പാലക്കാട് ധോണി ജനവാസ മേഖലയിൽ നിന്ന് വനം വകുപ്പ് മയക്കുവെടി വച്ച് പിടികൂടിയ പിടി 7 കാട്ടാനയ്ക്ക് കാഴ്ചശക്തിയില്ലെന്ന് കണ്ടെത്തി. പിടികൂടുമ്പോൾ തന്നെ ആനയ്ക്ക് വലത് കണ്ണിന് കാഴ്ചശക്തിയുണ്ടായിരുന്നില്ലെന്നാണ് അനുമാനം. പെല്ലറ്റ് തറച്ചതോ അപകടത്തിലോ ആകാം കാഴ്ച ശക്തി നഷ്ടമായതെന്നാണ് ഹൈക്കോടതി നിയോഗിച്ച സമിതിയുടെ കണ്ടെത്തൽ. പ്രദേശത്തെ ജനവാസ മേഖലയിൽ നാല് വർഷത്തോളം ഭീതി വിതച്ച ടസ്കർ സെവൻ (പിടി 7) എന്ന കൊമ്പനെ മയക്കുവെടിവച്ചു പിടികൂടുകയായിരിക്കുന്നു. നിലവിൽ ധോണിയിൽ കുങ്കിയാനയാക്കാനുള്ള പരിശീലനത്തിലാണ്.ധോണി എന്നാണ് ഇതിന് വനം വകുപ്പ് നൽകിയ പേര്.