GULF
യുഎഇയിലെ അഞ്ച് എമിറേറ്റുകളിലെ ഇന്ഷുറന്സ് പ്രീമയയവും ആനുകൂല്യങ്ങളും
സ്വകാര്യ മേഖലയിലെ തൊഴിലാളികളെയും വീട്ടുജോലിക്കാരെയും ലക്ഷ്യമിട്ട് പുതുതായി അവതരിപ്പിച്ച ഇന്ഷുറന്സ് പാക്കേജ് ദുബായ് കെയര് നെറ്റ്വര്ക്കിലൂടെ ലഭ്യമാണ്.

അബുദാബി: സ്വകാര്യ മേഖലയിലെ തൊഴിലാളികളെയും വീട്ടുജോലിക്കാരെയും ലക്ഷ്യമിട്ട് പുതുതായി അവതരിപ്പിച്ച ഇന്ഷുറന്സ് പാക്കേജ് ദുബായ് കെയര് നെറ്റ്വര്ക്കിലൂടെ ലഭ്യമാണ്. തൊഴില് ദാതാക്കള് തങ്ങളുടെ തൊഴിലാളികള്ക്ക് ചുരുങ്ങിയ ചെലവില് നല്കുന്ന ആനുകൂല്യമാണ്. മാത്രമല്ല, തങ്ങളുടെ തൊഴിലാളികള്ക്കുവേണ്ടി വഹിക്കാവുന്ന ചികിത്സാ ചെലവുകളേക്കാള് ഈ തുക വളരെ കുറവാണെന്ന് ബന്ധപ്പെട്ട മന്ത്രാലയം തന്നെ വ്യക്തമാക്കുന്നുണ്ട്. ഇന്ഷുറന്സ് പോളിസിക്ക് രണ്ടുവര്ഷത്തെ കാലാവധിയുണ്ടായിരിക്കും. ഇടയ്ക്ക് വിസ റദ്ദാക്കിയാല് രണ്ടാം വര്ഷ പ്രീമിയം തുക തിരികെ ലഭിക്കുന്നതാണ്. അടിസ്ഥാന ഇന്ഷുറന്സ് പാക്കേജിന് പ്രതിവര്ഷം 320 ദിര്ഹമാണ് ഈടാക്കുക.
ഒരുവയസ്സുമുതല് 64 വയസ്സ് വരെ പ്രായമുള്ളവരെ ഇതില് ഉള്പ്പെടുത്തിയിട്ടുണ്ട്. എന്നാല് തങ്ങളുടെ നിലവിലുള്ള രോഗവിവരങ്ങളെക്കുറിച്ച് പ്രത്യേകം ഫോറത്തില് പൂരിപ്പിച്ചു അനുബന്ധ മെഡിക്കല് റിപ്പോര്ട്ട് സഹിതം നല്കേണ്ടതാണ്. കിടത്തിചികിത്സക്ക് 20 ശതമാനം തുക കോപെയിമെന്റ് നടത്തേണ്ടതാണ്. ഔട്ട്പേഷ്യന്റ്, ഡയഗ്നോസ്റ്റിക് പരിശോധനകള് അല്ലെങ്കില് ആശുപത്രിയിലെ ചെറിയ നടപടിക്രമങ്ങള് ആവശ്യമുള്ള രോഗികള് എന്നിവര് കോ-പേയ്മെന്റ് 25ശതമാനം നല്കണം. ഏഴുദിവസത്തിനക മുള്ള രണ്ടാം സന്ദര്ശനത്തിന് വീണ്ടും കോ പെയ്മെന്റ് നല്കേണ്ടതില്ല. മരുന്നുകള്ക്ക് 30 ശതമാനം പണം നല്കേണ്ടതാണ്. മരുന്നുകളുടെ വാര്ഷിക പരിധി 1500 ദിര്ഹമായിരിക്കും.നിലവില് ഏഴ് ആശുപത്രികളും 46 ക്ലിനിക്കുകളും മെഡിക്കല് സെന്ററുകളും 45 ഫാര്മസികളുമാണ് ഇതില് പങ്കാളികളാകുന്നത്. തൊഴിലാളിയുടെ കുടുംബത്തില്നിന്നുള്ള ആശ്രിതരെ ഇന്ഷുറന്സ് പോളിസിയില് വ്യക്തമാക്കിയിട്ടുള്ള അതേ ആനുകൂല്യങ്ങള് ലഭിക്കുന്നതിന് അധികം പണം നല്കി ചേര്ക്കാന് കഴിയുമെന്നതും ആശ്വാസകരമാണ്.
