Video Stories
ഇന്തോനേഷ്യയില് പ്രളയം; 19 മരണം

ജക്കാര്ത്ത: ഇന്തോനേഷ്യയിലെ ജാവാ ദ്വീപില് കനത്ത നാശനഷ്ടം വിതച്ച് ചുഴലിക്കാറ്റ്. ശക്തമായ ചുഴലിക്കാറ്റില് 19 പേര് മരണപ്പെട്ടു. ചെമ്പകയിലും ജാവായിലുമാണ് പ്രളയം കനത്തത്. ജാവയില് 15 പേര് കൊല്ലപ്പെട്ടപ്പോള് ചെമ്പകയില് നാല് പേരുടെ ജീവനാണ് പ്രളയം കവര്ന്നത്. ആയിരക്കണക്കിന് വീടുകള് വെള്ളത്തിലായി. ഹെക്ടര് കണക്കിന് കാര്ഷിക മേഖല വെള്ളത്തില് അമര്ന്നതായും പൊതുസേവനം താറുമാറായതായും വാര്ത്താ ഏജന്സികള് വ്യക്തമാക്കി.
ചൊവ്വാഴ്ച കൊടുങ്കാറ്റിനുശേഷം വെള്ളപ്പൊക്കം ഉണ്ടായതിനാല് റോഡുകളും, ഗ്രാമങ്ങളും, വീടുകളും വെള്ളത്തിനടിയിലാണ്. മണ്ണിടിച്ചിലില് അകപ്പെട്ട് കൂടുതല് ആളുകള് കുടുങ്ങി കിടക്കുന്നതായും, നിരവധി നാശനഷ്ടങ്ങള് ഉണ്ടായതായും അധികൃതര് അറിയിച്ചു. സമീപത്തുള്ള രണ്ടു വിമാനത്താവളം താല്ക്കാലികമായി അടച്ചിരുന്നു. എന്നാല് വീണ്ടും തുറന്നു. അഗ്നിപര്വ്വത സ്ഫോടനത്തിന്റെ ഭയത്തില് ഇന്തോനേഷ്യയിലെ വിമാന സര്വീസുകള്ക്ക് കര്ശന നിയന്ത്രണം ഏര്പ്പെടുത്തിയിരിക്കുകയാണ്.
പ്രളയത്തെ തുടര്ന്ന് ചെമ്പകയില് ക്ഷാമം കടുത്തു. പ്രളയം പലരുടെയും സാധന സാമഗ്രികളും സമ്പാദ്യങ്ങളും കവര്ന്നിരിക്കുകയാണ്. മറ്റു രാജ്യങ്ങളോട് രാജ്യം സഹായം തേടിയിട്ടുണ്ട്. ഇന്തോനേഷ്യയില് തുടര്ച്ചയായി പ്രളയവും പ്രകൃതി ക്ഷോഭങ്ങളും അരങ്ങേറുകയാണെന്നും വാര്ത്താ ഏജന്സികള് വ്യക്തമാക്കി. കഴിഞ്ഞയിടെ ബാലിയിലുണ്ടായ പ്രളയത്തില് 12 പേര് കൊല്ലപ്പെട്ടു. സെപ്റ്റംബറില് ഗാരൂത്തിലുണ്ടായ മറ്റൊരു പ്രളയത്തില് 30 പേരാണ് കൊല്ലപ്പെട്ടത്.
kerala
പാദപൂജ വിവാദം; സ്കൂളുകളില് മതപരമായ പരിപാടികള്ക്ക് നിയന്ത്രണമേര്പ്പെടുത്താന് വിദ്യാഭ്യാസ വകുപ്പ്
തപരമായ ഉള്ളടക്കമുള്ള ചടങ്ങുകള്ക്ക് പൊതു മാനദണ്ഡം രൂപീകരിക്കാനാണ് നീക്കം.

പാദപൂജ വിവാദത്തിന് പിന്നാലെ സംസ്ഥാനത്തെ സ്കൂളുകളില് മതപരമായ പരിപാടികള്ക്ക് നിയന്ത്രണം ഏര്പ്പെടുത്താനുള്ള നീക്കവുമായി വിദ്യാഭ്യാസ വകുപ്പ്. മതപരമായ ഉള്ളടക്കമുള്ള ചടങ്ങുകള്ക്ക് പൊതു മാനദണ്ഡം രൂപീകരിക്കാനാണ് നീക്കം. പ്രാര്ത്ഥനാ ഗാനം അടക്കം പരിഷ്കരിക്കാനും നീക്കമുണ്ട്.
പാദപൂജ വിവാദങ്ങളുടെ പശ്ചാത്തലത്തിലാണ് പൊതു വിദ്യാഭ്യാസ വകുപ്പിന്റെ ഇടപെടല്. അക്കാദമിക കാര്യങ്ങളില് മത സംഘടനകളുടെ ഇടപെടല് വര്ദ്ധിച്ചു വരുന്നതിനാല് സമഗ്ര പരിഷ്കരണത്തിന് ഒരുങ്ങുകയാണ് വിദ്യാഭ്യാസ വകുപ്പ്.
ആദ്യഘട്ടത്തില് പ്രാര്ത്ഥനാ ഗാനം പരിഷ്കരിക്കാനാണ് ആലോചന. വിശദമായ പഠനത്തിന് ശേഷമാകും അന്തിമ തീരുമാനം.
പാദപൂജയെ ന്യായീകരിച്ച ഗവര്ണര്ക്കെതിരെ വിദ്യാര്ഥി യുവജന സംഘടനകള് രംഗത്ത് വന്നിരുന്നു. കുട്ടികളെക്കൊണ്ട് കാല് പിടിപ്പിക്കുന്നത് ഏത് സംസ്കാരത്തിന്റെ ഭാഗം ആണ് എന്നായിരുന്നു ഉയര്ന്ന ചോദ്യം.
Video Stories
ഉളിയില് ഖദീജ കൊലക്കേസ്: പ്രതികളായ സഹോദരങ്ങള്ക്ക് ജീവപര്യന്തം
ണ്ടാം വിവാഹം കഴിക്കുന്നതിന്റെ വിരോധത്തില് സഹോദരിയെ കൊലപ്പെടുത്തിയ കേസിലാണ് പ്രതികളായ സഹോദരങ്ങള്ക്ക് ജീവപര്യന്തം ശിക്ഷ.

കണ്ണൂര് ഉളിയില് ഖദീജ കൊലക്കേസില് പ്രതികളായ സഹോദരങ്ങള്ക്ക് ജീവപര്യന്തം. രണ്ടാം വിവാഹം കഴിക്കുന്നതിന്റെ വിരോധത്തില് സഹോദരിയെ കൊലപ്പെടുത്തിയ കേസിലാണ് പ്രതികളായ സഹോദരങ്ങള്ക്ക് ജീവപര്യന്തം ശിക്ഷ. കെ എന് ഇസ്മായില്, കെ എന് ഫിറോസ് എന്നിവരെയാണ് തലശേരി അഡീഷണല് സെഷന്സ് കോടതി ശിക്ഷിച്ചത്. 28കാരിയായ ഖദീജയെ 2012 ഡിസംബര് 12നാണ് കൊലപ്പെടുത്തിയത്.
കൊലപാതകം നടന്ന് 12 വര്ഷത്തിന് ശേഷമാണ് ശിക്ഷാവിധി. ജീവപര്യന്തവും അറുപതിനായിരം രൂപ പിഴയുമാണ് ശിക്ഷ.
കോഴിക്കോട് കോടമ്പുഴ സ്വദേശി ഷാഹുല് ഹമീദിനെ രണ്ടാം വിവാഹം കഴിക്കാന് ഖദീജ തീരുമാനിച്ചിരുന്നു. ഇതിന്റെ വിരോധമാണ് കൊലപാതകത്തിലേക്ക് നയിച്ചത്. മതാചാര പ്രകാരം വിവാഹം നടത്തി തരാമെന്ന് പറഞ്ഞു വിശ്വസിപ്പിച്ച് ഇരുവരെയും ഉളിയിലെ വീട്ടില് എത്തിക്കുകയായിരുന്നു. തുടര്ന്ന് ഖദീജയെ കുത്തി കൊലപ്പെടുത്തുകയായിരുന്നു. സുഹൃത്തിനെ കുത്തിപരുക്കേല്പ്പിക്കുകയും ചെയ്തു.
Video Stories
നിമിഷപ്രിയയുടെ വധശിക്ഷ: ഇതുവരെ സ്വീകരിച്ച നടപടികള് അറിയിക്കാന് കേന്ദ്രത്തിന് നിര്ദേശം നല്കി സുപ്രീംകോടതി
വിഷയത്തില് ഇതുവരെ സ്വീകരിച്ച നടപടികള് അറിയിക്കാന് കേന്ദ്രസര്ക്കാരിന് നിര്ദേശം നല്കി സുപ്രീംകോടതി.

നിമിഷപ്രിയയുടെ വധശിക്ഷയില് അടിയന്തര ഇടപെടല് ആവശ്യപ്പെട്ട് സമര്പ്പിക്കപ്പെട്ട ഹര്ജിയില് ഇടപെട്ട് സുപ്രീംകോടതി. വിഷയത്തില് ഇതുവരെ സ്വീകരിച്ച നടപടികള് അറിയിക്കാന് കേന്ദ്രസര്ക്കാരിന് നിര്ദേശം നല്കി സുപ്രീംകോടതി. അറ്റോര്ണി ജനറല് വഴി സ്വീകരിച്ച നടപടികള് അറിയിക്കാനാണ് നിര്ദേശം. ഹര്ജിയില് ജൂലൈ പതിനാലിന് വിശദവാദം കേള്ക്കുമെന്നും സുപ്രീംകോടതി അറിയിച്ചു. ജസ്റ്റിസ് സുധാന്ഷു ധൂലിയ, ജോയ്മല്ല്യ ബാഗ്ച്ചി എന്നിവര് അടങ്ങിയ ഡിവിഷന് ബെഞ്ചാണ് ഇക്കാര്യം അറിയിച്ചത്.
നിമിഷപ്രിയയുടെ വധശിക്ഷയുമായി ബന്ധപ്പെട്ട വിഷയത്തില് അടിയന്തര ഇടപെടല് ആവശ്യപ്പെട്ട് ‘നിമിഷപ്രിയ അന്താരാഷ്ട്ര ആക്ഷന് കൗണ്സില്’ ആണ് സുപ്രീംകോടതിയില് ഹര്ജി ഫയല് ചെയ്തത്. നിമിഷപ്രിയയുടെ വധശിക്ഷ അടുത്തിരിക്കുന്ന സാഹചര്യത്തിലായിരുന്നു ആക്ഷന് കൗണ്സില് സുപ്രീംകോടതിയെ സമീപിച്ചത്. നിമിഷപ്രിയക്കായി കേന്ദ്രസര്ക്കാര് അടിയന്തര നയതന്ത്ര ഇടപെടല് നടത്തണമെന്നും ദയാധന ചര്ച്ചകള്ക്കായി കേന്ദ്രസര്ക്കാര് ഇടപെടല് നടത്തണമെന്നുമായിരുന്നു ഹര്ജിയിലെ ആവശ്യം. ആക്ഷന് കൗണ്സിലിനായി മുതിര്ന്ന അഭിഭാഷകന് രാകേന്ത് ബസന്ദ് ആണ് ഹാജരായത്. ഹര്ജിയുടെ പകര്പ്പ് അറ്റോര്ണി ജനറലിന് കൈമാറാന് അഭിഭാഷകന് കോടതി നിര്ദേശം നല്കി. ഇതിന് പിന്നാലെയാണ് കേന്ദ്രസര്ക്കാര് സ്വീകരിച്ച നടപടികള് അറ്റോര്ണി ജനറല് വഴി അറിയിക്കാന് സുപ്രീംകോടതി കോടതി നിര്ദേശം നല്കിയത്. കേസിന്റെ സ്വഭാവവും അടിയന്തര സാഹചര്യവും കണക്കിലെടുത്താണ് സുപ്രീംകോടതിയുടെ ഇടപെടല്.
യെമന് പൗരന് കൊല്ലപ്പെട്ട കേസില് യെമനിലെ ജയിലില് കഴിയുന്ന മലയാളി നിമിഷപ്രിയയുടെ വധശിക്ഷ ജൂലൈ 16ന് നടപ്പിലാക്കുമെന്ന് റിപ്പോര്ട്ടുകളുണ്ടായിരുന്നു. ഇത് സംബന്ധിച്ച ഉത്തരവില് യെമനിലെ പബ്ലിക്ക് പ്രോസിക്യൂട്ടര് ഒപ്പുവെച്ചതായാണ് റിപ്പോര്ട്ട്. നിമിഷപ്രിയയുടെ മോചനത്തിന് തലാല് അബ്ദു മഹ്ദിയുടെ കുടുംബം ദയാധനം ആവശ്യപ്പെട്ടെന്ന വിവരവും പുറത്ത് വന്നിരുന്നു. മഹ്ദിയുടെ കുടുംബം ദയാധനമായി ഒരു മില്യണ് ഡോളര് (8.67 കോടി രൂപ) ആണ് ആവശ്യപ്പെട്ടിരിക്കുന്നത്. 2017ലാണ് യെമന് പൗരനായ തലാല് അബ്ദുമഹ്ദി കൊല്ലപ്പെട്ടത്. ശേഷം അബ്ദു മഹ്ദിയുടെ കുടുംബത്തെ നേരില്കണ്ട് മോചനം സാധ്യമാക്കാന് നിമിഷപ്രിയയുടെ കുടുംബം ശ്രമിച്ചിരുന്നെങ്കിലും ഫലം കണ്ടിരുന്നില്ല.
-
india1 day ago
നിമിഷ പ്രിയയുടെ മോചനം; കാന്തപുരം മുസ്ലിയാരുടെ ഇടപെടലില് യെമനില് അടിയന്തര യോഗം
-
india2 days ago
ഡല്ഹിയില് ഫുട്പാത്തില് ഉറങ്ങിക്കിടന്ന അഞ്ചു പേരുടെ മേല് മദ്യപിച്ച് കാര് കയറ്റി; ഡ്രൈവര് അറസ്റ്റില്
-
film3 days ago
പ്രമുഖ നടന് കോട്ട ശ്രീനിവാസ റാവു അന്തരിച്ചു
-
kerala2 days ago
വിജിലന്സിനെ വിവരാവകാശ നിയമത്തിന്റെ പരിധിയില് നിന്ന് ഒഴിവാക്കിയേക്കും
-
kerala3 days ago
കാലിക്കറ്റ് യൂണിവേഴ്സിറ്റി കാമ്പസില് സമരങ്ങള്ക്ക് നിരോധനം; വിദ്യാര്ത്ഥി സംഘടനകള്ക്ക് കത്തയച്ച് പൊലീസ്
-
kerala3 days ago
ബറേലിയില് പരിശീലനത്തിന് പോയ മലയാളി ജവാനെ കാണാനില്ല
-
india3 days ago
തമിഴ്നാട്ടിലെ തിരുവള്ളൂരില് ഡീസല് കയറ്റി വന്ന ട്രെയിനിന് തീപിടിച്ചു
-
kerala2 days ago
പാദപൂജ വിവാദം; സ്കൂളുകളില് മതപരമായ പരിപാടികള്ക്ക് നിയന്ത്രണമേര്പ്പെടുത്താന് വിദ്യാഭ്യാസ വകുപ്പ്