Education
ആഫ്ഗാനിലെ അടച്ചിട്ട ഗെയ്റ്റിനു മുന്പില് തലകുനിച്ചിനില്ക്കേണ്ടി വരുന്ന പെണ്കുട്ടികളേ !
ധിക്കാരത്തിന്റെ ശാസനകളിറക്കുന്ന ആ ചില്ലുമേടക്കുനേരെ നിങ്ങളിലാരാണൊരു
ചെറുകല്ലെങ്കിലും ആദ്യമെറിയുക.
സോഷ്യല്മീഡിയ- ഹുസൈര് മുഹമ്മത്
‘ഇഖ്റഅ് ‘.
ഹിറ ഗുഹയില് ധ്യാന നിമഗ്നനായിരിക്കുമ്പോള് ഗബ്രിയേല് മാലാഖ വഴി
മുഹമ്മദ് നബിക്ക് ലഭിച്ച ആദ്യദൈവിക പ്രബോധനമത്രെയിത്.
ആയിരത്തിനാനൂറുവര്ഷങ്ങള്ക്കു ശേഷമാണ് ചരിത്രസ്മൃതികള് ഉറങ്ങിക്കിടക്കുന്ന
ഹിറ ഗുഹസ്ഥിതി ചെയ്യുന്ന ജബലൂനുരിലെ മലകള്ക്കരികെ ഞാനെത്തുന്നത്.
മക്കയില് നിന്ന് മൂന്നു കിലോമീറ്റര് ദൂരമേ ഇവിടേക്കുള്ളു. പൊള്ളുന്ന വെയിലായിരുന്നു അന്നേരം. മലകള്ക്കു മീതെ നിന്ന് ആഞ്ഞടിച്ചു വരുന്ന കാറ്റിനും ചൂട് തന്നെ. എന്നിട്ടും ഏറെനേരം ഞാനാ മലയെതന്നെ നോക്കി നിന്നു.
‘ഇഖ്റഅ് ‘
ആ അശരീരി അപ്പോഴും കേള്ക്കുന്നതുപോലെ എനിക്കപ്പോള് തോന്നിയിരുന്നു.
മനുഷ്യാ നീ വായിക്കുക എന്നാണതിനര്ത്ഥം.
പുരുഷാ നീ മാത്രം വായിക്കൂ എന്നല്ല,
സ്ത്രീയേ നീ വായിക്കണ്ട എന്നുമല്ല.
വായന ഒരു തപസ്യയാണ്. ആദ്യം നമ്മെ വായിക്കുക. പിന്നെ ചുറ്റുപാടുകളെ വായിക്കുക. മറ്റു മനുഷ്യരെ വായിക്കുക. പ്രപഞ്ചത്തിന്റെ നന്മകളെ വായിക്കുക. ചരാചരങ്ങളോട് സ്നേഹം കാണിക്കാനും, ദയയും അനുകമ്പയും കാണിക്കാനും. തിന്മകളെ നിരാകരിക്കാനും
എല്ലാറ്റിനും വേണ്ടി മനുഷ്യാ നീ വായിക്കുക.
എന്നിട്ടുമെന്തേ ഇതേ മതഭരണകൂടം അഫ്ഗാനിസ്ഥാനില് സ്ത്രീകള്ക്കുനേരെ വായനയുടെ വാതായനങ്ങള് കൊട്ടിയടക്കുന്നു. വായനയുടെ വലിയൊരിടമായ സര്വ്വകലാശാലകളില് അവര്ക്ക് ഭ്രഷ്ട് കല്പിക്കുന്നു.
ഇവര് ആരേയാണപ്പോള് നിരാകരിക്കുന്നത്. ദൈവത്തേയോ ?,
അതോ പ്രവാചകനേയോ ?.
ആഫ്ഗാനിലെ യൂണിവേഴ്സിറ്റികളുടെ അടച്ചിട്ട ഗെയ്റ്റിനു മുന്പില് തലകുനിച്ചിനില്ക്കേണ്ടി വരുന്ന
പെണ്കുട്ടികളേ,
ധിക്കാരത്തിന്റെ ശാസനകളിറക്കുന്ന ആ ചില്ലുമേടക്കുനേരെ നിങ്ങളിലാരാണൊരു
ചെറുകല്ലെങ്കിലും ആദ്യമെറിയുക.
Education
എസ്എസ്എല്സി പരീക്ഷ രജിസ്ട്രേഷന് ഇന്ന് ആരംഭിക്കും
ഈ മാസം 30നകം രജിസ്ട്രേഷന് നടപടികള് പൂര്ത്തിയാക്കണമെന്നു പരീക്ഷാഭവന് അറിയിച്ചു.
തിരുവനന്തപുരം: 2026 മാര്ച്ചില് നടക്കുന്ന എസ്എസ്എല്സി, ടിഎച്ച്എസ്എല്സി പരീക്ഷകളുടെ രജിസ്ട്രേഷന് ഇന്ന് ആരംഭിക്കും. ഈ മാസം 30നകം രജിസ്ട്രേഷന് നടപടികള് പൂര്ത്തിയാക്കണമെന്നു പരീക്ഷാഭവന് അറിയിച്ചു. വിജ്ഞാപനത്തില് നല്കിയിരിക്കുന്ന സമയക്രമത്തില് യാതൊരു തരത്തിലുള്ള മാറ്റവും അനുവദിക്കില്ലെന്നും പരീക്ഷാഭവന് സെക്രട്ടറി വ്യക്തമാക്കി.
പരീക്ഷാ ഫീസ് അടച്ചതിനു ശേഷമാണ് വിദ്യാര്ത്ഥികള് രജിസ്ട്രേഷന് ചെയ്യേണ്ടത്. പിഴ കൂടാതെ നാളെ വരെ ഫീസ് അടയ്ക്കാവുന്നതാണ്. നവംബര് 21 മുതല് 26 വരെ 10 രൂപ പിഴയോടെ ഫീസ് അടയ്ക്കാന് സാധിക്കും. തുടര്ന്ന് 350 രൂപ പിഴയോടെ ഫീസ് അടയ്ക്കാനും അവസരം ഉണ്ടായിരിക്കും.
2026 മാര്ച്ച് 5 മുതല് 30 വരെയാണ് പ്രധാന പരീക്ഷകള് നടക്കുക. ഐ.ടി. പരീക്ഷകള് ഫെബ്രുവരി 2 മുതല് 13 വരെ നടത്തും.
Education
പരീക്ഷയില് പിന്നാക്കം നില്ക്കുന്ന വിദ്യാര്ത്ഥികള്ക്ക് പ്രത്യേക പഠനപിന്തുണ നല്കാന് നിര്ദേശം
പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
തിരുവനന്തപുരം: പാദവാര്ഷിക പരീക്ഷകള്ക്കു ശേഷം സ്കൂളുകള് വീണ്ടും തുറന്ന സാഹചര്യത്തില്, പഠനത്തില് പിന്നോക്കം നില്ക്കുന്ന കുട്ടികള്ക്ക് പ്രത്യേക പിന്തുണ നല്കാന് പൊതുവിദ്യാഭ്യാസ വകുപ്പിന്റെ നിര്ദേശം. പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
ഈ മാസം 9-നകം മൂല്യനിര്ണയം പൂര്ത്തിയാക്കി ഉത്തരക്കടലാസുകള് വിദ്യാര്ത്ഥികള്ക്ക് വിതരണം ചെയ്യണം. ഇതിനുശേഷം സെപ്റ്റംബര് 10നും 20നും ഇടയില് ക്ലാസ് പി.ടി.എ യോഗങ്ങള് വിളിച്ചുചേര്ക്കണം. സബ്ജക്ട് കൗണ്സില്, സ്കൂള് റിസോഴ്സ് ഗ്രൂപ്പ് എന്നിവയുടെ നേതൃത്വത്തില് അധിക പഠനപിന്തുണ നല്കുന്നതിനുള്ള കാര്യങ്ങള് ആലോചിച്ച് ആക്ഷന് പ്ലാന് തയ്യാറാക്കണം. താഴ്ന്ന ഗ്രേഡുകളിലുള്ള കുട്ടികളുടെ നിലവാരം മനസ്സിലാക്കി ഡയറ്റ്, എസ്.എസ്.കെ, വിദ്യാഭ്യാസ ഓഫീസര്മാര് തുടങ്ങിയവര് സ്കൂളുകളില് നേരിട്ടെത്തി പഠനപിന്തുണ നല്കണം. ഈ പ്രവര്ത്തനങ്ങളുടെ സമഗ്ര റിപ്പോര്ട്ട് എസ്.എസ്.കെ പൊതുവിദ്യാഭ്യാസ ഡയറക്ടര്ക്ക് നല്കണം.