നാളെ മുതല് തൊഴിലുടമകള്ക്ക് പുതിയ ഇന്ഷുറന്സ് പാക്കേജ് ദുബൈ കെയര് നെറ്റ്വര്ക്ക് വഴിയോ അംഗീകൃത ഇന്ഷുറന്സ് കമ്പനികളില് നിന്ന് ഇന്ഷുറന്സ് പൂള് വെബ്സൈറ്റും സ്മാര്ട്ട് ആപ്ലിക്കേഷനും വഴിയോ പോളിസി എടുക്കാന് കഴിയും.
64 വയസ്സുവരെയുള്ളവര്ക്ക് ആനുകൂല്യം; പ്രായം ചെന്ന പ്രവാസികള്ക്ക് വലിയ ആശ്വാസം
അബുദാബി: പുതിയ ആരോഗ്യ ഇന്ഷുറന്സ് പദ്ധതിയില് 64 വയസ്സുവരെയുള്ളവര്ക്ക് ആനുകൂല്യം ലഭിക്കുമെന്നത് പ്രായം ചെന്ന പ്രവാസികള്ക്ക് നല്കുന്ന ആശ്വാസം ചെറുതല്ല. നിലവില് അബുദാബിയില് 60 വയസ്സിനുമുകളിലുള്ളവര് ഉയര്ന്ന പ്രീമിയം നല്കണമെന്നതാണ്വ്യവസ്ഥ. എന്നാല് ഷാര്ജ, അജ്മാന്, ഉമ്മുല്ഖുവൈന്, റാസല്ഖൈമ, ഫുജൈറ എന്നീ അഞ്ചു എമിറേറ്റുകളിലുള്ളവര്ക്ക് വേണ്ടി ആരംഭിക്കുന്ന ഇന്ഷുറന്സ് പരിരക്ഷ 64 വയസ്സുവരെയുള്ളവര്ക്ക് വരെ അധികം പണം നല്കാതെ ലഭിക്കും.
GULF
റഹീമിന് തടവ് 20 വർഷം തന്നെ; കീഴ്ക്കോടതി വിധി അപ്പീൽ കോടതി ശരിവെച്ചു

റിയാദ്: സൗദി ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ കേസിൽ കീഴ്കോടതി വിധി ശരിവെച്ച് അപ്പീൽ കോടതിയുടെ ഉത്തരവ്. മെയ് 26 നാണ് 20 വർഷത്തെ തടവിന് വിധിച്ചുള്ള കീഴ്ക്കോടതി വിധിയുണ്ടായത്. വിധിക്ക് ശേഷം പ്രോസിക്യൂഷൻ അപ്പീൽ സമർപ്പിച്ചതിനെ തുടർന്നാണ് ഇന്ന് രാവിലെ 11 മണിക്ക് അപ്പീൽ കോടതിയിൽ സിറ്റിങ് ഉണ്ടായത്.
19 വർഷം പിന്നിട്ട പ്രതിക്ക് മോചനം അനുവദിക്കണമെന്ന് പ്രതിഭാഗം ആവശ്യപ്പെട്ടെങ്കിലും കോടതി പരിഗണിച്ചില്ല. എന്നാൽ ആവശ്യമെങ്കിൽ പ്രതിഭാഗത്തിന് മേൽക്കോടതിയെ സമീപിക്കാം എന്നും കോടതി പറഞ്ഞു.
