പാലക്കാട് വാളയാറില് ഷോക്കേറ്റ് അച്ഛനും മകനും മരിച്ചു. അട്ടപ്പള്ളം സ്വദേശി മോഹന് (60), മകന് അനിരുദ്ധ് (20) എന്നിവരാണ് മരിച്ചത്. ഇന്ന് വൈകിട്ട് ആറരയോടെയായിരുന്നു സംഭവം. വീടിന് സമീപത്തെ കൃഷിയിടത്തില് സ്ഥാപിച്ച പന്നിക്കെണിയില് നിന്ന് ഷോക്കേറ്റതാണെന്നാണ് പ്രാഥമിക നിഗമനം. മൃതദേഹങ്ങള് പാലക്കാട് ജില്ലാ ആശുപത്രി മോര്ച്ചറിയിലേക്ക് മാറ്റി.
വാളയാര് പൊലീസ് സ്ഥലത്തെത്തി നടപടികള് ആരംഭിച്ചു.