കര്‍ണാടകയിലെ ചിക്കബല്ലാപുരയില്‍ മുസ്‌ലിം വിദ്യാര്‍ഥിനിക്കൊപ്പം ഹോട്ടലില്‍ ഭക്ഷണം കഴിക്കാനെത്തിയ യുവാവിനു നേരെ ആക്രമണം. ഭഗ്‌വാ ലവ് ട്രാപ്പ് ആണോന്നാരോപിച്ചായിരുന്നു ഇതര സമുദായത്തില്‍പ്പെട്ട യുവാവിനെ ഒരു സംഘം ആക്രമിച്ചത്. സുഹൃത്തിനെ ആക്രമിക്കുന്നത് പ്രതിരോധിച്ച പെണ്‍കുട്ടി സ്റ്റേഷനിലെത്തി പരാതി നല്‍കിയതിന് പിന്നാലെ 2 പേര്‍ അറസ്റ്റിലായി. വായിദ് (20), സദ്ദാം (20) എന്നിവരാണ് അറസ്റ്റിലായത്.

ഒഎംബി റോഡിലെ പ്രമുഖ ചാറ്റ് ഷോപ്പില്‍ ചായകുടിക്കാനെത്തിയതായിരുന്നു കോളേജ് വിദ്യാര്‍ഥിനിയായ 20കാരിയും സുഹൃത്തും. പണ്‍കുട്ടിക്കൊപ്പമുണ്ടായിരുന്ന യുവാവിനെ ഇവര്‍ ചോദ്യം ചെയ്തു. അപകടം മണത്ത ഇരുവരും കടയില്‍ നിന്നിറങ്ങി പോകുന്നതിനിടെ യുവാവിനെ തടഞ്ഞുനിര്‍ത്തി ആക്രമിക്കുകയായിരുന്നു. തടയാന്‍ ശ്രമിച്ച പെണ്‍കുട്ടിയെ സംഘം തള്ളിയിട്ടു. സ്ഥലത്തുണ്ടായിരുന്ന മറ്റ് ആളുകള്‍ ഇടപെട്ടതോടെയാണു അക്രമി സംഘം പിന്‍വാങ്ങിയത്.

ഹോട്ടല്‍ ഉടമയെ കൊലപ്പെടുത്തി മൃതദേഹം കഷണങ്ങളാക്കിയ സംഭവത്തില്‍ ഇലക്ട്രിക് കട്ടര്‍ വാങ്ങിയത് കോഴിക്കോട് നിന്ന്. ഇലക്ട്രിക് കട്ടര്‍ വാങ്ങിയത് സിദ്ദിഖിന്റെ കൊലയ്ക്കുശേഷമാണ്. ട്രോളിബാഗുകളും വാങ്ങിയത് കോഴിക്കോട് നഗരത്തിലെ കടയില്‍ നിന്ന്. സിദ്ദിഖിന്റെ എടിഎം പിന്‍ നമ്പര്‍ ഷിബിലി മുമ്പേ അറിഞ്ഞിരുന്നു.

ഹോട്ടലിലേക്ക് സാധനം വാങ്ങാന്‍ സിദ്ദിഖ് പിന്‍നമ്പര്‍ നല്‍കിയിരുന്നെന്ന് സൂചനയുണ്ട്.
അതേസമയം, കേസില്‍ മൂന്ന് പ്രതികളെ ഇന്ന് തെളിവെടുപ്പിനായി കൊണ്ടുപോകും.
പുലര്‍ച്ചെ എത്തിച്ച ഷിബിലിയേയും ഫര്‍ഹാനയേയും ആഷിക്കിനേയും തിരൂരിനടുത്ത് എത്തിച്ച് തെളിവെടുപ്പ് പൂര്‍ത്തിയാക്കും.

കൊലപാതകത്തില്‍ കൂടുതല്‍ പങ്കുണ്ടെന്ന് കരുതുന്ന ഫര്‍ഹാനയെ വനിത പൊലീസ് ഉദ്യോഗസ്ഥര്‍ അടങ്ങുന്ന പ്രത്യേക സംഘം ചോദ്യം ചെയ്യും.

കൊച്ചി: സ്വര്‍ണം ക്യാപ്‌സൂള്‍ രൂപത്തിലാക്കി ശരീരത്തില്‍ ഒളിപ്പിച്ച് കടത്താന്‍ ശ്രമിച്ച ശ്രീലങ്കന്‍ ദമ്പതികള്‍ അറസ്റ്റില്‍. സംഭവുമായി ബന്ധപ്പെട്ട് ശ്രീലങ്കന്‍ സ്വദേശി സുബൈര്‍ ഭാര്യ ജനുഫര്‍ എന്നിവരാണ് അറസ്റ്റിലായത്.

നെടുമ്പാശ്ശേരി വിമാനത്താവളത്തില്‍ നിന്നാണ് 60 ലക്ഷം രൂപയുടെ സ്വര്‍ണവുമായി ദമ്പതികളെ പിടികൂടിയത്.