റഹീമിന്റെ അഭിഭാഷകാരും ഇന്ത്യൻ എംബസ്സി പ്രതിനിധി സവാദ് യൂസഫും റഹീം കുടുംബ പ്രതിനിധി സിദ്ദീഖ് തുവ്വൂരും ഓൺലൈൻ കോടതിയിൽ ഹാജരായിരുന്നു. കീഴ്ക്കോടതി വിധി ശരിവെച്ച അപ്പീൽ കോടതിയുടെ വിധി ആശ്വാസകരമാണെന്ന് വിധിക്ക് ശേഷം റിയാദ് റഹീം സഹായ സമിതി അറിയിച്ചു.
GULF
യമനിലെ ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ 16ന്
ഉത്തരവ് ജയില് അധികൃതര്ക്ക് കൈമാറി

ന്യൂഡല്ഹി: യെമന് സ്വദേശിയെ കൊന്ന കേസില് ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ പതിനാറിന് നടപ്പാക്കാന് ഉത്തരവ്. യെമനിലെ പബ്ലിക് പ്രോസിക്യൂട്ടറാണ് ഉത്തരവിട്ടത്. ഉത്തരവ് ജയില് അധികൃതര്ക്ക് കൈമാറി.
അതേസമയം, കൊല്ലപ്പെട്ട തലാലിന്റെ കുടുംബം ദയാധനമായി ആവശ്യപ്പെട്ടത് 8.57 കോടി രൂപയാണ്. 2017 മുതല് സനായിലെ ജയിലിലാണ് നിമിഷപ്രിയ. അതിനിടെ മോചനശ്രമങ്ങള് പലപ്പോഴായി നടന്നെങ്കിലും ഫലപ്രാപ്തിയില് എത്തിയില്ല.
തലാലിന്റെ കുടുംബത്തെ നാളെ കാണുമെന്നും വധശിക്ഷ ഒഴിവാക്കാന് ഏക പോംവഴി കുടുംബത്തിന്റെ മാപ്പാണെന്നുംന്നും യെമനിലെ മനുഷ്യാവകാശ പ്രവര്ത്തകന് സാമുവല് ജെറോം പറഞ്ഞു. വധശിക്ഷയ്ക്കുള്ള ഉത്തരവ് ജയിലില് എത്തിയതായും സൗദിയിലെ ഇന്ത്യന് എംബസിക്ക് കൈമാറിയതായും അദ്ദേഹം പറഞ്ഞു.
2017 ജൂലൈയില് യെമന് പൗരനായ തലാല് അബ്ദു മെഹ്ദിയെ കൊലപ്പെടുത്തിയ കേസില് തടവിലായ പാലക്കാട് സ്വദേശിനി നിമിഷ പ്രിയയെ യെമന് കോടതി വധശിക്ഷക്ക് വിധിച്ചിരുന്നു. 2020-ല് സനയിലെ വിചാരണ കോടതിയും യെമന് സുപ്രീം കോടതിയുമാണ് നിമിഷക്ക് വധശിക്ഷ വിധിച്ചത്.
GULF
സുംബാ വിഷയത്തില് പ്രതികരിച്ച അധ്യാപകനെതിരായ സര്ക്കാര് നടപടി പിന്വലിക്കണം: അല്ഖോബാര് ഇന്ത്യന് ഇസ്ലാഹി സെന്റര്

അല് ഖോബാര്: കേരളത്തിലെ പോതുവിദ്യാലയങ്ങളില് വിദ്യാര്ത്ഥി സമൂഹത്തിന്റെ ഭാവിയെ അവതാളത്തിലാക്കാന് കാരണമായേക്കാവുന്ന തരത്തിലുള്ള പുതിയ പദ്ധതികള് യാതൊരു ചര്ച്ചയോ കൂടിയാലോചനയോ കൂടാതെ തികച്ചും ഏകാധിപത്യ രീതിയില് തിടുക്കത്തില് അടിച്ചേല്പ്പിക്കാനുള്ള നീക്കത്തെ ജനാധിപത്യ രീതിയില് ഭരണഘടന പൗരന് നല്കുന്ന അഭിപ്രായ സ്വാതന്ത്ര്യമുപയോഗിച്ച് പ്രതികരിച്ചതിന്റെ പേരില് സ്കൂള് അധ്യാപകനും വിസ്ഡം ഇസ്ലാമിക് ഓര്ഗനൈസേഷന് സംസ്ഥാന ജനറല് സെക്രട്ടറിയുമായ ടി. കെ. അഷ്റഫിനെ ജോലിയില് നിന്ന് സസ്പെന്റ് ചെയ്ത നടപടി തീര്ത്തും അപലപനീയമാണെന്ന് അല് ഖോബാര് ഇന്ത്യന് ഇസ്ലാഹീ സെന്റര് എക്സിക്യുട്ടീവ് കമ്മിറ്റി പ്രസ്താവിച്ചു.
ഏതൊരു പൗരനും അഭിപ്രായ സ്വാതന്ത്ര്യം ഭരണഘടനാനുസൃതമായി അനുവദിക്കപ്പെട്ട ഒരു ദേശത്ത് ഒരു വിധത്തിലുള്ള ചര്ച്ചകള്ക്കും വേദിയൊരുക്കാതെ, അധ്യാപക വിദ്യാര്ത്ഥി സമൂഹത്തിനുമേല് സര്ക്കാര് പൊടുന്നനെ അടിച്ചേല്പ്പിച്ച സൂംബാ ഡാന്സ് വിഷയത്തില് പ്രതികരിച്ചതിന്നാണ് നടപടി.
ജനാധിപത്യ മൂല്യങ്ങള് കാത്തുസൂക്ഷിക്കുന്ന കേരളീയ പൊതുസമൂഹത്തിന്റെ ഭരഘടനാ അവകാശങ്ങള്ക്ക് മേലുള്ള കടന്നുകയറ്റമായേ സര്ക്കാരിന്റെ ഇത്തരം സമീപനങ്ങളെ കാണാനാകൂ എന്നും യോഗം വിലയിരുത്തി.
സമൂഹത്തെ പൊതുവിലും കലാലയങ്ങളില് പ്രത്യേകിച്ചും വ്യാപകമായിക്കൊണ്ടിരിക്കുന്ന ലഹരി എന്ന മഹാവിപത്തിനെതിരെ ശക്തവും ക്രിയാത്മകവുമായ ബോധവല്ക്കരണ പ്രവര്ത്തനങ്ങള്ക്ക് നേതൃത്വം നല്കിവരുന്ന വിസ്ഡം ഇസ്ലാമിക് ഓര്ഗനൈസേഷന്റെ നേതൃസ്ഥാനത്തുള്ള ടി കെ അഷ്റഫിന്റെ പ്രസ്താവനയെയും ഒപ്പം സമൂഹത്തില് നിന്നും ഉയര്ന്നുവന്ന വിയോജിപ്പുകളെയും ദുര്വ്യാഖ്യാനിച്ച് സ്ത്രീ വിരുദ്ധതയായും പ്രാകൃതമായും ചിത്രീകരിക്കുവാനും ചില പദ പ്രയോഗങ്ങളുടെ ചാപ്പ കുത്തി വിയോജിക്കുന്നവരെ അരികുവല്ക്കരിക്കുവാനുമുള്ള ശ്രമങ്ങള് അങ്ങേയറ്റം പ്രതിഷേധാര്ഹാമാണ്. മര്മ്മ പ്രധാനമായ വിഷയത്തില് നിന്ന് ശ്രദ്ധ തിരിച്ചു മതത്തെയും സംസ്കാരത്തെയും തെറ്റിദ്ധരിപ്പിക്കുന്ന തരത്തിലേക്ക് ചുരുക്കം ചില വാര്ത്താ ചാനലുകളിലെയും സാമൂഹ്യ മാധ്യമങ്ങളിലെയും ചര്ച്ചകള് വഴിമാറ്റപ്പെട്ടു കൊണ്ടിരിക്കുന്നു എന്നത് ഖേദകരമാണ്.
ധാര്മ്മിക മാനവിക സാംസ്കാരിക മൂല്യങ്ങള് കാത്തു സൂക്ഷിക്കുന്ന, കുടുംബത്തിനും നാടിനും പ്രയോജനകരമാവുന്ന സംസ്കാരസമ്പരായ ഒരു സമൂഹത്തെ വാര്ത്തെടുക്കേണ്ട കലാലയങ്ങളെ ആഭാസങ്ങളിലേക്ക് വഴിതിരിച്ചു വിടാന് മാത്രം പര്യാപ്തമാകുന്ന വേണ്ടത്ര പഠനങ്ങള് നടത്താതെ പ്രയോഗവല്ക്കരിക്കാന് ശ്രമിക്കുന്ന ഇത്തരം സാംസ്കാരിക അധിനിവേശങ്ങള്ക്കെതിരെ സമൂഹം ഉണരണമെന്നും, എതിര് ശബ്ദങ്ങള് ഇല്ലാതാക്കാന് ശ്രമിക്കുന്ന ഇത്തരം ജനാധിപത്യ വിരുദ്ധ നടപടികളില് നിന്ന് സര്ക്കാര് പിന്മാറണമെന്നും അധ്യാപകനെതിരായ സസ്പെന്ഷന് നടപടി പിന്വലിക്കണമെന്നും ബിവി സക്കരിയ്യയുടെ അദ്ധ്യക്ഷതയില് ചേര്ന്ന എക്സിക്യുട്ടീവ് പ്രസ്താവനയില് ആവശ്യപ്പെട്ടു. സെന്റര് സെക്രട്ടറി ഫക്രുദ്ദീന് പാടൂര് സ്വാഗതം പറഞ്ഞു.അന്വര്ഷാ പ്രമേയം അവതരിപ്പിച്ചു അബ്ദുല് ലത്തീഫ് നന്ദി പറഞ്ഞു.
-
kerala2 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
india1 day ago
ഗുജറാത്തില് പാലം തകര്ന്ന് അപകടം; രണ്ട് മരണം; അഞ്ച് വാഹനങ്ങള് നദിയില് വീണു
-
india3 days ago
തമിഴ്നാട്ടില് സ്കൂള് ബസില് ട്രെയിനിടിച്ച് അപകടം; നാല് വിദ്യാര്ത്ഥികള്ക്ക് ദാരുണാന്ത്യം
-
kerala2 days ago
മുഖ്യമന്ത്രിയുടെ ആരോഗ്യകേരളം നമ്പര് വണ് അവകാശവാദം; ആരോഗ്യരംഗം ശോചനീയ അവസ്ഥയിലാണെന്ന് താന് നേരിട്ടറിഞ്ഞു: പുത്തൂര് റഹ്മാന്
-
kerala2 days ago
തലപ്പാറയില് കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി
-
News3 days ago
സ്വതന്ത്ര ഫലസ്തീന് രാഷ്ട്രം ഇസ്രാഈലിന് ഭീഷണിയാകുമെന്ന് നെതന്യാഹു
-
kerala1 day ago
കീം പരീക്ഷ ഫലം റദ്ദാക്കി ഹൈകോടതി
-
News2 days ago
ചെങ്കടലില് ഗ്രീക്ക് കപ്പലിനു നേരെ ഡ്രോണ് സ്പീഡ് ബോട്ട് ആക്രമണം; നാല് ജീവനക്കാര് കൊല്ലപ്പെട്ടു