതിയുടെ ഉത്തരവ്.
2024 ഫെബ്രുവരി 14നാണ് അപകടമുണ്ടായത്. അപകടത്തില് കോമയിലായ ദൃഷാനയും മുത്തശ്ശി ബേബിയും വടകര ചേറോട് ദേശീയപാത മുറിച്ചുകടക്കുന്നതിനിടെയാണ് കാര് ഇടിച്ചുതെറിപ്പിച്ചത്. ഇടിയുടെ ആഘാതത്തില് ബേബി തല്ക്ഷണം മരിച്ചിരുന്നു. കുട്ടി അന്ന് മുതല് കോമയിലേക്ക് വീഴുകയായിരുന്നു.
ഇരുവരെയും ഇടിച്ച കാര് നിര്ത്താതെ പോയിരുന്നു. ഹൈക്കോടതി സ്വമേധയാ കേസെടുക്കുകയും പ്രത്യേക അന്വേഷണ സംഘത്തെ രൂപീകരിക്കുകയും ചെയ്തിരുന്നു. ഇതിനെ തുടര്ന്നുള്ള അന്വേഷണത്തിലാണ് അപകടത്തിന് പത്ത് മാസങ്ങള്ക്ക് ശേഷം കാറുടമയെയും കാറിനെയും പൊലീസ് കണ്ടെത്തുന്നത്. നൂറുകണക്കിന് വര്ക്ക്ഷോപ്പുകളും സിസിടിവി ദൃശ്യങ്ങളും ശേഖരിച്ചതിന് പിന്നാലെയാണ് പ്രതിയെ പിടികൂടിയത്.
kerala
രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഉണ്ടാവില്ല; ഗീവര്ഗീസ് മാര് കൂറിലോസ്
ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു.
മമ്മൂട്ടിയുടെ അഭിനയത്തെ കുറിച്ചുള്ള കുറിപ്പുമായി യാക്കോബായ നിരണം ഭദ്രാസനാധിപന് ഗീവര്ഗീസ് മാര് കൂറിലോസ്. തന്റെ രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഇന്ത്യന് സിനിമയില് ഉണ്ടാവില്ലെന്നും ഗീവര്ഗീസ് മാര് കൂറിലോസ് പറഞ്ഞു. ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു. മമ്മൂട്ടിയെ ഇളം തലമുറ പാഠപുസ്തകമാക്കണം എന്നും അദ്ദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂർണരൂപം:
kerala
തദ്ദേശ തിരഞ്ഞെടുപ്പ്; ക്രിസ്മസ് പരീക്ഷ പുനക്രമീകരിച്ചു; ഡിസംബര് 15 മുതല് 23 വരെ പരീക്ഷ
ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്.
സംസ്ഥാനത്തെ തദ്ദേശ തിരഞ്ഞെടുപ്പിന്റെ പശ്ചാത്തലത്തില് സ്കൂളുകളിലെ ക്രിസ്മസ് പരീക്ഷ പുനക്രമീകരിച്ചു. 1 മുതല് 10 വരെയുള്ള ക്ലാസുകള്ക്ക് ഡിസംബര് 15 മുതല് 23 വരെയാണ് പരീക്ഷ നടക്കുക. ഡിസംബര് 23 ന് സ്കൂളുകളില് ക്രിസ്മസ് അവധി തുടങ്ങും. ജനുവരി അഞ്ചിന് ക്ലാസുകള് പുനരാരംഭിക്കും. അക്കാദമിക് കലണ്ടര് അനുസരിച്ച് നേരത്തെ 19 ന് അവധി തുടങ്ങുന്ന തരത്തിലായിരുന്നു ടൈം ടേബിള്. നേരത്തെ രണ്ട് ഘട്ടങ്ങളിലായി പരീക്ഷ നടത്താന് ആയിരുന്നു തീരുമാനം. എന്നാല് തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് സ്കൂളുകള് തെരഞ്ഞെടുപ്പ് ആവശ്യങ്ങള്ക്കായി വിട്ടു നല്കേണ്ടതിനാല് പരീക്ഷ ഡിസംബര് 15 മുതല് 23 വരെ ഒറ്റഘട്ടമായി നടത്താനാണ് നീക്കം.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
india1 day agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
News3 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം