Connect with us

More

സംസ്ഥാനം രൂക്ഷമായ സാമ്പത്തിക പ്രതിസന്ധിയില്‍

Published

on

 

തിരുവനന്തപുരം: സംസ്ഥാനത്തിന്റെ പദ്ധതി ചെലവ് കഴിഞ്ഞ അഞ്ചുവര്‍ഷത്തെ ഏറ്റവും കുറഞ്ഞ നിരക്കിലാണെന്നും അതിരൂക്ഷമായ സാമ്പത്തിക പ്രതിസന്ധിമൂലം വികസന പ്രവര്‍ത്തനങ്ങള്‍ പൂര്‍ണമായും സ്തംഭനാവസ്ഥയിലാണെന്നും കെ.സി ജോസഫ് എം.എല്‍.എ.
ത്രിതല പഞ്ചായത്തുകളുടെ പദ്ധതി ചെലവ് സംസ്ഥാന സര്‍ക്കാര്‍ നിശ്ചയിച്ച മാനദണ്ഡപ്രകാരം സിഡംബര്‍ 31ന് 70 ശതമാനം പൂര്‍ത്തിയാക്കേണ്ടതാണ്. എന്നാല്‍ ഗ്രാമപഞ്ചായത്തുകള്‍ 34 ശതമാനവും ബ്ലോക്ക് പഞ്ചായത്ത് 33 ശതമാനവും ജില്ലാ പഞ്ചായത്തുകള്‍ 18.1 ശതമാനവും മാത്രമാണ് ഇതുവരെ ചെലവഴിച്ചത്. സംസ്ഥാന സര്‍ക്കാരിന്റെ പദ്ധതി ചെലവ് ലഭ്യമായ കണക്കനുസരിച്ച് മുപ്പത് ശതമാനത്തില്‍ താഴെയാണ്. കഴിഞ്ഞ അഞ്ചുവര്‍ഷത്തിനുള്ളിലെ ഏറ്റവും താഴ്ന്ന പദ്ധതി ചെലവാണിത്.
അപ്രഖ്യാപിതമായ ട്രഷറി നിയന്ത്രണം മൂലം ശമ്പള വിതരണമല്ലാതെ മറ്റൊന്നും ട്രഷറിയില്‍ നടക്കുന്നില്ല. ജനുവരി 15 വരെ ട്രഷറി നിയന്ത്രണം പ്രഖ്യാപിച്ച സാഹചര്യത്തില്‍ കോണ്‍ട്രാക്ടര്‍മാര്‍ സമര്‍പിച്ച ബില്ലുകള്‍ മാറിയെടുക്കാന്‍ കഴിയുന്നില്ല. 1600 കോടിയിലേറെ രൂപയുടെ ബില്ലുകള്‍ കിടിശികയായി കിടക്കുകയാണ്. തന്മൂലം പ്രാദേശിക സര്‍ക്കാരുകളുടെ പ്രവര്‍ത്തികളും വികസന പ്രവര്‍ത്തനങ്ങളും പൂര്‍ണമായും ഇന്ന് സ്തംഭനാവസ്ഥയിലാണ്.
എല്ലാവര്‍ക്കും പാര്‍പ്പിടം, ഹരിതകേരളം, ആര്‍ദ്രം തുടങ്ങിയ മിഷനുകളുടെ പ്രവര്‍ത്തനം പരസ്യങ്ങളില്‍ മാത്രം ഒതുങ്ങി. മിഷന്‍ പ്രഖ്യാപിച്ചിട്ട് ഒരു വര്‍ഷം പിന്നിടുന്നു. ഒരു വര്‍ഷത്തിനിടെ ലൈഫ് പദ്ധതിയില്‍ ഒരു വീടിനുപോലും അനുമതി നല്‍കിയിട്ടില്ല. എന്നുമാത്രമല്ല കേന്ദ്ര സര്‍ക്കാരിന്റെ പി.എം.എ.വൈ (പഴയ ഐ.എ.വൈ) പദ്ധതിയും എസ്.സി എസ്.ടി വകുപ്പിന്റെ ഭവനപദ്ധതിയും മരവിപ്പിച്ചതിനാല്‍ പാവപ്പെട്ടവരുടെ ഭവനനിര്‍മാണ പദ്ധതികളും വെള്ളത്തിലായി.
റേഷന്‍ ധാന്യങ്ങള്‍ വാങ്ങാന്‍ എഫ്.സി.ഐക്ക് പണം നല്‍കാന്‍ കഴിയാത്തതു മൂലം അടുത്തമാസം റേഷന്‍ വിതരണം സ്തംഭിക്കാന്‍ പോവുകയാണ്. ഓഖി ദുരിത ബാധിതര്‍ക്ക് കേന്ദ്രം കുറഞ്ഞ വിലയ്ക്ക് നല്‍കിയ 3500 ടണ്‍ അരി പോലും ഏറ്റെടുത്തിട്ടില്ലെന്നത് ധനവകുപ്പിന്റെ കെടുകാര്യസ്ഥത എത്ര ഗുരുതരമാണെന്ന് ബോധ്യപ്പെടുന്നതാണെന്നും കെ.സി ജോസഫ് പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കെഎസ്ആര്‍ടിസി ഡ്രൈവർ യദുവിന്റെ ഹർജി; മേയർക്കെതിരെ കേസെടുക്കാൻ കോടതി നിർദേശം

മേയർ ആര്യ രാജേന്ദ്രൻ, സച്ചിൻ ദേവ്, മേയറുടെ സഹോദരൻ ,സഹോദരന്റെ ഭാര്യ, കണ്ടാലറിയാവുന്ന ഒരാൾ എന്നിവർക്കെതിരെയാകും കേസ്

Published

on

തിരുവനന്തപുരം: മേയര്‍-കെഎസ്ആര്‍ടിസി ഡ്രൈവര്‍ തര്‍ക്കത്തില്‍ ഡ്രൈവര്‍ യദു നല്‍കിയ ഹര്‍ജിയില്‍ കേസെടുക്കാന്‍ കോടതി നിര്‍ദേശം. പരാതി കോടതി പൊലീസിന് കൈമാറി. എഫ്‌ഐആര്‍ ഇട്ട് അന്വേഷിക്കാനാണ് നിര്‍ദേശം.

മേയർ ആര്യ രാജേന്ദ്രൻ, സച്ചിൻ ദേവ്, മേയറുടെ സഹോദരൻ ,സഹോദരന്റെ ഭാര്യ, കണ്ടാലറിയാവുന്ന ഒരാൾ എന്നിവർക്കെതിരെയാകും കേസ്. കോടതി വിധി ലഭിച്ചശേഷം കന്‍റോണ്‍മെന്‍റ് പോലീസ് തുടർനടപടികൾ സ്വീകരിക്കും.

വിധിയിൽ സന്തോഷമെന്ന് യദു പ്രതികരിച്ചു. ആത്മാർത്ഥമായി കോടതി ഇടപെട്ടതിൽ സന്തോഷം. ശരി തന്റെ ഭാഗത്താണെന്ന് തെളിയുമെന്നും യെദു പറഞ്ഞു. ഔദ്യോഗിക കൃത്യനിര്‍വഹണം തടസ്സപ്പെടുത്തിയെന്നും പൊതുഗതാഗതം സ്തംഭിപ്പിച്ചുവെന്നും ചൂണ്ടികാണിച്ചാണ് യദു കോടതിയില്‍ ഹര്‍ജി സമര്‍പ്പിച്ചത്. കുറ്റകൃത്യം ചെയ്യാനായി അന്യായമായി ബസില്‍ അതിക്രമിച്ചുകടന്നതും അന്യായമായി തടഞ്ഞുവെച്ചതും അടക്കമുള്ള കുറ്റങ്ങള്‍ ചുമത്തണമെന്നും ഹര്‍ജിയില്‍ ആവശ്യപ്പെട്ടിരുന്നു.

Continue Reading

india

പൂഞ്ച് ഭീകരാക്രമണം: ഭീകരരുടെ രേഖാചിത്രം പുറത്തുവിട്ടു

ആക്രമണത്തിൽ പരുക്കേറ്റ ഒരാളുടെ നില അതീവ ഗുരുതരമാണ്

Published

on

ശ്രീനഗർ: ജമ്മു കശ്മീരിലെ പൂഞ്ചിൽ വ്യോമസേന വാഹനത്തിനു നേരെയുണ്ടായ ഭീകരാക്രമണത്തിൽ പ്രതികളായ രണ്ടുപേരുടെ രേഖചിത്രം സൈന്യം പുറത്തുവിട്ടു. പാക്കിസ്ഥാൻ തീവ്രവാദികളായ ഇവരെ കണ്ടെത്താൻ സഹായിക്കുന്ന വിവരങ്ങൾ നൽകുന്നവർക്ക് 20 ലക്ഷം രൂപയാണ് പാരിതോഷികം.

ഭീകരാക്രമണത്തിൽ പരുക്കേറ്റ ഒരു വ്യോമസേന ഉദ്യോഗസ്ഥൻ വീരമൃത്യു വരിച്ചു. ആക്രമണത്തിൽ പരുക്കേറ്റ ഒരാളുടെ നില അതീവ ഗുരുതരമാണ്. മൂന്ന് പേരുടെ ആരോഗ്യനില തൃപ്തികരമെന്ന് പ്രതിരോധ വൃത്തങ്ങൾ അറിയിച്ചു. പൂഞ്ച് ഭീകരക്രമണത്തിന് ചൈനീസ് സഹായമെന്നാണ് പ്രാഥമിക നിഗമനം. ശനിയാഴ്ച വൈകുന്നേരം സുരൻകോട്ട് മേഖലയിലെ സനായി ടോപ്പിലേക്ക് വാഹനങ്ങൾ നീങ്ങുന്നതിനിടെ ശശിധറിന് സമീപത്തുവച്ചാണ് ആക്രമണമുണ്ടായത്.

Continue Reading

crime

യുവാവിനെ ഹോക്കി സ്റ്റിക്ക് കൊണ്ട് തലക്കടിച്ച് കൊന്നു

Published

on

ത്യശ്ശുര്‍: കോടന്നൂരില്‍ യുവാവിനെ ഹോക്കി സ്റ്റില്‍ കൊണ്ട് തലക്കടിച്ച് കൊലപ്പെടുത്തി.വെങ്ങിണിശ്ശേരി ശിവപുരം സ്വദേശി മനുവാണ് കൊല പ്പെട്ടത്. മ്യതദേഹം റോഡരികില്‍ ഉപോക്ഷിച്ച നിലയില്‍ കണ്ടെത്തി.

ഇന്നലെ രാത്രി ശിവപുരം കോളനിയിലുണ്ടായ ഒരു കുടുംബ തര്‍ക്കത്തില്‍ മനു ഇടപ്പെട്ടതാണ് കൊലപാതകത്തിലേക്ക് വഴിവച്ചതെന്നാണ് പൊലീസ് പറയുന്നത്. തര്‍ക്കം പരിഹരിക്കാന്‍ മനുഇടപെട്ടിരുന്നു. എന്നാൽ മനുവിനും സംഘർഷത്തിൽ ചെറുതായി പരുക്കേറ്റു. തുടർന്ന്  ആശുപത്രിയിൽ പോയ മനു തിരികെ വരുന്ന വഴി കോടന്നൂരിലെ പെട്രോൾ പമ്പിന് സമീപത്ത് വച്ച് മൂന്നംഗ സംഘം ആക്രമിക്കുകയും തലയ്ക്കടിച്ച് കൊല്ലുകയുമായിരുന്നു. കുടുംബപ്രശ്നത്തിൽ ഇടപെട്ടതിലുള്ള വൈരാഗ്യമാണ് കൊലയ്ക്ക്  കാരണമെന്ന് പൊലീസ് പറഞ്ഞു.

ഹോക്കി സ്റ്റിക്കു കൊണ്ടുള്ള അടിയേറ്റ് വീണ മനുവിനെ റോഡിലുപേക്ഷിച്ച് പ്രതികള്‍ മടങ്ങി. മനുവിന്റെ ഒപ്പമുണ്ടായിരുന്ന സുഹൃത്തായിരുന്നു നാട്ടുകാരെയും പൊലീസിനെയും വിവരമറിയിച്ചത്. പൊലീസെത്തുമ്പോഴേക്കും മനു മരിച്ചിരുന്നു. പ്രതികള്‍ക്കായി അന്വേഷണം ഊര്‍ജിതമാക്കിയതായി ചേര്‍പ്പ് പൊലീസ് പറഞ്ഞു.

Continue Reading

Trending