എ.ഇ.ഒ, ഡി.ഇ.ഒ. എന്നിവര് തങ്ങളുടെ റിപ്പോര്ട്ടുകള് സെപ്റ്റംബര് 25നകം ഡി.ഡി.ഇ.മാര്ക്ക് കൈമാറണം. ഡി.ഡി.ഇ.മാര് ഈ റിപ്പോര്ട്ടുകള് ക്രോഡീകരിച്ച് സെപ്റ്റംബര് 30നകം പൊതുവിദ്യാഭ്യാസ ഡയറക്ടര്ക്ക് നല്കണം. നിരന്തര മൂല്യനിര്ണയം കുട്ടികളുടെ കഴിവുകള്ക്കനുസരിച്ച് മാത്രമാണ് നല്കുന്നതെന്ന് ഉറപ്പുവരുത്തണമെന്നും നിര്ദേശിച്ചിട്ടുണ്ട്. കൂടാതെ, എല്ലാ അധ്യാപകര്ക്കും കോണ്ഫിഡന്ഷ്യല് റിപ്പോര്ട്ട് (സി.ആര്.) രേഖപ്പെടുത്തുന്ന കാര്യം പരിഗണനയിലാണെന്ന് വിദ്യാഭ്യാസ മന്ത്രി ശിവന്കുട്ടി പറഞ്ഞു. അധ്യാപക സംഘടനകളുമായി ഇത് ചര്ച്ച ചെയ്യും. നിലവില് പ്രധാനാധ്യാപകര്ക്ക് മാത്രമാണ് സി.ആര്. ബാധകമാക്കിയിട്ടുള്ളത്.
Education
യു.ജി.സി നെറ്റ് 2025 പരീക്ഷ ഫലം ഉടന് പ്രസിദ്ധീകരിക്കും
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും.
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും. പരീക്ഷ നടത്തി 33 മുതല് 42 ദിവസത്തിനകം ഫലം പ്രസിദ്ധീകരിക്കുന്ന രീതിയിലായിരുന്നു കഴിഞ്ഞ വര്ഷം. ഇത് കണക്കിലെടുത്താല് ഈ വര്ഷം ആഗസ്റ്റ് ഒന്നിനോ ആഗസ്റ്റ് 10നോ യു.ജി.സി നെറ്റ് ഫലം പുറത്തുവരുമെന്നാണ് ലഭിക്കുന്ന സൂചന. ഈ പറഞ്ഞ തീയതികള്ക്കകം ഉറപ്പായും യു.ജി.സി നെറ്റ് പരീക്ഷ ഫലം അറിയാന് സാധിക്കും. പരീക്ഷ എഴുതിയവര്ക്ക് ugcnet.nta.ac.in എന്ന വെബ്സൈറ്റില് കയറി പരിശോധിക്കാവുന്നതാണ്.
ഫലം എങ്ങനെ പരിശോധിക്കാം?
സൈറ്റില് കയറി യു.ജി.സി നെറ്റ് റിസല്റ്റ് 2025 എന്ന ലിങ്കില് ക്ലിക്ക് ചെയ്യുക. അതിനു ശേഷം ലോഗിന് വിവരങ്ങള് നല്കുക. അപ്പോള് ഫലം സ്ക്രീനില് കാണാന് സാധിക്കും. പിന്നീട് മാര്ക്ക് ഷീറ്റിന്റെ പി.ഡി.എഫ് ഡൗണ്ലോഡ് ചെയ്ത് എടുക്കാം.
-
india19 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News20 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala19 hours agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി